لماذا تشترى مسدس صوت

[ayman_navy]

السبب الوحيد لشراء مسدس صوت هو استخدامه فى الافراح والحفلات والمهرجانات فقط
واحذر من انك تستخدمه للدفاع عن النفس لانك لو طلعته ووجهته على بلطجى اما ان يكون فاهم انه صوت وهايهجم عليك او يستخدم وسيله اقوى منك على اعتبار انه اتخم وفهم ان اللى معاك حى مش صوت
حصل من اسبوع ان احد الاشخاص بمطعم ودخل 2 بلطجيه وسرقو الناس فيه وخرجو بدون مايؤذو حد فقط سرقه ولما جم يركبو الموتوسيكل بتاعهم كان احد الناس اللى بالمطعم معاه مسدس حى ماكنش عارف يستخدمه وصبر لما سنحت الفرصه وراح ضرب طلقتين فى الهواء
راح نازل احد البلطجيه وفى ايده مطواه ورايح له طبعا على اعتقاد منه ان معاه مسدس صوت
راح الراجل ضارب طلقه من مسدسه الحى طلقه فى الارض بالقرب من رجل البلطجى
فى اللحظه دى فقط تاكد من انه سلاح قاتل وليس صوت
رما الفلوس اللى سرقها وطلع يجرى زى الفار
------------------------------------------------------------
ازيك باجا لو كان المسدس صوت
مش كده ولا ايه
ارجو التفكير جيدا ووفروا فلوسكم
حد يقولى كده انه تعرض لبلطجيه والمسدس الصوت حماه وطفشهم
خلاص البلد كلها اصبحت صوت والبلطجيه مطمئنه تماما

[osama2011]

انا مؤيد بشده لكم

[ahmadkader]

مؤيد كلامك تماما ، المسدسات الصوت سبق و قولنا يا جماعة إنها لهواة الإقتناء فقط و للناس اللى بتحب تقتنى المسدسات و تتعامل معاها و بس ، إنما هى ماتعملتش للدفاع عن النفس خالص ، اللهم إلا للتنبيه و بس لو فيه حرامى فى المنطقة

[AMR EBID]

المشاركة الأصلية كتبت بواسطة ayman_navy

السبب الوحيد لشراء مسدس صوت هو استخدامه فى الافراح والحفلات والمهرجانات فقط
واحذر من انك تستخدمه للدفاع عن النفس لانك لو طلعته ووجهته على بلطجى اما ان يكون فاهم انه صوت وهايهجم عليك او يستخدم وسيله اقوى منك على اعتبار انه اتخم وفهم ان اللى معاك حى مش صوت
حصل من اسبوع ان احد الاشخاص بمطعم ودخل 2 بلطجيه وسرقو الناس فيه وخرجو بدون مايؤذو حد فقط سرقه ولما جم يركبو الموتوسيكل بتاعهم كان احد الناس اللى بالمطعم معاه مسدس حى ماكنش عارف يستخدمه وصبر لما سنحت الفرصه وراح ضرب طلقتين فى الهواء
راح نازل احد البلطجيه وفى ايده مطواه ورايح له طبعا على اعتقاد منه ان معاه مسدس صوت
راح الراجل ضارب طلقه من مسدسه الحى طلقه فى الارض بالقرب من رجل البلطجى
فى اللحظه دى فقط تاكد من انه سلاح قاتل وليس صوت
رما الفلوس اللى سرقها وطلع يجرى زى الفار
------------------------------------------------------------
ازيك باجا لو كان المسدس صوت
مش كده ولا ايه
ارجو التفكير جيدا ووفروا فلوسكم
حد يقولى كده انه تعرض لبلطجيه والمسدس الصوت حماه وطفشهم
خلاص البلد كلها اصبحت صوت والبلطجيه مطمئنه تماما

كلام صح الصوت للافراح فقط انا قولت كدا محدش رد عليا

انا كمان بيدفعو الفات ليه مش عارف

[الأفوكاتو]

فعلا كلام موزون تماما ، مسدسات الصوت اما للإقتناء أو الابتهاج في الأفراح ولكن ليس لها علاقة بالدفاع عن النفس لأنها تؤدي لنتيجة عكسية وتؤدي لأذي النفس ، وما اكثر الأمثلة علي ذلك
خالص تحياتي للجميــــــــــــــــــــع

[kareem_serry]

مع فائق احترامي وتقديري للاعضاء القدامي وردودهم بس من وجهة نظري انه لو المسدس الصوت ماسورته مفتوحه وبيضرب بلي ده حيكون سلاح رادع ضد البلطجيه تقبلوا مروري

[boryy]

انا مؤيد الصوت ماسورته مفتوحه وبيضرب بلي حيكون سلاح رادع

[الأفوكاتو]

