ترخيص السلاح

[الأفوكاتو]

انا معاكم طبعا ولكـــــــــــــــــــــــــن ، الموضوع كبير ومحتاج دراسة ودراسة كبيرة كمان ، ومحتاج تخطيط ، وفيه حاجة محدش واخد باله منها ، ايه اللي يحصل لو التراخيص اتفتحت بالشكل وبالطريقة اللي احنا بنقول عليها دي النتيجة سعر السلاح الحي هيزيد لأن كل الناس معاها تصاريح وكله عايز يشتري (زي ايام الثورة بالظبط) كله بيجري بيشتري ، + بردو لما كل الناس يبقي معاها سلاح حي مرخص للدفاع عن النفس ان معدل الجريمة هيزيد نظرا لأن اي اثنين او اي عائلتين بيتخانقوا بسلاح حي ممكن حد يموت التاني وياخد فيه 6 شهور دفاع عن النفس وما ادراك ما الحكم بالدفاع عن النفس (2 شهود يخلصوا القضية) ان فلان كان بيشد اجزاء المسدس علي علان قام علان حب يدافع عن نفسه (نظرا لتوافر اهم شرط في الدفاع عن النفس وهو قرب المعتدي علي وشك تنفيذ جريمته) يعني يكون المعتدي عليك قام بالسلوك اللي يخليه علي وشك انه يموتك زي مثلا رفع السكينة عليك او شد اجزاء المسدس وما شابه ذلك ، ما علينا قام علان حب يدافع عن نفسه فكان مجهز المسدس بتاعه وضربه طلقة في رجلة والدكتور اظطر انه يقوم ببتر الرجل ، ناهيك بقي عن اللعب في التقارير الطبية لصالح ناس وعلي حساب ناس ، ناهيك بقي عن فكرة الثأر من أهالي الضحية ،،، لالالالالا الموضوع كبير ولسة بدري عليه ، نظرا لأن الشعب المصري لسة مش مؤهل لمرحلة (ما بعد مبارك) مرحلة انعدام الفساد وده نتيجة لأن ناس عاشت 30 سنة في ظل نظام فاسد لغاية ما الفساد بقي بيجري في دمها ، والدليل علي كدة ان لغاية انهاردة لسة في ناس هربانة من مستشفي المجانين وراحو عند ماسبيرو وعاملين مظاهرة تأييد لمبارك ، طبعا انا مش ضد الفكرة بتاعت الترخيص ولكن انا حبيت اعرض بعض النقاط السلبية اللي اتوقع انها ممكن تحصل ، وبردو لو حد شايف حاجة غيري يهمني اعرفها ، ما هو بردو البلطجية مش احسن مننا علشان يشيلو سلاح واحنا لا وكمان يهددو بيها حياتنا واعراضنا وممتلكاتنا ، واسف للاطالة .... وتقبلوا مروري
وخالص تحياتي للجميـــــــــــــــــع