نائب المشير طنطاوى و قائد المنطقة الشمالية العسكرية و الجيش و السيل و الكوماندوز 777 على أول شارعنا

ahmedmh_ali · 11-08-30, 07:09 PM

جالى تليفون الصبح من واحد صحبى و صديق عمرى حوالى الساعه 3 و نص بعد صلاة الفجر و حصل ما بينا كالأتى فى التليفون :

أنا : أية يا حودة ؟
صحبى : أية يا حمادة .. صباح الفل انت مطبق و لا اية
أنا : أة
صحبى : شفت اللى حصل
أنا : اية ؟
صحبى : الجيش نازل عندنا علشان المحلات المخالفة و العماير و كدة
أنا : اة ما أنا عرفت بدأوا من أول شارع 45 و جايين علينا
صحبى : طيب مش نازل تتفرج ؟
أنا : ح أنزل
صحبى : طيب يلا أنجز بسرعه علشان مش عايز أحرق المفاجأة
أنا : مفاجأة اية ؟
صحبى : لا لما تجيى أقولك
أنا : أنجز يا حودة .
صحبى : ما هو أنت مش حتصدق ألا لما تشوف
أنا : فى اية ؟
صحبى : قلبك جامد ؟
أنا : أيوة
صحبى : طيب خد عندك فية فى المنطقة عندنا بس حوالى 100 عربية أمن مركزى غير عربيات الداخلية
أنا : أوبااااااااااا
صحبى : ههههههههههههه لا لسة أنا مقلتش حاجة
أنا : أمال
صحبى : دة فية جيش و مدرعات و دبابات و فرقة صاعقة و جيش أصفر و فريق العقرب الأسود و فريق التدخل السريع و الكوماندوس 777 و السيل تيم و وحدة مكافحة الارهاب و وحدة مكافحه شغب و شرطة عسكرية و جنود من البحرية و شوية عساكر أمن مركزى .
أنا : هههههههههههههههههههههه حمرة
صحبى : أنا مش بهزر و الله
أنا : حمرة
صحبى : طيب أنزل بص ما أنت كدة كدة نازل
أنا : طيب بيس و المشير طنطاوى مجاش بالمرة ؟
صحبى : لا النائب بتاعه جة هو وقائد المنطقة الشمالية العسكرية
أنا : أأأأأأأأأأأأأأأأأأأأأأأة مش قولتلك بلاش تطبق علشان بيأثر على دماغك
صحبى :طيب أقولك على حاجة و المحافظ كمان هنا
أنا : هههههههههههههههههه
صحبى : أنجز بقى علشان وحدة المفرقعات وصلت كمان
أنا : اة مفرقعات كمان
صحبى : اة بجد و الله
أنا : تصدق أنت أ ـ ك و ـ ـ ـ و أنا ح أنزل اشوف اللى أنت بتقولة دة يا ـ ـ ـ لما أشوف أخرتها مع أ ـ ك أية
صحبى : بيس
أنا : سيل تيم ها ؟ و الجيش الأصفر ؟ ماشى يا عم
صحبى : يلا مستنيك علشان نصور
أنا : نصور ؟ أنت عايزها أعتقال و لا اية
صحبى : هههههههههههههه و حياة غلاوتك عندى الجيش و الداخلية و الناس كلة بيصور
أنا : التلاتة ؟
صحبى : اة و الله
أنا : طيب على خيرة الله ، كل حبسة و أنت طيب
صحبى :بيس
أنا : ماشى سلام
صحبى :سلام
أنا : فى داهية

و لبست سريع سريع و نزلت رحت على أول الشارع و كانت المفاجأة الكبيرة ، قابلت صحابى كلهم واقفين بيصوروا و هما فى حالة زهول ز كلة متنح و فاتح بقة ، و لقينا التالى :

- أول الشارع لقينا شوية عساكر كدة قافلين الشارع و فى مدرعه واقفة

- على يمينك لغاية لما عينك تشوف كدة فية عساكر و جيش و مدرعات و عربيات أمن مركزى لغاية بعيييييييييييد بعييييييييييييييييد الى ما لا نهاية و شوية بلدوزرات على دبابات و كدة

- شمالك بقى دى الكارثة خدوا عندكم بقى نفس اللى فوق دة بالظبط + جيش اصفر ( قوات جبهه ) + وحدة مكافحه الشغب + أمن مركزى + قوات صاعقة + داخلية + كام ونش كدة + شوية حاجات تانية كدة

- تمشى يا عم تبص يمين شمال كل الشوارع مقفولة من الناحيتين امن مركزى دول وحدة بتاع الف جثة

- تبص على شريط القطر تلاقى وحدة مخصوص ( زى الكشرى المخصوص كدة ) واقفة على شريط القطر قافلة السكة ..

- تحاول تعد عربيات الامن المركزى حتلاقيهم بتاع حوالى 100 و لا حاجة بس دة اللى شايفاة عينيك فقط لا غير هما بدأين اساسا من أول المعمورة لغاية فيكتوريا .

- شوية و نلاقى كام جثة تانين مقنعين ... اية ؟ كوماندوس 777 ( ههههههههههههههه )

- و عربية جيب لايبرتى فيها قائد المنطقة الشمالية العسكرية و نائب المشير طنطاوى ، و عربية لينكولن نافيجيتور فيها السيد المحافظ

-أأأأأأأأأأأأأأأأأأأأة يا قلبى .

- و كان فية 2 مقطورة من اللى بيبقى فيهم تانك البترول ، علشان اى حاجة تحتاج بنزين مش تروح بعيد ما هما يامة بقى .

- طبعا شوية مناظر ولا أجمل ، كل دة لية علشان فى بلطجية أخدوا سكة القطر عملوها محلات بالبلطجة على الناس اللى ساكنة و على سواقين المشاريع و على الدنيا بحالها و اللى يفكر يكلمهم با أما يدغدغ ضرب يأ أما يضرب بالنار فالناس فضلت تشتكى تشتكى تشتكى لغاية لما حصل اللى حصل .

- جميع فئات البتاع بتاعه البتاع الخاصة بأى أى فى أى حتة تتعلق بأى رتبة فى اى مجال تحت أى بند كانت موجودة .

