السيارات: (1) جديد السوق المصري

[ahmedmh_ali]

بسم الله الرحمن الرحيم
و بة نستعين





لقد قررت بما أن طبيعه عملى تتعلق بالسيارات و تعاملى الدائم مع المعارض و الشركات و التوكيلات و المعارض و المستوردين قررت عمل سلسلة من المواضيع عن السيارت و أخبارها و أسعارها و فطع الغيار و المواصفات و ما الى ذلك .






و بأذن الله تعالى سأقوم بداية بأكثر السيارات انتشارا فى السوق المصرية الأن و هم كالأتى :






ألنترا 2012 الشكل الجديد

تعد هيونداي إلانترا أحدث إنتاج شركة هيونداي العالمية فهي تعتبر إضافة هائلة لموقع هيونداي في مجال السيارة العائلية المتوسطة، فكم التطوير في السيارة يلمسه جميع العملاء فهي مختلفة، فكم التطوير في السيارة يلمسه جميع العملاء هي مختلفة لما بها من تكنولوجيات متطورة.. نستطيع أن نقول عن إلانترا انها وضعت معايير جديدة عالميا لسيارات الركوب العائلية فمن خلال الابتكار تواصل السيارة جاذبيتها بالنسبة للعميل الذي يسعي الي الجودة ويبحث عن القوة الرياضية والاستهلاك المنخفض للوقود فضلا عن الناحية العملية غير المسبوقة و عناصر التصميم النابضة بالحيوية الخاصة بسيارات المدن التي تتميز بها هيونداي إلانترا.

المحرك


مفهوم الأداء الرياضي له معني خاص لدي إلانترا الجديدة فقد تم تصميم محرك جبار بتكنولوجيا CVVT التي تضمن قوة وتسارع مع اقتصاد في استهلاك الوقود في ذات الوقت ، المحرك ذو سعة 1600 سي سي 16 صمام الجديد بقوة 121 حصان وعمودي كامة لضمان أقصي أداء وفاعلية للمحرك و ليوفر له فرصة للعمل بإمكانية مزدوجة مثالية توفق بين القيادة بسرعة عادية و القيادة بسرعة كبيرة أما عجلة القيادة يضمن سلاسة في تعشيق السرعات بالإضافة إلي تقديم خيار قيادة سيارة تقليدية مجهزة بجهاز ناقل حركة اوتوماتيكي و يدوي .

الشكل الخارجي


كما توفر السيارة هيونداي إلانترا الجديدة بعض تكنولوجيا شركة هيونداي الأكثر تطورا في مجال قيادة السيارات و المصممة لتلبية متطلبات عشاق سيارات هيونداي متمثلة في التصميم الحديث بدء من مقدمة السيارة التي زاد فيها طول غطاء المحرك بنسبة كبيرة مما يزيد الشعور بكبر حجم السيارة مع الاحتفاظ بالانسيابية التي تساعد السيارة اختراق الطريق بكل سهولة و يسر كما أن اللافت للنظر هو التصميم الجديد للمصابيح الأمامية التي لا تستطيع إلا أن تتأمل في تفاصيله المبهرة مرورا بالزجاج الأمامي الذي يتميز بدرجة ميل تساعد علي زيادة الانسيابية وصولا إلي مؤخرة السيارة التي تتميز عن الموديل السابق بمصابيحها الكبيرة ذات الإضاءة الداخلية علي شكل دوائر في شكل متجانس مع الإكصدام الخلفي وصندوق الأمتعة لا مثيل له من حيث السعة ، التي تبلغ 460 لتر تسمح لها بمنافسة السيارات من الفئة الأكبر ذات سعة 2000 سي سي فما فوق.
فهي بمعني مبسط تعكس السيارة السيدان الرياضية الأنيقة المصممة لجذب الأنظار من خلال مظهرها الديناميكي الجديد فتوفر راحة قصوي للركاب لأنها اكبر حجما من سيارة الأنترا السابقة بفضل تصميم السيارة بمساحة اتساع أكبر بين العجلات الأمامية و الخلفية تبلغ 2.65م مما يساعد علي ثبات السيارة في مختلف المنعطفات .

المقصورة الداخلية


ألاهتمام بالشكل الخارجي لم يغطي علي التجهيزات الداخلية التي حشدتها هيونداي الكورية في سيارتها فالتفاصيل الداخلية تتضمن لمسات لافتة للانتباه من ناقل حركة أنيق و سهل التشغيل و أجهزة تحكم مصممة تصميما يزيد من سهولة القيادة وتشعر قائد السيارة بأنه يقود مركبه فضائية من احدث جيل ،المساحات الزجاجية الكبيرة تتيح زاوية رؤية سهلة للطريق إلا أن حجم السيارة الخارجي لا يظهر ما بداخل المقصورة الداخلية من اتساع مبهر ويظهر ذلك بداء مع فتح الأبواب كبيرة الحجم التي تسهل عملية الدخول و الخروج من السيارة كما أن مقاعد السيارة ذات تصميم ممتاز وذلك يدعم الظهر ويخفف الإرهاق ..كما أنها تستطيع استقبال 5 أفراد براحة تامة في الأمام و الخلف فضلا عن وضعيات حركة المقاعد الأمامية و الخلفية المتعددة التي تتميز بالناحية العملية لإعطاء مساحة داخل مقصورة القيادة أو يمكن طي خلفية المقاعد لإضافة مساحة إضافية في صندوق الأمتعة.. كما أن فرش السيارة الداخلي يعطي إحساس بالأناقة وتناسق مع لون التابلوه كما أن الخامات المستخدمة ذات جودة لضمان عمر أطول دون ظهور أي عيوب.
تكتمل المتعة مع عجلة القيادة عالية الاستجابة الذي يعمل علي تسهيل حركة عجلة القيادة علي السرعات المنخفضة أو العالية كما أن الشاسيه الجديد له دور في أدائها الممتاز وتماسكها وثباتها علي الطريق هذا بالإضافة إلي أن لوحة عدادات السيارة مضاءة باللون الأزرق التي يمكن من خلالها قراءة جميع عدادات التابلوه. الطويلة كما يمكن تعديل وضعية عجله القيادة لأعلي و أسفل لزيادة مجال الرؤية
تابلوه السيارة ذو شكل جمالي مع مفاتيح أنيقة لسهولة التعامل معها مثل مفاتيح مكيف الهواء ذو الأداء العالي الذي يحتاج لوقت أقل مقارنة بأي سيارة في فئتها للوصول لدرجة الحرارة المطلوبة للمقصورة.

