يا ريت مساعدة من خبراء المنتدى بسرعة

[adel152]

المشاركة الأصلية كتبت بواسطة ahmed_sayed

:confused:انا معايا مسدس صوت جاكل وكنت جايبة ومعاة الطبة الصغيرة وبعد ضرب بية الطبة مش عيزة تفك خالص والالن كية فوت ووديتة المخرطة جرب كل حاجة عندة لغاية ما الطبة اتكلت نوصها وبرضو مش عايزة تتفك بيقولى الطبة ماسكة فى الماسورة ولحما عليها من السخونية ..... اية الحل علشان انا حاسس ان المسدس كدا باظ وانا كنت ليسا هاعملو الطبة الطويلة .

استاذ احمد بعد التحية.
المسدس مابظش ولا حاجة أعمل الأتى او خلى خراط كويس يعملهالك (الطريقة سهلة بس عايزة دقة وصبر وأنا عملتها بنفسى رغم انى ماعنديش اى خبرة فى مجال الخراطة).
اشترى عدة اللى بتعمل السنون (زى اللى فى الصورة فى أخر الموضوع) انا أشتريت هذه العدة بس مش فاكر اسمها ايه وبتيجى فى علبة بلاستك صغير وداخل العلبة فى 3 قطع بمقاسات مختلفة بتبتدى بالارفع ثم الاطخن والعلبة مكتوب عليها مقاس m 10x1.5 . وبتشترى الدراع اللى بيمسك هذه العدة (العدة ب10 جنيه والدراع ب20) يعنى التكلفة كلها 30 جنيه.
ومحتاج شنيور يكون متعدد السرعات وبنط حدادى مختلفة المقاسات.
تبتدى الاول بالبنط الصغيرة واستعمل سرعات بطيئة حتى تصل قبل السنون بتاعة ماسورة المسدس بحوالى 5. ميللى (وتخرم الطبة القديمة باكامل) وبعد كده تستعمل عدة عمل السنون تبتدى بالأرفع.
المقاس اللى كتبتهولك لعدة السنون هو نفس مقاس الطبة.
الموضوع ده انا عملته فى البلو سى6 لأن واحد صحبى بوظ الطبة اللى عنده ومعرفش يحلها وانا عملت الطريقة دى بنفسى وصدقنى هى مش صعبة لكن محتاجة صبر ودقة الموضوع ده أخد منى حوالى 3 ساعات لكن لو عند خراط محترف مش حياخد منه نصف ساعة ومش حتكلفك أكتر من ثمن العدة والدراع.

ارجو ان أكون أفادتك فى هذا الموضوع وبالتوفيق. وأبقى قولى عملت ايه لو عايز تسأل على اى حاجة انا تحت أمرك.
خالص تحياتى.