- من الفاجأة أساسا الناس نسيت تصور و الفيديوهات اللى موجودة و أتصورت مساحتها كبيرة كدة فى محدش قدر يرفعها ف أقصى فيديو على شبكة رصد و اليوتيوب مدتة دقيقة أتنين تلاتة كدة يعنى ، أحنا بقى صورنا من الساعه 3 لغاية 7 و نص بس المساحه حوالى 6 جيجا فيديوهات و كنا لسة مصورناش كل حاجة ف أنا حاولت أقطع الفيديوهات و ارفعن منة على قد ما أقدر مقطفات كدة علشان تشوفها لحين لما أقدر أرفع باقى الفيديوهات اللى أتصورت بعد تقطيعها .

* و اة قبل ما أنسى صحيح انا سيبت كل دة وقعدت اتمشى مع حالى أتفرج على المسدسات و اية بقى أقل واحد فيهم معاه هكلر جلوك دة غير الألى و ال أس ام جى و الأليكتريكات و الخناجر و الدلع

دول شوية حاجات كدة >>>>>>

YouTube

YouTube

YouTube

YouTube

و دول من فيديوهاتى أنا و صحابى >>>>>>

YouTube

و دة فية 5 أو 6 من الكوماندوس 777 و عربية نائب المشير وراها عربية قائد المنطقة الشمالية العسكرية >>>>>>

YouTube

YouTube

اضغط على الصورة لعرض أكبر

الاســـم: 312453_188386354571815_103622369714881_345611_5372080_n.jpg
المشاهدات: 233
الحجـــم: 58.9 كيلوبايت
الرقم: 21279

اضغط على الصورة لعرض أكبر

الاســـم: 314203_188516797892104_103622369714881_345930_3882397_n.jpg
المشاهدات: 259
الحجـــم: 85.9 كيلوبايت
الرقم: 21280

اضغط على الصورة لعرض أكبر

الاســـم: 317654_188387391238378_103622369714881_345623_6122210_n.jpg
المشاهدات: 248
الحجـــم: 34.8 كيلوبايت
الرقم: 21281

اضغط على الصورة لعرض أكبر

الاســـم: 317654_188387397905044_103622369714881_345625_299271_n.jpg
المشاهدات: 285
الحجـــم: 72.4 كيلوبايت
الرقم: 21282

اضغط على الصورة لعرض أكبر

الاســـم: 317654_188387401238377_103622369714881_345626_7427166_n.jpg
المشاهدات: 249
الحجـــم: 54.9 كيلوبايت
الرقم: 21283

اضغط على الصورة لعرض أكبر

الاســـم: 317654_188387404571710_103622369714881_345627_7545296_n.jpg
المشاهدات: 205
الحجـــم: 39.8 كيلوبايت
الرقم: 21284

اضغط على الصورة لعرض أكبر

الاســـم: 318128_188516947892089_103622369714881_345932_7332571_n.jpg
المشاهدات: 204
الحجـــم: 64.2 كيلوبايت
الرقم: 21285

اضغط على الصورة لعرض أكبر

الاســـم: 321553_188516871225430_103622369714881_345931_4453364_n.jpg
المشاهدات: 209
الحجـــم: 58.5 كيلوبايت
الرقم: 21286

( هذا فقط موقتا لحين رفع كل الفيديوهات و الصور و هذا يعد 1 % مما حدث فعلا )

essam assem · 11-08-30, 07:13 PM

تقرير هايل يا ابو حميد ومجهود عالى اوى وطريقة سردك للاحداث اللى دارت كانى كنت معاك هههههههه
عيد سعيد عليك يا ابو حميد

YOSSEF EL MASRY · 11-08-30, 07:23 PM

تسلم ايدك ياباشا وكل سنة وانت طيب
جميل جدا اعادة النظام والانضباط
شكرا

mahmoud11144 · 11-08-30, 09:06 PM

لية يا عم كل دة انت قتلت مين هههههههههههههههههههههههههه
كل سنة وانت طيب يا باشا وعيد سعيد عليك..

dr_mohasan · 11-08-30, 09:32 PM

موضوع جميل ومجهود رائع

تسلم إيدك يا ابو حميد

deutscher Sniper · 11-08-30, 10:13 PM

هو دة الكلام واحنا عندنا فى رمسيس بردو دغدغوا الدنيا ايوة كدة يا رجالة لازم نرجعها نضيفة تانى

ربنا يقويهم يارب ونخليها انضف من اوروبا بس هما يفتحوا لنا استيراد الاسلحة واحنا نخربها لهم

بس حلو اوى جو سلاحف النينجا دة يخرب بيت الجمدان

هههههههههههههههه

ahmedalim · 11-08-30, 10:29 PM

تسلم ايدك ياباشا وكل سنة وانت طيب

سرسور · 11-08-30, 10:40 PM

مجهود رائع و تغطية جميلة
يارب كل مصر تنظف من كل شيئ سيئ
بداية موفقة لاعادة الانضباط للشارع

sultan · 11-08-31, 12:36 AM

عقبال ما يجو حلوان لحسن بقت حاجه تقرف

أميجو · 11-08-31, 12:51 AM

تسلم ايدك
تنفع مراسل صحفى

ahmadkhalaf · 11-08-31, 03:31 AM

انا اخوى الكبير وقف على البلدوزر اللى بيهد وصور العملية (: .......... تحياتى

mahmoudalaa · 11-08-31, 04:03 AM

فكرتني انا من اسبوعين كده ماشي في الخليفه المامون و كان في عربية رانج روفر ماشية وعدت شاهين قدامها في تقاطع وكانت هتشيلها و استغربت و عادي كملت ماشي والشارع قدامي فاضي جي اعدي من جنب الرانج روفر ولقيت عربية جيب كسرت عليا كسرة التنين كنت هلبس فيها ولقيت واحد بيقولي استني اقف يبني قلبي جة في رجلية لاني بسوق من غير رخصة وهب شفت الالي في ايده ومتكبس هو و اربعه معاه غير السواق وببص علي الرانج روفر ولقيت مكتوب عليها جيش رقم واحد 1 يعني ياما وزير الدفاع او المشير و فهمت ان لو كانت الشهين عدت قدامهم كانو هيدوسو عليها وانا لو كنت شديت معاه اكتر كان زماني في خبر كان

ahmedmh_ali · 11-08-31, 04:07 AM

اقتباس:

المشاركة الأصلية كتبت بواسطة essam assem

تقرير هايل يا ابو حميد ومجهود عالى اوى وطريقة سردك للاحداث اللى دارت كانى كنت معاك هههههههه
عيد سعيد عليك يا ابو حميد

ههههههههههههههه ربنا يخليك يا أستاذ عصام ، مع أن لغاية دلوقتى مش مصدق عينيا

ahmedmh_ali · 11-08-31, 04:08 AM

اقتباس:

المشاركة الأصلية كتبت بواسطة yossef el masry

تسلم ايدك ياباشا وكل سنة وانت طيب
جميل جدا اعادة النظام والانضباط
شكرا

و حضرتك طيب ...

ahmedmh_ali · 11-08-31, 04:08 AM

اقتباس:

المشاركة الأصلية كتبت بواسطة mahmoud11144

لية يا عم كل دة انت قتلت مين هههههههههههههههههههههههههه
كل سنة وانت طيب يا باشا وعيد سعيد عليك..