الكماليات


كماليات هيونداي الأساسية عديدة تضم زجاج كهربائي و سنتر لوك بالريموت و المرايات الكهربائية و ريموت ومصابيح ضباب وزجاج ملون وراديو كاسيت ومتوفر CD يستوعب عدد 12 اسطوانة في بعض الموديلات ومع فتحه سقف

المواصفات
-1شبك كروم اسفل الصدام الامامي
2- 10 حساسات 6 اماميه و4 خلفيه
3-مرآه جانبيه تحتوي على اشارة انعطاف
4-مقابض الابواب من الكروم
5-كشافات ضباب اماميه
6 انوار اماميه عدسات
7-حامل اكواب في الوسط بالمقاعد الخلفيه
8-مقبس كهرباء في الجهه اليسرى للراكب بجانب الطبلون
9-مقابض الابواب الداخليه من الكروم
10-دعاسات البنزين والفرامل ايضا من الكروم
-11 مكان لوضع النظارات الشمسيه مثل السوناتا
12-تسخين المقاعد للراكبين الامامين
-13التكييف اوتومآتيك بعكس الالنترا القديمه فرار
14-شاشـه ملاحـه























و السعر الأفتتاحى لهذة السيارة هو 126 ألف جنية و هى كالأتى (جنوط عادى - فتحه سقف - abs - تكييف - أوتوماتيك ) .

و السعر النهائى 152 ألف جنية و هو سعر السيارة فى الطراز الأليجانس .

و بالطبع هناك الأصدارات الخاصة مفتوحه السعر ذات المطالب الشخصية الأضافية .





أكسنت أر بى أو فيرنا ( الأسم يختلف حسب الدول الأوروبية و دول الخليج )




قدمت شركة السيارات الكورية هيونداي، طراز العام 2012 من سيارتها أكسنت بتصميمٍ جديد يعكس حرصها على سياسة التغيير الشامل في تصاميم طرزها.
واعتمدت هيونداي في التصميم الجديد على الخطوط الرئيسة التي اتبعتها في تصميم سيارتها السيدان الناجحة سوناتا، معززة إياها بمزايا وتقنيات جديدة مواكبة لأحدث تقنيات صناعة السيارات على مستوى العالم.
ويلاحظ على التصميم الخارجي زيادة في الطول الإجمالي بمقدار 70 ملم عن الطراز السابق،
الطول 4340 ملم والعرض 1700ملم الارتفاع 1460 ملم أما قاعدة العجلات فهي 2570 ملم

ما يسهم في زيادة المساحة الداخلية لمقصورة الركاب، إضافة إلى أن سقف الطراز الجديد خفض بمقدار سنتيمترين عن الطراز السابق مع زيادة في تقوس الجزء الخلفي من السقف العلوي للسيارة، ما يسهم في تحسين كفاءة الديناميكية الهوائية ويعطي مظهراً رياضياً لسيارة سيدان صغيرة بمواصفات الكوبيه الرياضية.
وشملت التعديلات الجذرية على طراز 2012 المقدمة التي زودت بمصابيح تشبه إلى حدٍ ما مصابيح هيونداي جينيسس كوبيه، فيما اعتمد في تصميم الشبك والمصد الأمامي ومصابيح المؤخرة والجانح الخلفي أعلى الصندوق الخلفي على الخطوط التصميمة ل سوناتا.
اوجه الشبه من الفيرنا والازيرا 2012



زودت الاكسنت بمحركين من المحركات، الأول رباعي الأسطوانات سعة 1.4 لتر، تنتج عنه استطاعة ميكانيكية تبلغ 107 أحصنة، وعزم يبلغ 135 نيوتن/متر، فيما يأتي المحرك الثاني من نوع «غاما» رباعي الأسطوانات سعة 1.6 لتر، تنتج عنه استطاعة ميكانيكية قدرها 123 حصاناً، وعزم يبلغ 155 نيوتن/متر، ويتوافر كلا المحركين بخيارين من نواقل الحركة الأول يدوي من خمس سرعات، والثاني أوتوماتيكي من أربع سرعات.
ومع تحسن كفاءة قوة المحرك بخياريه، إلا أن التقنيات الحديثة التي اعتمدها الصانع الكوري في صناعة تلك المحركات مكنته من تجسيد سياسة التوجه العالمي الجديد لكبار مصنعي السيارات، وذلك من خلال الحصول على قوة أكبر متزامنة مع كفاءة أعلى في استهلاك الوقود، إذ يستهلك المحرك الأول (1.4 لتر) ما مقداره 6.1 لترات/100 كلم، فيما يستهلك المحرك الثاني (1.6 لتر) ما مقداره 6.4 لترات/100 كلم.
وتتوفر بناقل حركة يدوي 5 سرعات أو آلي 4 سرعات.
وسعة خزان الوقود 43 لتر

المواصفات
مواصفات السيارة القياسية تتضمن بطارية بقدرة عالية 60 امبير
خزان سائل تنظيف سعة 4 لتر مع حساس،
فتحات تدفئة للمقاعد الخلفية
واقيات للطين في كل العجلات الأربعة
والمواصفات الاختيارية تتضمن مساحات مقاومة للثلج
تدفئة مقاعد أمامية، تدفئة للمرايا الجانبية، ستة وسائد هوائية
نظام ESC
كشافات ضباب
فتحة سقف
جنوط المنيوم 16 انش
مسجل cd
نلاحظ عواكس أنوار في الصداامات الخلفية ووجود
أربع حساسات للفل كامل فقط
لوحة العدادات عادية تضم شاشة معلومات بكتابة حمراء وداخل الشاشة نلاحظ
وجود مقياس كمية الوقود بالخزان اما بالنسبة للحرارة فلا يوجد لها مقياس
















و السعر الأفتتاحى لهذة السيارة هو 102 ألف جنية ( أتوماتيك - جنوط عادى - طارة غير متعددة الوظائف - تكييف )
و السعر النهائى هو 109 (بدون كاميرا الركن الخلفية )




لانسر gls - glx الشهيرة بال ( البومة )



لقد تم اصدار هذة السيارة فى المرة الأولى فى نهاية العام 2006 و قد لاقت نجاحا كبيرا و رواجا كبيرا فى كل أٍسواق العالم و أفتخر بأن هذة السيارة هى سيارتى الشخصية ، و فى العام 2008 قامت شركة متسوبيشى بطرح أصدار جديد للسيارة و هو لا نسر ex أو الشهيرة بال ( شارك ) او القرش لأن السيارة تشبة سمكة القرش و على الرغم من جودة هذة السيارة ألا أنها لاقت لم تلق رواجا فى السوق المصرية (فقط) و ظلت المبيعات لهذة السيارة تتراجع شيئا ف شيئا حتى أنعدمت ، و فى العام 2010 قام الوكيل فى جمهورية مصر العربية ( سيد الرواس ) بسحب جميع أصدارات السيارة الانسر البومة ( زعلت أوى اليوم دة ) و أنة سوف يقوم بطرح نوعان من السيارة ال ex و هما ex و ex evo و فى العام 2010 و 2011 لم تلك السيارة اللانسر القرش رواجا فى مصر ، و بعد ذلك فى شهر يوليو عام 2011 تم تسليم شركة ميتسوبيشى الى وكيل جديد و قام فورا بسحب السيارات الانسر القرش من السوق المصرية و طرح السيارة البومة مرة أخرى ( فرحت أوى اليوم دة ) .




