الى كل من يهين الجيش المصرى

[ashraf_f]

المشاركة الأصلية كتبت بواسطة kefafy

احب اقول لحضرتك معلومه ان المجلس و الجيش واحد مش اتنين
ولو هنتكلم عن الفساد تقدر تقولى معاليك اسم مؤسسه واحدة مفيش فيها فساد ؟؟؟؟؟
حتى القضاء فيه فساد بدليل تقدر تدخل النيابه علشان انت مجتهد فى الحقوق من غير متدفع ؟؟؟
طب تقدر تدخل السلك الدبلوماسى علشان انت اول دفعتك فى الاقتصاد و العلوم السياسية بردو من غير متدفع ؟؟؟؟؟
يفندم احنا بنتكلم عن 30 سنه فساد
ياريت لو هنصلح نبدا بكل الاجهزة فى البلد ونخلى الجيش للاخر لانه هو العمود الوحييييييييييد المعتمد على نفسه وعنده اكتفاء ذاتى فى بلد لو سبوها حاليا هتخرب وصدقنى يا اخى الفاضل انا وانت وكل الاخوة هنسيب شغلنا علشان نحمى بيوتنا وفعلا هتبقا غابه
خلينا نبدا بكل المؤسسات وبعد ما الشرطة تشد حيلها وتستمر نزاهة مجلس الشعب الى اعضائة معظمهم حتى معندهمش فيات تجيبهوم وتوديهم ساعتها الجيش هينضف هينضف
ويا اخواتى الاعزاء
30 سنه فساد فى كل اجهزة الدولة تفتكرو محتاجين كام سنه علشان تنضف ولو بقا رئيسنا اينشتاين ؟؟؟
فياريت الى بيتكلم علشان يردد كلمه عجبته فى اعلام فاسد يفكر الاول فى consequences
او العواقب التى ستترتب على تنفيذ ما يريد
تحياتى لكل اخوانى الاعزاء

اخى العزيز كفافى

انا هاخد من كلام حضرتك حاجتين الاولى انه مافيش وزارة مافيهاش فساد و بما فيهم وزارة الدفاع لكن انا بقى اللى بقولك انها اقل وزارة فيها نسبة فساد و دة من فضل الله علينا و لأن الفرق كبير جدا بين ظابط الجيش اللى لما بيجى يقدم فى الكلية الحربية بيكون عارف انه رايح صحراء و مستعد للشهادة و بين ظابط شرطة بيقدم علشان يروح يصلح عربيته و يقول متشكر او يقف يجيب اكل لبيته و مايدفعش حقه او لعب لعياله من غير ما يحط ايده فى جيبه و لبس لمراته اتاوة ( على فكرة كل اللى قلته دة حصل فعلا )
الحاجة التانية \ انتا قلت الجيش هينضف هينضف بس فى الاخر

هنا بقى انا اختلف معاك كل الحاجة ما تكون اهم و اقيم كل ما ابتدى بيها و تكون ليها الاولوية
احنا علشان عارفين يعنى ايه جيش مصر همنا انه اول حاجة تتعدل و تنضف و ببعدين اى حاجة تانية

مع الشكر