رحلة صيد يوم 6 اكتوبر بالاسكندرية

[momo44]

المشاركة الأصلية كتبت بواسطة mimic

باشا معلش اخوك فهمو على قدو يعني ايه ((الغوزيلة اشتغلت وحجمها كبر كمان)) وايه نوع الصيد اللي هتصيدوه وفين المنطقة وايه التكلفة ؟؟ ارجو التوضيح حتى يتسنا لكل الأعضاء ابداء رغباتهم فيما لو اراد احد الإشتراك أو الذهاب معكم........

ده نوع من السمك اسمه الغزيلة


وده نوع من اسماك البحر الابيض الموجودة طول العام
ويوجد منها نوعان النوع الاحمر والنوع الذهبي
يبداء موسم تكاثرها في شهر ابريل من كل عام
ويبدأ صيدها من شهر يولية بعد انتهاء موسم الظبان
وتكون الولدة وصلت لحجم كويس لصيدها
التسقيط هي طريقة الصيد الوحيدة للغزيلة
قوارب من بحري او من المكس وتتجه غربا
من بحري المشوار ساعتين واكتر
وبيوصلو عند منطقة المخطاف اللي بتكون فيها السفن المنتظرة دورها لدخول ميناء الاسكندرية
الصيد بيكون اندراوة يعني علي العايم بدون هلب لان العمق كبير بيوصل في بعض الحالات 60 قامة
البحار بياخد اول الممشه ويعرض القارب في اتجاه الريح وبنكون جميعا واخدين جانب واحد من القارب علشان نقلل الكعبلة
والصيد بسبحة من سبعة لعشرة سنارة مقاس 7 كفته
ولازم تاخد بالك من القاعده الذهبية اللي بتقول ان طول ذراع الترميل لكل سنارة اقل من نص المسافة بين سنارتين
يعني بالعربي السنارتين ما يوصلوش لبعض علشان ما يشبكوش في بعض
وتحت السنانير رصاصة كبيرة وكل ما زاد الغرق وزادت سرعة التيار زادت الرصاصة ممكن توصل 150 جرام يعني رصاصة او اتنين وممكن 3 مقاس عشرة علشان تاخد الاسلحة وتنزل في اقل وقت ممكن للقاع
وتحت الرصاصة بيتحط سلاح واحد للاسماك اللي بتاكل علي القاع زي الدنيس وهي ورزقها
والطعم برغوت
وممكن يدخل عليك القطر
وتلاقي السمك طالع انصاص
يبقي في الحاله دي دخل عليك الارنب (القراض) والسمكة دي سمية (اى لها سم)
وطبعا لها شغل تاني