العملاق الالمانى

[Consul]

المشاركة الأصلية كتبت بواسطة الأفوكاتو

عمنا القنصل ، فينك يا بركة وااااااااااااااااحشني ، يا فندم انت مركزتش في الصورة ، أصل الصورة دي فيها لغز كبير ، المشنقة اللي في الصورة فاضية مافيش متهم مدخل رقبته فيها ، ده ان دل بيدل علي ايه ؟ ان الأفوكاتو ده شاطر وبيطلع الناس براءة علشان كدة المشنقة فاضية ، دعاية واعلان في الأول وفي الآخر ، بس ايه رأيك ؟ نظرية بردو !
مساء الفل علي عيونك يا عمنا
خالص تحياتي للجميـــــــــــــــــــــــع

بارك الله فيك أخي الحبيب...ومساء الفل على عيونك...بس من بعيد علشان إيديك متعاصة ميتين...بصراحة الكلام معاك يخوف ومش مريح...ويعني إيه دعاية وإعلان؟!...هوا إنت بتعلن عن بيبسي ولا كونو...إنت بتروج لحاجة أي حد يفتكرها جسمه بيقشعر...تفتكر يعني بكلامك الحلو والمعسول ده ها تحببنا فيها...أعوذ بالله يا شيخ فال الله ولا فالك...وبصراحة تحليلك وتبريبك ده أنا مش شايفه خالص...صورة المشنقة الفاضية دي تدي إيحاء وإنطباع يعني مستني الزبون التاني...إللي بعده...وهكذا...شغال الله ينور...الأجر بالقطعة ( بالراس )...كل ما تشتغل أكتر مرتبك يزيد أكتر...يا باااااااااااي...كل واحد من إللي قاعدين خايف تبص ليه لتكون بتشاور عقلك وهاتعملها معاه...يا ترى مين إللي عليه الدور...نصيحة لوجه الله...أرجوك ومن فضلك تغير الصورة دي أحسن ها تطفش الزباين...دي أسوأ دعاية لطريقة الواحد يموت بيها...اللهم إحفظنا جميعا والسامعين...والقارئين...وإعذرني حبيب قلبي وسامحني مش هأكلمك تاني قبل ما تغير الكابوس ده...خالص تحياتي...