ههههههههههههههههه مش عارف كل اللى كنا بنسمع عنة لقيتة قدامى ههههههههه

ahmedmh_ali · 11-08-31, 04:09 AM

اقتباس:

المشاركة الأصلية كتبت بواسطة deutscher Sniper

هو دة الكلام واحنا عندنا فى رمسيس بردو دغدغوا الدنيا ايوة كدة يا رجالة لازم نرجعها نضيفة تانى

ربنا يقويهم يارب ونخليها انضف من اوروبا بس هما يفتحوا لنا استيراد الاسلحة واحنا نخربها لهم

بس حلو اوى جو سلاحف النينجا دة يخرب بيت الجمدان

هههههههههههههههه

هههههههههههههههههههههههههه

ahmedmh_ali · 11-08-31, 04:09 AM

اقتباس:

المشاركة الأصلية كتبت بواسطة ahmedalim

تسلم ايدك ياباشا وكل سنة وانت طيب

ربنا يخليك يا رب ، و عيد سعيد بأذن الله .

ahmedmh_ali · 11-08-31, 04:10 AM

اقتباس:

المشاركة الأصلية كتبت بواسطة سرسور

مجهود رائع و تغطية جميلة
يارب كل مصر تنظف من كل شيئ سيئ
بداية موفقة لاعادة الانضباط للشارع

و لـــــــــــســــــــــــــــــــة ههههههههههههه

ahmedmh_ali · 11-08-31, 04:12 AM

اقتباس:

المشاركة الأصلية كتبت بواسطة أميجو

تسلم ايدك
تنفع مراسل صحفى

ههههههههههههههههه لو كنت مراسل و عيشت طول حياتى ما كنت حشوف المنظر دة :

- نائب مشير
- قائد المنطقة الشمالية
- الجيش الأصفر
- الصاعقة
- السيل تيم
- المحافظ
- الشرطة العسكرية
- وحدة مكافحه الشغب
- وحدة متفرقعات
- الداخلية
- الأمن المركزى
- دبابات
- مدرعات
- القوات الخاصة ( البحرية )

ههههههههههههههههههه لية ؟؟؟؟؟؟

ahmedmh_ali · 11-08-31, 04:13 AM

اقتباس:

المشاركة الأصلية كتبت بواسطة ahmadkhalaf

انا اخوى الكبير وقف على البلدوزر اللى بيهد وصور العملية (: .......... تحياتى

ههههههههههههههه أنا بقى طلعت فوق عربية أمن مركزى

ahmedmh_ali · 11-08-31, 04:15 AM

اقتباس:

المشاركة الأصلية كتبت بواسطة mahmoudalaa

فكرتني انا من اسبوعين كده ماشي في الخليفه المامون و كان في عربية رانج روفر ماشية وعدت شاهين قدامها في تقاطع وكانت هتشيلها و استغربت و عادي كملت ماشي والشارع قدامي فاضي جي اعدي من جنب الرانج روفر ولقيت عربية جيب كسرت عليا كسرة التنين كنت هلبس فيها ولقيت واحد بيقولي استني اقف يبني قلبي جة في رجلية لاني بسوق من غير رخصة وهب شفت الالي في ايده ومتكبس هو و اربعه معاه غير السواق وببص علي الرانج روفر ولقيت مكتوب عليها جيش رقم واحد 1 يعني ياما وزير الدفاع او المشير و فهمت ان لو كانت الشهين عدت قدامهم كانو هيدوسو عليها وانا لو كنت شديت معاه اكتر كان زماني في خبر كان

هههههههههههههههههههههه ، انا لو منك كنت أقولة أنا بكبس بنزين عايز أجى جمب العربية علشان أخد صورة تذكارية للـ الفيس البوك .

هشام سيد · 11-08-31, 04:21 AM

هوه ده الكلام المظبوط علشان كله بيبلطج وبيحط الحكومة امام الامر الواقع

ahmadkhalaf · 11-08-31, 04:25 AM

تعرف ان فى ناس اخدو كذه كشك وعملوه مسجد ..... وتعرف بقى ان المسجد دة لا تقبل الصلاة فية ........ تحياتى

sayedlabib · 11-08-31, 04:54 AM

مين الواد اللى لابس اسود كت ده ودراعه كبييييييييييييييييييييييييييييييير قوى تعرفه يا احمد

وبعدين الناس دى بيخبوها فين محدش بيشوفهم خالص ليه كده

انا مضايق قوى !!!!!!

اول مره احس ان دراعى صغنون جدا جدا جدا جدا جدا جدا جدا جدا جدا جدا جدا جدا جدا جدى

memocco · 11-08-31, 05:23 AM

أكثر من رائع عقبال القاهرة يارب

shadymageed · 11-08-31, 06:37 AM

بجد جامد اخر حاجه وبحاجده تفرح عقبال الجيزه وامبابه يا رب هما كمان علشان الوضع بقا بلطجه بشكل غير طبيعى

hema777h · 11-08-31, 06:58 AM

شكرررااااااااا علي المجهود وفي انتظار بقيت الفيديوهات

ahmedmh_ali · 11-08-31, 07:34 AM

اقتباس:

المشاركة الأصلية كتبت بواسطة ahmadkhalaf

تعرف ان فى ناس اخدو كذه كشك وعملوه مسجد ..... وتعرف بقى ان المسجد دة لا تقبل الصلاة فية ........ تحياتى

اة شفتهم لما دخلوا جوة و قعدوا يعيطوا للجيش الله أكبر هذا مسجد الله أكبر هذا مسجد ههههههههههههههه و عملوا فيها فيلم فجر الأسلام .

ahmedmh_ali · 11-08-31, 07:35 AM

اقتباس:

المشاركة الأصلية كتبت بواسطة sayedlabib

مين الواد اللى لابس اسود كت ده ودراعه كبييييييييييييييييييييييييييييييير قوى تعرفه يا احمد

وبعدين الناس دى بيخبوها فين محدش بيشوفهم خالص ليه كده

انا مضايق قوى !!!!!!

