سوال لاخى الكبير doss99

[فيلمعربى]

اريد ان اعرف بس من اخى الكبير والعضو الجميل doss99 بما انة ضابط شرطة
وبصراحة كدة الشرطة نزلت الشارع بنسبة كام فى المية لان انا شايف يا باشا ان مازال فية بلطجة فى الشارع برضة وانا مستعد احكى على حاجة حصلت ادامى امبارح فى الف مسكن

[فيلمعربى]

واللى حصل كالتالى
ميكروباص خبط فى عربية راكبها شاب وطبعا الميكروباص هو اللى غلطان لانة وراة
المهم نزل الشاب من العربية وبيتخانق مع سواق الميكروباص لان بصراحة الخبطة بهدلت العربية بتاعت الشاب بهدلة جامدة وفجئة والشاب بيتخانق مع سواق الميكروباص نزل الواد التباع والله العظيم عيل كدة ميكملش 13 سنة والسواق برضة صغير يعنى 22 _ 23 بالكتير والله وقام السواق مطلع من البنطلون خنجر كبير جدن ومن الجنب التانى سكينة شبة الخنجر والواد التباع هو كمان قام مطلع من جنبة خنجر وقام السواق قالة يعنى انتا عايز اية بقة طبعا كل اللى كانوا بيتفرجوا بعدة والشاب اللى عربيتة اتخبطت سكت هو كمان وقام السواق ضارب الشاب على دماغة بالخنجر اللى فى ايدية الشمال والسكينة اللى فى ايدية اليمين ضربة بجنب الخنجر والسكينة على دماغة وقالة ها هتمشى ولا تتقطع طبعا الشاب راح ركب عبيتة ومشى على طول ومن غير ولا كلمة
فانا كنت مخنوق جدن ومضايق من اللى حصل وبقول ازاى ان فية شرطة موجودة وحاجة زى كدة ممكن تحصل لازم العيال دية وبالذات سواقين الميكروباص يتم التعامل معاهم بحزم وقوة
وهو دة سبب سوالى الى اخى الكبير doss99 ان الشرطة هل نزلت الشارع بكامل قوتها ولا لاء واذا كان لاء فاية هو سبب تاخير نزولها بنسبة 100 فى ال100 الى الان
وشكرا

[Ahmed Nada]

لاحول ولا قوة الا بالله

[braveheart]

المشاركة الأصلية كتبت بواسطة فيلمعربى

اريد ان اعرف بس من اخى الكبير والعضو الجميل doss99 بما انة ضابط شرطة
وبصراحة كدة الشرطة نزلت الشارع بنسبة كام فى المية لان انا شايف يا باشا ان مازال فية بلطجة فى الشارع برضة وانا مستعد احكى على حاجة حصلت ادامى امبارح فى الف مسكن

طيب كنت أخذت رقم العربية و بلغت الشرطة .

[سيدخالد]

اخى الفاضل اسمح لى ارد عليك بما اننى اعمل صحفى بالحوادث اولا الشرطة نزلت وبنسبة كبيرة ولكن ايلى حصل انه هناك حالة شبه احباط للشرطة وده طبعا بسبب الثورة وايلى حصل فيها ويشبها رجال الشرطة بانتكاسة الدخلية مثل 67 وكمان هما وخدين تعليمات بالتعامل البسيط والطبيعى مع المواطنين وكمان فى ظل مساعدة الجيش لهم مما يشعرهم باحباط اخر لعدم سيطرتهم على الاوضاع والهيمنة طبعا ولكن اطمنك انى الايام القادمة سوف يكون هناك تواجد امنى كثيف وانشا الله سوف يتم القضاء على البلطجة,,,,,,,

[doos99]

