موضوع للنقاش

[Ahmed Youssef]

المشاركة الأصلية كتبت بواسطة ahmedmh_ali

السلام عليكم ...

أجمل تحية لكل الموجودين .. لكن ندخل بقى فى الجد ..


ال أبل iphone 4 تليفون جميل ، محترم جدا جدا جدا ، و طبعا شركة أبل مفيش غبار عليها شركة عريقة و محترمة جدا ، كتير مننا يعرف أمكانيات ال 4 ....


و دة للى ميعرفش :


- 4 بروسيسور سينجل كور a4 / أما ال 4s بروسيسور a5 dual core ( خرافى طبعا و أداء ملهوش حل ) ..
- معدل الترميز الخاص بالشاشة واحد .
- الكامير الخلفية فى 4 5 ميجا بيكسل / ال 4s 8 ميجا بيكسل مقسمة الى 7 عدسات مصنعه مش شركة sony و العدسة رقم 3 من داخل الجهاز أسمها عدسة أضاءة و دى تقنية جديدة اللى لو انت بتصور فى ضلمة الصورة تظهر عندك فاتحه و عادية من غير حتى ما تستعمل الفلاش و لو أستعملت الفلاش كمان حتبقى كأنك بتصور فى عز الشمس حتى لو أنت تحت السرير .
- الفيديو فى ال 4 كان بمعدل ترميز 720 أما فى ال s فهو 1080 hd .
- الوزن فى ال s زاد 3 جرام بقى وزنة 140 جرام أما ال 4 كان 137 جرام .
- و طبعا الكارثة الرهيبة جدا جدا جدا جدا و هو نظام ال siri بس مشكلتة انة داعم english بس .. و نظام ال siri دة عبارة عن اية انك تقتدر تتعامل مع الموبايل كأن أبن خالتك اللى قاعد مش الموبايل .. ازاى ؟؟

انا قاعد أهو و الموبايل جمبى أقولة أتصل مثلا بحسام يتصل بحسام .. غيرة أقولة مثلا أبعت رسالة لأمى أكتب فيها ياحجة مش عايزة حاجة من تحت و أبتعها بعد 5 دقايق .. يتعامل هو مع حالة و يتصل لوحدة و يبعت رسالة لوحدة و كلة قشطة ، أقولة مثلا شوفلى ياض انت يا أى فون السكة زحمة لية و قولى أية أسرع طريق أروح منة و هو يتعامل ههههههههههه


أدددددددددى الفيديو



http://www.youtube.com/watch?v=rnsrl86inpo


و دة الأعلان الخاص بالشركة و فية كل حاجة و بالشرح


http://www.youtube.com/watch?v=saiwu34u8ja


*** اة و حاجة أخيرة ال 4s نازل بشوية تطبيقات بضرب نار بجد ملهاش حل ..





نيجى بقى للصينى ..

درجات الصينى أنواع .. بير سلم / فوق السلم / فى الشارع / كوبى نص نص / كوبى محترم ..

ال اى فون الصينى فية منة من اول 100 جنية بس اللى هو اية متفهمش منة اللغة دى عربية و لا انجليزى و لا نرويجى و كلنا طبعا عارفين اللغة بتاعه التليفونات الصينى .. و كل الأنواع الصينى فاشلة و لا ليها أى لازمة حتى اللى مكتوب عليها كورى و كدة يبقى بترمى فلوسك فى الأرض .. طب و الحل ..


خدة بقى اللى محدش يعرفة اللى عايز يجيب تليفون صينى و يبقى كوبى طبق الأصل من الأى فون الأصلى .. يدور على الأنواع دى بس للأسف منزلتش مصر ، و متواجدة فى بعض الدول العربية ..


Sophone / airphone / kiphone / yophone / piphone / hiphone / sciphone

السبع نسخ دول هما أفضل كوبيهات للأى فون و عن تجربة ، مفيش حد يقدر يفرقهم عن الأصلى الا الخبير أوى أوى أوى أى أسم تانى أو اى ماركة تانية صينى تسمع أو حد يقولك حلوة .. حمادة بالجنزبيل دول و بس ..


