لأصحاب التراخيص وهواه السلاح

[تيكا]

المشاركة الأصلية كتبت بواسطة bodygard 34

يا أستاذ تامر انا متأكد انك راجل محترم ومؤدب وده حسيته لما كلمتك فى التليفون ..بس كان كفايه قوى انك تقول انه مش نفس المسدس..وعلى فكره من اول ماشفت الصوره عرفت انه مش هو وخصوصا ان المقدم اشرف مسدسه نيكل .. وأخونا الاستاذ عبد الهادى انا حاسس انه راجل طيب ومؤدب ومايتخيرش عنك و ماعتقدش ان نيته كانت سيئه بس هو اختلط عليه الامر لأنه جديد فى موضوع الاسلحه ولازم نستحمل بعض.. بس الظاهر انك رديت عليه وانت صايم ومافيش قهوه وسجاير فالعمليه كانت مشدوده شويه صح؟؟؟ رمضان كريم ياطيب وان شاء الله لى زياره عندك بعد العيد نتعرف اكتر ونتفرج على التحف اللى عندك يمكن يكون لى نصيب فى حاجه حلوه من عندك

انا تحت امر حضرتك يا باشا وليا الشرف بثقتك فيا
وانا مش هكتب حاجه تانيه علشان خاطر كلمه حضرتك
وكل سنه وانت طيب

[bodygard 34]

المشاركة الأصلية كتبت بواسطة تيكا

انا تحت امر حضرتك يا باشا وليا الشرف بثقتك فيا
وانا مش هكتب حاجه تانيه علشان خاطر كلمه حضرتك
وكل سنه وانت طيب

وانت طيب يا سيدى..وانا متأكد انك راجل ذوق ..بس عشان خاطر الشهر الكريم بلاش حكاية (باشا) دى احسن بتفكرنى بحاجات مش حلوه خالص.. الكلام مش ليك لوحدك ..لكل الناس الحلوه اللى موجوده هنا..لا باشا ولا بيه ..كلنا اخوه هنا بنتبادل الخبرات ونفيد بعض والاحترام موجود وكمان سعة الصدر مهمه قوى..وان شاء الله رمضان اللى جاى بلدنا حاتكون فى احسن حال قولوا اّمين