اول مره احس ان دراعى صغنون جدا جدا جدا جدا جدا جدا جدا جدا جدا جدا جدا جدا جدا جدى

هههههههههههههههههههههه لا عادى حضرتك مش صغير و لا حاجة دة دراعه لوحد قدى أنا

و كل سنة و أنت طيب و واحشنى جدا و الله .

ahmedmh_ali · 11-08-31, 07:35 AM

اقتباس:

المشاركة الأصلية كتبت بواسطة memocco

أكثر من رائع عقبال القاهرة يارب

بأذن الله ..

ahmedmh_ali · 11-08-31, 07:36 AM

اقتباس:

المشاركة الأصلية كتبت بواسطة shadymageed

بجد جامد اخر حاجه وبحاجده تفرح عقبال الجيزه وامبابه يا رب هما كمان علشان الوضع بقا بلطجه بشكل غير طبيعى

حيتكنسوا ان شاء الله ..

ahmedmh_ali · 11-08-31, 07:36 AM

اقتباس:

المشاركة الأصلية كتبت بواسطة hema777h

شكرررااااااااا علي المجهود وفي انتظار بقيت الفيديوهات

حبيبى يا هيما و كل سنة و أنت طيب ..

gamopt80 · 11-08-31, 07:42 AM

تبقى البلاوي دي جمبي ومعرفش هههههههه
انا سمعت ان انهم هينزلوا يشيلوا الحجات دي كلها بس متوقعتش بالحجم ده من الجيش والقوات الخاصة والكلام دا كله
لولا اني واخد دور برد وتعبان كنت نزلت اتفرج على كمية الاسلحه دي كلها

ahmedmh_ali · 11-08-31, 07:47 AM

اقتباس:

المشاركة الأصلية كتبت بواسطة gamopt80

تبقى البلاوي دي جمبي ومعرفش هههههههه
انا سمعت ان انهم هينزلوا يشيلوا الحجات دي كلها بس متوقعتش بالحجم ده من الجيش والقوات الخاصة والكلام دا كله
لولا اني واخد دور برد وتعبان كنت نزلت اتفرج على كمية الاسلحه دي كلها

هههههههههههههه ، المشكلة انى لما بتفاجىء بهيس مش بتنح ، دخلت على ظابط من القوات الخاصة اللى هما 2 مسدس فى رجلية و خنجر و اليكتريك و كدة ف بقولة مش حضرتك بتاع اليوتيوب ، راح بصلى و دور وشة ، ف قلتلة هو حضرتك مروحين أمتى ، بصلى و دور وشة ، قلتلة هما القوات الخاصة مش بيتكلموا قبل الفطار ؟ ، راح بصلى و دور وشة ، قلت لا ما أنا لازم أخلية يضحك يعنى يضحك ، شوية و نديت على صحبى بقولك اييييييييييييية مش دة اللى شفناة أيام المظاهرات فى التلفزيون بيضرب المتظاهرين ........ و هوب رحت جارى على طول

hema777h · 11-08-31, 07:50 AM

اقتباس:

المشاركة الأصلية كتبت بواسطة ahmedmh_ali

حبيبى يا هيما و كل سنة و أنت طيب ..

وانت طيب وتوقع زيارة ان شاء الله بعد العيد

ahmedmh_ali · 11-08-31, 07:53 AM

اقتباس:

المشاركة الأصلية كتبت بواسطة hema777h

وانت طيب وتوقع زيارة ان شاء الله بعد العيد

لا مش فاضى أتوقع عندى شغل ههههههههههههههههههه .

تنور يا حبى أنت و كل المنتدى

hema777h · 11-08-31, 07:55 AM

اقتباس:

المشاركة الأصلية كتبت بواسطة ahmedmh_ali

لا مش فاضى أتوقع عندى شغل ههههههههههههههههههه .

تنور يا حبى أنت و كل المنتدى

داااااااا العشم برديك

ههههههههههههههههههه

gamopt80 · 11-08-31, 12:58 PM

اقتباس:

المشاركة الأصلية كتبت بواسطة ahmedmh_ali

هههههههههههههه ، المشكلة انى لما بتفاجىء بهيس مش بتنح ، دخلت على ظابط من القوات الخاصة اللى هما 2 مسدس فى رجلية و خنجر و اليكتريك و كدة ف بقولة مش حضرتك بتاع اليوتيوب ، راح بصلى و دور وشة ، ف قلتلة هو حضرتك مروحين أمتى ، بصلى و دور وشة ، قلتلة هما القوات الخاصة مش بيتكلموا قبل الفطار ؟ ، راح بصلى و دور وشة ، قلت لا ما أنا لازم أخلية يضحك يعنى يضحك ، شوية و نديت على صحبى بقولك اييييييييييييية مش دة اللى شفناة أيام المظاهرات فى التلفزيون بيضرب المتظاهرين ........ و هوب رحت جارى على طول

اخرك معاه كان مره كمان وهتلاقي الي بيشيلك ويهبدك على الارض ههههههههههههه
وتختار بقى السلاح الي يموتك بيه
موت بطيء ,موت سريع ,موت بالكهرباء الي يريحك كله موجود :d

ahmedmh_ali · 11-08-31, 11:26 PM

اقتباس:

المشاركة الأصلية كتبت بواسطة gamopt80

اخرك معاه كان مره كمان وهتلاقي الي بيشيلك ويهبدك على الارض ههههههههههههه
وتختار بقى السلاح الي يموتك بيه
موت بطيء ,موت سريع ,موت بالكهرباء الي يريحك كله موجود :d

هههههههههههههههههههه لالا هو أكيد حبنى .

adel152 · 11-09-01, 02:46 AM

الاخ العزيز ا/احمد
بعد التحية
احلى فيديوهات اتفرجت عليها من 6 شهور.
عقبال مايوصلوا عندنا فى العجمى لحسن الدنيا هنا خربانه على الاخر.
شكرا وخالص تحياتى

ahmedmh_ali · 11-09-01, 02:51 AM

اقتباس:

المشاركة الأصلية كتبت بواسطة adel152

الاخ العزيز ا/احمد
بعد التحية
احلى فيديوهات اتفرجت عليها من 6 شهور.
عقبال مايوصلوا عندنا فى العجمى لحسن الدنيا هنا خربانه على الاخر.
شكرا وخالص تحياتى

