ماذا يحدث لو تم ضبط مسدس صوت مقفول بحوزتك؟

[bingbong2100]

أنا خلاص بكره ولا بعد رايح أجيب مسدس وكنت عاوز أعرف إيه إلي بيحصل علي أرض الواقع وهل في مذكره تبيح حمله بجد ولا؟؟؟؟

[مورو]

ربنا يوفقك وتلاقي حد يدلك
بس اللي انا اعرفه لو ظابط رخم بيكون عارف انه مسدس صوت ويقولك ماعرفش اذا كان حي ولا صوت ولازم يتعرض على المعمل الجنائي وبتخرج بعدها انت ب 24 ساعه بس مش عارف بتستلم المسدس تاني ازاي وبالنسبه للمذكرة دي الله واعلم

[bingbong2100]

المشاركة الأصلية كتبت بواسطة مورو

ربنا يوفقك وتلاقي حد يدلك
بس اللي انا اعرفه لو ظابط رخم بيكون عارف انه مسدس صوت ويقولك ماعرفش اذا كان حي ولا صوت ولازم يتعرض على المعمل الجنائي وبتخرج بعدها انت ب 24 ساعه بس مش عارف بتستلم المسدس تاني ازاي وبالنسبه للمذكرة دي الله واعلم

مشكووور علي الرد ويا ر حد يفدنا عشا مش عاوز أجيبه الا ماعرف

[tarekvb]

مع غلاسة اى ضابط توقع اى شى

[الذهبي]

انا مش عايز اخوفك بس اصلا الطبنجة ليها هيبة يعني لو اي ظابط شاغها معاك او مخبر مفتكرش انك هتكون بخير

ممكن تلبس قضية تروييع المواطنين ودي مفيهاش صوت ولا حي

[Ahmed Magic]

انت من بورسعيد يعني بلدياتي وانا من زمان ونفسي اجيب سلاح صوت واللي مخليني متردد هو موضوع لو اتمسكت بيها هيحصل ايه ومع البحث الطويل استنتجت انك لو معاك طبنجة صوت قانونا مفيش عقوبة جنائية انما لو اتمسكت بيها هيتقبض عليك وتتحط في الحجز لحد ما الطبنجة تتعرض على النيابة ويتم تحليلها بس انت عاوز ايه اكتر من انك تدخل الحجز مع البلطجية والشمامين ؟؟

والله انا مش بخوفك انا كمان عاوز انزل اشتري سلاح بس الخوف من البهدلة دي هو ال مانعني بس عموما لو انت نويت تشتري خلاص توكل على الله واشتريه بس خلي بالك متمشيش بيه كتير ومتظهروش في الشارع يعني متجيبش جراب جنب وتمشي كانك ظابط عشان لو حد وقفك هتبقى في موقف وحش اوي بعد الشر عنك وعننا كلنا

ومبروك مقدما يا باشا

[bingbong2100]

المشاركة الأصلية كتبت بواسطة ahmed magic

انت من بورسعيد يعني بلدياتي وانا من زمان ونفسي اجيب سلاح صوت واللي مخليني متردد هو موضوع لو اتمسكت بيها هيحصل ايه ومع البحث الطويل استنتجت انك لو معاك طبنجة صوت قانونا مفيش عقوبة جنائية انما لو اتمسكت بيها هيتقبض عليك وتتحط في الحجز لحد ما الطبنجة تتعرض على النيابة ويتم تحليلها بس انت عاوز ايه اكتر من انك تدخل الحجز مع البلطجية والشمامين ؟؟

والله انا مش بخوفك انا كمان عاوز انزل اشتري سلاح بس الخوف من البهدلة دي هو ال مانعني بس عموما لو انت نويت تشتري خلاص توكل على الله واشتريه بس خلي بالك متمشيش بيه كتير ومتظهروش في الشارع يعني متجيبش جراب جنب وتمشي كانك ظابط عشان لو حد وقفك هتبقى في موقف وحش اوي بعد الشر عنك وعننا كلنا

ومبروك مقدما يا باشا

الله يبارك فيك بس أنا من دمياط بي قاعد في بورفؤاد عشان الدراسه وكده بس أنا بسأل لو كان معايا في العربيه أو الشقه

[loverlover]

بص ياريس هي الطبنجة الصوت قانونياً مافيهاش أي شىء وليس عليها أي غبار لأنها من محدثات الصوت ولا تعتبر سلاح ناري خاصة ان حضرتك بتقول ان المسدس هيكون مقفول ولابيضرب بلي ولا مطاط ولا حتى مفتوح من المصدر فأعتقد إن دة هيعزز موقفك لو لاقدر الله أي لجنة وقفتك ولقيته معاك .. والحكاية كلها متوقفة على الموقف نفسه وعلى الشخص اللى معاه السلاح .. يعنى المسدس الصوت ممكن يبقى مع حرامي ويثبت بيه وممكن يبقى مع طالب او معيد فى كلية وبيحمي نفسه بيه .. والنظرة دي ترجع للظابط وللظروف اللى ظبط فيها السلاح دة .. ونادرا لو وقعت مع ظابط رخم دة هياخدك على القسم والسلاح هيتعرض على النيابة ومن غير ماتشوفه هتأمر بإعدامه ويبقى عليه العوض في الفلوس اللى اتدفعت فيه فانا انصحك انك لو عايز تجيب سلاح زي دة يبقى تخليه فى البيت ومايطلعش الا لاقدر الله فى حالة خطر أو فرح .. لكن تمشي بيه فى الشارع .. فكككككك