المشاركة الأصلية كتبت بواسطة سيدخالد

اخى الفاضل اسمح لى ارد عليك بما اننى اعمل صحفى بالحوادث اولا الشرطة نزلت وبنسبة كبيرة ولكن ايلى حصل انه هناك حالة شبه احباط للشرطة وده طبعا بسبب الثورة وايلى حصل فيها ويشبها رجال الشرطة بانتكاسة الدخلية مثل 67 وكمان هما وخدين تعليمات بالتعامل البسيط والطبيعى مع المواطنين وكمان فى ظل مساعدة الجيش لهم مما يشعرهم باحباط اخر لعدم سيطرتهم على الاوضاع والهيمنة طبعا ولكن اطمنك انى الايام القادمة سوف يكون هناك تواجد امنى كثيف وانشا الله سوف يتم القضاء على البلطجة,,,,,,,

كلام صح ميه في الميه

[doos99]

و لكن يا استاذ فيلمعربى الشرطه لن تستطيع السيطره علي شوارع مصر في يوم و ليله يعنى يا ريت الناس تساعدنا شويه لان الناس اول ما بتشوف ضابط شرطه كانها شافت بعبع ليه يا جماعه ما ضابط الشرطه ده في الاخر واحد منكم ممكن يكون ابوك او اخوك او ابنك و الان نحن نطلب من الناس ان تساعدنا في عملنا لكى يعود الامن للبلاد و ينام كل مواطن مصري شريف في منزله امن علي نفسه و علي اسرته

[doos99]

لو معاك رقم العربيه ابعتهولى على الخاص لان امثال هولاء يجب ان يعاملوا بكل شده و حزم

[فيلمعربى]

اشكر اخوانى الافاضل على الرد والتجاوب معايا وبالاخص اخى الكبير doos
بس للاسف انا مكنش فى بالى انى اخد رقم الميكروباص لان الواقعة الى شفتها خلتنى اركز فى اللى صدر من السواق والتباع من اعمال بلطجة ضد الشاب المعتدى علية
وشاكر مرة اخرى للتفاعل من الاستاذ سيد خالد وانشاء الله يرجع الامن للشارع المصرى احسن مما كان
وعلى راى اخى doos ان العملية مش سوداء بالنسبة لضباط الشرطة بل وموسسة الشرطة ككل بمعنى انة كان فية الوحش وفية الحلو والحمد لله ان الناس اهى ابددت تتفاعل وتعطى حق رجل الشرطة حقة وتمت المصالحة بين الشعب والشرطة وانشاء الله الامور ترجع لطبيعتها زى ما استاذى سيد خالد قال
وشكرا

[المهندس]

يارب ياربب

[darkshaft]

مع كامل احترامى ناس مش عمله وجود للشرطه من كتر الكانت بتعمله و انا حصل معايه موقفين مع اتنين زباط اول: كنت وقف فالممنوع و جه ونش الى رغس ادتهالو من غير اى مشكله قال لى بعديها ٢٥ غرامه قلتله حاضر اجيته ٢٣ و ٢ جنيه عمله معدن و فوجئت انه بيزعء و الى اده انا مش لبان و ادانى فاوس الى اسئل ناس واقفه على ٢ جنيه ورق تبعا اتحرق دمى بس سبته و رحت سئلت و دخلت مطاعم سئلت بس محدش معاه،فطلعت و قلت له اى تب روح بيت هات ٢ جنيه و تعالى على نقطه مرور عشان تاخد رخصه،فقلت له اسحب رخص مش حجيب حاجه،تانى يوم بعت واحد يجيب منه رخصه فقال له زابط رخص ضاعت،فكلم زابط رتبه اعلى جبهم منه،ازى احترم زابط ده تانى؟؟؟؟؟؟!!!!!!!!و ده اول موقف.

[darkshaft]

تانى موقف ونش سائقه عسكرى و جمبه زابط و الونش قاطر ونش شرطه تانى فالعسكرى سكه امامه سد ف اخذ خرزه من امام سيارتى،فالونش الهوه قاطره خبت عربيتى و كاد انه يقلبها و بالفعل رفعها من فوق الارض و لما نزل زابط بس على عربيتى و قال للعسكرى يلا يبنى بدون مخاتبتى و لما اتكلمت معاه الى ارفع قضيه عال عسكرى!!!!!!انا دفعت ٢٠٠٠ تصليح للعربيه فكيف احترم زابط شرطه مع احترامى لحضرتك و شكرا.