مواصفات السيارة


صندوق السرعات : مانوال (5) سرعات أمامية وسرعة خلفية / أو صندوق سرعات أوتوماتيك

ضمان ثلاث سنوات أو ستون ألف كيلومتر
المواصفات القياسية و الكماليات للسيارة لانسر 1600 موديل 2007


الـطــــــــــــــــــراز : ميتسوبيشي لانسر 1600 GLX

الـمـــحـــــــــــــرك : 1.6 لتر 16 صمام حقن إليكتروني

صندوق السرعات : مانوال (5) سرعات أمامية وسرعة خلفية / أو صندوق سرعات أوتوماتيك مستمر التغير CVT الوحيد بهذه المواصفات.

ضمان ثلاث سنوات أو ستون ألف كيلومتر



نظام التعليق :

·مصمم خصيصا للطرق المصرية مما يعطي أكبر قدر من الثبات عند السرعات العالية وفي المنحيات الحادة.

·مساعد ماكفرسون أمامي مع سوستة حلزونية للخدمة الشاقة.

·تعليق خلفي متعدد الوصلات.

·عامود اتزان أمامي.

الفرامل :

·نظام تحكم اليكتروني في توزيع قوة الفرامل على العجلات الأربع لضمان أكبر ثبات عند الاستخدام المفاجئ.

·دسكات فرامل أمامية " مهواه " 14 بوصة.

·طنابير خلفية 8 بوصة.

·صمام تحكم آلي في ضغط الباكم.

·معزز فرامل 10 بوصة.

دركسيون :

·باور ستيرنج.

·راك آند بنيون.

·عامود دركسيون قابل للإمالة.

الاطارات والجنوط :

·في موديل 1600 إطار 195/60/ 15R الأكبر والأعرض بين مثيلاتها.

·طاسات عجل 15 بوصة.

·كما يوجد جنوط اسبور.

الكماليات :

·تكييف هواء للمناطق شديدة الحرارة مزود بفلتر هواء لدورة التكييف مصمم خصيصا للأجواء المصرية.

·باور ستيرنج.

·نظام سنترلوك.

·زجاج أبواب كهربائي.

·مرايات كهربائية.

·مفتاح مزود بريموت كنترول لفتح الأبواب ومشفر.

·لمبة استوب في الشماسة الخلفية.

·كتيب المالك باللغة العربية.

·نظام ABS (الفرامل المانع للانزلاق) مع نظام EBD

·Air Bag للسائق.

·( 2 Air Bag للسائق ومن بجواره) (اختياري)

·فتحة سقف (اختياري)

·فوانيس شبورة (اختياري)

·مجموعة تجهيزات رياضية Sport Package (اختياري)

المواصفات الخارجية

·الأبواب مدعمة بقضبان الصدمات لحماية الركاب.

·باكتات أعتاب جانبية (مواصفات رياضية)

·زجاج السيارة ذو طبقات متعددة أخضر اللون عازل للحرارة والآشعة الضارة.

·مساحات أمامية يمكن التحكم في سرعتها وزمن التوقف.

·فوانيس أمامية هالوجين بعدسات شفافة.
·الاكسدامات بلون السيارة.

·باكتات قوائم وسقف سوداء.

·مرايات كهرباء وبلون السيارة.

·أكر خارجية ملونة.

·دلايات أمامية وخلفية.

·زجاج خلفي مزود بسخان.

المواصفات الداخلية :

·أكبر مساحة داخلية للصالون بين مثيلاتها.

·طارة دركسيون وعصا فتيس مكسو بالجلد.

·كلاكس مزدوج


·ساعة ديجيتال.

·مجموعة عدادات متكاملة تشمل عداد RPM.

·عداد حساب الكيلومتر مزدوج ديجيتال.
·لمبة تحذير لمستوى الوقود.

·لمبة تحذير لمستوى سائل الفرامل.

·لمبة بيان الاضاءة "عالي ومنخفض".


·سخان ولاعة سجاير.

·فتح الشنطة الخلفية من الداخل.

·فتح غطاء التنك من الداخل.

·طفاية سجاير أمامية.

·كونسول أمامي كبير مزود بحامل أكواب وجيب للنقود.

·مفتاح تعلية شدة الاضاءة بالعدادات.
·مجهزة لتركيب راديو كاسيت (4 سماعات + ضفيرة + ايريال). كما يوجد راديو كاسيت مع مبدل اسطوانات CD Changer لعدد ستة أسطوانات(اختياري).

·نظام تحكم غلق الأبواب الخلفية لحماية الأطفال.


·جيب بالأبواب الأمامية.

·كرسي السائق قابل لتغيير الارتفاع.

·مساند رأس أمامية.

·مخدع خلفي مزود بحامل أكواب.

·2 حزام أمان أمامي قابل للانطواء الذاتي وتغيير الارتفاع.

·3 حزام أمان خلفي.
·الكنبة قابلة للانطواء.

·2 شماسة أمامية مزودة بمرايات.

·لمبة صالون.

·3 مقابض سقف قابلة للانطواء.

·مراية صالون.

·الشنطة مزودة بفرش كامل واضاءة.

·كونسول خلفي كبير مزود بطفاية سجائر للمقاعد الخلفية.






و للأيضاح سأقوم بوضع صور السيارة من عام 2006 الى 2010 و الأصدار الجديد فى 2011




الشكل القديم

الشكل الجديد




















و جاء الأختلاف بين السيارتين فى الأتى :

- شكل عجلة القيادة .
- عدادات التابلوة الداخلية حيث تغير شكلها و أصبحت تضىء باللون البرتقالى عوضا عن الأبيض و أصبح مؤشر الوقود و الحرارة مؤشر رفمى .
- شكل الجنوط .
- الجير بوكس ( الأتوماتيك ) فى الشكل القديم كان كالأتى : l 2 3 d n r p
أو رياضى كالأتى : l ds d n r p

أم فى الشكل الجديد ( أدعولى أجيبة ) أصبح بنظام + _

و هو نظام القيادة الرياضية .




