زيدان مصر ينسحب من المنتدى بكرمته بسبب الاخ كريم عيد

[fishtic]

حسبنا الله ونعم الوكيل
عمال اتعب نفسي وارهق اصابع يدي ف الكتابة
ويجي عضو ف الادراة ياخد الكلام كوبي وينسبه لنفسه
حتى شوفوا كدا واحكموا
ينفع كدا
والدليل يا سادة شوفو انا كتبت الكلام امتى وهو كتبه امتى
هيرد واحد ذكي ويقولي هو كتبه قبلك
هرد عليه واقول له يعني تهمين
حقوق ملكية فكرية واختراق للجهاز بتاعي

أنا متابع مشاركاتك منذ فترة فى المنتدى و أعلم مدى خلقك واحترامك

و أعرف كريم و قابلته و أعرف انه على خلق عالى جدا ومش سهل انه يغلط فى حد

تعودنا دائما كمصريين عندما نتكلم اننا بنستخدم أدوات كتير فى كلامنا غير الكلام نفسه زى تعبيرات الوجه و حركات اليدين و درجة ارتفاع الصوت او انخفاضه .... الخ
والمشكلة فى التواصل عبر الانترنت اننا ماعندناش غير الكلام المكتوب فقط , علشان كدة بنفقد حوالى 80% من قدرتنا على توصيل آرائنا وانفعالاتنا
وعلشان كدة انت ممكن تقرأ كلام انا كاتبه على سبيل الهزار او النصيحة أو حتى أداء الواجب العادى .. على انه كلام مسىء ليك و العكس صحيح

كلام كريم فى رسالته ليك مافهوش أى شىء يسىء ليك , وانما هو تنبيه فقط على جملة فى كلامك اعتبرها هو مش مناسبة , و يمكن هو يكون فهم هذه الجملة بشكل غير ما تقصده انت , وقد تكون انت بنفس الطريقة فهمت كلامه على غير ما يقصده

وهاقولك كلمة فى سرك وبما يرضى الله وبدون مجاملة لأى حد , أنا كمان لو كنت شفت الجملة دى فى الموضوع كنت هاحذفها برضه

المقصود فى النهاية انك شخص محترم جداً , ولا يجوز انك تقف عند هذه الأشياء الصغيرة و تكبّرها و تعمل منها موضوع كبير وهو فى الأصل لا يستحق كل هذا العناء

ولو انت لسة مقتنع ان كريم غلطان , فأنا باعتذرلك عن أى شىء زعّلك , وأرجو انك تعمل لى خاطر و تقدّرنى وتنهى هذا الموضوع حالاً , ونوفر وقتنا و مجهودنا لأشياء أهم من ذلك

أنا كان ممكن أنقل الموضوع لقسم الشكاوى أو حتى أحذفه لأنك مكرر الموضوع فى أكثر من قسم , ولكنى تركت الموضوع عالعام حتى تكون راضى باعتذارى لك و تطييب خاطرك امام الجميع

أنا مش هاقفل الموضوع على كدة و منتظر منك رسالة على الخاص تقوللى فيها ان الموضوع كدة انتهى


يا رب اكون قدرت اخفف من توتر الجو