رد: غرزت في الصحرا؟؟؟ تعال أساعدك
السلام عليكم
جزاك الله خيرا اخى الكريم على هذه المعلومات القيمه وانا حذكر معلومه راحه ليك وللجميع لتلخيص هذا الموضوع الشيق , انا كنت ظابط فى الجيش وكان سلاحى هو سلاح الوقود وكان معايا عربه نوعها ذل الى دخل الجيش يعرف مدى المعاناه من العربه دى لمشاكل فنيه معينه المهم العربيه كانت محمله بحوالى 2 طن من الوقود غير وزنها هى لوحدها حوالى 3 طن والوحده بتعتى كانت صحراويه والرمال فى الوحده ناعمه وحدث ما لا يحمد عقباه ان العسكرى الى كان سايق اتحرك بالعربيه بدون ماذنله بالحركه وكانت النتيجه ان العربيه بالوزن الكبير ده غرزت ومش اى غرز غرست لحد الكارونه طيب اعمل ايه واروح فين واجى منين ولو بلغت قائد الوحده انه يبعتلى مساعده مش بعيد يدينى جزه ويئذى العسكر هو كمان فقررت اهدى وافكر فى ادوات تسعدنا من الخروج من المأذق ده لحد والحمد لله ما لقيت الحل فى حاجه فى الجيش اسمها اقفاص قرد دى الجنود بتحتمى فيها من ضرب الطيران او المدفعيه المهم ان فى منها نوع مسطح ومربع وفيه وصلات حديد متينه جدا كلها اكنه سلم حديدى بس الحديد متقارب من بعضه كله وكانت هى المحاوله الاولى والاخيره للخروج من هذا المأذق ده فقلت للعساكر تحفر تحت العجل وبكل حرص وتدخل القفص ده تحت العجلتين المغروسين وقلت للسواق يسمى الله ويدوبك بيشغلوداس على السرعه العربيه طلعت تجرى زى القرد طبعا اخدت الصفه من قفص القرد الى محطوط تحت العجلتين ههههه , انا اسف بجد على كل الاطاله دى بس حبيت انوه ان فى حجات مشابه لاقفاص القرد دى اخى ذكرها فى كلامه وهى السلم وذكرت القصه دى علشان تعرفو مدى قوتها فى اخراج العربيه من الغرس وفشل اى محاوله اخرى اذا كانت العربيه وحدها وبدون اى مساعده من عربيه اخرى .
__________________
(رَبَّنَا لا تُؤَاخِذْنَا إِنْ نَسِينَا أَوْ أَخْطَأْنَا رَبَّنَا وَلا تَحْمِلْ عَلَيْنَا إِصْرًا كَمَا حَمَلْتَهُ عَلَى الَّذِينَ مِنْ قَبْلِنَا رَبَّنَا وَلا تُحَمِّلْنَا مَا لا طَاقَةَ لَنَا بِهِ وَاعْفُ عَنَّا وَاغْفِرْ لَنَا وَارْحَمْنَا أَنْتَ مَوْلانَا فَانصُرْنَا عَلَى الْقَوْمِ الْكَافِرِينَ).
|
11-02-15, 08:40 PM
المواضيع المتشابهه
العرض الشجري