مشروعات صغيرة 2 محل هدايا وعطور وكل حاجة

[مورو]

بسم الله الرحمن الرحيم
المشروع ده للناس اللي معاها مبلغ من المال وعاوزة تفتح محل والمحل ده هيبيع حاجات كتيييييييييييير اوي منها
1- عطور .
2- هدايا فرو : ودي عبارة عن الدباديب والقلوب والارانب والحاجات دي أسعارها رخيصة جدا في حارة اليهود والموسكي مثلا هتلاقي دبدوب بيتباع في المحلات ب70 جنية ده ممكن تكون جملته من 25 : 35 جنية ونسبة الخصم بتاخدها على أثاث الكمية وهناك مش هتقول للبياع أنك عاوز قطعه أو أتنين حضرتك هتاخد من كل صنف ربع أو نصف دسته وبكده هتاخد خصم اكبر علشان هتاخد بالجملة وفي دباديب ب 7و8 جنية وبتتباع من 15 : 20 جنية وهكذا.
3- وفي المجات هناك اشكال كتييير جدا .
4- نظارات شمسية : هتشتري ستاند نظارات شمسية من الرويعي . وهتشتري النظارات بالعلبة او الدستة والنظارة اللي احنا بنشتريها ب 25 اصلا تمنها جملها حوالي 7: 12 جنية .
5- ميداليات وحظاظات وسلاسل واكسسوارات شبابي وبناتي ودي في حارة اليهود برخص التراب.
6- وهتعمل ركن لمستحضرات التجميل زي الكريمات والجيلات والماسكات وكده . ودي بقى من شارع الجيش .والموسكي.
7-هتعمل ستاند صغير او شبكة سلك للإيشاربات والأسكارف والكاب والايس كاب والطرح الحريمي.
8- وهتعمل ستاند هتعلق علية 20:30 تي شيرت شبابي روش كده ومطبوع وده برده من الموسكي ومكسب التيشرت الواحد لا يقل عن 7 :10 جنية على الاقل.
9-رف للولاعات : وهتعمل حضرتك رف للولاعات ودي في منها الاف الاشكال والانواع. ودي من حارة اليهود من جوة.
10- شنط : ستاند سلك متعلق علية شنط حريمي وشنط شبابي وشنط زي بتاعة الاب توب .
11- الماسكات المرعبة زي بتاعة الهالويين وبتاعة افلام الرعب ودي مش بتتباع كتيير اوي او مش عليها اقبال كتير غير من بعض الشباب اللي بيحطوها ديكورات في المحلات والغرف.
12- احزمة ومحافظ جلد: بردوه في حارة اليهود والموسكي ودرب سعادة.
13- ستاند صغير للكرافت : والكرافت سعره جمله للخامه المعقولة 10:15 جنية بيتباع ب 35 جنية.
وفي حاجات تانية كتييييير اوي زي التحف الانتيكات الصغيرة وكل واحد ودماغة وعلى حسب المنطقة اللي هايفتح فيها المحل . وربنا يكرم الجميع .
عمرو صقر ــــ موروــــــــ

[pooforever_2010]

يشرفنى اكون اول واحد يرد
بجد تسلم على النصايح والمشروعات الجامده جدا دى
ربنا يجعلها فميزان حسناتك
شكرا

[مورو]

يشرفني أني أقولك شكرررررررررررررررررررا

[pooforever_2010]

عموره حبيب قلبى ده المنتدى كله اللى بيقولك شكرا مش انا بس
تحياتى ليك رساله يا باشا

[hema777h]

