سوق البنادق المشترك في مصر (بأرض المعارض)

[mostafasaid]

فكرة جميلة جدا لو اتعمل سوق كل سنة للبنادق ويكون فيه
شركات بنادق من الخارج
محلات البنادق في مصر
محلات الصيانة وورش الصيانة
تقابل كل الصيدين في السوق
عروض بنادق ومسدسات بكل انواعها
.......انا بطلب من المقيمين علي المنتدي .............
بحث جاد في هذا الموضوع نقطه نقطة
مثلا ارسال لتصريح بعمل اسبوع يخص البنادق من ارض المعارض
ارسال دعوات للشركات العالمية الكبري
محلات الشراء ف مصر...ياخدوا اماكن برضه
والله فكرا ......................يارب تتنفذ

[محمد المهدى]

بالفعل فى معارض لاكن فى الخارج و خاصة بجميع انواع الاسلحة كما فى الصين مثلا لكن مصر مستحيل

[mostafasaid]

المشاركة الأصلية كتبت بواسطة محمد المهدى

بالفعل فى معارض لاكن فى الخارج و خاصة بجميع انواع الاسلحة كما فى الصين مثلا لكن مصر مستحيل

مستحيل ليه يا كبيررررررررر
ايه المشكلة لما تاخد تصريح من وزارة الداخليه..........مع اني عارف انه مش بالساهل
لان بنادق الرش هما اللي بيجبوها من برده ويبعوهالنا بخمس اضعاف سعر اللي بره..
بس مش عايزين نقف كده ................ونقول مستحيل اللي يعرف يعمل شيء ...ليكون في معرض حتي فقط
لاسلحة الهواء .................

[mostafasaid]

فين الناس؟؟؟؟؟؟؟؟؟؟؟؟؟؟؟؟؟؟؟؟؟؟اللي ف المنتدي

[محمد المهدى]

يا سيدى مستحيل ممكن الكلام دة موجود بالفعل فى الامارات فقط كدول عربية لكن فى مصر اقول غير ممكن و شكرا
لو ممكن معرض نبل كاوتشوك و دة ايضا برضو غير ممكن لانة مكن يستخدم فى اغراض تخل بالنظام الامنى العام و دمتم

[محمد حامد بلتاجى]

والله فكره فى منتهى الروعه
انا عن نفسى مؤيده لها جداً ولو فى اى حاجه اقدر اعملها اساعد بيها انا معاكم

[محمد حامد بلتاجى]

بس اعتقد انها لازم تكون من مؤسسه ما تقوم عليها الفكره ولتكن ادارة المنتدى او اى نادى للصيد

[ramysabry29]

الفكره جميله
يارب تتنفد

[mostafasaid]

المشاركة الأصلية كتبت بواسطة محمد المهدى

يا سيدى مستحيل ممكن الكلام دة موجود بالفعل فى الامارات فقط كدول عربية لكن فى مصر اقول غير ممكن و شكرا
لو ممكن معرض نبل كاوتشوك و دة ايضا برضو غير ممكن لانة مكن يستخدم فى اغراض تخل بالنظام الامنى العام و دمتم

يا كبيييير الموضوع انا عارف انه صعب ................بس الموقع ده لازم يبقي ف افكار جديدة ..لو كل واحد سيادتك
قعد وقال مستحيل هيجي يوم ويبقي الصيد نفسه مستحيل ف مصر...؟؟؟
لازم يكون عندك امل وثانيه دا تجمع كل الصيادين اكيد كل واحد لازم يعطي فكرة لو حد هنا ممكن يعرف يعمل
حاجه تفيد ويتعمل حاجه زي كده يقول ونتجمع ونعملها حتي تكون الفكرة حقيقية ...........وشكرا

[محمود توحيد]

طبعا احنا عارفين ان الكلام ده ممكن بس في حاله واحده ان البلد يبقي فيها دستور مدني مش عسكري و خلونا نشوف الدول اللي فيها المعارض اللي تخص ادوات الصيد حتي بلاش الاسلحه التانيه

[صياد العرب]

الاخ محمود .. احنا في بلد دستورها مدني تم وضعه بواسطة خمسين من نوابغ البلد وأقره شعب مصر العظيم

[telefighter]

الكلام حضرتك بتقوله دا خيييال علمى احنا بتنمناه .... ولكن احنا فى مصر

[abo amar]

كااااااااااااان على عيييييييييييني

[صياد العرب]