العيوب .. مفيش update و لا برامج .. لية ؟ لأنة أى فون ظاهرى فقط أما نظام ال os الداعم للأبل الأصلى لا يمكن نسخة ، يعنى بالأصح أنت معاك أبل أى فون حقيقى لكن بسوفت وير وهمى .. لكن بردة ح أرجع أقول مفيش حد يقدر يفرقة عن الأصلى و فية كل مميزات الأصلى كاملة من البداية للنهاية ..


و اللى عايز يتاكد يعمل بحث عن الماركات اللى انا كتبتها دى ...



و بالنسبة للأصلى ال 4s عامل 6200 دة المفروض السعر الرسمى ، و هو لسة منزلش مصر ، و اللى موجود دة واد خارج علشان كدة سعرة عالى ...







نيجى بقى للسامسونج جلاكسى s بالعربى كدة أرمية فى الزبالة ، أمال اية ؟؟

السامسونج جلاكسى s2 خرااااااااافة بجد أحسن من ال s1 بمراحل فرق السنين ...


يا ترى اية الفرق بينة و بين ال الأبل 4s ؟ بالعقل شركتين مبهدلين بعض فى المحاكم الدولية و قواضى و بتاع يبقى أكيد فى تشابة أدى للدعاوى القضائية دى يبقى الأتنين واحد ..


يعنى مفيش أختلاف ؟ لا فية بس مش مؤثر ..


طيب أية هو .. خد عندك


الكاميرا الأمامية للأبل vga لكن السامسونج 2mega px

السامسونج مفهوش خاصية ال siri و أنفردت بيها طبعا الأبل

السامسونج أندرويد أما الأبل ماكنتوش أو أس

الكارثة بقى .. جودة الليثيوم المصنع بية بطارية ال أى فون أجود ب 8 مرات من ليثيوم بطارية السامسونج و دة اللى خلى ناس كتير تبعد عن السامسونج و تجيب الأبل 4s .

و طبعا مننساش فرق الحجم فية ناس بتحب تشيل فردة شبب و فية ناس بتبحب السيمبل .. أما من ناحية السعر فيعتبر السامسونج أفضل بكتير ...



و دى صور للجلاكسى s2 و s1 للى ميعرفش شكلهم ..


ملف مرفق 25703

ملف مرفق 25704



طيب و النوكيا فين من كل دة ؟؟ راحت الملاهى و لا اية ؟

لا طبعا نوكيا عائدة و بقوة بتليفون nokia lumia 800 بالتعاون مع شركة ميكروسوفت و حيكون ويندوز موبايل كامل ..

ملف مرفق 25705


و دة الفيديو ..

http://www.youtube.com/watch?v=l-493k3nikk



و اجمل حاجة ان شركة نوكيا قررت ان التليفون حينزل ينافس الأيفون و الجلاكسى و كمان شركة نوكيا وعدت ان التليفون حينزل بربع تمنة الأصلى فقط ...


فى ناس حتسألنى و أنت اية رأيك فية ؟؟

جميل .. يعنى حيتباع .. ؟؟ أبقوا قابلونى لو حد أشتراة ( نوكيا .. فلترقدى فى سلام ) دلوقتى بجد نقدر نقول ان نوكيا راحت عليها بجد مش هزار و بقى وقت الأندرويد و الأيفون و البيرى و ال أتش تى سى .. فقط لا غير نوكيا نزلت من عرش المبيعات العالمية و خدمات الأشخاص ، كانت هى المتصدرة الوحيدة لأنها كانت أفضل شركة بتصنع تليفونات الميديا ، لكن دلوقتى مفيش وجة مقارنة و لا منافسة الشركات التانية لما صنعت تليفونات الميديا عملت متصفحات أسرع و كاميرات أفضل ... ألخ ..


و لو فى حد عندة أستفسار بلاش يكتبة علشان انا تعبت ..


تحياتى للجميع ..

أحمد على ..

ماشاء الله علي خبرتك