حل مشكلة الاسعار – من وجهه نظري

[mman2005]

يا ريس أى حاجة ممنوعة فى مصر بتستورد، التكتك ممنوع نزوله فى مصر ودلوقتى أكثر من البنى ادمين وبيتباع فى المحلات، الإلكترك ممنوع فى مصر ودلوقتى أغلب البيوت فيها إلكترك، البنادق والسلاح ممنوع أستيراده وبيدخل كميات كل يوم وكل شهر، ده غير السلاح الحى الى بيدخل من ليبيا وار بى جيهات وصواريخ مضادة للطائرات.

وبعدين حضرتك بتقول مفيش إستيراد بنادق وعايز تقاطع يبقى أزاى، لأن المنطقى لو مفيش إستيراد يبقى المنطقى أن الأسعار ترتفع نتيجة لأن العرض بيقل بإستمرار، والتاجر مش هيتأثر بالمقاطعة لأن المخزون بيقل بإستمرار.

أنا مثلا اشتريت بندقيتين مستعملتين أستعمال نضيف وبسعر حلو ورخيص، منهم بندقية من أخ فاضل فى المنتدى كان بيمتلك 5 بنادق منهم 2 جداد يزيد تمنهم على 10 آلاف جنيه.

يعنى الأخ ده لولا أنه أشترى بندقيتين جداد مكنشى فرط فى ال 3 بنادق القدام الى عنده، ومكنتش أنا أشتريت أول بندقية فى حياتى.