ما اروع وارقي واوطن ان نكون في مصر .. بلد كرمها القران بذكرها ... وبلد أوصي و كرم رسول الله بجيشها العظيم ... أكيد ما أروها من بلد رغم ما بها من بعض السلبيات

[alaksapcs]

المشاركة الأصلية كتبت بواسطة mostafasaid

فكرة جميلة جدا لو اتعمل سوق كل سنة للبنادق ويكون فيه
شركات بنادق من الخارج
محلات البنادق في مصر
محلات الصيانة وورش الصيانة
تقابل كل الصيدين في السوق
عروض بنادق ومسدسات بكل انواعها
.......انا بطلب من المقيمين علي المنتدي .............
بحث جاد في هذا الموضوع نقطه نقطة
مثلا ارسال لتصريح بعمل اسبوع يخص البنادق من ارض المعارض
ارسال دعوات للشركات العالمية الكبري
محلات الشراء ف مصر...ياخدوا اماكن برضه
والله فكرا ......................يارب تتنفذ

و الله الكلام جميل بس لو ممكن الاول نبحث فى كيفية قانونية حمل البنادق ضغط الهواء دون التعرض للمضايقات من الشرطة
ونحاول نستخرج رخص ليها زى رخص صيد الاسماك

[ahmed hanfi]

والله ياباشا نتمنى بس ازاى لما بنادق ضغط الهواء ممنوعه اصلا وبتيجى من الخارج تهريب

[ابومسلم2005]

ارفع راسك انت اكيد فى مصر

[فكرى الفساخ]

فكرة عبقرية . ويمكن اقامة هذا المعرض فى نادى الصيد المصرى .
لا مستحيل تحت الشمس ( نابليون بونابرت ) .

[ابومسلم2005]

يا عم فكرى نابليون قال تحت الشمس مقالش في مصر

[عاطف الشاذلى]

يا اخى خليك متفائل وانشاء الله السوق ده هيكون موجود فى مصر فى خلال 50 سنة

[ابومسلم2005]

انت نسيت صفرين علي فكرة 5000

[عاطف الشاذلى]

هو طالما ان الدولة بتسمح بدخول هذه السلعة وتداولها والتجارة فيها وتعطى تراخيص لمن يعملون بها وتاخذ عليها ضرائب فما المانع اذن من اقامة معرض لهذه السلعة مع العلم ان هذا سوف يكون شكل من اشكال الانتعاش التجارى و دعم لحركة السوق المصرى وبعيدا عن المزاح انا ارى انه اذا سعى مستوردى البنادق والمتاجرين بها الى اقامة هذا المعرض فلن يكون هناك رفض من اجهزة الدولة انشاء الله وذلك لايمانهم بان ذلك سوف يكون فى صالح دعم السوق المصرى ناهيك عن اصحاب الهواية

[ابومسلم2005]

استاذ عاطف كل واحد في الهواية دى وليه حساباته الصياد له حسابات كذلك التجار والهتيفة والمستوردين والكبار اللي بيدخلوا الحجات دي فلو كان الموضوع في صالح الاخار دول هيتنفذ الصبح ولو مكنش استنوا الثورة اللي جايه بتاعت 2555 ثورة الصيادين

[عاطف الشاذلى]

المشاركة الأصلية كتبت بواسطة ابومسلم2005

استاذ عاطف كل واحد في الهواية دى وليه حساباته الصياد له حسابات كذلك التجار والهتيفة والمستوردين والكبار اللي بيدخلوا الحجات دي فلو كان الموضوع في صالح الاخار دول هيتنفذ الصبح ولو مكنش استنوا الثورة اللي جايه بتاعت 2555 ثورة الصيادين

اخى الحبيب ابو مسلم عارف المشكلة فى ايه ان مسدسات الصوت وبنادق الرش سعرها من بلد المنشاء ممكن مثلا يكون نص سعرها فى مصر لكن لو بقى فيه ملتقى يمثل حركة تنافسية وحبذا لو شارك فيه ممثلين عن الشركات المنتجة ده ممكن يظبط شوية الاسعار المبالغ فيها الموجودة عندنا فى مصر ... يا راجل حد يصدق ان بندقية رش بتاعة عصافير يوصل تمنها 10و15 الف جنيه ولا مسدس صوت يعنى لعبة يوصل تمنه 4000 جنيه اكيد فيه حل غير اننا نستنى ثورة الصيادين بعد تلاتين قرن