بأذن الله حيظبطوا كل حاجة بس المهم أمسك أعصابك و متعملش زيى علشان لغاية دلوقتى الموضوع مأثر عليا كل لما أفتكر اللى كانوا موجودين دول

هههههههههههههههه
و كل سنة و حضرتك طيب .

gamopt80 · 11-09-01, 03:40 AM

احمد مصورتش بتوع قوات السيل ليه؟
كان نفسي اشوفهم, لو عندك فديوهات لقوات الصاعقه ياريت ترفعها

عادل عبده · 11-09-01, 03:55 AM

هو انت كنت شغال صحفى قبل كده ولا ايه ؟
بجد اسلوب رائع يا باشا
تسلم ايدك

mishofun79 · 11-09-01, 04:02 AM

ايوه كده يا رجاله خلوا البلد تنضف احسن دا البلطجه بقت في كل حته و الواحد بيمشي في الشوارع بيحزن

ahmedmh_ali · 11-09-01, 07:28 AM

اقتباس:

المشاركة الأصلية كتبت بواسطة gamopt80

احمد مصورتش بتوع قوات السيل ليه؟
كان نفسي اشوفهم, لو عندك فديوهات لقوات الصاعقه ياريت ترفعها

حاااااااااااااااضر كلة جاى فى السكة بس اليوتيوب يرضى عنى الأول

ahmedmh_ali · 11-09-01, 07:29 AM

اقتباس:

المشاركة الأصلية كتبت بواسطة عادل عبده

هو انت كنت شغال صحفى قبل كده ولا ايه ؟
بجد اسلوب رائع يا باشا
تسلم ايدك

ههههههههههههههههه حبيبى يا أستاذ عادل

ahmedmh_ali · 11-09-01, 07:29 AM

اقتباس:

المشاركة الأصلية كتبت بواسطة mishofun79

ايوه كده يا رجاله خلوا البلد تنضف احسن دا البلطجه بقت في كل حته و الواحد بيمشي في الشوارع بيحزن

ههههههههههههههه دى مش حتنضف دى حيتعملها فورمات

tito · 11-09-01, 04:13 PM

تقرير هايل وتغطية ممتازة تنفع مراسل صحفى بس مش عارف ليه من طريقة سردك للقصة افتكرت الواد الصغير الى كان فى فيلم الارهاب والكباب لما طلع يطلع جهاز اللاسلكى المجمع ولما نزل سالوه شفت ايه وايه نوع الاسلحة رد ( كان معاهم مدافع وبنادق وخناجر وسكاكين وكل حاجة)!!!!!!!!!هههههههه حتى شوف كدة

YouTube

loot-ait · 11-09-01, 04:46 PM

3arfen ya gam3ah aenhom mawz3aen manshor 3alah ael bay3en fe ael manshya we ael sa3ah we ael ma3had ael deniy bey2oloh a7'erkoh mohla asbo3 ba3d ael 3ed we ael mesh 7aylem nafsoh a7nah 7anlemoh

ahmedmh_ali · 11-09-01, 11:48 PM

upppppppppppppppppppppppp

sniperwolf500 · 11-09-02, 12:23 AM

أنا مقدر الحماسة ياجماعة والله بس دول قوات الصاعقة بتاعتنا العادية (المموه البقري) مفيش سيل تيم خالص السيل تيم دول مش بتوع كدة خالص ... دول تصنيفهم اشتباك والي لابسين مغطيين وشهم دول ممكن يكونو 777 ليه لأن 777 قوة تابعة للحرس الجمهوري وهي التي يتم اختيار الحرس الشخصي للرئاسة ولكبار الضباط زي وزير الدفاع منها ومن مهام قوة 777 مكافحة الإرهاب - تحرير الرهائن وتأمين الشخصيات الهامة

http://www.youtube.com/watch?v=bXsLLUtYT7s&feature=fvst

http://www.youtube.com/watch?v=jTX-iKstnQM&feature=related

دول السييل تيم

http://www.youtube.com/watch?NR=1&v=CGLV9wzDFwA

دول 777

http://www.youtube.com/watch?NR=1&v=CGLV9wzDFwA

والفيديو الي جاي ده في شعار 777 فاخر الفيديو الحبة الي كانو بيدربو علي السلاح الأبيض بص علي ظهر التي شيرت البني حتلاقي 7 بالعربي كبيرة و7و7 صغيرين مكتوبين بالانجليزي

http://www.youtube.com/watch?NR=1&v=S7VEqDUBJi0

الاســـم: images.jpg
المشاهدات: 1814
الحجـــم: 7.6 كيلوبايت

الاســـم: images.jpg
المشاهدات: 1814
الحجـــم: 7.6 كيلوبايت

koktal · 11-09-02, 12:39 AM

موضوع جميل .. بس ليا سؤال : ليه هما مقنعين أو ملثمين ؟ .. أنا عن نفسى عارف .. حد يعرف ؟ .. ودول قوات خاصه وأى كانت القوات الخاصه فهى مرحله ما بعد الصاعقه .. وقوات الصاعقه يكفى مقاتل مجهز واحد بس منها ضد مجموعه مسلحه .. ومش فتى دى الحقيقه ..

ahmedmh_ali · 11-09-02, 12:42 AM

اقتباس:

المشاركة الأصلية كتبت بواسطة sniperwolf500

أنا مقدر الحماسة ياجماعة والله بس دول قوات الصاعقة بتاعتنا العادية (المموه البقري) مفيش سيل تيم خالص السيل تيم دول مش بتوع كدة خالص ... دول تصنيفهم اشتباك والي لابسين مغطيين وشهم دول ممكن يكونو 777 ليه لأن 777 قوة تابعة للحرس الجمهوري وهي التي يتم اختيار الحرس الشخصي للرئاسة ولكبار الضباط زي وزير الدفاع منها ومن مهام قوة 777 مكافحة الإرهاب - تحرير الرهائن وتأمين الشخصيات الهامة

http://www.youtube.com/watch?v=bXsLLUtYT7s&feature=fvst

http://www.youtube.com/watch?v=jTX-i...eature=related

دول السييل تيم

http://www.youtube.com/watch?NR=1&v=CGLV9wzDFwA

دول 777

http://www.youtube.com/watch?NR=1&v=CGLV9wzDFwA

والفيديو الي جاي ده في شعار 777 فاخر الفيديو الحبة الي كانو بيدربو علي السلاح الأبيض بص علي ظهر التي شيرت البني حتلاقي 7 بالعربي كبيرة و7و7 صغيرين مكتوبين بالانجليزي

http://www.youtube.com/watch?NR=1&v=S7VEqDUBJi0

كل سنة و أنت طيب و كل سنة و أنت طيب و كل سنة و أنت طيب و كل سنة و أنت طيب ...