أما أسعار هذة السيارة :

- 1300cc مانيوال 109 ألف جنية .
- 1300cc أتوماتيك 116 ألف جنية .
- 1600cc مانيوال 125 ألف جنية .
- 1600cc أتوماتيك 132 ألف جنية .

أرجو من السادة الأعضاء أذا واجة أحدهم مشكلة أو أى أستفسار أى كان سواء :

- أسعار السيارات الجديد - المستعملة .
- قطع الغيار .
- الكماليات ( كاسيت - سماعات - gps - شاشات - سراين الكترونية - أنذار - حساسات - ..... ) .
- أماكن البيع .
- أفضل المعارض .
- مشاكل السيارات .
- مزايا و عيوب أى سيارة فى السوف المصرية أو خارجها .
- طرق الحفاظ على السيارة .
- طرق العناية بالسيارة .
- أنواع الأطارات و أفضلها .
- أنواع البطاريات و أفضلها .
- أنواع الزيوت و أفضلها .
- كيفية تفادى مشاكل المحرك قبل حدوثها .
- أسعار ملصقات الهيئات العامة و الحكومية .
- طرق نقل الملكية .
- كيفية الترخيص .
- كيفية الأستعداد للفحص ( لحديثى الأمتلاك ) .
- الميكانيكا العامة للسيارة .
- الدوائر الكهربية للسيارة .


الرجاء كتابة مشاركة أو الأتصال بى : 0184822342
تحياتى للجميع ...

[hoka]

شكرا................................

[blow c06]

انت لو محترف و بتشتغل فى العربيات بجد و عندك اسرار السوق عايزين معلومات عن العربيه الانجليزى الى نازله السوق جديد و عمالين يعلنوا عنها من غير ميقولو ماركتها... هى استون ولا حاجه تانيه.. اكيد مش جاجوار ولا رولزرويس و انا معرفش عربيات انجليزى تانى ولا انت ايه رايك؟؟

[moneey1975]

ايه الكلام الكبير ده مشكور اخي الفاضل علي المجهود

[kiko_2015]

مجهود عالمي شكرا

[mman2005]

باشا أنا بدور على 128 دلوقتى بعد ما شفت الموضوع ده مليش دعوة أنا عايز عربية من دول.

[smsmn8888]

تشكرررررررررر

[ahmedmh_ali]

المشاركة الأصلية كتبت بواسطة hoka

شكرا................................

انا فى الخدمة .

[ahmedmh_ali]

المشاركة الأصلية كتبت بواسطة blow c06

انت لو محترف و بتشتغل فى العربيات بجد و عندك اسرار السوق عايزين معلومات عن العربيه الانجليزى الى نازله السوق جديد و عمالين يعلنوا عنها من غير ميقولو ماركتها... هى استون ولا حاجه تانيه.. اكيد مش جاجوار ولا رولزرويس و انا معرفش عربيات انجليزى تانى ولا انت ايه رايك؟؟

كل اللى عرفتة لغاية دلوقتى هو دة :
http://assayyarat.akhbarway.com/news.asp?c=2&id=96796

بس عايز أقولك على حاجة مهمة أستون أو جاج أو رويس ( مستحييييييييييييييييييييييييييل ) .

[ahmedmh_ali]

المشاركة الأصلية كتبت بواسطة moneey1975

ايه الكلام الكبير ده مشكور اخي الفاضل علي المجهود

تسلم دة بس من زوق حضرتك .

[ahmedmh_ali]

المشاركة الأصلية كتبت بواسطة kiko_2015

مجهود عالمي شكرا

حبيبى حبيبى حبيبى و صباح الفل عليك

[ahmedmh_ali]

المشاركة الأصلية كتبت بواسطة mman2005

باشا أنا بدور على 128 دلوقتى بعد ما شفت الموضوع ده مليش دعوة أنا عايز عربية من دول.

بالتوفيق ان شاء الله .

[ahmedmh_ali]

المشاركة الأصلية كتبت بواسطة smsmn8888

تشكرررررررررر

نوووووووووووووووورت .

[ahmedmh_ali]

اية يا جماعه مفيش ولا واحد بيدعيلى أجيب ال 2012 بتاعتها

[بدر]

يا باشا مجهود تشكر علية
بس البلد دى ما يتركبش فيها زيرو هههههههههههه
يعنى مش هتعرف تعدى من ميكروباص ولا تاكسى هتفضل منتظر علشان خايف على عربيتك من الحكة
تحياتى

[أميجو]

ربنا يكرمك بموديل 2025
تكون حوشت تمانها ههههههههههههههههههه
تسلم ايدك

[dr_mohasan]

موضوع جميل و جديد

ياريت معلومات عن النيسان صنى

[hosam hamza]

[بدر]

منورين المنتدى دكتور محمد والاخ الفاضل حسام
واهو العربيات مشاكلها اقل من الصيد والسلاح هههههههههههههههههههه
بس ياخوفى من منتديات السيارات
تحياتى

[m777md62]

بس مع احترامى لحضرتك يعنى ,, انا بصيت كدا ع الموضوع بسرعة بس لاحظت ان تفاصيلك عن المتسوبيشى مش مظبوطة ,, لأن الصور اللى حاططها تحت الشكل القديم والشكل الجديد ديه كلها للبومة ومفيش فرق ,, بس الاختلاف ان الصور اللى فى الاول للبوما من مو 2004 لحد مو 2008 والصور اللى تحت من مو 2008 لحد مو 2010 ,, انما الشكل الجديد ده اسمه الشارك والشكل مختلف خالص عن ده ونزل من سنة 2008 وديه اللى بيسموها lancer ex ,,,, تحياتى ,,,

[Mohamed Mahmoud]

الله ينور
تسلم ايديك يا ابو حميد

[m777md62]

وتأكيدا لكلامى ديه صور للشكل الجديد وبيبقى 1500 سى سى وده بيسموه الشارك lancer ex

[ahmedalim]

مشكور على المجهود الرائع فعلا

[m777md62]

ودى صورتى مع بومتى حبيبتى

[ahmedmh_ali]

المشاركة الأصلية كتبت بواسطة m777md62

بس مع احترامى لحضرتك يعنى ,, انا بصيت كدا ع الموضوع بسرعة بس لاحظت ان تفاصيلك عن المتسوبيشى مش مظبوطة ,, لأن الصور اللى حاططها تحت الشكل القديم والشكل الجديد ديه كلها للبومة ومفيش فرق ,, بس الاختلاف ان الصور اللى فى الاول للبوما من مو 2004 لحد مو 2008 والصور اللى تحت من مو 2008 لحد مو 2010 ,, انما الشكل الجديد ده اسمه الشارك والشكل مختلف خالص عن ده ونزل من سنة 2008 وديه اللى بيسموها lancer ex ,,,, تحياتى ,,,

هههههههههههههههه وحد الله فى قلبك و تعالى واحدة واحدة بقى دة انت كدة جيت فى حضنى :

- أولا انا بتكلم على جديد السوق المصرى و السوق مفهوش لانسر شارك او شارك أيفولوشين فالبتالى محطش صورتها لأنى متكلمتش عليها و لا قلت مواصفتها .