[ابومسلم2005]

وهو ده بالظبط الممنوع الخلاصة

[عاطف الشاذلى]

المشاركة الأصلية كتبت بواسطة ابومسلم2005

وهو ده بالظبط الممنوع الخلاصة

يعنى ايه .. مفيش فايده؟؟؟؟

[ابومسلم2005]

اصل دى حاجة مش في يد الصيادين واللي في ايده حاجة محتفظ بيها لنفسه
وانتوا عارفين مبدء من اجل نفسي رشحت نفسي
والغريبة تلاقيه كاتب اية قرءانية ان تنصروا الله ينصركم وتلاقي قصده ان تنصروني مش هتشوفوا وش امي وبقوا ابلونى

[عاطف الشاذلى]

بس فعلا اسعار السلاح فى مصر بما فيها بنادق الرش ومسدسات الصوت مبالغ فيها والشاهد على كدة ان انا ليا واحد صاحبى اشتغل فى المانيا مدة وهو هناك اشترى مسدس جلوك 9م تمنه هناك اقل من 2000 يورو فى حال ان تمنه فى مصر يقارب الخمسين الف جنيه هههههههه ده ايه الهبل الازلى اللى احنا فيه يا جدعان وده على سبيل المثال لا الحصر وقيس على كدة كل الاسلحة المستوردة بما فى ذلك بنادق الرش ومسدسات الصوت

[عاطف الشاذلى]

المشاركة الأصلية كتبت بواسطة ابومسلم2005

اصل دى حاجة مش في يد الصيادين واللي في ايده حاجة محتفظ بيها لنفسه
وانتوا عارفين مبدء من اجل نفسي رشحت نفسي
والغريبة تلاقيه كاتب اية قرءانية ان تنصروا الله ينصركم وتلا قي قصده ان تنصروني مش هتشوفوا وش امي وبقوا ابلونى

هههههههههههههههه عسل يا مولانا

[هشام سمير]

هههههههههههههههههههههههههههههههه
دا كنت محل مرخص وصارف عليه الوووف ومفاتحتش غير اسبوعين

[ابومسلم2005]

ربنا يعوض عليك ده انا لسة مسوق منى موتسيكل ب5000 جنيه وزعلان عليه ومسروق امتى وانا بخطب الجمعة طلعت ملقتوش
الله يكون في العون

[عاطف الشاذلى]

تلاقى اللى سرقه واحد اخوانى وفيه حاجة فى الخطبة ما عجبتهوش فقفال .. اموالهم غنيمة لنا .. هههه ربنا يعوض عليك يا مولانا ويخلف عليك بخير منه انشاء الله

[aliessam97]

انا والله نفسي يتعمل معرض كده في مصر مش عارف ليه يعني ميتعملش اقل احنا من الدول الي بره في ايه يعني
انا ليا ابن خالي عايش في ابوظبي كان متصور في معرض للسلاح هناك في ابوظبي في كل انواع السلاح الحي من اول المسدسات لحد الدبابات
ههههههه متصور صوره وهو اعد في دبابه
و لما كلمتو عن الموضوع ده وقلتلو التأمين هناك ازاي يعني وازاي محدش بيسرق حاجا لقيتو بيقولي ايه بقي انا اتفجأت من الرد الصراحه
( بيقولي يسرق ايه بس انت لو فكرت تخرج و في جيبك رصاصه وحده بس هتتمسك هتروح ورا الشمس )
فا قلتلو رصاصه ايه هو فيه هناك رصاص كمان ازاي و فيه اسلحه حيه
قلي ( الارض مليانه رصاص من جميع الاحجام من اول ال 9 ملي لحد رصاص الاسنيبر )
قلتلو ايه يا عم الجنان ده
قلي ( مفيش حاجا من السلاح الي في المعرض بتضرب السلاح اه حقيقي ممكن تفكك فيه وتتصور وتعمل بيه كل حاجا بس معمول فيه حاجا جوه تخلية ميضربش يعني مستحيل يضرب )
قلتلو الكلام ده مش في مصر ليه يا عم
ههههههه
والله حاجا تحصر نفسي يبقي فيه معرض كده في مصر للصوت و الرش بس مش الحي كمان
ربنا قادر علي كل شئ ان شاء الله هيتعمل معرض في العاصمه الجديده نبقي نتفق ونتقابل فيه بقي يا رجاله
هههههههههههه