الى كل من يهين الجيش المصرى

[kefafy]

المشاركة الأصلية كتبت بواسطة ashraf_f

اخى العزيز كفافى

انا هاخد من كلام حضرتك حاجتين الاولى انه مافيش وزارة مافيهاش فساد و بما فيهم وزارة الدفاع لكن انا بقى اللى بقولك انها اقل وزارة فيها نسبة فساد و دة من فضل الله علينا و لأن الفرق كبير جدا بين ظابط الجيش اللى لما بيجى يقدم فى الكلية الحربية بيكون عارف انه رايح صحراء و مستعد للشهادة و بين ظابط شرطة بيقدم علشان يروح يصلح عربيته و يقول متشكر او يقف يجيب اكل لبيته و مايدفعش حقه او لعب لعياله من غير ما يحط ايده فى جيبه و لبس لمراته اتاوة ( على فكرة كل اللى قلته دة حصل فعلا )
الحاجة التانية \ انتا قلت الجيش هينضف هينضف بس فى الاخر

هنا بقى انا اختلف معاك كل الحاجة ما تكون اهم و اقيم كل ما ابتدى بيها و تكون ليها الاولوية
احنا علشان عارفين يعنى ايه جيش مصر همنا انه اول حاجة تتعدل و تنضف و ببعدين اى حاجة تانية

مع الشكر

معالى الباشا ربنا يعزك وشكرا على كلام حضرتك المحترم الجميل
ان الى اختلف مع معاليكم بخصوص الجزء التانى
تخيل يفندم ان عند حضرتك بيت كذا دور فوق بعض
وشايلهم مجموعه اعمدة خرسانيه ولكن كلهم مشرخين ولا واحد سليم
حضرتك روحت جاى هادم كل الاعمدة وده حصل بالفعل
مجلس شعب مجلس شورى محليات الشرطة مجلس الوزره ومبقاش فاضل غير عمود واحد فقط مشرخ والحمل ذاد عليه قوى الى هو المجلس العسكرى بقواته
تفتكر ايه الحل تهده وتهد البيت على دماغنا علشان عاوز تبنيه من جديد
ولا نستنى لحد منبنى العمدان الى اتهدت قبل كدة ولما تمسك البيت نظبط بقا العمود الوحيد المشرخ براتحنا ؟؟؟
اعتقد طبعا الاختيار التانى
الفكرة يا اخى العزيز ان الناس حاليا بيقولك المجلس غير الجيش و الجيش غير المجلس
تفتكر لما الجيش يرجع ثكناته ووارد جدا ان يحصل انقلاب عسكرى من الضباط الاقل رتبه وده وارد طبعا انه يحصل بسبب تشويه سمعه قادتهم
بس صدقنى ده لو حصل فيها سنييييين على منقوم تانى على رجلينا وهيبقا مفيش اى لزمه لمجلس الشعب ولا الشورى ولا كل الى اتبنى فى الفترة الى فاتت ليه
لان هيبقا حكم عسكر بجد علشان يحمو بيه الانقلاب العسكرى بتاعهم
و هو ده المخطط
عاوز ين يفرقو مبين الاتنين
وكمان لما الجندى الصغير يرجع يرجع وهو مكسور الجناح وحاسس ان اهل بلدة معادياه
هى دى المصيبه ويبقا كدة نجحو فى عمل جندى 67 جديد مش هيبقا له اى انتماء فى حاله الحرب
هيدافع علشان مين ؟؟ عشان واحده قذرة عماله تسب له ميت مله ودين وتشتمه وهو واقف مكتف
ولا عشان عيل مسقط البنطلون لحد ركبته عشان يبين ملابسه الداخليه لمؤخذة
صدقنى يا صديقى العزيز ما يحدث سوف يذكرة التاريخ لاحقا وباذن الله مصر لن تمس من الداخل او الخارج
ومصر يعنى الكيان والمؤسسات و الاقتصاد والبنى ادمين و المبانى مش مصر بتاعه الاغانى و الفضئيات
الى بيكلو على خرابها عيش وسبوبه فى اعلانات بتقعد على القنوات الفضائيه بالساعات عشان يسطديفو اتنين ضيوف يشتمو فى فئة عن فئة
وربنا يحفظ بلدنا وشببنا وجيشنا يارب
وتحياتى لمعاليك ولرئيك المحترم