- ثانيا مفيش بومة فى 2004 اللى كانوا فى 2004 اللانسر الأيفولوشين و دى نزلت فى 2005 و أول بومة نزلت كانت 2006 ( مع اعلم أنها خرجت من المصنع سنة 2004 لكن لم تتوفر فى مصر قبل عام 2006 ) .

- و الصور اللى تحت دى موديل 2012 و ليست 2008 لأن فى 2008 كان أخر أصدار للبومة 2008 ملحق مش 2008 ، و نزل معاها الشارك .

- ثالثا : 2010 - 2011 مكنش فية أى أصدار للبومة لأنة أتمنع من الوكيل .



رجاااااااااااااااااااااااااء قراءة هذا الجزء مرة تانية :


لقد تم اصدار هذة السيارة فى المرة الأولى فى نهاية العام 2006 و قد لاقت نجاحا كبيرا و رواجا كبيرا فى كل أٍسواق العالم و أفتخر بأن هذة السيارة هى سيارتى الشخصية ، و فى العام 2008 قامت شركة متسوبيشى بطرح أصدار جديد للسيارة و هو لا نسر ex أو الشهيرة بال ( شارك ) او القرش لأن السيارة تشبة سمكة القرش و على الرغم من جودة هذة السيارة ألا أنها لاقت لم تلق رواجا فى السوق المصرية (فقط) و ظلت المبيعات لهذة السيارة تتراجع شيئا ف شيئا حتى أنعدمت ، و فى العام 2010 قام الوكيل فى جمهورية مصر العربية ( سيد الرواس ) بسحب جميع أصدارات السيارة الانسر البومة ( زعلت أوى اليوم دة ) و أنة سوف يقوم بطرح نوعان من السيارة ال ex و هما ex و ex evo و فى العام 2010 و 2011 لم تلك السيارة اللانسر القرش رواجا فى مصر ، و بعد ذلك فى شهر يوليو عام 2011 تم تسليم شركة ميتسوبيشى الى وكيل جديد و قام فورا بسحب السيارات الانسر القرش من السوق المصرية و طرح السيارة البومة مرة أخرى ( فرحت أوى اليوم دة ) .

[scorpion]

ياريت تراجع معلوماتك عن الاكسنت الار بي
لان العربيه دي معايا وكلامك عن الكماليات و التبلوه مش مظبوط

[m777md62]

المشاركة الأصلية كتبت بواسطة ahmedmh_ali

هههههههههههههههه وحد الله فى قلبك و تعالى واحدة واحدة بقى دة انت كدة جيت فى حضنى :

- أولا انا بتكلم على جديد السوق المصرى و السوق مفهوش لانسر شارك او شارك أيفولوشين فالبتالى محطش صورتها لأنى متكلمتش عليها و لا قلت مواصفتها .

- ثانيا مفيش بومة فى 2004 اللى كانوا فى 2004 اللانسر الأيفولوشين و دى نزلت فى 2005 و أول بومة نزلت كانت 2006 ( مع اعلم أنها خرجت من المصنع سنة 2004 لكن لم تتوفر فى مصر قبل عام 2006 ) .

- و الصور اللى تحت دى موديل 2012 و ليست 2008 لأن فى 2008 كان أخر أصدار للبومة 2008 ملحق مش 2008 ، و نزل معاها الشارك .

- ثالثا : 2010 - 2011 مكنش فية أى أصدار للبومة لأنة أتمنع من الوكيل .



رجاااااااااااااااااااااااااء قراءة هذا الجزء مرة تانية :


لقد تم اصدار هذة السيارة فى المرة الأولى فى نهاية العام 2006 و قد لاقت نجاحا كبيرا و رواجا كبيرا فى كل أٍسواق العالم و أفتخر بأن هذة السيارة هى سيارتى الشخصية ، و فى العام 2008 قامت شركة متسوبيشى بطرح أصدار جديد للسيارة و هو لا نسر ex أو الشهيرة بال ( شارك ) او القرش لأن السيارة تشبة سمكة القرش و على الرغم من جودة هذة السيارة ألا أنها لاقت لم تلق رواجا فى السوق المصرية (فقط) و ظلت المبيعات لهذة السيارة تتراجع شيئا ف شيئا حتى أنعدمت ، و فى العام 2010 قام الوكيل فى جمهورية مصر العربية ( سيد الرواس ) بسحب جميع أصدارات السيارة الانسر البومة ( زعلت أوى اليوم دة ) و أنة سوف يقوم بطرح نوعان من السيارة ال ex و هما ex و ex evo و فى العام 2010 و 2011 لم تلك السيارة اللانسر القرش رواجا فى مصر ، و بعد ذلك فى شهر يوليو عام 2011 تم تسليم شركة ميتسوبيشى الى وكيل جديد و قام فورا بسحب السيارات الانسر القرش من السوق المصرية و طرح السيارة البومة مرة أخرى ( فرحت أوى اليوم دة ) .

يا فندم اسمحلى معلش كلام حضرتك عن اللانسر مش بدقة 100 % وده فى كذا حاجة فى اللى مكتوب ,, وحضرتك بتقول ان البوما من 2006 ,,, وانا اللى معايا وحاطط صورتها ميتسوبيشى لانسر بوما 1600 مو 2005 ,, يبقى ازاى ؟؟؟؟؟!!!!!

[ahmedmh_ali]

المشاركة الأصلية كتبت بواسطة scorpion

ياريت تراجع معلوماتك عن الاكسنت الار بي
لان العربيه دي معايا وكلامك عن الكماليات و التبلوه مش مظبوط

الكماليات اللى مكتوبة شاملة personal accessories و بالتالى كل المكتوب دة لو عايزة حتحاسب علية و بخصوص التابلوة دى صورة التابلوة بال gps و جارى وضع صورة التابلوة العادى . و علشان كدة قلت فى الاخر :

و السعر الأفتتاحى لهذة السيارة هو 102 ألف جنية ( أتوماتيك - جنوط عادى - طارة غير متعددة الوظائف - تكييف )
و السعر النهائى هو 109 (بدون كاميرا الركن الخلفية )

مكتبتش الكماليات الشخصية الخاصة المرة دى .


و دة من صديقى الأستاذ / أحمد مسعد عبى الشافى ( المدير المسئول لغبور اوتو ) ب مؤسسة سابق موتورز ولو حضرتك عايز رقمة ممكن أبعتة لحضرتك .