الفيديوهات اللى أنا رفعتها عبارة عن 300 ميجابايت ، ما تم تصوير يوازى بالأجمالى ( 4 جيجا بايت ) ، أجمالى عدد الدقائق فى الفيدوهات المرفوعة لا يتعدى ال 40 دقيقة ، ماحدث كاملا مدتة 7 ساعات و نصف ، أنا قلت ان اللى كان موجود كدة و كدة و كدة و كدة بس الفيديوهات الموجودة فيها حاجات بسيطة جدا و مساحه ماتم تصويرة كانت على محيط بعض الأمتار ، لكن تمركز القوات كان بدايتة من المنطقة الحربية (سلاح الطيران ) بالمعمورة حتى محطة قطار فيكتوريا أى ما يعادل 10 -12 كيلو متر ، و جارى بأذن الله تقطيع الفيديوهات لكل قوة و جهاز أمنى على حدة و رفعه أن سمحت مساحتة بذلك ... و أزى الصحه ؟

أما بالنسبة للسيل تيم كانت موجودة و كانوا لابسين تيشرت نص كم أسود على بنطلون رينجلر و كل واحد فيهم معاة 2 مسدس هيكلر بجراب فخد و اليكتريك و خنجر دهبى اللون و جوانتى ايد أسود و التى شيرت فية منهم سادة و فية مكتوب على الضهر seal team بالأبيض ... و أنا هزرت مع واحد منهم شخصيا بس كان بيبصلى من فوق لتحت فقط لا غير و دور وشة

sniperwolf500 · 11-09-02, 01:47 AM

الجيش كله بيروح يشتري تيشرتات مكتوب عليها السيل تيم وهي تيشرت رصاصي مكتوب علي ضهرها بالفنط العريض + صورة الشعار أما 777 فممنوع تداولها أصلا بين أفراد القوات لمكانتها في الحرس الجمهوري وهي التي شيرت الي مكتوب عليها حرف v كبير حيث قوة 777 القبول بها صعب وقليل لأنها كمان حرس بعكس السيل تيم الي هو فرقة دراسية + تشكيل كامل فأوعي أي واحد ضابط تلاقيه معاه تيشرت سيل تيم وتصدق أنه فالسيل تيم وقريبا حرفع صورة قفا واحد ضابط طبيب وهو لابسها هيهيييهيهيهيييهيييييي

deutscher Sniper · 11-09-02, 01:54 AM

اخى الحبيب موضوع التى شيرت دة اسهل ما يكون وانا شخصيا عندى تى شيرت سيل تيم ب 20 جنية من كتيبة الصاعقة المصرية اللى فى

الفيوم فى الاستاد اى عسكرى صحبك ممكن يجيبة يعنى عادى جدا اما الثانى فمن المستحيل تواجدة مع اى شخص الا القوات الخاصة والا فهو

عرض نفسة لاكثر من المساءلة وربنا يكفيك شر الناس دى لسة فية كتير محدش يعرفة عن القوات دى وعن تدريباتها ووجودها فين وربنا يكتر

منهم ويكونوا الجيش المنتظر اللى يقدر يرد على كل من يشكك فى بلدنا الحبيبة ويعرفوهم ان فيها رجالة .

وتقبل مرورى

ahmedmh_ali · 11-09-02, 03:42 AM

على كدة بقى الهيكلر اللى معاة بيضرب مية و الخنجر كاوتش ..

البطل · 11-09-02, 04:51 PM

هو ده الشغل وأهم ما في الفديوا قوات الصعقده اللى مغمين وشهم

sniperwolf500 · 11-09-02, 08:47 PM

لماذا قوات 777 دائما مغمين وشهم سؤال ناس كتير سالوه وإليكم التالي

تقوم القوات بتخبئة الوجه أكيد لعدم التعرف عليهم بالنسبة لزملائهم وحفاظا علي عائلتهم من الوقوع تحت ضغط مستغل يعرض حياة أي عملية للخطر ... ومن أهم عمليات 777 أو أجندة 777 القيام بحماية الشخصيات الهامة وكذلك السيل تيم بياخدو نفس التدريب ومن الواضح أنك ممكن تكون سيل وبعد كدة 777 بس العكس لا ....

زي ماشفنا فالفيديو المرفوع من شارع 45 القوات دي مهمتها حفظ أمن كبار الضباط ورجالات الدولة الي حمايتهم تقع تحت طائلة الحرس الجمهوري بعكس الوزراء العاديين وكبار ضباط الأمن في جهاز أمن الدولة وشرطة الحراسات لتأمينهم

777 قوة عسكرية غير معروف أفرادها ينتقي منهم الحرس الشخصي لرئيس الجمهورية وهم قوة تحت تصرف رئيس الجمهورية شخصيا ... دا غير عمليات تحرير الرهائن الي برضو السيل تيم مدربة عليه كما بالفيديو بس السيل تيم قوة اقتحام واشتباك وتسمي task force قوة ذات مهمة محددة وضاربة تخش مكان تخليه دندرة زي المجموعات القتالية المعروفة 37 وغيرها تدخل ومتسبش حد بس الفرق أن المجموعة القتال تكون علي خط المواجهة للقيام بعمليات خاطفة وكمائن ضد قوات العدو أما السيل تيم قوة ضاربة لتأدية مهمة محددة للغاية ومجرد اتمامها تنسحب انسحاب مباشر من موقع العملية حتي لو كان قدامهم 1000 فرصة ناجحة بنسبة 100% لإغتيال نتنياهو مثلا
ومن اسمها هي قوات بر/بحر لأن في قوات خاصة بالصاعقة البحرية

11-08-30, 07:13 PM	#2
essam assem صياد قديم تاريخ التسجيل: Mar 2011 المدينه: cairo المشاركات: 1,520 معدل تقييم المستوى: 16	رد: نائب المشير طنطاوى و قائد المنطقة الشمالية العسكرية و الجيش و السيل و الكوماندوس 777 على أول شار تقرير هايل يا ابو حميد ومجهود عالى اوى وطريقة سردك للاحداث اللى دارت كانى كنت معاك هههههههه عيد سعيد عليك يا ابو حميد __________________ إيهما اهم .. التفاعل والنوعية ام زيادة المشاركات والكمية؟؟ http://hh7.net/Jul4/hh7.net_13110235081.jpg

