مبتدئ ومحتاج مساعده

[Amr.Mohamed]

المشاركة الأصلية كتبت بواسطة eng eslam bakr

لا ماتقولش كده يا عمرو احنا اخوات ويارب اقدر افيدك بكل ال اقدر عليه

بص النشان عذبنى شويه بس كل شئ محلول بأمر الله
فانا عملت ايه

ورقة كرتونة وعملت فيها دايرة زى ماهو باين ف الصورة كدة وع مسافة 10 متر كنت بثبت البندقية على حاجة وانا بضرب عشان ماتتهزش منى
واذا الرشة جات يمين اجيب النشان شمال شويه واذا جات الرشة فوق اجيبه تحت شويه وهكذا
لحد ما تقدر تجيب 5 رشات مثلا ف الدايرة بالظبط

بس اهم حاجة ما تزهقش لان النشان بيحتاج خبرة وكل يوم بتقضيه ف الضرب بيزيدك خبرة

حتى الرش ال كنت بستخدمه كنت بلاقى معظمة ف الكرتونة من ورا سليم وارجع اضربه تانى
بخل يعنى مع ان العلبة فيها 100 رشة ب 5 جنيه بس هههههههههه

بص ودى الصورة
وكل ماتضرب اكتر كل ما هتستفاد اكتر




وبجد هواية جميلة جدا وبتحميك من حاجات كتير وبتستفاد بحاجات كتير

مشى ورياضة

قوة اعصاب وتركيز

هواية مفيدة ومغذية طبعا هههههههههههه اليمام المقلى مفيش احسن منه

تحياتى

طبعا اخوات وانا ليا الشرف بمعرفه حضرتك

فكره جميله اللى حضرتك قولتها فعلا ومفيده وطبعا كل مدى بتزود المسافه وتدرب

ههههههههههههههههههههه هى من ناحيه مغذيه فهى مغذيه بس بتطلع عينك عقبال متعرف تتغذى هههههههههههههه :d

شكرا على اهتمام ورد حضرتك ربنا يكرمك يارب