و دى صور ال rb اللى مع حضرتك بالتابلوة اللى حضرتك تقصدة :





تحياتى لحضرتك و تحت أمرك .

[ahmedmh_ali]

المشاركة الأصلية كتبت بواسطة m777md62

يا فندم اسمحلى معلش كلام حضرتك عن اللانسر مش بدقة 100 % وده فى كذا حاجة فى اللى مكتوب ,, وحضرتك بتقول ان البوما من 2006 ,,, وانا اللى معايا وحاطط صورتها ميتسوبيشى لانسر بوما 1600 مو 2005 ,, يبقى ازاى ؟؟؟؟؟!!!!!

فى كذا حاجة ؟ و لا فى موضوع أن ال 2005 منزلتش عندنا ؟

ف لو فى كذا حاجة يا ما يبقى نشوفهم و نصصحهم ، و موضوع 2005 دى سهلة ممكن تصورلى الرخصة .

[ahmedmh_ali]

متابع ......................................

[gamopt80]

ايه ياعم الكلام الجامد ده لا كده لما احب اشتري عربية جديده لازم تبقى معايا

[m777md62]

المشاركة الأصلية كتبت بواسطة ahmedmh_ali

فى كذا حاجة ؟ و لا فى موضوع أن ال 2005 منزلتش عندنا ؟

ف لو فى كذا حاجة يا ما يبقى نشوفهم و نصصحهم ، و موضوع 2005 دى سهلة ممكن تصورلى الرخصة .

مين عنيا الاتنين هصورهالك عشان تتأكد ,, بالرغم ان الطلب ده غريب شوية بس ماشى ,,, هنزل لحضرت الصورة باذن الله ,,, تحياتى ,,,

[ahmedmh_ali]

المشاركة الأصلية كتبت بواسطة m777md62

مين عنيا الاتنين هصورهالك عشان تتأكد ,, بالرغم ان الطلب ده غريب شوية بس ماشى ,,, هنزل لحضرت الصورة باذن الله ,,, تحياتى ,,,

عيب بقى كدة انت مسكت فى التصوير و سبت الكذا غلطة انا كتبتلك متابع ...
خليك معايا و تعالى نشوف الغلطات فى الموضوع واحدة واحدة .

[m777md62]

عموما يا فندم اهيه صورة الرخصة قدام المنتدى كله بناء ع طلب حضرتك ,,, وشكرا اوى ع تشكيك حضرتك ,,, صورة الرخصة بالمرفقات ,, وبعدين الحمد لله ادينى نزلت الصورة عشان متقوليش عيب ومش عيب ,,, وشكرا لذوق حضرتك ,, وديه هتبقى اخر مشاركة ليا ف الموضوع ,,, تحياتى ليك ,,,
http://imageshack.us/photo/my-images...082011161.jpg/

[m777md62]

ايه رأى حضرتك ؟؟؟؟!!!!

[pooforever_2010]

اهدوا وصلوا على النبى
انتم الاتنين قصدكم خير ومتخلوش الاختلاف
فالرأى يزعلكم من بعض والاحنقول عليكم من
فلافيل النظام
هههههههههههههههه
اضحكوا بقى

[m777md62]

المشاركة الأصلية كتبت بواسطة pooforever_2010

اهدوا وصلوا على النبى
انتم الاتنين قصدكم خير ومتخلوش الاختلاف
فالرأى يزعلكم من بعض والاحنقول عليكم من
فلافيل النظام
هههههههههههههههه
اضحكوا بقى

يا أستاذى العزيز والله انا مقصدش اى شىء ,, الاستاذ احمد نزل الموضوع وعلقت بكل احترام ,, راح هوا شكك فى كلامى ,, وقلى اصور الرخصة ,,, وانا صورتها بناء ع طلبه ,, وقدمت الدليل اللى هوا عايزه ,,, بس حرام بقى التشكيك ده ,, الواحد قرب يسيب المنتدى من كدا ,, كله بيشكك فى بعده ,,,, تحياتى,,,,ومنتظر رد استاذ احمد ,,,

[pooforever_2010]

يا باشا لا تشكيك ولا حاجه
وبعدين انت اللى خدتها بحساسيه
وانت اكدت انك صح وواثق من معلوماتك وبالدليل
ولو العكس كنت حتطلب تاكيد
يلا بقى اهدى يا عم
صحتك تهمنا
اوعى تنزل الترعه
هههههههههههههههههههههه
تحياتى

[m777md62]

المشاركة الأصلية كتبت بواسطة pooforever_2010

يا باشا لا تشكيك ولا حاجه
وبعدين انت اللى خدتها بحساسيه
وانت اكدت انك صح وواثق من معلوماتك وبالدليل
ولو العكس كنت حتطلب تاكيد
يلا بقى اهدى يا عم
صحتك تهمنا
اوعى تنزل الترعه
هههههههههههههههههههههه
تحياتى

والله يا أستاذنا انتا راجل عسل ,,,, واللى بيدى للواحد امل فى المنتدى الأعضاء العظام اللى زى حضرتك ,, وكل سنة وحضرتك طيب,,,

[pooforever_2010]

ربنا يكرمك بعض ماعندكم والله

[ahmedmh_ali]

المشاركة الأصلية كتبت بواسطة m777md62

ايه رأى حضرتك ؟؟؟؟!!!!

عموما يا فندم اهيه صورة الرخصة قدام المنتدى كله بناء ع طلب حضرتك ,,,

- أفندم و حضرتك ( تريقة )


شكرا اوى ع تشكيك حضرتك

- للأسف بتحكم عليا من غير لما تعرفنى

وبعدين الحمد لله ادينى نزلت الصورة عشان متقوليش عيب ومش عيب ,,,

- بردة انت مش عارف انت بتتكلم مع مين

عموما انا اللى متشكر و كنت عايز بس أقول لحضرتك كام حاجة بس :

اولا : انا لما قلت لحضرتك صور الرخصة دى ليا انا لأنى منزلتش عربية سنة 2005 و أترخصت على رخصة 2005 و الكلام دة كلام الوكيل مش كلامى ف كنت عايز صورة الرخصة علشان أتاكد ان الشاسية البومة أترخص فعلا فى 2005 علشان أوريها للناس لأن محدش حيصدق كلامى الا و انا معايا دليل مش أكتر .

ثانيا : انا لما قلتلك عيب دة كان هزار لأنى لقيت انك كتبت اية الطلب الغريب دة ف قلتلك و انت مسكت فى موضوع التصوير بس مش أكتر .

