ما هو الأفضل حلوان 920 والا كراكال الإماراتي
 

يا جماعة سؤال لأهل الخبرة ما هو الأفضل الحلوان 920 والا الكراكال الإماراتي
الحي طبعاً

يا ريت يا جماعة إللي عنده معلومة ما يبخلش

رد: ما هو الأفضل حلوان 920 والا كراكال الإماراتي
 

والكركال ده موجود عند مين وسعره كام ؟

رد: ما هو الأفضل حلوان 920 والا كراكال الإماراتي
 

بص ياباشا.. انا ردى ده هيكون اجتهادى منى و الله اعلم.. الحلوان مسدس قديم و غير مطور.. الكراكال مسدس جديد من حوالى 3 سنين بس و الى مصممه واحد من شركة جلوك و هو 95% من الجلوك و تغييرات 5% بس و الكلام ده مكتوب فى مجلات اماراتيه و هو بينافس الهكلر و الوالتر و الماركات العالميه و متفوق عليهم فى الاختبارات و ده برده كلام الاماراتيين و المصنع بتاعهم و كلامهم انهم اختبروه مع الحاجات دى و معاهم شهادات بجودته و منافسته لكل الماركات دى.. المشكله بقى انهم بيبيعوه لجهات فقط وليس لافراد.. يعنى فى الامارات نفسهم مش عارفين يشتروه.. هم بيبيعو لوزارات و جيوش و شرطه و كده بس.. ليه مصر مش بتشترى منهم؟؟؟؟ مش عارف؟؟ الكلام ده صح ولا غلط؟؟؟ الله اعلم... انا نقلتلك الى قريتو على النت

رد: ما هو الأفضل حلوان 920 والا كراكال الإماراتي
 

زى ما اخونا بلو قال بالظبط دة وهو نسخة من الجلوك ما عدا اختلافات بسيطة فى الدبشك دة طبعا غير اختلاف الخامة لكن تعالى ندور على قطع الغيار والصيانة هتلاقى ان الحلوان اوفر بكتير ولكن عموما دة بيرجع لأستعمالك للسلاح هل حضرتك بتستعمله للدفاع عن النفس ام للرماية ؟؟

رد: ما هو الأفضل حلوان 920 والا كراكال الإماراتي
 

انا نفسى اعرف الجيش و الشرطه بوعنا ميجيبوش الكراكال ليه ولا هو لازم يجيبو من اوروبا و خلاص

رد: ما هو الأفضل حلوان 920 والا كراكال الإماراتي
 

المسدس الكراكال مسدس حديث وذو امكانيات قتالية عالية والمقارنة مع المسدس الحلوان بعيدة

رد: ما هو الأفضل حلوان 920 والا كراكال الإماراتي
 

أضيف تساؤلي لتساؤل السيد الأستاذ صاحب الموضوع ....... مع اضافة تساؤل آخر يتعلق بنوع الطلقات ... هل الطلقات المصري تنفع مع الكراكال ولا ممكن تعمل مشاكل زي ما ساعات بنسمع عن مشاكلها مع المسدسات الأجنبية ؟

رد: ما هو الأفضل حلوان 920 والا كراكال الإماراتي
 

الي كل الاخوة السابقين بالرد
طبنجة حلوان 920 وهو النسخه المصريه من Beretta الايطالي (بترخيص) ويستخدم هذا الموديل المارينز الامريكي بنفس المواصفات وتنتجه الصين تحت اسم qsz 92 ويصعب التفرقه بينهم في الشكل والنسخه الصيني تصنف علي انها رقم 2 في العالم ومواصفاته
- العيار :9مم.
• التشغيل :مزدوج الأداء.
• المدى المؤثر:150-200 متر.
• السرعة الفوهية :350 م / ثانية
• سعة الخزنة:20،• 17،• 15،•10 طلقات.
وحلوان من السدسات دقيقه التصويب وهذا Review يقوم فيه شخص امريكي بأطلاق النار من مسافه 60 قدم - 150 متر - عيبه الازلي ان شكله مش عاطفي كأغلب المنتجات المصرية

فمسدس يدخل في قائمه افضل 10 مسدسات مرتين مره بالترخيص الايطالي ومره بالصيني يجب ان تفتخر بأن بلدك تصنعه .

رد: ما هو الأفضل حلوان 920 والا كراكال الإماراتي
 

يا جماعة أنا متشكر جداً لكل اللي ردو على الموضوع

رد: ما هو الأفضل حلوان 920 والا كراكال الإماراتي
 

الحلوان المعدل 920 صورة طبق الاصل من البريتا الامريكى سلاح البحرية الامريكية وتقريبا مالوش عيوب او اعطال تماما وقوى وبيضرب اى نوع من الطلقات ومصنعه موجود فى مصر وسهل الصيانه عيبه الوحيد شكله قديم شويه مش شكل الطبنجات الحديثة ... السلاح المصرى والله متطور عن كل البلاد العربية وعملى جدا ان فى رأيى طالما الحلوان هو البريتا يبقى الحلوان اكيد افضل

رد: ما هو الأفضل حلوان 920 والا كراكال الإماراتي
 

بس للاسف الاسعار بع الثورة بقت نارررررررررر
انا لسه سال علية في المصنع ب 16350ج
تحياتي

رد: ما هو الأفضل حلوان 920 والا كراكال الإماراتي
 

على فكره هو الحلوان مصنع مصرى بترخيص من بيرتا بس حد بيفهم يقولى لو هو ده نفس المسدس الى من احسن عشرة مسدسات فى العالم ليه امناء الشرطه و العساكر بس الى بيمسكوه و كل الظباط بلا استثناء بيمسكو مسدسات مستورده؟؟؟؟؟!!!!!!!

