ماهو الفرق بين العتله و الكسر ؟

[Zero]

المشاركة الأصلية كتبت بواسطة angel of death

القوة عشان تتقاس يا فندم ليها معادلة و هي كالأتي:
Kinetic energy=½ mv²
خليني بقى أفصصها لحضرتك.
أولا kinetic energy هي الطاقة الحركية. يعني كمية الطاقة بتاعت المقذوف عند قياس السرعة (خلي بالك أوي لأن مع تغير الالسرعة,تتغير الطاقة تباعا)
ثانيا: M أو mass هو وزن المقذوف. ففي حال نمرة 1 (4.5 مم) فهو: 4.2-6.5 جرام حسب شركة التصنيع. أما بالنسبة لنمرة 2 (5.5 مم) فهو: 8.65-13.8 برده حسب الشركة المصنعة.
ثالثا: V² في حيث v هي velocity أو سرعة المقذوف و v² يعني مربع السرعة أو (السرعة x السرعة)

رابعا: دلوقتي لو طبقت المعادله ديه على الكرال مثلا اللي سرعة نمرة 1 315 متر في الثانية تلاقي إن طاقة القذوف kinetic energy= 0.005*315*315*0.5
kinetic energy= 248.06 (خلي بالك تقسم الوزن على ألف عشان المعادلة ديه للكيلوجرام مش جرام)
دلوقتي يلا نجربها على رشة نمرة 2 (سرعة الكرال مع نمرة 2 240 متر في الثانية) وزنها 11.2 جرام مثلا kinetic energy=0.5*0.0112*240*240
kinetic energy= 322.56

كدة إحنا عرفنا إن الرشة تمرة 2 أقوى كثير من نمرة 1 ..

خامسا: ديه بقى أهم حتة. قوانين الفيزياء بتقول إن المقذوف الأثقل بيخسر سرعتة أرع كثيير من المقذوف الأخف. يعني لما الرشة توصل لهدف على بعد 50 متر ممكن تلاقي الرشة نمرة 1 سرعتها 190 متر/الثاني و نمرة 2 سرعتها 100 متر/الثانيه. هنا بقى عشان تختار أيهم أفضل ليك يبقى لازم نقرر المدى اللي أنت هتصطاد منه. لأنك لو هتصطاد في مسافة قريبة يبفى تاخد نمرة 2 وش عشان في المسافة القريبة نمرة 2 هتفرتك أبو و كمان أم الصيد. بس لو حضرتك عاوز بقى تعمل قناص و بتاع (زيي كدة بالظبط عامل فيها قناص ) يبقى عليك بنمرة 1. لأن نمرة هتحتفظ بمسارها و سرعتها أكثر من نمرة 2 بكثيييييير....
برده نوع الرش بيفرق.. عندك الرش المدبب زي الماستر بوينت, و ده قدرته على الإختراق رهيبة بشكل مرعب. و عندك الماتش و ده مسطح جدا, لكن لما يرشق في صيد بينفجر (مش بنار يعني و كدة, لكن الراس بتفرد على الأخر و حجمه يزيد أضعاف و البطريقة ديه بيدمر أكبر عدد من الأنشجة اللي في الحيوان) لكن قدرته الإختراقية ضعيفة..

سادسا: كل شخص لي عيار مفضل له و مش بيعرف يعيش من غيره, عندك مثلا الأستاذ هشام سمير مش بيستخدم غير نمرة 1. لكن الأستاذ عادل عبده اللي هو ملك الكرال مش بيتخدم غير نمرة 2 مع الكرال اللي حضرتك كنت عاوز تجيب زيها. اللي قصدي أقوله غن في الأخر كله بيرجع لي تفضيلك الشخصي و الطريده اللي هتصطادها لأن كل ما الطريدة تكبر كل ما تحتاج عيار أكبر.

أخيرا: معلش عارف إني و الله طولت جدا و كلام ممكن تنام منه.. بس ده كله بالعلوم الفيزيائية و إن شاء الله بالشرح ده مش هتسأل حد ثاني عمرك.. و مرة ثانية أسف جدا جدا جدا على الإطالة..

بسم الله ماشاء الله على المعلومات بجد قيمة جدا جدا جدا و المفروض حضرتك تعمل موضوع و هيتم تثبيته أكيد في المنتدى هنا لأن ناس كتيرة جدا من المبتدئين زى حالاتى بيبقوا عايزين يعرفوا الفرق بين نمرة واحد و نمرة أتنين و صعب يفهموا الفرق إلا بشرح زى حضرتك كدة
و مطولتش ولا حاجة دا بالعكس دا الشرح دة إلى خلانى أفهم كل حاجة بالتفصيل و جزاك الله كل خير و جعله في ميزان حسناتك