[doos99]

الاخ الفاضل فى كل عمل الصالح والطالح ولاتجعل تجربة مع شخص واحد تعمم على الجميع ولعلة سوء الحظ هو السبب فى تلك التجربة

[darkshaft]

يكفينى رد حضرتك عليا و باقى زملاء عشان اكون متئكد ان فى ناس محترمه فالشرطه زى حضرتك.

[khaledabdelnaby]

معلش انا اسف بس الاستاذ doos99 ممكن يفهم مشاركتى غلط لانى دائما بهاجم الشرطة وعلى الرغم من ذلك فانا عندى حمايا شرطى واعز اصدقائى شرطى ايضا ولكن لى ملحوظة اولا للاستاذ darkshaft انت الغلطان لو كنت طلبت كارنيه العسكرى واتصلت بالنجدة وعملت محضر ضد وزير الداخلية بصفته والعسكرى بشخصه بتهمة اتلاف باهمال ورفعت قضية تعويض كنت هتاخد حقك ولو ماخدتوش يبقى حاولت وعملت اللى عليك انما تسيب حقك وتمشى وتقول عوضى على الله يبقى انت حر احنا رافضين طبعا الهجوم على الشرطة وان احنا نعوقهم عن اداء واجبهم الى هم اقسموا اليمين عليه يوم تخرجهم من اكاديمية ((( مبارك ))) للامن وليست اكاديمية الشرطة انهم يحموا ارض وامن هذا الوطن ولكن استرجاع ثقة المواطن ليست بالامر الهين وخاصة انها كانت مفتقدة لسنوات طويلة وكما قال الاخ الفاضل ان كل عمل فيه الصالح والطالح ولكن فى هذا المجال فالطالح اكثر للاسف والغريب ان هم انفسهم طالحون بين بعضهم البعض ولن ازيد اكثر من هذا لاننى لن انتهى من سرد مهازل ومهازل يشيب لهولها الولدان كما يقولون فاننى اعلم الكثير والكثير عنهم بحكم عملى وصهرى وصداقاتى ببعضهم

واعتذر عن الاطالة

[darkshaft]

تمام انا فكرت زى حضرتك بس انا ليا واحد صحبى عربيت جيش خبتته و اخدوا عربيه عشان يصلحوها،صحبى استلم عربيه بعد ٨ شهور تقريبن و انا خوفت عال عسكرى الغلبان و انا مفهمش فالقانون فلا انا عارف هال عسكرى هوه ملزم يصلح العربيه ولا الدخليه عشان كده عملت كده.و هال حيصلحوها ولاحيدفعوا تمن التلف الحصل فيها و انا محبتش ادلهم عربيه و يا استلمها بعد سنه يئما ممكن مستلمهاش خالص اووا

[احمد العوضى]

المشاركة الأصلية كتبت بواسطة darkshaft

تمام انا فكرت زى حضرتك بس انا ليا واحد صحبى عربيت جيش خبتته و اخدوا عربيه عشان يصلحوها،صحبى استلم عربيه بعد ٨ شهور تقريبن و انا خوفت عال عسكرى الغلبان و انا مفهمش فالقانون فلا انا عارف هال عسكرى هوه ملزم يصلح العربيه ولا الدخليه عشان كده عملت كده.و هال حيصلحوها ولاحيدفعوا تمن التلف الحصل فيها و انا محبتش ادلهم عربيه و يا استلمها بعد سنه يئما ممكن مستلمهاش خالص اووا

الاكيد ان الى عملته هوه الصح لان يا عالم هتعمل ايه فى الروتين والى كان هيتحمل العربيه هوى العسكرى

[أميجو]

لابد من تغير سلوك أغلب ضباط الشرطة لسلوكهم لعودة العلاقة بينهم وبين الجماهير ............ ومهما حصل محدش هينسى أنه فى عيدهم قتلوا و أصابوا أبرياء بدم بارد .
أه فعلا مش كلهم ولكن لا يقل عن 80% منهم كده ولا يستحقون شرف لبس البدلة الميرى والحل الامثل هو تطهير الجهاز من الداخل بواسطة الشرفاء منهم وتلك تكون البداية .