المشاركة الأصلية كتبت بواسطة مورو

بسم الله الرحمن الرحيم
المشروع ده للناس اللي معاها مبلغ من المال وعاوزة تفتح محل والمحل ده هيبيع حاجات كتيييييييييييير اوي منها
1- عطور .
2- هدايا فرو : ودي عبارة عن الدباديب والقلوب والارانب والحاجات دي أسعارها رخيصة جدا في حارة اليهود والموسكي مثلا هتلاقي دبدوب بيتباع في المحلات ب70 جنية ده ممكن تكون جملته من 25 : 35 جنية ونسبة الخصم بتاخدها على أثاث الكمية وهناك مش هتقول للبياع أنك عاوز قطعه أو أتنين حضرتك هتاخد من كل صنف ربع أو نصف دسته وبكده هتاخد خصم اكبر علشان هتاخد بالجملة وفي دباديب ب 7و8 جنية وبتتباع من 15 : 20 جنية وهكذا.
3- وفي المجات هناك اشكال كتييير جدا .
4- نظارات شمسية : هتشتري ستاند نظارات شمسية من الرويعي . وهتشتري النظارات بالعلبة او الدستة والنظارة اللي احنا بنشتريها ب 25 اصلا تمنها جملها حوالي 7: 12 جنية .
5- ميداليات وحظاظات وسلاسل واكسسوارات شبابي وبناتي ودي في حارة اليهود برخص التراب.
6- وهتعمل ركن لمستحضرات التجميل زي الكريمات والجيلات والماسكات وكده . ودي بقى من شارع الجيش .والموسكي.
7-هتعمل ستاند صغير او شبكة سلك للإيشاربات والأسكارف والكاب والايس كاب والطرح الحريمي.
8- وهتعمل ستاند هتعلق علية 20:30 تي شيرت شبابي روش كده ومطبوع وده برده من الموسكي ومكسب التيشرت الواحد لا يقل عن 7 :10 جنية على الاقل.
9-رف للولاعات : وهتعمل حضرتك رف للولاعات ودي في منها الاف الاشكال والانواع. ودي من حارة اليهود من جوة.
10- شنط : ستاند سلك متعلق علية شنط حريمي وشنط شبابي وشنط زي بتاعة الاب توب .
11- الماسكات المرعبة زي بتاعة الهالويين وبتاعة افلام الرعب ودي مش بتتباع كتيير اوي او مش عليها اقبال كتير غير من بعض الشباب اللي بيحطوها ديكورات في المحلات والغرف.
12- احزمة ومحافظ جلد: بردوه في حارة اليهود والموسكي ودرب سعادة.
13- ستاند صغير للكرافت : والكرافت سعره جمله للخامه المعقولة 10:15 جنية بيتباع ب 35 جنية.
وفي حاجات تانية كتييييير اوي زي التحف الانتيكات الصغيرة وكل واحد ودماغة وعلى حسب المنطقة اللي هايفتح فيها المحل . وربنا يكرم الجميع .
عمرو صقر ــــ موروــــــــ

بسم الله ماشاء الله سنتر متكامل بس علي صغير

[سيدخالد]

بجد موضوع جميل ربنا يبارك لك

[sultan]

الى الامام الى الامام

[تاجر جملة]

جميل جدااااااااااااااااااااااا

[ahmedalim]

موضوع مميز ربنا يبارك فيك

[tarekvb]

السوال الاهم حضرتك شغال فى ايه ؟؟ يعنى المشروعات الجميلة اللى بتقدمهلنا دى اصلا مشروعاتك وانت عاملها ؟؟

[مورو]

انا اشتغلت في حاجات كتير بس أكتر حاجة كسبت منها فلوس الحمد لله كانت العطور أناكنت هعمل المشروع رقم 2 في شهر يناير اللي فات قبل الثورة بحوالي 15 يوم وكان في مشروع تاني في دماغي هو صناعة الشموع وهعرضة قريب ان شاء الله بس الحمد لله الثورة جت وانا وصاحبي اللي كان معايا صرفنا الفلوس كلها وعملنا جمعيات وبرده إتصرفت كلها وحاليا انا قاعد ع القهوة وع النت مع العلم أنا كنت بشتغل في مطعم ماكدونالدز اللي في أركيديا لمدة سنتين وقدمت استقالتي قبل الثورة بحوالي 15 يوم علشان المشروع بس الحمد لله كل واحد بياخد نصيبه .

[pooforever_2010]

المشاركة الأصلية كتبت بواسطة مورو

انا اشتغلت في حاجات كتير بس أكتر حاجة كسبت منها فلوس الحمد لله كانت العطور أناكنت هعمل المشروع رقم 2 في شهر يناير اللي فات قبل الثورة بحوالي 15 يوم وكان في مشروع تاني في دماغي هو صناعة الشموع وهعرضة قريب ان شاء الله بس الحمد لله الثورة جت وانا وصاحبي اللي كان معايا صرفنا الفلوس كلها وعملنا جمعيات وبرده إتصرفت كلها وحاليا انا قاعد ع القهوة وع النت مع العلم أنا كنت بشتغل في مطعم ماكدونالدز اللي في أركيديا لمدة سنتين وقدمت استقالتي قبل الثورة بحوالي 15 يوم علشان المشروع بس الحمد لله كل واحد بياخد نصيبه .

محتزنش على اللى فات لان اللى جاى احلى بامر الله
وبالنسبه لموضوع الشموع اى حاجه انا تحت امرك اشتغلت فيها كتير وواحد صاحبى عنده مصنع شمع
وابوه بيعمل اسطمبات الشمع كمان
تحياتى يا مورو
وانت قاعد على انهى قهوة لانى قاعد على واحد هنا
فايه رايك نفتح الاتنين على بعض
ههههههههههههههههههههههه
خليها على الله يا صاحبى

[مورو]

انا لو حزنت على اللي فات وبكيت دموعي هتعمل فيضان في مصر
وهيبقى عندنا وفرة في الميه .
هههههههههههههههههههههه
انا اخدت كورس في الشموع ولو اشتغلت فيه ان شاء الله هكلمك وربنا يسهل

[مورو]

قاعد على قهوة في منية السيريج جنب البيت في شارع السيدة خديجة وهادرس مشروع فتح القهوتين على بعض
ههههههههههههههههههههههههههههههههه