ما هو الأفضل حلوان 920 والا كراكال الإماراتي

[Mohamed Alaa Zaazaa]

يا جماعة سؤال لأهل الخبرة ما هو الأفضل الحلوان 920 والا الكراكال الإماراتي
الحي طبعاً

يا ريت يا جماعة إللي عنده معلومة ما يبخلش

[LAWYER2006]

والكركال ده موجود عند مين وسعره كام ؟

[blow c06]

بص ياباشا.. انا ردى ده هيكون اجتهادى منى و الله اعلم.. الحلوان مسدس قديم و غير مطور.. الكراكال مسدس جديد من حوالى 3 سنين بس و الى مصممه واحد من شركة جلوك و هو 95% من الجلوك و تغييرات 5% بس و الكلام ده مكتوب فى مجلات اماراتيه و هو بينافس الهكلر و الوالتر و الماركات العالميه و متفوق عليهم فى الاختبارات و ده برده كلام الاماراتيين و المصنع بتاعهم و كلامهم انهم اختبروه مع الحاجات دى و معاهم شهادات بجودته و منافسته لكل الماركات دى.. المشكله بقى انهم بيبيعوه لجهات فقط وليس لافراد.. يعنى فى الامارات نفسهم مش عارفين يشتروه.. هم بيبيعو لوزارات و جيوش و شرطه و كده بس.. ليه مصر مش بتشترى منهم؟؟؟؟ مش عارف؟؟ الكلام ده صح ولا غلط؟؟؟ الله اعلم... انا نقلتلك الى قريتو على النت

[unknown]

زى ما اخونا بلو قال بالظبط دة وهو نسخة من الجلوك ما عدا اختلافات بسيطة فى الدبشك دة طبعا غير اختلاف الخامة لكن تعالى ندور على قطع الغيار والصيانة هتلاقى ان الحلوان اوفر بكتير ولكن عموما دة بيرجع لأستعمالك للسلاح هل حضرتك بتستعمله للدفاع عن النفس ام للرماية ؟؟

[blow c06]

انا نفسى اعرف الجيش و الشرطه بوعنا ميجيبوش الكراكال ليه ولا هو لازم يجيبو من اوروبا و خلاص

[رجب]

المسدس الكراكال مسدس حديث وذو امكانيات قتالية عالية والمقارنة مع المسدس الحلوان بعيدة

[another_day]

أضيف تساؤلي لتساؤل السيد الأستاذ صاحب الموضوع ....... مع اضافة تساؤل آخر يتعلق بنوع الطلقات ... هل الطلقات المصري تنفع مع الكراكال ولا ممكن تعمل مشاكل زي ما ساعات بنسمع عن مشاكلها مع المسدسات الأجنبية ؟

[elnawawy]

الي كل الاخوة السابقين بالرد
طبنجة حلوان 920 وهو النسخه المصريه من Beretta الايطالي (بترخيص) ويستخدم هذا الموديل المارينز الامريكي بنفس المواصفات وتنتجه الصين تحت اسم qsz 92 ويصعب التفرقه بينهم في الشكل والنسخه الصيني تصنف علي انها رقم 2 في العالم ومواصفاته
- العيار :9مم.
• التشغيل :مزدوج الأداء.
• المدى المؤثر:150-200 متر.
• السرعة الفوهية :350 م / ثانية
• سعة الخزنة:20،• 17،• 15،•10 طلقات.
وحلوان من السدسات دقيقه التصويب وهذا Review يقوم فيه شخص امريكي بأطلاق النار من مسافه 60 قدم - 150 متر - عيبه الازلي ان شكله مش عاطفي كأغلب المنتجات المصرية

YouTube

YouTube

فمسدس يدخل في قائمه افضل 10 مسدسات مرتين مره بالترخيص الايطالي ومره بالصيني يجب ان تفتخر بأن بلدك تصنعه .

[Mohamed Alaa Zaazaa]

يا جماعة أنا متشكر جداً لكل اللي ردو على الموضوع

[شهريار]

الحلوان المعدل 920 صورة طبق الاصل من البريتا الامريكى سلاح البحرية الامريكية وتقريبا مالوش عيوب او اعطال تماما وقوى وبيضرب اى نوع من الطلقات ومصنعه موجود فى مصر وسهل الصيانه عيبه الوحيد شكله قديم شويه مش شكل الطبنجات الحديثة ... السلاح المصرى والله متطور عن كل البلاد العربية وعملى جدا ان فى رأيى طالما الحلوان هو البريتا يبقى الحلوان اكيد افضل

[بسام سعيد]

بس للاسف الاسعار بع الثورة بقت نارررررررررر
انا لسه سال علية في المصنع ب 16350ج
تحياتي

[blow c06]

على فكره هو الحلوان مصنع مصرى بترخيص من بيرتا بس حد بيفهم يقولى لو هو ده نفس المسدس الى من احسن عشرة مسدسات فى العالم ليه امناء الشرطه و العساكر بس الى بيمسكوه و كل الظباط بلا استثناء بيمسكو مسدسات مستورده؟؟؟؟؟!!!!!!!

[unknown]

المشاركة الأصلية كتبت بواسطة blow c06

على فكره هو الحلوان مصنع مصرى بترخيص من بيرتا بس حد بيفهم يقولى لو هو ده نفس المسدس الى من احسن عشرة مسدسات فى العالم ليه امناء الشرطه و العساكر بس الى بيمسكوه و كل الظباط بلا استثناء بيمسكو مسدسات مستورده؟؟؟؟؟!!!!!!!

