سؤال عن كيفية الضرب بسكوب

[amr naser]

المشاركة الأصلية كتبت بواسطة dr_mohasan

هو ايه اللى فوق و ايه اللى تحت ؟ انتوا لخبطّونى و نسيتونى الكلمتين اللى انا عارفهم

هههههههههههههه

أولاً لازم نحدد نوع البندقية و حالة السوستة لو جديدة و لا ضعيفة علشان نحدد سرعة البندقية اللى بنتكلم فيها

هانفترض أن الأستاذ عبدالله بيسأل عن البام اللى عنده , وهى بندقية قوية و سرعتها عالية يعنى الرشة بتفضل ماشية فى خط مستقيم لمسافة كبيرة قبل ما تبتدى تنحرف للأسفل

لو هانظبط السكوب على مسافة 20 متر , يبقى الظبطة دى هاتخليك تضرب بالبام من أول 10 متر تقريبا لغاية 40 متر (دى أرقام تقديرية بيحددها صاحب البندقية بناء على تجربته مع بندقيته)

بعد 40 متر تقريباً هايبتدى مسار الرشة ينحرف لأسفل , يبقى لازم نرفع السكوب لفوق شوية علشان نعوض مسافة انحراف الرشة (يعنى يبقى الكروس فوق الهدف)

طيب لو هاتضرب على 5-6 متر مثلاً (هو ده السؤال الصعب)
الإجابة برضه انك هاترفع السكوب شوية ... ليه ؟
لأن شعاع البصر من السكوب بيتقابل مع مسار الرشة عند 20 متر (اللى احنا ظابطين عليها) , يبقى على 5 متر هايكونوا لسة بعيد عن بعض , وهايكون شعاع البصر طبعاً اعلى من مسار الرشة , ولو ضربنا على الكروس الرشة هاتيجى تحت الهدف , علشان كدة لازم نرفع السكوب شوية

أرجو أنى أكون أفدت حضراتكم , وأى استفسار تانى أنا تحت أمركم فى حدود خبرتى البسيطة

خالص تحيّاتى

كلام ميه ميه يعنى سوال فوق وتحت لما يكون الضرب مثلا 40 متر اوك بس على فكره لو هنضرب من 5 الى 6 متر بيتهيالى مش محتاج ترفع او تنزل طبعا الراى لحضرتك لانك مجرب طبعا وشكراا على المعلومات