الفزلكة المصريه فى صناعة المقروطة الناريه "أول صناعة تحت بير سلم تضرب خرطوش"

[Zero]

فى ظل الأحداث الأخيره الموجوده فى مصر و غياب دور رجال الأمن بصورة ملحوظة بل و تغيير أدوراهم من أمن إلى خلل و قيام القوات المسلحه بكل أعمال الأمن فى الدولة و حمايتها من المخربين , فكر بعض الأشخاص فى عمل شئ يسمى (المقروطة) و على فكرة دا من قديم الأزل مش موضوع جديد لأنه ياما واحد صاحبى قالى عليها و لكن كنا مش فاهمين حاجة و كنا مجرد نسمع عنها لكن دلوقتى تداول الكلام عنها بصورة أوسع و أكبر لدرجة أن فيه أطفال عارفاها , و دى عباره عن سلاح بماسورة أو ماسورتين و يضرب طلقات خرطوش و من تصنيع (تحت بير السلم) و كان سعر السلاح الواحد بـ150 جنيه فقط و قال عليه ناس كتيره أنه بيضرب و ميقولش لأ و كأنه صنع بلده !!! طبعا كلام عجيب و أختراعات أعجب لكن مش غريبه أن يتم أنتشاره دلوقتى طبعا دا عشان البلطجه إلى موجوده و على فكرة ضربتها ممكن تموت أو على الأقل هتصيب قبيله أدامك

ملحوظـــــــة أمنيه
المقروطة نوعين (نوع أسمه فرد قديم مستورد و دا بيكون كويس جدا و يعتبر تحف فنيه لكن للأسف غير مرخص و فيه منه أشكال و ألوان و بأسعار متفاوته طبعا و لكن مبيعاته فى الخباثة لأنه غير مرخص و يعتبر سلاح و فيها س و ج و كمان فيها سجن طبعا)
نوع تحت بير السلم (و كدة كدة هيضرب فى أيدك من أول طلقة لأنه بيتعمل من مواسير بتاعة أدوات صحيه و كلام من دة و طبعا دا هتلاقية دلوقتى مع أصحاب السوابق
طبعا أحنا بنتكلم على باب المعرفة مش على باب الأقتناء ثم الأجرام أو شئ من هذا القبيل لأن ممنوع قانونا أقتناء سلاح حى و غير مرخص مهما كانت الظروف و دا أنا مؤيد ليه و بشده فبرجاء من الجميع و من كل شخص يقرا الموضوع عدم التعمق أكثر من كدة فى الموضوع إلا للمعلومات فقط و لحب المعرفة بما يدور فى البلد حاليا و الله المستعان