[هاوى بس غاوى]

المشاركة الأصلية كتبت بواسطة bingbong2100

الله يبارك فيك بس أنا من دمياط بي قاعد في بورفؤاد عشان الدراسه وكده بس أنا بسأل لو كان معايا في العربيه أو الشقه

بلدياتى ياحج انت منين من دمياط

[Ahmed Magic]

اعتقد لو في الشقة او العربية لازم اذن نيابة بالتفتيش

[M.SHADY]

صدقنى اللى هيرد عليك رد مظبوط هو الضابط اللى هيتعامل معاك . لان اللى هيحص معاك متوقف على مزاجه الشخصى و ليس اى شىء اخر

[bingbong2100]

المشاركة الأصلية كتبت بواسطة هاوى بس غاوى

بلدياتى ياحج انت منين من دمياط

من ميدان سرور وحضرتك؟؟

[bingbong2100]

المشاركة الأصلية كتبت بواسطة m.shady

صدقنى اللى هيرد عليك رد مظبوط هو الضابط اللى هيتعامل معاك . لان اللى هيحص معاك متوقف على مزاجه الشخصى و ليس اى شىء اخر

وأه لو كان قرفان يبقي أخت أعدام

[adel152]

تأكد أن تحصل على فاتورة شراء مختومة بختم المحل ويكون فيها بينات المسدس كاملة وخاصة الرقم الموجود على المسدس. عملية الختم دى مهمة جدا لأن بدونة بتعتبر كشف حساب مش فاتورة.

[_SAIKO_]

مبروك مقدما و ربنا يوفقك يارب .. نصيحتي لحضرتك .. ماتخافش .. خلي قلبك جامد

مسدس الصوت مفوش مشكلة حتي و ان كان مفتوح طالما مفيش بلي حتي ان البلي نمرة 2 غير مجرم كمان يعني تطمن لكن لازم تخلي بالك ان ظباط الشرطة مش زي بعض في الرخم و في الكويس في اللي ممكن يعملك مشكلة من لا شيء و في اللي ممكن يطلعك من بلوة ف ثانية واحدة . ف عشان كدة هقولك بعض الحاجات تخلي بالك منها

- المسدس تشيلة ف جنبك و تحاول تخليه غير واضح يعني محدش يلاحظ وجودة ف جنبك او تحت دراعك

- عدم حمل المسدس ف وقت متاخر ليلا لان الشرطة بالليل متاخر بتفتش

- استخدام المسدس ف الافراح و المناسبات فقط

و بردة الخبراء هيدخلوا و ينصحوك .. مبروك مرة تانية

[_SAIKO_]

تأكد أن تحصل على فاتورة شراء مختومة بختم المحل ويكون فيها بينات المسدس كاملة وخاصة الرقم الموجود على المسدس. عملية الختم دى مهمة جدا لأن بدونة بتعتبر كشف حساب مش فاتورة.

ملحوظه هاااامة يا استاذ عادل .. تسلم و جزيت كل الخير يارب

[Angel]

ولا اى حاجة و مش محتاج مذكرة المسدس الصوت المقفول بيتحط تحت بند محدثات الاصوات و لا غبار علية الا فى حالة الضرب فى منطقة سكنية تهمة مباشرة بترويع العامة بس

[the prince]

هو فى الافراح مش ممكن يبقى ترويع مواطنين ؟؟

[THE BUTCHER]

باشا انا كنت عامل مشكله علي الموضوع دا قبل كد :
اولا : لا يحق لاي ظابط ان يفتش سيارتك الا بأذن من النيابه العامه لعدم وجود قانون طوارئ
ثانيا : اذا كنت في سيارتك فلن يشك الظابط تماما طالما ان لم يكن هناك ما يثير الشك
ثالثا : اذا كنت تحمله في جنبك في الشارع وهي في اسوء الظروف ان تكون مروح بلليل وتسكن في منطقه او قريه فيها قلق .. وتم توقيفك من قبل ظابط وكان ارخم خلق ربنا واسوئهم فسوف تظهر له الفاتوره الموضح بيها نوع المسدس ورقمه والمحل المباع منه
رابعا : لا يجوز تماما له حجزك حتي يتم عرض المسدس علي المعمل الجنائي واستعراض النيابه صباحا فسيتم حجز المسدس و اطلاق سراحك بضمان محل الاقامه ( البطاقه الشخصيه )
يطلب من سيادتك القدوم صباحا امام وكيل النيابه و يستعرض الفاتوره ويتم اطلاق سراحك مع المسدس من سرايا النيابه بدون اي شروط
والله المستعان

[bingbong2100]

ألق شكر بجد للجميع أفتوووووووني