قالوا بندقيه .. قلتلهم صياد

[Orabi]

السلام عليكم إخواني الكرام،
ترددت كثيراً قبل كتابة هذا الموضع، و لكني عقدت العزم أخيراً لكتابته. و أعلم أن الصيادين القدامي في هذا المنتدي المحترم يعلمون و يعون ما سأقوله جيداً. سبب كتابة هذا الموضوع أنني لاحظت مؤخراً أسئله كثيره من زملائنا و أخوتنا الصيادين الجدد حول الأتي: 1- ناس بتسأل أجمد بنادق إيه 2- تبتدي تسأل و أسعار البنادق الجامده إيه 3- طب لو معيش المبلغ ده و جبت بندقيه نص نص هتمشي الحال. وردود كتير كتير و علي ما أعتقد أن السأل مش بيركز غير أنه يلاقي الرد اللي هو عايزه. المهم الموضوع ده أنا عايز أوضح فيه حاجات إتعلمتها من الناس الصيادين الكبار المحترمه في هذا المنتدي اللي نفسي برضه أعلمها لناس بعدي:
1- أول سؤال يا صياد يا جديد تسأل إزاي أبقي صياد كويس. لأن لو معاك طياره و أنت مش صياد يبقي ملهاش لازمه.
2- أسمع لكل الناس القديمه و أتعلم منهم و متتكبرش أنك تتعلم لأن الناس دي عدت بالمراحل دي قبلك و هتوفر عليك شقي تجارب كتير.
3- أي بندقيه تقدر تجبها هاتها و أتعلم عليها كويس و حبها و أحترمها و الله هتحس ساعتها كأنك ماسك أغلي و أحسن بندقيه وده مش كلام ده عن تجربه. بعد كده لما ربنا يكرمك هات البندقيه اللي نفسك فيها.
4- أول ما تيجي تتعلم أضرب "أوبن سايت" من غير سكوب علشان تأخذ حاسة و خبرة الصيد يعني أضرب الطير فين و إمتي و إزاي ومن أي وضع و أتجاه.
5- أوعي عمرك مهما قدمت تقول أنا بقيت صياد كبير و تأكد أن في كل طلعة صيد شئ جديد هتتعلمه.
6- أن شاء الله يا صياد يا جديد تعلم الكلام ده بعد كده لأي حد بعدك و تفتكر الناس اللي علمتك زي ما أنا هفضل فاكر الناس اللي علمتني

يا رب يكون الكلام مفيد و عجبكم و أرجو التثبيت.

[عادل عبده]

لازم يتثبت عشان انت جبت من الاخر وبتقول كلام فوق الممتاز
صياد بالفطره ..جديد فى الهوايه ....قديم الحاسه .....راجل محترم
تحياتى ليك ياعم عرابى

[Orabi]

المشاركة الأصلية كتبت بواسطة عادل عبده

لازم يتثبت عشان انت جبت من الاخر وبتقول كلام فوق الممتاز
صياد بالفطره ..جديد فى الهوايه ....قديم الحاسه .....راجل محترم
تحياتى ليك ياعم عرابى

يا عدوله أنا أتعلمت الكلام ده من الناس القديمه المحترمه اللي زيك

[omarmagic]

المشاركة الأصلية كتبت بواسطة orabi

السلام عليكم إخواني الكرام،
ترددت كثيراً قبل كتابة هذا الموضع، و لكني عقدت العزم أخيراً لكتابته. و أعلم أن الصيادين القدامي في هذا المنتدي المحترم يعلمون و يعون ما سأقوله جيداً. سبب كتابة هذا الموضوع أنني لاحظت مؤخراً أسئله كثيره من زملائنا و أخوتنا الصيادين الجدد حول الأتي: 1- ناس بتسأل أجمد بنادق إيه 2- تبتدي تسأل و أسعار البنادق الجامده إيه 3- طب لو معيش المبلغ ده و جبت بندقيه نص نص هتمشي الحال. وردود كتير كتير و علي ما أعتقد أن السأل مش بيركز غير أنه يلاقي الرد اللي هو عايزه. المهم الموضوع ده أنا عايز أوضح فيه حاجات إتعلمتها من الناس الصيادين الكبار المحترمه في هذا المنتدي اللي نفسي برضه أعلمها لناس بعدي:
1- أول سؤال يا صياد يا جديد تسأل إزاي أبقي صياد كويس. لأن لو معاك طياره و أنت مش صياد يبقي ملهاش لازمه.
2- أسمع لكل الناس القديمه و أتعلم منهم و متتكبرش أنك تتعلم لأن الناس دي عدت بالمراحل دي قبلك و هتوفر عليك شقي تجارب كتير.
3- أي بندقيه تقدر تجبها هاتها و أتعلم عليها كويس و حبها و أحترمها و الله هتحس ساعتها كأنك ماسك أغلي و أحسن بندقيه وده مش كلام ده عن تجربه. بعد كده لما ربنا يكرمك هات البندقيه اللي نفسك فيها.
4- أول ما تيجي تتعلم أضرب "أوبن سايت" من غير سكوب علشان تأخذ حاسة و خبرة الصيد يعني أضرب الطير فين و إمتي و إزاي ومن أي وضع و أتجاه.
5- أوعي عمرك مهما قدمت تقول أنا بقيت صياد كبير و تأكد أن في كل طلعة صيد شئ جديد هتتعلمه.
6- أن شاء الله يا صياد يا جديد تعلم الكلام ده بعد كده لأي حد بعدك و تفتكر الناس اللي علمتك زي ما أنا هفضل فاكر الناس اللي علمتني

يا رب يكون الكلام مفيد و عجبكم و أرجو التثبيت.

اولا مبروك على حضرتك المنصب الجديد
ثانيا موضوع جميل وفيه كمية نصايح مفيدة للصيادين المبتدئين فى الهواية
لك منى وافر الاحترام والتقدير

[Orabi]

المشاركة الأصلية كتبت بواسطة omarmagic

اولا مبروك على حضرتك المنصب الجديد
ثانيا موضوع جميل وفيه كمية نصايح مفيدة للصيادين المبتدئين فى الهواية
لك منى وافر الاحترام والتقدير

شكرًا يا فندم علي ذوقك. وموضوع المنصب الجديد ده أنا مش بعتبره منصب أنا بعتبره تكليف بخدمة زملائي و أخواتي في هذا المنتدي المحترم.