اسئلة فنيه

[omarara]

السلام عليكم
مع الاسف فتحت الكرال النهارده بتاعتى عاوز اقولكم لقيتها مزبلة قذارة كده مش عارف انا كنت بضرب بيها ازاى اصلاً
اولاً السوسته لامه لامه سوده وثانياً السوسته اصلاً كانت مقصوصه عشان تبقى على ادها وراكب لها قاعده معدن بدل البلاستك اللى كانت موجوده ولكن السوسته كانت راكبه من المكان المقصوص وواكله فى القاعده المعدن واكلاها خالص ده غير الوساخه اللى فى البندقيه والتراب اللى لازق فى الشحم
ما علينا من كل ده اهم حاجة عندى كام سؤال بالنسبة للقاعدة عامة
القاعده اللى عندى ديه مش بتدخل فى السوسته يعنى بتبقى فوقيها هل ده طبيعى ولا هى كده اتعملت اكبر من حجمها المفروض ؟ وهل لو هى كده مش سليمه ممكن حد يقول لى الابعاد عشان اعمل واحده تيفلون ولا الافضل انى آخدها وآخد السوسته للخراط ؟ وياريت لو حد يعرف خراط كويس اعملها عنده انا من اكتوبر بس لو فيه واحد كويس فى وسط البلد او قريب اروحله
ولو عملتها تيفلون هحتاج حليه معدن ؟
ديه الاسئلة الخاصه بالقاعده
اما بالنسبة لأهم سؤال : طريقة تغير الجلبة ايه ؟ اصلى مش شايف مسمار ده مسمار ملوش راس ولو فكيتها عن طريق اللف ممكن ابوظ الجلبة ؟
وشكراً مقدماً معلش طولت عليكم