الفرق بين طلق الصوت وطلق الفشنك

[realfighter]

المشاركة الأصلية كتبت بواسطة ahmed yasser

شرح رائع ياباشا بس هى ازاى الطلقة الفشنك بتاعت الحى بتخلى اجزاؤه تتشد؟؟ ةهل ممكن تحويل الحى الى فشنك بازالة المقذوف ؟ وشكرااا

يا استاذ احمد ببساطة اذا بتمسك طلقة 9 مم حيه ومن غير مقاسات ولا غيره هتلاحظ ايه؟
هتلاحظ ان المقذوف مكبوس داخل الظرف صح
معنى كده ايه؟
ان المحيط الخارجى للمقذوف طبعا اقل من المحيط الخارجى لفوهة الظرف
ولو ركزت اكتر هتلاقى ان كعب الظرف نفسه محيطه اكبر بجزء بسيط من الملى من فوهة الظرف
طيب كل ده بيعنى ايه ؟؟؟؟؟؟؟؟؟؟؟
ان السبطانة نفسها قطرها الداخلى من ناحية فوهة المسدس اقل من القطر الداخلى للسبطانة نفسها من ناحية بيت النار
والنقطة دى يا استاذ احمد اللى بتخلى الغاز يتخنق فى الماسورة لجزء من الثانية والجزء من الثانيه ده حضرتك اللى بترجع فيه الاجزاء
هتقلى ازاى الغاز يتخنق اذا كان فى الطلقة الحيه احيانا الاجزاء ما تنطرش الفارغ هقول لحضرتك ان نسبة البارود فى الطلقة الفشنك بنفس عيار الحى بتكون اعلى من نسبة البارود الموجودة فى الطلقة الحية نفسها فبيتولد نسبة غاز اعلى لا يمكن ان تمر من فوهة الماسورة بنفس اللحظة وهنا بترجع الاجزاء زى بالضبط لما الناس بتستعمل طبة ضيقة فى المسدس الصوت مع طلقة صوت والاجزاء بترجع عادى خالص وتحياتى وتحت امرك فى اى سؤال