تحذير من تحويل مسدس الصوت الى حى

[elmageko]

قام احد اصدقائى بتحويل مسدس صوت فيرات ماجنم الى حى وبعد تانى طلقه بالظبط المسدس انفجر فى ايده وهو دلوقت فى العنايه المركزه بيعانى من تمزق فى الرقبه ولو ماماتش هيعيش طول عمره اخرص لان الاحبال الصوتيه كلها اتدمرت

والدكاتره اكدوا ان نسبة نجاته 1%.

خافوا على نفسكم وبلاش حكاية التحويل دى اديكم شايفين والله لولا منظره وتشوه وشه وايده لكنت صورتهولكم ونزلت الصور.

اه نسيت اقول ان ايده اليمين اتقطع منها لحد فوق كفة ايده لانها اتبهدلت خالص.

راجعوا نفسكم تانى.

واتمنى تثبيت الموضوع علشان كل اللى بيفكر يعمل كده يراجع نفسه تانى

[nour eltoureny]

والله يا فندم احنا عارفين انو مسدس صوت ولا يجوز تحويل محدث صوت الي حي او تعديله للبلي وده وفقاً للقانون المصري للاسلحه والذخائر ومحدثات الصوت ومحدش في دماغه فكره التحويل او التعديل
شكرا

[ابومسلم2005]

جزاكم الله خير والوقوع خير دليل على الامكان
يعني ناس تقول لك ياعم سبها لله نقول نحن له دي مش سبها لله دي سبهللا واستهبال
واحد تاني يقول لك مش ممكن ده يحصل
لا يا عم اهو حصل وشفت بعينك
اقرب مثال على كده العيال ولاد اخويا اتنين صبيان سبع سنين وخمس سنين ما يصدقوا يشفوني لما اروح عندهم المهم يفضلوا يلعبوا فى الموتوسيكل واقول لهم ابعدوا هيقع عليكوا ميسمعوش الكلام امبارح الواد شال بنتي عندها سنة وقال ايه عايز يركبها الموتوسيكل راحوا واقعين هما الاتنين والموتوسيكل وستر ربنا الموتو وقع فى الاتجاه الاخر وهم اللى فوقه والحمد لله عشان الناس تبقى تسمع الكلام

[gamo200]

يالهوي كل ده من انفجار مسدس ربنا يقومه بالسلامة

[ابومسلم2005]

كل ده من طلقة واحدة ولا الخزنة اتفجرت معاها ولا اي اللي حصل

[عاطف الشاذلى]

المشاركة الأصلية كتبت بواسطة ابومسلم2005

كل ده من طلقة واحدة ولا الخزنة اتفجرت معاها ولا اي اللي حصل

الطاقة اللى بتولدها الطلقة الحية واللازمة لخروج المقذوف لا تتحملها سبيكة الانتيمونيا المصنوع منها مسدس الصوت
اولا يتحطم الكوبرى نتيجة للارتداد القوى و الماسورة نتيجة لاندفاع المقذوف وهى غير مصممة لاطلاق حمصاية اصلا وقطع المعدن دى كلها بتتناثر وبالطبع بتبقى اقرب ما يكون من حامل المسدس
وفيه حد قبل كدة ع المنتدى نشر تجربته فى حاجة زى كدة بس ده بقى اتسترت معاه والطلقة طلعت من نص الماسورة فى اتجاه جانبى والحمد لله ما حدش كان واقف جنبه من غير المسدس ما يتحطم
يا رب الناس تتعلم بقى

[makadimic]

مش ممكن نغير ياى الاجزاء بواحد اقوى ,و الماسورة تبقى اوسع من المقذوف علشان ميحصلش احتكاك بين الماسورة والمقذوف
اعتقد كده ممكن . ياريت حد يصححلى لو انا غلطان.
,,,تقبل مرورى,,,

[nour eltoureny]

المشاركة الأصلية كتبت بواسطة makadimic

مش ممكن نغير ياى الاجزاء بواحد اقوى ,و الماسورة تبقى اوسع من المقذوف علشان ميحصلش احتكاك بين الماسورة والمقذوف
اعتقد كده ممكن . ياريت حد يصححلى لو انا غلطان.
,,,تقبل مرورى,,,

حضرتك الي بتتكلم فية دة ممنوع اصلا الكلام فية او المحاولة فية او حملة كلها يعاقب عليها القانون عقاب لا يستهان بة +انو من قوانين المنتدي عدم الاستفسار في التعديلات او بيع او شراء اي شئ بدون ترخيص او غير كطابقة للمواصفات الامنية غير انو ممنوع حضرتك طلما مالك للحلوان الحي حضرتك لازم تكون عارف ان محدث الصوت محدث صوت وان الحي حي مفيش وجة مقارنة غير في الشكل فقط

