رد: سؤال هام و عاجل لخبراء المسدسات الحيه
انا رأيي من رأي الزملاء الأفاضل ان أي مسدس زيرو حتشتريه من مصر دلوقتي سواء غالي أو متوسط الثمن حتخسر فيه لما تيجي تبيعه بعدين .. وده سببه ان الاسعار حاليا في مصر مولعة وغالية باستهبال وعبط وليس عن أساس أو قيمة فعلية للسلاح ....
يعني لما يبقى سلاح تمنه عند الاستيراد ونسبة التاجر والجمارك وخلافه حوالي 15 ألف ولا 20 ألف جنيه ويتباع في مصر فوق الـ 140 ألف جنيه فده نتيجة لمنع الاستيراد مش لقيمة السلاح الحقيقية .. وبالتالي لما الظروف تتغير بانتخاب رئيس للجمهورية وعودة الاستقرار - ولو تدريجيا - أسعار السلاح حتبدأ تتعدل وترجع لمعدلها وتلاقي ان المسدس اللي انت اشترتيته من مصر بثمن فوق الـ 100 ألف ممكن يرجع لتمن لا يتجاوز 40 ألف مثلا (دي ارقام تقديرية من عندي ) ....
للأسف هي معضلة ولو سألتني عن الحل مش حأقدر أفيدك لأني في نفس وضعك وحيرتك .. بين رحى مدة تصريح الشراء من جانب وعدم ايجاد سلاح يتناسب في سعره مع قيمته الحقيقية .......
بس هو فيه سؤال للاخوة الأفاضل أنا سألته قبل كده هنا في المنتدى ولم أجد اجابة شافية ... ايه اللي حيحصل في شهر 5 تحديدا ويخلي سعر السلاح ينزل؟ ياريت لو حد عنده أخبار كويسة أو مطمئنة يفيدنا ويبقى ربنا يجازيه كل خير ......
|
12-03-09, 04:09 PM
المواضيع المتشابهه
العرض الشجري