حد من الادارة أو من الاأخوة الاعضاء أتعامل معا الاخ اللى أسمه المحارب ؟

[dizL]

السلام عليكم ورحمه الله وبركاته جميعا احب اوضح حاجه من باب العلم بلشى انا ضفت اميل واحد عندى المهم هو لسه فاتح الاميل بتاعه من شويه فسألنى جبت اميلى منين قلتله من موقع صيد قلى تشرفنا قلتله عايز روم ار جى زى ماحضرتكم عرفينى انا بدور عليها رد الاخ قلى بص ياباشا عندى كل حاج انا معنديش حاجه اسمها معنديش ابتدا الشك عندى من هنا قلتلو طب عندك حى معا انى مش معايه ترخيص قلى عندك كام سنه قلتلو 26 قلى موجود الشك زاد عندى قلتلو طب سعر الروم كام قالى هحسبهالك 1800 بلكرتونه رديت عليه قلتلو دى مش موجوده اطلاقا المهم قلتلوا انتا اسمك ايه فى موقع الصيد قالى المحارب وعملتلو اجنور لانى مش مستريحلوا الصراحه أرجو من الادارة من الاخوة الاعضاء ان يفيدونى من هذا العضو والله على ما اقول شهيد

[za2r2lel]

طيب ومستريحتولش ليه

ولعلمك الروم 9مللى كان من حوالى شهر ونص فى اخ فاضل باعه هنا جديد ب 1700 بس

متقلقش السعر كويس والمهم تعاين البضاعه الاول

[tarekvb]

طالما قالك ان هو عنده روم ليه مروحتش تشوفه بصرف النظر عن موضوع الحى انت مروحتش ليه وشوفته مع العلم ان هو موجود بس قليل شوية ايه اللى يمنع ان يكون موجود عنده ؟؟؟

[Masterssss]

بالفعل الروم موجود بس نادر حبتين واللي معاه ماسك فيه دور شويه وهتلاقي باذن الله

[the ghost]

انت خليك معاه للاخر روح وشوف المسدس عجبك اشتريه معجبكش مش هتشتريه طلع كداب هتكتب هنا وتوضح لكن انت بتكتب من غير ما تشوف حاجة من مجرد كلام

[ahm_matrix]

لو مقلق منو صلى صلاة استخارة وخد معاك اتنين اصحابك لمجرد الامان وشوف مش هاتخسر حاجة

وقابلو فى مكان عام وفيه ناس كتير مش مكان مقطوع

وربنا يسترها عليك وعلينا يا رب

[smsmn8888]

لو قلقان بلاششششش اصلاااا علشان لو اشتريتة هتفضل شاكك فية علاطول خاص ان الروم في منة صيني في السوق فخالي بالك
غير المحارب دا مش فيلم اجنبي قديم ههههههه
او لو المشوار مش بعيد قابلة وميكونش معاك فلوس واتفرج بس بسيطة

[mahmoud11144]

اية يا جماعة انتو كدا هتكرهونا في الراجل من غير حتي من شوفة او نعاملة
علي العموم الراجل قالك علي الي عندو لو هتشتري وانت مطمن من نحيتة اشتري وجرب ما فيش مشاكل
وبعدين ما فيش حد انهاردا اسمة معندوش حي في ناس كتير معاة حي من غير ترخيص وبتاجر فية كمان
ولو انت مش مرتاح لية بلاش منة خالص وزي ما بيقولو الباب الي يجيلك منة الريح سدة واستريح
يعني لو الباب دة هيجبلك قلق ابعد عنة ولو فية مصلحتك وطلبك مفيش مشاكل
وان شاء الله خير وبعدين انا قرات مواضيع ومشركات لهذا العضو وهو باين انة راجل محترم
فبلاش تسئ الظن بية الا لما تعاملة ولو حصل اي شئ لقدر الله
عرفنا ويبقي جزاك اللة خيرا علي ما فعلت ..
تقبل مروري..

[amr7]

ممكن تكتب ايميله او تبعتهولي على الخاص لو سمحت؟

[dizL]

للآسف مسحتوا وعملتلو أجنور والله عارف انى اتسرعت فى كدة بس كان اسمه على الاميل محمد محمود وقلى ان فى عضو هنا اسمه القنصل عارفه كويس ده كل اللى انا متذكرة

[gamopt80]

مع كامل احترامي ليه اي شخص بيتاجر في اسلحه حيه بدون ترخيص انا عن نقسي مش هرتاحله ومش هتعامل معاه , لان اكيد الي هيمشي غلط في حاجه زي كده تتوقع منه كل حاجه

[za2r2lel]

المشاركة الأصلية كتبت بواسطة gamopt80

مع كامل احترامي ليه اي شخص بيتاجر في اسلحه حيه بدون ترخيص انا عن نقسي مش هرتاحله ومش هتعامل معاه , لان اكيد الي هيمشي غلط في حاجه زي كده تتوقع منه كل حاجه

ايوه تمام كلامك...بس صاحب الموضوع قال انه سأله عن وجود مسدسات حى ومقولوش انه معهوش تصريح!!!!بس يعنى هو مقلش انه هيبعله حى بدون تصريح

[gamopt80]

المشاركة الأصلية كتبت بواسطة za2r2lel

ايوه تمام كلامك...بس صاحب الموضوع قال انه سأله عن وجود مسدسات حى ومقولوش انه معهوش تصريح!!!!بس يعنى هو مقلش انه هيبعله حى بدون تصريح

ايوه ماهو كلامي بشكل عام , وليه كامل الاحترام انا معرفهوش ويمكن هو فعلا صادق
بس لو تلاحظ انه ساله على سلاح حي وهو مسألهوش بخصوص التصريح , دا قاله عندك كام سنه!!
المهم ان الفكره ان اي حد بيتاجر في سلاح حي بدون ترخيص دا بيودي ناس في داهيه وممكن يكون سبب في ضياع ناس, واكيد مش هيكون امين في تجارته في اي حاجه تانيه

[Consul]

المشاركة الأصلية كتبت بواسطة dizl

للآسف مسحتوا وعملتلو أجنور والله عارف انى اتسرعت فى كدة بس كان اسمه على الاميل محمد محمود وقلى ان فى عضو هنا اسمه القنصل عارفه كويس ده كل اللى انا متذكرة

بارك الله فيكم حبايب قلبي...أعتقد أن الأخوة الأعزاء الأفاضل جميعا قد قرأوا ردي وتعقيبي على هذا الموضوع...ونظرا لحساسية الموضوع ووضعي ومكانتي الوظيفية ولدواعي أمنية فقط تم حجب الموضوع بمعرفتي...ومن يريد أي إستفسار يخاطبني على بريدي الخاص أو يهاتفني...خالص تحياتي...