فكرين موضوع جريمة القتل الي حصلت عندنا

[mman2005]

المشاركة الأصلية كتبت بواسطة okapi knife

شرطة ايه و جيش ايه يا باشا الراجل كان بيتقتل قدام عينيعهم و هما واقفين يتفرجو و ضرب النار الي في اول فيديو دة كان وقفة بعد الصلاة يوم الجمعة الي فاتت و كانت الحكومة واقفة اول ما ضرب النار اشتغل و محدش عرف من الحكومة يقول للناس دي بم عشان هما على حق

والله فى المواقف دى حتى لو الواحد معاه سلاح هيخاف يتدخل.... عارف ليه؟
مش علشان نفسى علشان دلوقتى حتى لو ربنا مكنك وقتلت أو أصبت البلطجية دول أكيد الموضوع مش هيبقى عدى على كده.... هينتقموا منك ومن أسرتك..... وعلشان كده الخوف....
المجتمع فيه إنفلات جامد أوى.... والخناقة بتحصل على أتفه سبب، يعنى تخيل حصلت خناقة بسبب بسيط جداً ... واحد معدى بعربية نقل فى الشارع ومعاه كم واحد وبعدين بنت من العمارة قصادنا عايزة تعدى والراجل بتاع النقل بيكسر وعايز يدخل الشارع... فقالها يا آنسة لو تصبرى على ما أعدى.....ليه وليه يقولها كده راحت شتماه بأسوأ الشتايم... كان الى سايق شاب نزلها يشتم فيها بصينا لاقينا ليها 3 أخوات بنات نزله الشارع شتايم ومسكه توب وكسروا أزاز العربية النقل وحدفوا الشباب بتوع العربية بالتوب وطلع أبو البنات معاه سكنتين وقعد يلوش بيها فيهم....
وتخيل بقى الناس دول بعد ما عربيتهم أتكسرت جابوا ناس الفجر وكانت هتحصل مشكلة جامدة لولا تدخل ناس وحصول ترضية.
واحد بقى زي حالاتى لما يلاقى بنات بتتخانق مع شباب غريب دمه هيفور وهيعتقد أنهم تحرشوا بيهم وهياخدوا الرجولة وينزل يضرب فى الشباب دول بإعتبار أنهم بيتخانقوا مع بنات.
مع أن البنات دول هما الى غلطانين.
يعنى الواحد بيخاف يتهور ليعمل مشكلة بسبب ناس متستهلشى وأنا حمدت ربنا أنى ما نزلتش الشارع وأتدخلت.