رد: ما هو الأفضل حلوان 920 والا كراكال الإماراتي
 

فى ظباط كتير بيستخدموا الحلوان سواء فى الشرطة او فى الجيش ولكن الموضوع كله ارتياح نفسى انا عن نفسى بعشق البراوننج رغم ان فى ناس كتير متحبوش

رد: ما هو الأفضل حلوان 920 والا كراكال الإماراتي
 

انا ليا اصدقاء فى الشرطه و الجيش و اكدولى ان الظباط كلهم بيمسكو مستورد بس و الحلوان ده للامناء و العساكر و مشهور انه بيخيب كتير و مش كويس... يمكن صناعته بفت وحشه من فتره.. انما الى كلهم بياكدوا عليه انه لايعتمد عليه زى الحاجات التانيه

رد: ما هو الأفضل حلوان 920 والا كراكال الإماراتي
 

حلوان 92 من الأسلحة المعتمدة فى مسابقات الرماية للجيش والشرطة فياريت حضرتك توضحلى يعنى ايه بيخيب؟؟

رد: ما هو الأفضل حلوان 920 والا كراكال الإماراتي
 

يعنى ساعات ميضربش و ترجع الشاكوش بايدك عشان تضرب نفس الطلقه تانى... ممكن المعتمد يكون متجرب و زى مقلت ان غالبا صناعته بقت وحشه لان المصانع المصريه مش بتصرف على التطوير.. يعنى الاسطمبه لما ابعادها تتغير من كتر الشغل بيشغلوها برده مش بيغيروها والله اعلم المصنع المكن الى فيه عامل ايه بس انا سامع والله اعلم انهم بيعدموا مسدسات كتير جديده عشان معيوبه.. اسال اى ظابط شرطه. انه يثق فى حلوان ولا لا و شوف الرد

رد: ما هو الأفضل حلوان 920 والا كراكال الإماراتي
 

فعلا تسليح الامناء حلوان ده حقيقى انما مش حلوان 920 بيسلحوا الامناء بحلوان القديم وده فى عيوب وفرق السماء من الارض بينه وبين حلوان المعدل لان الاخير نسخة من البريتا ومعروف ايه هو البريتا وفعلا ضباط الشرطة مش بيتسلحوا من حلوان وتسليحهم سى زد او سيج زاور للقوات الخاصة انما ضباط الجيش بيتسلحوا حلوان الجديد وكذلك ضباط البحرية الامريكيه لدقته فى التصويب وانعدام اعطاله وتحمله وعلى فكرة حلوان المعدل ارتداده بسيط جدا جدا عن حلوان القديم وسعره حاليا تجاوز 16000 جنيه وهيزيد تانى

رد: ما هو الأفضل حلوان 920 والا كراكال الإماراتي
 

أ. شهريار.. انت المعلومات الى عندك انا سمعتها قبل كده و شكلها صحيح بس كنت عايز اسال حضرتك عن حاجه فى دماغى
احنا بنعمل حلوان المعدل ده من السبعينات.. صح ولا لا؟؟
البريتا الى اتعاقدنا على تصنيعها كان سنة 75 تقريبا او فى الحدود دى و ده الجديد لان حلوان القديم كان سنة حاجه و خمسين على اد معلوماتى الى ممكن يكون فيها غلط..
طيب البريتا دى متعدلتش تانى من السبعينات و هى الى فى احسن عشر مسدسات لحد دلوقتى ولا التقييم ده اصلا قديم هو كمان... انا مش مقتنع ان مسدس متصنع من السبعينات و لسه بينافس على احسن عشر مسدسات لحد النهارده ولا ايه؟؟؟؟ طبعا انا ليا وقت تصميمه و خروجه للدنيه مش عشان احنا بنعمله النهارده يبقى هو من مواليد السنه دى

رد: ما هو الأفضل حلوان 920 والا كراكال الإماراتي
 

آخر تحديث للبريتا 92 كان سنة 2010 (92A1 and 96A1
The 92A1 was introduced in 2010, based on elements of 92FS and 90two. The overall shape and styling builds on the 92FS, with an accessory rail on the underside of the frame; internal design reflects the 90two. Model 96A1 is a 92A1 variant chambered for .40 S&W) المصدر ويكيبيديا
والتعديل اللى قبله كان تقريبا سنة 2007 بس الصراحة مش متذكر بالضبط .. وده اللى المصانع الحربية أدخلته على الحوان 920 وأصبحت تبيعه تحت إسم حلوان 980 .. وللأمانه لو بنظرة غير مدققه مش ممكن تلاحظ فرق بين الحلوان والبريتا لكن اما تركز هتلاقى إختلاف فى مكان زر إخراج الخزينة وفى شكل المقبض ونوعية وجودة الطلاء أما غير كده فمش ممكن تلاحظ فروق

رد: ما هو الأفضل حلوان 920 والا كراكال الإماراتي
 

ونسيت أضيف إن تسليح أمناء الشرطه هو حلوان 9مللى 8 طلقات القديم وهو single action فقط وليس سلاح سئ بل بالعكس سلاح ممتاز لا يعيبه سوى رد الفعل العنيف نوعا وثقل الوزن .. أما ما يواجهه أفراد الشرطه من معاناة مع هذا السلاح راجعة إلى سوء الإستخدام وعدم التزييت وعدم الصيانه الصحيحة.. وعلى فكرة هذا السلاح هو التسليح الشخصى لضباط القوات المسلحة ويفضله الكثير من مستخدمى السلاح على النسخة الحديثه التى يقال أنها تسخن بشده مع الإستعمال وعمرها الإفتراضى قليل نسبيا بالمقارنة بالنسخة القديمة .