استفسار في سعر المجري

[ahmedbatoos]

السلام عليكم

لي استفسار اخواني
انا امتلك بندقيه تل مجري حالتها جيده جدا عدا ان الناشنكاه اتكسرت من مده طويله جدا ولاني لا اضرب كتير بلبندقيه لم افكر في شراء ناشنكاه الا مؤخرا
كذلك انا الان بسنفر البندقيه عشان اعمل الحديد وش اسود تاني كا نضافه يعني لان ابتدي اهتمامي يرجع ليها

لو اردت بيها كم السعر وهي موديل lg 527 صناعه مجري

واذا اردت البدل بلديانا 54 كم ادفع فرق مع العلم اني اريد دياانا مستعمله

وشكرا

[أسامه خطاب]

التل المجري ده نوع له عشاقه وهو موجود من زمان وفيه ناس بتصيد بيه حلو جدا
وعموما في موضوع ( تعالوا نتعرف على بنادق الأستاذ محمد أنور )
ده كان رده في الموضوع على بندقيته التل المجري

المشاركة الأصلية كتبت بواسطة mohamed anwar

9-التل المجري عندي من حوالي 15 سنه زيها زي الاكلبس والاكلبس حلت مكنها وهما اللتنين فيهم نفس الخصيه وبصتاد بها لما يجيلي الغرام وهي من الباندق واسعه الشهره والصيت بي الصيادين القدام لدقتها العاليه وبضرب كل شيئ انا كونت شريها ب 300 ج دلوقتي جديده 1800 وحتلاقيها عن ميشيل عازر اللي في العتبه

[galal khalifa]

التل المجري من العلامات المؤثرة في تاريخ صناعة البنادق في العالم فهي لاتقل عراقة او تاريخ عن الديانا وال bsa
او الفالك او الفايروخ ولكن الصناعة الالمانية تفوقت علي جميع انواع البنادق في العالم وانا شخصيا عندي بندقية تل (ريلوم ) مازلت اضرب بها حتي الان وهي دقيقة جدا جدا

[ahmedbatoos]

ِكرا لكل الردود واالافده واسف لتاخري للانشغال

طيب انا اليوم لي سؤال ضروري

رحت لورشه السلاح بتاعت فتح الله لان الاخ عادل شكله مشغول في شغله وكان هو الي هيعرفني علي الشيخ مجدي

وقالي انه هيغير سوسته البندقيه بسوسته سلك انجليزي سوستين في بعض شفتها واحده بره وواحده اضغر جوه
ده ايه النظام واعمل ايه
وبيقلي هتكلف 35 جنيه

[ahmedbatoos]

يا جماعه حد يفيديني في موضوع السسته ده

[هشام سمير]

يعنى يا جماعه ايه رأيك فى التل مجرى يعنى اشتريها ولا فى حاجه قريبه من سعرها واحسن منها ولو جبتها اجيب العتله ولا القصع بالله عليكم حد يرد والا عند بندقيه كويسه للبيع ياريت يعرفنى تليفونى 0117228817

[adel152]

الأخ هشام
البندقية التل بندقية ممتازة رغم أنها مش من البنادق الهاى بور يعنى ماتضربش من على مسافات بعيدة زى الديانا 54 أو الBSA .
أنا شخصيا معايا واحدة تل LG527 كسر وأشتريت واحدة Norica 61 لكن بأفضل التل وببيع النوريكا لشراء واحدة BSA (أنا من عشاق الصناعة الأنجليزى) لكن مش ممكن أبيع التل.
البندقية التل نشانها ممتاز حتى بالرش المصرى.

الأخ أحمد
أنا أتصلت بيك يوم الخميس الى فات وتليفونك فضل يرن لغاية لما فصل الساعة 12 ظهرا علشان نروح للشيخ مجدى مع بعض (ح تلاقى رقم تليفونى فى الMiss call واخره 993 على فكرة هو 010).
أنا فعلا مشغول جدا هذه الأيام ولكن سوف أتصل بيك مرة أخرى قريبا.

[هشام سمير]

الف شكر يا اخ عادل على اهتمامك وردك بس ايه رأيك القصع ولا العتله ومكان كويس تنصحنى اشترى منه انا من البحيره عدا فتح الله فرع اسكندريه ويريت لو تعرف سعرها تقولى

[adel152]

أحسن واحد يفيدك فى الشراء والأسعار موجود هنا فى الأسكندرية هو الشيخ مجدى وأرقام تليفونه موجوده فى المنتدى.

[ahmedbatoos]

اسف استاذ عادل انا فعلا والله لسه شايف نمرتك ومخدتش بالي خالص
ان شاء الله يوم الأربع هتصل بيك للتأكيد وهل يناسبك الخميس الجاي ده

[هشام سمير]

شكراً يا استاذ عادل انت بجد شخصيه محترمه جداً بس ممكن تقولى المدى المؤسر للتل كام متر

[adel152]

المشاركة الأصلية كتبت بواسطة هشام سمير

شكراً يا استاذ عادل انت بجد شخصيه محترمه جداً بس ممكن تقولى المدى المؤسر للتل كام متر

استاذ هشام
السؤال ده صعب الرد عليه بدقة لعوامل كثيرة

أولا الفرق بين نمرة1 ونمرة2 (البنادق)
أقراء هذا الموضوع
http://www.egypthunt.net/showthread....D%D1%DE&page=3

ثانيا نوع الرش المستخدم
أقراء هذا الموضوع
http://www.egypthunt.net/showthread....C7%E1%DD%D1%DE

أرجو أن أكون قد أفادتك فى هذا الموضوع.

[هشام سمير]

والله ما عارف اقولك يا استاذ عادل غير جزاك الله خيراً انا بجد حبيتك من غير ما اشوفك انار الله وجهك واتمنى ان اكون صديق لك

[محمد يونس]

نعتنتنتغتمنات

[adel152]

المشاركة الأصلية كتبت بواسطة هشام سمير

والله ما عارف اقولك يا استاذ عادل غير جزاك الله خيراً انا بجد حبيتك من غير ما اشوفك انار الله وجهك واتمنى ان اكون صديق لك

والله ياأستاذ هشام صداقتك ديه شرف ليه. وأحنا هنا فى هذا المنتدى كلنا أخوة.
ربنا يديم المعروف يارب.