ثالثا : انا كانت مشاركتى اللى لسة ح أكتبها قبل بما الاقى اللى انت كتبتة دة كنت ح أكتب " أية يا عم كل دة بتتسحر " يعنى مفيش اى حاجة من ناحيتك و لا أقصد حاجة .

رابعا : لو كنت حضرتك شفت مشاركاتى كنت حتعرف ان دى طريقتى و كلة هزار هزار و مش بضايق حد .

خامسا : انا لما قلتلك متابع كان علشان حضرتك قلت انى فى معلومات انا كاتبها مش صح ف كنت عايز أعرف اية هى علشان أصححها علشان مش أدى الناس معلومات غلط و انت مش رديت عليا .

سادسا : مش مستاهلة انك تتضايق و لا تزعل و عموما انا حشيل الموضوع كلة علشان خاطرك و لو فى حاجة تانية مضيقاك انا ممكن أوقف عضويتى .


و انا اسف مرة تانية .

[m777md62]

يا أستاذ انا اللى اسف ,,, حقك عليا ,, انا ولا بتريأولا حاجة ,,, امسح حضرتك مشاركاتى ومتمسحش الموضوع ,, انا مقصدش ده كله ,, لا حول ولا قوة الا بالله العلى العظيم ,,,

[m777md62]

احنا فى رمضان كل سنة وانتا طيب ,, والله مقصدش ده كله ,, حقك عليا ,,, مش خلاف ع موديل عربية هيعمل مشكلة للدرجة دى ,, ارجو من حضرتك لو زعلان منى ,, انا اللى بعتذرلك وانتا اخ كبير ليا ,,, لو فيه غلط يبقى منى ,, وانا بعتذر لحضرتك ,, والله الموضوع مش مستاهل ده كله ,,

[pooforever_2010]

خلاص بقى يا جماعه انتم الاتنين نيتكم خير
خلاص خلاص حق عرب تفطرونى بكره
وتسحرونى كمان ههههههههههههههههه
روقوا بقى با رجاله

[ahmedmh_ali]

المشاركة الأصلية كتبت بواسطة m777md62

يا أستاذ انا اللى اسف ,,, حقك عليا ,, انا ولا بتريأولا حاجة ,,, امسح حضرتك مشاركاتى ومتمسحش الموضوع ,, انا مقصدش ده كله ,, لا حول ولا قوة الا بالله العلى العظيم ,,,

انا المهم عندى تكون وصلتك وجه نظرى مش أكتر .. و أنا متأسف للمرة التالتة .

[pooforever_2010]

ايه ده بقى هى خلصت معلش وحقك عليا
فين الفطار والسحور

[m777md62]

المشاركة الأصلية كتبت بواسطة ahmedmh_ali

انا المهم عندى تكون وصلتك وجه نظرى مش أكتر .. و أنا متأسف للمرة التالتة .

وجهة نظرك ع عينى وراسى ,, وانا اللى بتأسف ,,, بس والله كان نيتى خير ,,ومكنتش اقصد اى حاجة ,,حقك على راسى من فوق ,,,

[m777md62]

المشاركة الأصلية كتبت بواسطة pooforever_2010

ايه ده بقى هى خلصت معلش وحقك عليا
فين الفطار والسحور

شوف انتا تفطر وتتسحر فين واحنا معاك ,, ومتقلقش يعم الحساب هيبقى عليك ههههه

[ahmedmh_ali]

المشاركة الأصلية كتبت بواسطة m777md62

وجهة نظرك ع عينى وراسى ,, وانا اللى بتأسف ,,, بس والله كان نيتى خير ,,ومكنتش اقصد اى حاجة ,,حقك على راسى من فوق ,,,

دة غصب عنك لازم تتأسف و هو أنا شوية .

[pooforever_2010]

الله هى بقت كده
طب سلام عليكم اخلع انا
صحيح مينوب المخلص ...........
هههههههههههههههههه
تحياتى بس بجد قولوا الحمد لله انكم حتناموا مش زعلانين من بعض تحياتى وتصبحوا على خير
اخوكم / محمد سعيد

[pooforever_2010]

خف يا عم احمد لاحسن الراجل يفتكر بجد
انت شكلك شبراوى مش اسكندرانى
هههههههههههههه
تحياتى

[ahmedmh_ali]

المشاركة الأصلية كتبت بواسطة pooforever_2010

خف يا عم احمد لاحسن الراجل يفتكر بجد
انت شكلك شبراوى مش اسكندرانى
هههههههههههههه
تحياتى

ههههههههههههههههه

[ahmedmh_ali]

بص يا باشا انا عايز تبص على دول علشان شركة لانسر انا حرفع عليها قضية :

http://www.google.com.eg/imgres?imgu...L8SzhAf46OzZBg



http://www.google.com.eg/imgres?imgu...L8SzhAf46OzZBg



http://www.google.com.eg/imgres?imgu...L8SzhAf46OzZBg


http://www.google.com.eg/imgres?imgu...L8SzhAf46OzZBg


http://turbohightechperformance.auto...iii/index.html



http://www.google.com.eg/imgres?imgu...MI-JhQewwM2nDA



ههههههههههههه شفت بقى كلة أيفولوشين جت منين البومة دى حسبى الله فيهم .

[ahmedmh_ali]

http://www.google.com.eg/imgres?imgu...BIi1hAe_47TWCw




بص على الصور دى كمان و الموديلات و قولى اية رأيك . ( و خد بالك من سنة 2005 صورة العربية اللى فيها اية )

[ahmedmh_ali]

أذا ف صورة الرخصة هى الأثبات الوحيد ضد الناس دى كلها .. و تحيا مصر .

[m777md62]

المشاركة الأصلية كتبت بواسطة ahmedmh_ali

بص يا باشا انا عايز تبص على دول علشان شركة لانسر انا حرفع عليها قضية :

http://www.google.com.eg/imgres?imgu...l8szhaf46ozzbg



http://www.google.com.eg/imgres?imgu...l8szhaf46ozzbg



http://www.google.com.eg/imgres?imgu...l8szhaf46ozzbg


http://www.google.com.eg/imgres?imgu...l8szhaf46ozzbg


http://turbohightechperformance.auto...iii/index.html



http://www.google.com.eg/imgres?imgu...mi-jhqewwm2nda



ههههههههههههه شفت بقى كلة أيفولوشين جت منين البومة دى حسبى الله فيهم .