11-08-30, 07:23 PM	#3
YOSSEF EL MASRY صياد متقدم تاريخ التسجيل: May 2011 المدينه: الاسكندرية - القاهرة المشاركات: 635 معدل تقييم المستوى: 9	رد: نائب المشير طنطاوى و قائد المنطقة الشمالية العسكرية و الجيش و السيل و الكوماندوس 777 على أول شار تسلم ايدك ياباشا وكل سنة وانت طيب جميل جدا اعادة النظام والانضباط شكرا __________________ اذا دعتك قدرتك علي ظلم الناس فتذكر قدرة الله عليك يا مصر قومي وشدي الحيل كل اللي تطلبية عندي كان تقيمي 27 وانخفض الي 5 دون سبب 27-6-2011

11-08-30, 09:06 PM	#4
mahmoud11144 صياد متقدم تاريخ التسجيل: Apr 2011 المدينه: مدينة بلطيم م\ كفر الشيخ المشاركات: 532 معدل تقييم المستوى: 10	رد: نائب المشير طنطاوى و قائد المنطقة الشمالية العسكرية و الجيش و السيل و الكوماندوس 777 على أول شار لية يا عم كل دة انت قتلت مين هههههههههههههههههههههههههه كل سنة وانت طيب يا باشا وعيد سعيد عليك.. __________________ اذا كنت جاد في التغيير فكن بطلا وابدأ الأن...

11-08-30, 09:32 PM	#5
dr_mohasan صيـــــــاد من الدرجـه الأولـي تاريخ التسجيل: Feb 2011 المدينه: القاهرة المشاركات: 2,940 معدل تقييم المستوى: 289	رد: نائب المشير طنطاوى و قائد المنطقة الشمالية العسكرية و الجيش و السيل و الكوماندوس 777 على أول شار موضوع جميل ومجهود رائع تسلم إيدك يا ابو حميد __________________ -------------------------------------------- اللهم صلّ على سيدنا محمد و على آله و صحبه و سلّم --------------------------------------------

11-08-30, 10:13 PM	#6
deutscher Sniper صياد نشيط تاريخ التسجيل: Jun 2011 المدينه: أرض الموت المشاركات: 313 معدل تقييم المستوى: 7	رد: نائب المشير طنطاوى و قائد المنطقة الشمالية العسكرية و الجيش و السيل و الكوماندوس 777 على أول شار هو دة الكلام واحنا عندنا فى رمسيس بردو دغدغوا الدنيا ايوة كدة يا رجالة لازم نرجعها نضيفة تانى ربنا يقويهم يارب ونخليها انضف من اوروبا بس هما يفتحوا لنا استيراد الاسلحة واحنا نخربها لهم بس حلو اوى جو سلاحف النينجا دة يخرب بيت الجمدان هههههههههههههههه __________________ *" رحــَم الله إمرء عـــرف قــدر نــفــســه "* أن تكون فرداً في جماعة الأسود خير لك من أن تكون قائداً للنعام

11-08-30, 10:29 PM	#7
ahmedalim صياد نشيط تاريخ التسجيل: Feb 2011 المدينه: فايده كامل المعادى القاهره المشاركات: 434 معدل تقييم المستوى: 8	رد: نائب المشير طنطاوى و قائد المنطقة الشمالية العسكرية و الجيش و السيل و الكوماندوس 777 على أول شار تسلم ايدك ياباشا وكل سنة وانت طيب __________________ يستطيع الإنسان أن يتمنى ما يشاء لكنه لا يستطيع أن ينال مايشاء..

11-08-30, 10:40 PM	#8
سرسور صياد قديم تاريخ التسجيل: Apr 2011 المدينه: الإسكندرية المشاركات: 1,454 معدل تقييم المستوى: 14	رد: نائب المشير طنطاوى و قائد المنطقة الشمالية العسكرية و الجيش و السيل و الكوماندوس 777 على أول شار مجهود رائع و تغطية جميلة يارب كل مصر تنظف من كل شيئ سيئ بداية موفقة لاعادة الانضباط للشارع __________________ أخي ستبيد جيوش الظلام . . . و يشرق في الكون فجر جديد فـــأطلق لـروحك إشــراقها . . . ترى الفجر يرمقنا مــــــن بعيد

11-08-31, 12:36 AM	#9
sultan صياد قديم تاريخ التسجيل: Mar 2011 المدينه: الاسكندريه المشاركات: 1,261 معدل تقييم المستوى: 14	رد: نائب المشير طنطاوى و قائد المنطقة الشمالية العسكرية و الجيش و السيل و الكوماندوس 777 على أول شار عقبال ما يجو حلوان لحسن بقت حاجه تقرف

11-08-31, 12:51 AM	#10
أميجو صياد متقدم تاريخ التسجيل: Jan 2011 المدينه: مدينة نصر / القاهره المشاركات: 832 معدل تقييم المستوى: 10	رد: نائب المشير طنطاوى و قائد المنطقة الشمالية العسكرية و الجيش و السيل و الكوماندوس 777 على أول شار تسلم ايدك تنفع مراسل صحفى __________________ كن على حذر من الكريم إذا أهنته أو من العاقل إذا أحرجته أو من اللئيم إذا أكرمته أو من الفاسق إذا عاشرته أو من الأحمق إذا ماذحته وإنى ذقت الطيبات فلم أجد أطيب من العافية وإنى ذقت المرارات كلها فلم أجد أمر من الحاجة إلى الناس ونقلت الحديد و الصخر فلم أجد أثقل من الدين وأعلم أن الدهر يوم لك و يوم عليك ،فإذا كان لك فلا تبطر وإن كان عليك فاصبروكلهما سيخسر. حديث سيدنا على بن أبى طالب (رضى الله عنه و أرضاه) .

