كيف تفحص السلاح قبل الشراء

[hema777h]

السلام عليكم ورحمة الله وبركاته

موضوعي هو عباره عن مجموعة نصائح قبل شراء السلاح المستعمل ، ويمكن تلخيصها في النقاط التاليه :

1/ هز السلاح ، اذا طلع فيه اصوات سيبو لصاحبو ، لكن لاحظ انه بعض الساعات يكون الصوت من مسمار مرتخي او شي ، لكن انا قصدي هنا ماهو المسمار المرتخي قصدي الأجزاء الي اهم من المسمار .

2/ تفحص الماسورة وتأكد من اهنا تخلو من الصدأ ، ملاحظه ( الصدأ مسأله بسيطه يعني لاتدقق فيها لانه الصدأ سببه اهمال التنظيف )

3/ تفحص الماسورة من الداخل وتأكد انها خاليه من الانعواجات ، ترى العوج مايعرفه الا واحد له خبره بالسلاح ، فلذلك انا عندي طريقه يمكن تنفع ، وهي انك تثبت سبطانة البندق بمكان ثابت ويكون مظلم وتحط بالماسورة كشاف وتشوف النور وين رايح اذا هو بخط مستقيم فكذا الماسورة تمام ـ اذا هو رايح يمين او يسار او تحت او فوق فاالماسورة يبيلها تعديل .

4/ تفحص المكينه وتأكد انها أصليه ، لانه بعض الناس عديمين الذمه والضمير يشترون ختم الشركات ويلزقونه على البندق وبكذا يرتفع سعر البندق اضعاف ، وتأكد ايضا انها نظيفه وخاليه من الخرابات ـ
5/ افحص الخزنة وقوم بتعبتها بالكامل لاكتشاف اذا كان في اي عيب فيها

6/ عب المخزن كامل مع بيت النار واسحب الاجزاء بسرعه يعني لقم البندق ورى بعض جرب هل هي تنفض جميع الزخيرة والا لا عشان تتأكد من ان القاذف الخاص بالفارغ يعمل بشكل صحيح .
اما اذا كان السلاح بروح واحدة او بروحين ن فدخل الرصاص وبعدين عشق البندق وبعدين اكسرها مره ثانيه وشوف هل هي تنتش الزخيرة ( يعني تطلعه ) والا لا .

7/ تأكد من تأمين البندق انه شغال مع ان الأمن الله سبحانه وتعالى لكن الاحتياط وااجب .

8/ تأكد من وجود قطع الغيار قبل شراء السلاح .

9/ هذي اهم شي / تأكد من ان البندق خاليه من الدهانات ، فبعض الناس الله يهاديهم يكسر البندق واذا جا يبيعها راح صبغها وقال جديده ابد ماعليها ، لانه صبغ البندق يخفي عيوب واجد ،

10/ تفحص الخشاب وتأكد انه يكون خالي من الكسر او الشعر . او الخدوش العميقه

11/ اخيرا تجربة السلاح ، وهي المهمه ـ فالتجربه خير برهان .


منقوووووووول