اسم البوما او الشارك ده احنا اللى بنطلعه (( يعنى المصريين هما اللى بيسموها كدا )) ,,, زى ما فى المرسيدس كدا بيقولوا خنزيرة او عيون او شبح او تمساحة كدا يعنى,, وهيا ما بتنزلش من المصنع بالأسم ده ,,, بس كنصيحة اخوية ,,, انا دخلت ع مواقع الشركات الأم لمعظم الماركات ,, فلما بتدخل بتلاقى ان برة شغالين بنظام ومصر لوحدها شغالة بنظام تانى ,,,يعنى لو دخلت بداية من 2008 لحد دلوقتى ع موقع متسوبيشى مثلا هتلاقى البوما مش موجودة خالص ,, بالرغم انها لسة بتنزل لينا لحد دلوقتى ,,,وعشان كدا لازم نقول كلنا حسبى الله ونعمة الوكيل فى اللى كان السبب فى ان احنا بيضحك علينا لحد دلوقتى ,, وخش ع المواقع الأم وشوف أسعار العربيات وهيا خارجة من المصنع بتبقى عاملة كام ,, واحسب بقى احنا بندفع جمارك وضرايب اد ايه ,,, هقولك بقى تصبح ع خير عشان هصحى الصبح بدرى ,,, تحياتى ,,

[m777md62]

المشاركة الأصلية كتبت بواسطة ahmedmh_ali

http://www.google.com.eg/imgres?imgu...bii1hae_47twcw




بص على الصور دى كمان و الموديلات و قولى اية رأيك . ( و خد بالك من سنة 2005 صورة العربية اللى فيها اية )

يا أستاذ أحمد ,, أقسم بالله العظيم ,, وحيات صيامى ,, العربية اللى معايا مو 2005 وديه الرخصة بتاعتها ,, احلف بأيه بس تانى ,,,

[ahmedmh_ali]

المشاركة الأصلية كتبت بواسطة m777md62

يا أستاذ أحمد ,, أقسم بالله العظيم ,, وحيات صيامى ,, العربية اللى معايا مو 2005 وديه الرخصة بتاعتها ,, احلف بأيه بس تانى ,,,

هههههههههههههههههههه ياباشا أقسم بالله مصدق و الله مصدق ههههههههههههه انا مستغرب على الشركات اللى شغالة على مزاجها و تنزل عندنا موديلات على مزاجها .

[ahmedmh_ali]

وربنا يباركلك فيها و يكفيك شرها و يسلمك على الطريق .

[mohamed gamal]

المشاركة الأصلية كتبت بواسطة blow c06

انت لو محترف و بتشتغل فى العربيات بجد و عندك اسرار السوق عايزين معلومات عن العربيه الانجليزى الى نازله السوق جديد و عمالين يعلنوا عنها من غير ميقولو ماركتها... هى استون ولا حاجه تانيه.. اكيد مش جاجوار ولا رولزرويس و انا معرفش عربيات انجليزى تانى ولا انت ايه رايك؟؟

العربية الانجليزي اللي بيعلنوا عنها دي أكيد مش أستون مارتن ولا جاجوار ولا رولزرويس لأنهم بيقولوا انها هتنزل بكذا موديل وكذا موتور من 1300 لغاية 2500 سي سي، وانا اعتقد ان العربية دي غالبا MG لأن الشركة(MG Rover) اتباعت لشركة صيني اسمها Nanjing (بدون اسم روفر) وبعدين SAIC اشترت Nanjing والخلاصة ان الجماعة الصينيين نقلوا خطوط الانتاج عندهم في الصين وطوروا موديلات جديدة بتتباع في الصين تحت اسم Roewe و MG، وفي بعض الموديلات منها بتتجمع في بريطانيا!!!، وبعض الموديلات بتتصدر لدول أمريكا الجنوبية.
على فكرة أبو الفتوح كان ناوي يجمع روفر 75 (اللي هي نفسها MG7) في مصر ايام ما كان معاه توكيل BMW وكانت BMW تملك مجموعة MG Rover، بس BMW قسمت الشركة وباعتها، لاندروفر شاملة العلامات التجارية روفر ورانجروفر لفورد، و MG Rover لمجموعة بريطانية اسمها فينيكس بسعر رمزي جنيه استرليني واحد اللي باعتها بدورها للصينيين، واحتفظت BMW لنفسها بعلامة MINI.

وكل عام وانتم بخير
أخوكم في الله محمد جمال

[ahmedmh_ali]

المشاركة الأصلية كتبت بواسطة بدر

يا باشا مجهود تشكر علية
بس البلد دى ما يتركبش فيها زيرو هههههههههههه
يعنى مش هتعرف تعدى من ميكروباص ولا تاكسى هتفضل منتظر علشان خايف على عربيتك من الحكة
تحياتى

لا يا أستاذ ممكن تركب زيرو بس تبات فى التوكيل أحسن هههههههههههههههه .

[ahmedmh_ali]

المشاركة الأصلية كتبت بواسطة أميجو

ربنا يكرمك بموديل 2025
تكون حوشت تمانها ههههههههههههههههههه
تسلم ايدك

يا باشا الفلوس كتيرة الحمد لله دة حنزل أجيب 3 ألوان منها كمان هههههههههههههه .

[ahmedmh_ali]

المشاركة الأصلية كتبت بواسطة dr_mohasan

موضوع جميل و جديد

ياريت معلومات عن النيسان صنى

عملت لحضرتك موضوع عن النيسان صنى .

[ahmedmh_ali]

المشاركة الأصلية كتبت بواسطة mmahmoud1800

الله ينور
تسلم ايديك يا ابو حميد

ربنا يخليك يا باشا يارب .

[ahmedmh_ali]

المشاركة الأصلية كتبت بواسطة hosam hamza

تسلم يا حسام باشا .

[ahmedmh_ali]

المشاركة الأصلية كتبت بواسطة gamopt80

ايه ياعم الكلام الجامد ده لا كده لما احب اشتري عربية جديده لازم تبقى معايا

حبيبى أنت تؤمرنى عايز جديد أجيبلك خصومات فى المصرية للسيارات فى أباظة فى سابق موتورز فى أى معرض يعجبك ، عايز أستعمال كل حبايبى فى كل حتة معرض ال 30 معرض الحاج بورى فى 45 فى أى حتة تعجبك .

[dr_mohasan]

المشاركة الأصلية كتبت بواسطة ahmedmh_ali

عملت لحضرتك موضوع عن النيسان صنى .

مشكور يا باشا , بس انا مش لاقى الموضوع , ممكن تحط اللينك بتاعه هنا ؟

[ahmedmh_ali]

المشاركة الأصلية كتبت بواسطة dr_mohasan

مشكور يا باشا , بس انا مش لاقى الموضوع , ممكن تحط اللينك بتاعه هنا ؟

أتفضل حضرتك :
http://www.egypthunt.net/showthread.php?t=13439

[dr_mohasan]

المشاركة الأصلية كتبت بواسطة ahmedmh_ali

أتفضل حضرتك :
http://www.egypthunt.net/showthread.php?t=13439

بارك الله فيك