فى ظباط كتير بيستخدموا الحلوان سواء فى الشرطة او فى الجيش ولكن الموضوع كله ارتياح نفسى انا عن نفسى بعشق البراوننج رغم ان فى ناس كتير متحبوش

[blow c06]

انا ليا اصدقاء فى الشرطه و الجيش و اكدولى ان الظباط كلهم بيمسكو مستورد بس و الحلوان ده للامناء و العساكر و مشهور انه بيخيب كتير و مش كويس... يمكن صناعته بفت وحشه من فتره.. انما الى كلهم بياكدوا عليه انه لايعتمد عليه زى الحاجات التانيه

[unknown]

المشاركة الأصلية كتبت بواسطة blow c06

انا ليا اصدقاء فى الشرطه و الجيش و اكدولى ان الظباط كلهم بيمسكو مستورد بس و الحلوان ده للامناء و العساكر و مشهور انه بيخيب كتير و مش كويس... يمكن صناعته بفت وحشه من فتره.. انما الى كلهم بياكدوا عليه انه لايعتمد عليه زى الحاجات التانيه

حلوان 92 من الأسلحة المعتمدة فى مسابقات الرماية للجيش والشرطة فياريت حضرتك توضحلى يعنى ايه بيخيب؟؟

[blow c06]

يعنى ساعات ميضربش و ترجع الشاكوش بايدك عشان تضرب نفس الطلقه تانى... ممكن المعتمد يكون متجرب و زى مقلت ان غالبا صناعته بقت وحشه لان المصانع المصريه مش بتصرف على التطوير.. يعنى الاسطمبه لما ابعادها تتغير من كتر الشغل بيشغلوها برده مش بيغيروها والله اعلم المصنع المكن الى فيه عامل ايه بس انا سامع والله اعلم انهم بيعدموا مسدسات كتير جديده عشان معيوبه.. اسال اى ظابط شرطه. انه يثق فى حلوان ولا لا و شوف الرد

[شهريار]

فعلا تسليح الامناء حلوان ده حقيقى انما مش حلوان 920 بيسلحوا الامناء بحلوان القديم وده فى عيوب وفرق السماء من الارض بينه وبين حلوان المعدل لان الاخير نسخة من البريتا ومعروف ايه هو البريتا وفعلا ضباط الشرطة مش بيتسلحوا من حلوان وتسليحهم سى زد او سيج زاور للقوات الخاصة انما ضباط الجيش بيتسلحوا حلوان الجديد وكذلك ضباط البحرية الامريكيه لدقته فى التصويب وانعدام اعطاله وتحمله وعلى فكرة حلوان المعدل ارتداده بسيط جدا جدا عن حلوان القديم وسعره حاليا تجاوز 16000 جنيه وهيزيد تانى

[blow c06]

أ. شهريار.. انت المعلومات الى عندك انا سمعتها قبل كده و شكلها صحيح بس كنت عايز اسال حضرتك عن حاجه فى دماغى
احنا بنعمل حلوان المعدل ده من السبعينات.. صح ولا لا؟؟
البريتا الى اتعاقدنا على تصنيعها كان سنة 75 تقريبا او فى الحدود دى و ده الجديد لان حلوان القديم كان سنة حاجه و خمسين على اد معلوماتى الى ممكن يكون فيها غلط..
طيب البريتا دى متعدلتش تانى من السبعينات و هى الى فى احسن عشر مسدسات لحد دلوقتى ولا التقييم ده اصلا قديم هو كمان... انا مش مقتنع ان مسدس متصنع من السبعينات و لسه بينافس على احسن عشر مسدسات لحد النهارده ولا ايه؟؟؟؟ طبعا انا ليا وقت تصميمه و خروجه للدنيه مش عشان احنا بنعمله النهارده يبقى هو من مواليد السنه دى

[mo_lashine]

آخر تحديث للبريتا 92 كان سنة 2010 (92A1 and 96A1
The 92A1 was introduced in 2010, based on elements of 92FS and 90two. The overall shape and styling builds on the 92FS, with an accessory rail on the underside of the frame; internal design reflects the 90two. Model 96A1 is a 92A1 variant chambered for .40 S&W) المصدر ويكيبيديا
والتعديل اللى قبله كان تقريبا سنة 2007 بس الصراحة مش متذكر بالضبط .. وده اللى المصانع الحربية أدخلته على الحوان 920 وأصبحت تبيعه تحت إسم حلوان 980 .. وللأمانه لو بنظرة غير مدققه مش ممكن تلاحظ فرق بين الحلوان والبريتا لكن اما تركز هتلاقى إختلاف فى مكان زر إخراج الخزينة وفى شكل المقبض ونوعية وجودة الطلاء أما غير كده فمش ممكن تلاحظ فروق

[mo_lashine]

ونسيت أضيف إن تسليح أمناء الشرطه هو حلوان 9مللى 8 طلقات القديم وهو single action فقط وليس سلاح سئ بل بالعكس سلاح ممتاز لا يعيبه سوى رد الفعل العنيف نوعا وثقل الوزن .. أما ما يواجهه أفراد الشرطه من معاناة مع هذا السلاح راجعة إلى سوء الإستخدام وعدم التزييت وعدم الصيانه الصحيحة.. وعلى فكرة هذا السلاح هو التسليح الشخصى لضباط القوات المسلحة ويفضله الكثير من مستخدمى السلاح على النسخة الحديثه التى يقال أنها تسخن بشده مع الإستعمال وعمرها الإفتراضى قليل نسبيا بالمقارنة بالنسخة القديمة .