تحطيم العنز بال Diana 52

[charesma]

السلأم عليكم يا احلى صيادين
وانا راجه من الشغل بتاعى امبارح حوالى الساعه 6:30 المغرب وانا خلص داخل على البيت لقيت اسراب من العنز نازله
عند المناطق الزراعيه عند الدائرى وكانت لسه جايه من الهجره بتاعتها بس الساعه كانت 6 ونصف فا اكيد مش هالحق بس قولت مش مشكله
طلعت البيت وبدور فى المكان الى بحط فى الرش مالقيتش ولأ رشايه طبعا اتجننت لأنهم كانوا جايين من الهجره وواقفين فى الأراضى
الزراعيه وعلى اسطح البيوت منهكين جدااااا من الطيران وكمان الليل بدا يدخل المهم الى انقذنى فى الموضوع ده هو القناص
عماد النجار اتصلت بيه وقولتله على الوضع وبعديها بنصف ساعه لقيته اتى ومعه التعزيزات من الرش ونزلنا بليل انا وعماد باشا
وعملنا بجد حمله على العنز والحصيله كانت (6 )عنزات ودى الصور بس انا بعتزر على ان الصور مش واضحه لأن التصوير كان بليل
ومافيش اى نور الأ نور الفلأش وهى دى طبعا انا مش ظاهر فى الصور لأنى انا الى كنت بصور بس الصور بتاعتى نا مع استاذ عماد لأنه هو الى كان بيصورنى اتفرجوا على الصور وقولولى ايه رايكم

[sokar_jax]

هو الطائر دة بيتاكل ولا مش بيتاكل

الله ينور يا كرزما وكمان عماد النجار يعني اهل شبرا قضوا علي العنز عايزين نصتاد منهم ياريس
اخوكم جلال خليفة

[charesma]

السلأم عليكم ورحمه الله
بالنسبه للطائر ده فى ناس بتحب تاكله وفى ناس مابتحبوش بس طعمه قريب بنسبه 90% من طعم الوز
وياريت تيجوا فى اى وقت لأنه موجود عندنا بكميات عاليه اوى

[walther]

بسم الله الرحمن الرحيم
واللهي الله ينور يا باشا
مش عارف اقول ايه بس استاذ وبعتزرلك عن الاسلوب غير اللائق اللي احد الاعضاء كلمك بيه انا واللهي زعلت جدا من اسلوبه

[charesma]

السلأم عليكم
ازيك يا Walther ايه اخبار الصيد معاك؟
عاوزين نتقابل والله
ونطلع مع بعض
وبالنسبه للرد الى اتوجهلى
فا انا مش عارف والله اقول ايه بس انا حاولت انى اوضح ان وجهه نظره غلط تماما لأن فى الأول وألأخر دى هوايه
انا كفايه بس اشوف منظر الطير وهو نازل مقفول وبالنسبه لاكله انا مش بهتم نهائى بالنقطه دى انا اهم حاجه انى امارس الهوايه الى احنا كلنا بنحبها وهى الصيد بس برده بدون التعدى على حاجات الغير وانا مش ممكن اضرب اى طير عارف انه مش من حقى بس كدا
وده اكيد سؤ تفاهم بسيط وانا وضحت الفكره وانا متشكررررررر جدااااااا جداااااااا لكل الأعضاء الكبار الى اتكلموا فى حقى
وقالوا كل الكلأم الجميل ده.

[عماد النجار]

شكرا يا جماعة علي الردود وعلي فكرة دي كانت طلعة مفاجاة ذي ما كاريزما قال حتي واضح انه كانت طلعة صيد عن طريق مكتب مخابرات المنتدي الي بلغنا بدوره عن نزول كميات وفيرة من العنز الابيض علي اراضي شبرا الخيمة وطبعا يبقا عيب جدا تنزل كمان جنب بيت القناص كاريزما ومنتعاملش معاهم وننزل منهم كام وحدة وعلي فكرة الصيد كان بدون كشاف ليلا وكمان انا ضربط وحدة من فوق قمة برج سلك الضغط العالي المسافة كانت رهيبة ولكن كانت ضربة معلم ولله الحمدوعقبال منتقابل ياجماعة علي خير دي بقيت الصور

[عمر المختار]

ماشفش الأمل في عيون الولاد
ولا شاف العمل سهران في البلاد

رجاله يابلدنا
وطول عمر ولادك رجالة

[عماد النجار]

شكرا ياعمر بيك علي الاغنية الجميلة وعيزين نسمع اغنية فدائي...........فدائي .........هههههههههههههه
وشكرا ليك مرة تانية .....................اخوك عماد النجار

[Gamo]

صيد رائع ما شاء الله عليكو يا رجالة

بالف هنا وشفا

[emam]