تاااااااااااااااني علشان خايف علي اخواتي ، سؤال صغير : طيب لو بضرب بمسدس ماسورته مفتوحة وبيضرب بلي وبضرب علي بلطجي واقف علي بعد 10 متر ولابس جاكيت تقيل إلي حد ما وضربت عليه طلقة ولم تستطيع أن تخترق جسمه (يعني خرمت الجاكيت ولكن لم تصيبه أو مجرد لسعته لسعة حلوة ولم تصيبه) ساعتها هايبقي ايه الوضع ؟ هايطلع هو الفرد الخرطوش ويضرب طلقة فيها ما لا يقل عن 50 - 70 بلية وكلها هتخترق اي جسم مقابل علي بعد 30 متر .
يبقي مسدسات البلي مش سلاح ردع ولا حاجة ، انت معاك مسدس بيضرب في كل طلقة بلية وهو معاه مسدس بيضرب في كل طلقة 50 بلية ، انت معاك مسدس مداه المؤثر 5 - 7 متر وهو معاه مسدس مداه المؤثر 30 - 50 متر ، انت معاك مسدس هنفترض انه كل طلقة يصيب شخص واحد وهو معاه مسدس كل طلقة يصيب كل الأشخاص الموجودة لحظة الضرب .
فهو ليس رادع بالدرجة اللي حضراتكم متخيلينها .
وانا ليس ضدكم ولكن مش عايزكم تكونو فكرة غلط وتعطوا مسدسات البلي اكبر من حجمها .
خالص تحياتي للجميـــــــــــــــــــــــع

[باشـــا]

يبقى المفروض نعمل حمله لفتح باب ترخيص السلاح الحى
وعلى فكرة ناس كتير بتشترى حى وبترخص بس بالجنية مش عارف لسه زمن الجنية ده موجود ولا ايه؟

[ahmadkader]

التراخيص مفتوحة بقالها فترة يا جماعة و فيه ناس كتير أكدولى إن التراخيص بقت أسهل دلوقتى ، بس عايز أصحح معلومة كانت أتنشرت على المنتدى ، ألا و هى إن الطبنجة الحلوان الحية بتتباع من المصنع ب 1500 و أنا بالتحرى عن الموضوع و جدتها أغلى من ذلك بكتير و إنها قبل الأحداث كانت ب 4000 من المصنع ، يبقى على اللى بيدور على ترخيص حاليا يعمل حسابه على تصريح إستيراد كمان بالمرة عشان أسعار الطبنجات ال 9 ميللى اليومين دول مولعة هنا

[anaboora]

هو طبعا ياجماعه كلامكه اغلبه صح بس بالنسبه لمسدسات الصوت سلح رادع ولا لا .. بالطلقات التركى هو سلاح تقريبا مالوش لزمه انما بالالمانى فهو سلاح رادع جدا و على بعد لحد 10 متر هيخترق اى هدوم و الجلد والله اعلم هيموت ولا يصيب بس.. انما لو هاعمل حسابى ان التانى معاه خرطوش يبقى الحى كمان مالوش لزمه و الداخليه تسيب السلاح و مافيش داعى للمقاومه اصلا و نوطى للبلطجيه نبوس رجليهم احسن...ياجماعه الى يموت و هو بيقاوم السرقه فهو شهيد و بلاش جبن و سلبيه... انا الى يطلع عليا عاقاومه لو بشومه و الى يحصل يحصل.. انا معايا سلاح صوت ببلى و بيخرم خشبه تخانتها 2سم و بيخرم جردل صاج من الناحيتين... انا شايف ان ده يقتل فى الظروف الحرجه و هستعمله فى اى موقف و ربنا مايحطنا فى الموقف ده

[arch79]

معاكم كل الحق والله وده رايى من زمان يا جماعة الخير مينفعش نستعمل سلاح صوت مع بلطجى ده يبقى شارب وضايع وفاقد الاحساس باى حاجه ومعندوش اى تقدير للموقف احنا ناخد احتياطاتنا لحد ماربنا يعدى الفتره دى على خير وترجع الحياه لطبيعتها اللى يقدر يحمى نفسه بوسيله ثانيه متعرضوش للخطر ويبقى واثق من فعاليتها واستخدامها فى مدى بعيد وامن عن البلطجى يبقى تمام لكن مسدس صوت لا اكيد ده هيبقى عنصر استفزاز اكتر للبلطجى وشكراااااااا

[sultan]

المشاركة الأصلية كتبت بواسطة ahmadkader

التراخيص مفتوحة بقالها فترة يا جماعة و فيه ناس كتير أكدولى إن التراخيص بقت أسهل دلوقتى ، بس عايز أصحح معلومة كانت أتنشرت على المنتدى ، ألا و هى إن الطبنجة الحلوان الحية بتتباع من المصنع ب 1500 و أنا بالتحرى عن الموضوع و جدتها أغلى من ذلك بكتير و إنها قبل الأحداث كانت ب 4000 من المصنع ، يبقى على اللى بيدور على ترخيص حاليا يعمل حسابه على تصريح إستيراد كمان بالمرة عشان أسعار الطبنجات ال 9 ميللى اليومين دول مولعة هنا

15000 لااااااااااا

ده غلى بقى ب16000 اسمه حلوان 29
او 92 مش فاكر

[sultan]

انتو مش وخدين بالكم من حاجه انتو مدين للحرامى والبلطجى اكبر من حجمه ياجماعه مفيش بنى ادم فى الدنيا مبيخفش حتى لو كان من قوه المارينز
مش عيل رافع نص ترامدول وازازه دوه كوحه
وهوه بيبقى خايف منك اكتر منتا خايف منه وعلشان كده بيبقى ياقاتل يا مقتول يعنى لو ثبته بقلم جاف زى فلم اسماعيل ياسين هيسدق انه حى
وبعدين تسحب المطواه وتسمى وتكبر وتدبح
اللهم اكفينا الشر والاشرار انا كنت بحاول الطف الجو فى الموضوع
قل لن يصيبنا الى ماكتب الله لنا