|
| الإعلانات |
|
|||||||
| الورشة صيانه البنادق واصلاح مشاكلها الفنيه. |
|
|
أدوات الموضوع | إبحث في الموضوع | انواع عرض الموضوع |
13-10-25, 06:51 PM
|
#1 |
|
صيــــــــاد محتـــــــــرف
تاريخ التسجيل: Feb 2012
المدينه: الاسكندريه
المشاركات: 2,659
معدل تقييم المستوى: 141   |
فكره بسيطه لحل مشكله عويصه
السلام عليكم ورحمة الله وبركاته
تحياتى لاحلى صيادين فى الوطن العربى من منطلق اننا كلنا بنفيد بعض وبنحل مشاكل بعض حبيت اقدم مشاركه بسيطه كده لحل مشكله عويصه بتقابل صيادين كتير وبتخنقهم والحكايه دى ممكن بتسبب مشاكل كتير لملاك البنادق العتله بوجه خاص وجميع البنادق بوجه عام وهى مشكلة عدم دخول الرشه بالكامل فى بيت الرش   والمشكله دى ليها سببين الاول هو نوع البندقيه نفسها فيه نوعية بنادق بيكون بيت الرش فيها مخنوق (ضيق) قليلا عن انواع تانيه من البنادق والسبب التانى ان فيه انواع رش بتكون الحواف بتاعتها عريضه من الخلف غير بعض الانواع التانيه المفيد فى الموضوع هو انى لما جبت الجامو رويال قابلتنى المشكله دى مع نوعين رش الجامو ماجنوم والمارسمان وكنت كل ماجى احط الرشايه لازم اضغط عليها جامد اوى عشان تبات مكانها وبرغم الضغط الشديد كانت برده بيفضل منها جزء بسيط جدا بارز ويدايقنى فى قفل الجزره ده زائد ان صباعى بيوجعنى من كتر الضغط كل شويه على الرشه وضياع بعض الوقت هدرا والمشكله دى بيكون ليها سلبيات كتير على البندقيه حاضرا ومستقبلا مستقبلا حاضرا منها مثلا ممكن كسر زراع الجزره مع شدة الضغط عليها مع حشرجة الرشه ده زائد ان المشكله دى كمان ممكن تأثر على سرعة الرشه اثناء الضرب وكمان دقة البندقيه هاتتاثر عشان هايكون فيه رشه قوة حشرها غير التانيه ومستقبلا ممكن تكون سبب فى تنفيس الاولسيهات بتاعة الجزره وضعف البندقيه ولحل المشكله انا فكرت وعملت الاتى المطلوب ورده معدن تكون نفس مقاس فوهة بيت الرش فى بندقيتك او تاخد معاك رشايه وانت بتشترى الورده وتقيس الرشه على الورده بحيس ان مؤخرة الرشه تدخل فى الورده حشر  وتجيب صاموله مقاس 14  ومفك صليبه متوسط الحجم  المجموعه مع بعض  الخطوات هاتحط الصاموله على الارض وتحط فوقيها الورده وتحط الرشايه فى فتحة الورده زى فى الصوره كده  وتحط المفك فى مؤخرة الرشايه وتضرب بكلية ايدك ضربه خفيفه كده على المفك هاتلاقى الرشه نزلت فى الصاموله من تحت نضيفه   هاتلاقى الرشايه عدت من الورده والحواف العريضه اللى فى مؤخرتها اتصنفرت واتبرت (مبريه) على خفيف قوم بقى جرب الرشايه فى البندقيه دلوقت هاتلاقيها باتت فى بيت الرش مظبوطه جداااااااااااااا وكأن الرشايه دى اتصنعت مخصوص لبندقيتك ادعيلى بقى متنساش   وعلى فكره الرشايه مش هاتتاثر بالسلب اطلاقا بالموضوع ده بل بالعكس هاتتظبط اكتر لان الشغل كلو هايكون على الحواف بتاعة الرشه الزائده اللى فى المؤخره وسعات كتير بيكون فيه كام رشه كده فى العلبه معووجين العمليه اللى هانعملها دى هاتصلحها والموضوع بسيط جداااااااااااااااااااااااااا على فكره انا باعمل 100 رشايه فى ربع ساعه وصدقونى الموضوع فرق معايا كتير اوى فى الدقه بتاعة البندقه واحد هايقوللى طيب ماتغير نوع الرش وريح دماغك احسن ياعم هاقوله طيب ولو نوع الرش ده مريحك جدا فى الدقه وفى الصيد ؟؟ اى خدمه يارجاله متنسوش الدعوات بقى 
__________________
*لـيس كـل مـن حــمـل السلاح كـان صيـادا* *ولكن كل من كان صياداً كان للأخلاق عنوانا* |
|
|
|
|
العرض الشجري