[عاطف الشاذلى]

المشاركة الأصلية كتبت بواسطة makadimic

مش ممكن نغير ياى الاجزاء بواحد اقوى ,و الماسورة تبقى اوسع من المقذوف علشان ميحصلش احتكاك بين الماسورة والمقذوف
اعتقد كده ممكن . ياريت حد يصححلى لو انا غلطان.
,,,تقبل مرورى,,,

ممكن حضرتك تقوم بعمل التعديلات ولما تخلصها ابقى عرفنا عشان نبلغ عنك وهتروح رحلة كدة كام سنة لمكان مش هتحبة خالص
والله احنا كدة بنهرج يعنى الراجل صاحب الموضوع عارض تجربة صاحبه اللى مسدس الصوت المتعدل فرتك جسمه عشان الناس تعرف خطورة ده وبعدين نلاقى ناس بتستفسر داخل نفس الموضوع عن تعديلات مسدس الصوت
بصراحة مش لاقى كلام اقولهولك

[ابومسلم2005]

ههههههههه
ههههههههه
ههههههههه

[nour eltoureny]

الاغرب ان الي بيتكلم من اسلحته الشخصيه حلوان علي الله يكون مرخص بس

[عاطف الشاذلى]

المشاركة الأصلية كتبت بواسطة ابومسلم2005

ههههههههه
ههههههههه
ههههههههه

بتضحك ؟؟؟؟؟؟؟؟ !!!!!!!!

[قناص بدون رحمة]

للسلامة الشخصية ولعدم مخالفة القانون يحظر تحويل الصوت الى حى ولاستحالة ذلك

[ابومسلم2005]

هم يبكي وهم هههههههه ههههههههه

[هشام سمير]

بالنسبه ليا شخصياً لو الموضوع ده امان بنسبة 100% مش هعمله
بس حضرتك بتتكلم بصوره مبالغ فيها الموجه الانفجاريه المتولده من الطلقه ههتتجه الى اتجاهيين طاقه لاخراج المقزوف من الماسوره سواء الماسوه تستحمل او لا والطاقه المتبيقه هيتولد عنها انفجار اجزاء المسدس الانتمونيا التى لا تتحمل الطاقه المتولده من طلقه حيه التى تحمل طاقه 50 جول تقريباً ودا طبعاً مستحيل يودى للنتائج الكارثيه دى الى ان كان المسدس مصنع من زجاج

[عاطف الشاذلى]

المشاركة الأصلية كتبت بواسطة هشام سمير

بالنسبه ليا شخصياً لو الموضوع ده امان بنسبة 100% مش هعمله
بس حضرتك بتتكلم بصوره مبالغ فيها الموجه الانفجاريه المتولده من الطلقه ههتتجه الى اتجاهيين طاقه لاخراج المقزوف من الماسوره سواء الماسوه تستحمل او لا والطاقه المتبيقه هيتولد عنها انفجار اجزاء المسدس الانتمونيا التى لا تتحمل الطاقه المتولده من طلقه حيه التى تحمل طاقه 50 جول تقريباً ودا طبعاً مستحيل يودى للنتائج الكارثيه دى الى ان كان المسدس مصنع من زجاج

هشام بك كلام حضرتك بالنسبة لينا علم نتعلمه
بس صاحب الموضوع مابيسألش عن امكانية حدوث ده من عدمه ده بيحكى تجربة حصلت بالفعل وعلى راى اخونا ابو مسلم .. الوقوع خير دليل على الامكان ..

[هشام سمير]

المشاركة الأصلية كتبت بواسطة عاطف الشاذلى

هشام بك كلام حضرتك بالنسبة لينا علم نتعلمه
بس صاحب الموضوع مابيسألش عن امكانية حدوث ده من عدمه ده بيحكى تجربة حصلت بالفعل وعلى راى اخونا ابو مسلم .. الوقوع خير دليل على الامكان ..

يا عاطف بك الكلام ده من وجهة نظرى مبالغ فيه مع كامل الشكر لصاحب الموضوع على التحذير

[عاطف الشاذلى]

لا يفتى وفى المدينة مالك واهل مكة ادرى بشعابها وطالما قال خبيرنا هشام بك ان حدوث ذلك صعب للغاية فقد اقتنعت شخصيا بذلك
نشكر اخونا الاكبر هشام سمير للافادة ونشكر صاحب الموضوع للتحذير
تحياتى للجميع