بسم الله ماشاء الله
تسلم أيد القناصة كرزما وعماد باشا
علي الصيد الجميل
وبالهناوالشفا
ودايما في تقدم مستمر أ/ كرزما
دايما بتبهرني بمهارتك في الصيد بسم الله ماشاء الله عليك

[عاصــم الشبراوينــي]

حلوه قوي حكايه مكتب مخابرات المنتدي دي هههههههههه بجد وومكن تكون فكره لموضوع جديد وسوري اني اتاخرت في اني ارجع المنتدي بس يا رب اكون دايما عند حسن ظنكوا ان شاء الله

[احمد عواض]

ملحوظة صغيرة الى كل الاخوة الافاضل
هذا الطائر من الطيور المفيدة جدا لفلاحين و المزارعين حيث انه تنظف القنوات المائية من الضفادع و الديدان الحلزونية الحاوية على البلهارسيا (مثل ابو قردان )وهى من الطيور المقدسة عند قدماء امصرين و يعرف ب طائر (البشروش ) ولا سوكل مثلة مثل ابو قردان نظرا لان هذا الطائر يتغذا على الضفادع و الدميدان الحلزونية بصورة اساسية (ياكل هذا الطائر بعض الحشرات السامة )و بلتالى قد ينتقل السم لانسان بمجرد اكلة
وشكرا وارجو التحزير من ضرورة منع اصطيادة لانة مفيد جا لمزارع وبتالى حياة هذا الطائر اثمن من موتة .

[mohamed anwar]

انت ياكزيما لازم شركه ديانا تعملك مرتب شهري انا دلوقتي عرفت هما بعتولك الجلبه ببلاش ليه
ههههههههههههههههههههههههه

بس والله الله ينور عاليك

[عاصــم الشبراوينــي]

ايه يا رجاله طيب مفيش حاجه علينا كده ولا احنا هنتفرج بس ايه يا كرزما ايه يا عمده مفيش عزومه حلوه كده الف هنا وشفا يا باشا وصيد جميل وصور احلي بس طلب بس يا كرزما ممكن تكتب علي الصور اسم الموقع لو امكن

[charesma]

انت يا استاذ عاصم مش محتاج اى عزومه انت تيجى على طول
وبالنسبه للصور اانا هاعيد رفعها كلها وعليها اسم المنتدى

[النشنجي]

السلام عليكم
والله أنا إتبهرت جدا بالموضوع دة والصور الموجودة فية الله ينور على إخوتنا الابطال كاريزما وعماد النجار بس أنا أحب أسأل سؤال ويارب تجوبوني بصراحة ووضوح دلوقت العنز دة بتصيدوة بالديانا فالرأس بس أو الجناح بإعتبار إنهم مؤثرين واللا هية ممكن تصيدها في صدرها وتموتها وياترى من مسافة أد إية يا ريت تجوبوني وبعدين الديانا 52 بتعمل كام دلوقتي؟
ومتشكر لسعة صدركم
والسلام عليكم ورحمة الله وبركاتة

[النشنجي]

يا ريت حد من القناصين كارييزما وعماد النجار يجاوبوني على السؤال دة أوعو يا جماعة تكونوا صيدين العنز دة وهوة نايم يعني تكونوا بتحطولوا البندقية في بقة وهوة نايم وتضربوا طبعا أنا بضحك بس أنا صدت العنز دة مرتين بس في حياتي وكانت الاصابة في الرأس بس دي حاجة يعني الحظ فيها بيبقى مشارك المهارة بنسبة كبيرة لكن مش قادر أتخيل الطائر العملاق دة بيقع ببندقية خردق في أي مكان خلاف الرأس فياريت توضحولي جزاكم الله خيرا

[صوفى]

شكرا على الموضوع موفقين

[عماد النجار]

لا يا اخ نشانجي البندقية بتاعت كاريزما ماشاء الله في اي جزء في صدر العنز كانت فتاكة في منهم كان مضروب في صدره وفي كان مضروب في جنبه وفي كان مضروب في جناحه والمسافة كانت في جميع الاحوال لم تقل عن 20 متر وفي وحده كانت حوالي 45 متر وانا ضربت وحدة من فوق قمة برج الضغط العالي بس طارت مصابه

[النشنجي]

شكرا عماد باشا للاهتمامك بالرد عليا وأتمني لك رحلات أخري تكون أكثر توفيقا بإذن الله

[mustafa-amer]

اسف على المداخلة اللي اعرفه إن الطائر الجميل ده لا يؤكل لانه بياكل حشرات و ضفادع فلماذا نصيده

على فكرة انا بصطاد من 25 سنه و كنت احب اضرب الطيور الغريبة التي لا نستفيد بها و ندمت اشد الندم و ربنا يسامحني