دعوه لمساعده الشرطه المصريه لاداء امنى افضل

[فيلمعربى]

انا عايز اسال سوال
الناس اللى عمالة تهاجم الشرطة من بعد الثورة ويقولوا ان الشرطة كانت بتعمل وبتسوى وكانت تفعل ما يحلوا لها
طيب هل فية حد من اعضاءنا الكرام اتقبض علية من الشرطة ظلما بل وتم تعذيبة او قهرة انا متاكد تماما ان الجواب لاء مفيش لية بقة
علشان ضابط الشرطة اصلان مدرب على انة بيعرف الكويس من الوحش هو مجرد ما بيشوف الشخص اللى ادامة بيعرف على طول بل بالعكس بيعرف انة بيصطنع البراءة وانة مواطن شريف ولا بيمثل علية وكمان فية ناس كتير اوى اوى متعرضوش لاى ظلم او قهر من الشرطة
الناس كلها بتردد فى صوت واحد ان الشرطة وحشة _ الشرطة ظالمة وطبعا المجرمين والبلطجية نجحوا نجاحا عظيما فى انهم يخلوا المواطن الشريف معاهم وفى صفهم علشان خلوة يكرة الشرطة هو كمان
يا اخوانا الشرطة مكنتش بتعاقب الا المجرم والبلطجى وفقط وانا متاكد تماما من كدة بدليل ان احنا كشباب من مصر ومعايشين الشرطة من اول ما اتولدنا ولا اى حد مننا سبق لية حتى ودخل حجز فى اى قسم وانا على يقين بكدة
مش دة اكبر دليل على ان دة كانت مخطط بيحركوة المجرمين ضد الشرطة