11-08-31, 03:31 AM	#11
ahmadkhalaf صياد متقدم تاريخ التسجيل: Apr 2011 المدينه: الاسكندرية المشاركات: 925 معدل تقييم المستوى: 12	رد: نائب المشير طنطاوى و قائد المنطقة الشمالية العسكرية و الجيش و السيل و الكوماندوس 777 على أول شار انا اخوى الكبير وقف على البلدوزر اللى بيهد وصور العملية (: .......... تحياتى __________________ حسبنا الله ونعم الوكيل

11-08-31, 04:03 AM	#12
mahmoudalaa صياد نشيط تاريخ التسجيل: Dec 2010 المدينه: القاهرة المشاركات: 378 معدل تقييم المستوى: 8	رد: نائب المشير طنطاوى و قائد المنطقة الشمالية العسكرية و الجيش و السيل و الكوماندوس 777 على أول شار فكرتني انا من اسبوعين كده ماشي في الخليفه المامون و كان في عربية رانج روفر ماشية وعدت شاهين قدامها في تقاطع وكانت هتشيلها و استغربت و عادي كملت ماشي والشارع قدامي فاضي جي اعدي من جنب الرانج روفر ولقيت عربية جيب كسرت عليا كسرة التنين كنت هلبس فيها ولقيت واحد بيقولي استني اقف يبني قلبي جة في رجلية لاني بسوق من غير رخصة وهب شفت الالي في ايده ومتكبس هو و اربعه معاه غير السواق وببص علي الرانج روفر ولقيت مكتوب عليها جيش رقم واحد 1 يعني ياما وزير الدفاع او المشير و فهمت ان لو كانت الشهين عدت قدامهم كانو هيدوسو عليها وانا لو كنت شديت معاه اكتر كان زماني في خبر كان __________________ و ما رميت اذ رميت ولكن الله رمي

11-08-31, 04:21 AM	#22
هشام سيد صياد متفاعل تاريخ التسجيل: Feb 2009 المدينه: مدينة نصر المشاركات: 208 معدل تقييم المستوى: 8	رد: نائب المشير طنطاوى و قائد المنطقة الشمالية العسكرية و الجيش و السيل و الكوماندوس 777 على أول شار هوه ده الكلام المظبوط علشان كله بيبلطج وبيحط الحكومة امام الامر الواقع __________________ صلى على النبي

11-08-31, 04:25 AM	#23
ahmadkhalaf صياد متقدم تاريخ التسجيل: Apr 2011 المدينه: الاسكندرية المشاركات: 925 معدل تقييم المستوى: 12	رد: نائب المشير طنطاوى و قائد المنطقة الشمالية العسكرية و الجيش و السيل و الكوماندوس 777 على أول شار تعرف ان فى ناس اخدو كذه كشك وعملوه مسجد ..... وتعرف بقى ان المسجد دة لا تقبل الصلاة فية ........ تحياتى __________________ حسبنا الله ونعم الوكيل

11-08-31, 04:54 AM	#24
sayedlabib صياد قديم تاريخ التسجيل: Apr 2011 المدينه: القاهره المشاركات: 1,669 معدل تقييم المستوى: 16	رد: نائب المشير طنطاوى و قائد المنطقة الشمالية العسكرية و الجيش و السيل و الكوماندوس 777 على أول شار مين الواد اللى لابس اسود كت ده ودراعه كبييييييييييييييييييييييييييييييير قوى تعرفه يا احمد وبعدين الناس دى بيخبوها فين محدش بيشوفهم خالص ليه كده انا مضايق قوى !!!!!! اول مره احس ان دراعى صغنون جدا جدا جدا جدا جدا جدا جدا جدا جدا جدا جدا جدا جدا جدى __________________ لا ايمان لمن لا امانة له ولا دين لمن لا عهد له

11-08-31, 05:23 AM	#25
memocco صياد متفاعل تاريخ التسجيل: Mar 2011 المشاركات: 226 معدل تقييم المستوى: 7	رد: نائب المشير طنطاوى و قائد المنطقة الشمالية العسكرية و الجيش و السيل و الكوماندوس 777 على أول شار أكثر من رائع عقبال القاهرة يارب

11-08-31, 06:37 AM	#26
shadymageed Banned تاريخ التسجيل: Jun 2011 المدينه: الهرم المشاركات: 536 معدل تقييم المستوى: 0	رد: نائب المشير طنطاوى و قائد المنطقة الشمالية العسكرية و الجيش و السيل و الكوماندوس 777 على أول شار بجد جامد اخر حاجه وبحاجده تفرح عقبال الجيزه وامبابه يا رب هما كمان علشان الوضع بقا بلطجه بشكل غير طبيعى

11-08-31, 06:58 AM	#27
hema777h تاجر مسجل بالمنتديات تاريخ التسجيل: Jul 2010 المشاركات: 2,711 معدل تقييم المستوى: 22	رد: نائب المشير طنطاوى و قائد المنطقة الشمالية العسكرية و الجيش و السيل و الكوماندوس 777 على أول شار شكرررااااااااا علي المجهود وفي انتظار بقيت الفيديوهات __________________ MR.X لاسلحة الصيد البري والبحري ومحدثات الصوت يسعدنا تشريفكم لنا بمعرضنا في مصر الجديدة 48 شارع بغداد امام فندق بيروت محافظة القاهرة يسعدنا توفير خدمة الشحن الي جميع الاعضاء في جميع المحافظات وتكلفة الشحن علي حسب المحافظة 01000131401 01093635793

11-08-31, 07:42 AM	#33
gamopt80 صياد قديم تاريخ التسجيل: Apr 2011 المشاركات: 1,010 معدل تقييم المستوى: 12	رد: نائب المشير طنطاوى و قائد المنطقة الشمالية العسكرية و الجيش و السيل و الكوماندوس 777 على أول شار تبقى البلاوي دي جمبي ومعرفش هههههههه انا سمعت ان انهم هينزلوا يشيلوا الحجات دي كلها بس متوقعتش بالحجم ده من الجيش والقوات الخاصة والكلام دا كله لولا اني واخد دور برد وتعبان كنت نزلت اتفرج على كمية الاسلحه دي كلها __________________ استمع لاجمل اصوات القرآن الكريم www.tvquran.com

11-09-01, 02:46 AM	#40
adel152 خبير اسلحه .& عضو ذهبى اوسمتي مجموع الاوسمة: 2 تاريخ التسجيل: Apr 2009 المدينه: أسكندرية المشاركات: 3,065 معدل تقييم المستوى: 282	رد: نائب المشير طنطاوى و قائد المنطقة الشمالية العسكرية و الجيش و السيل و الكوماندوس 777 على أول شار الاخ العزيز ا/احمد بعد التحية احلى فيديوهات اتفرجت عليها من 6 شهور. عقبال مايوصلوا عندنا فى العجمى لحسن الدنيا هنا خربانه على الاخر. شكرا وخالص تحياتى

11-09-01, 03:40 AM	#42
gamopt80 صياد قديم تاريخ التسجيل: Apr 2011 المشاركات: 1,010 معدل تقييم المستوى: 12	رد: نائب المشير طنطاوى و قائد المنطقة الشمالية العسكرية و الجيش و السيل و الكوماندوس 777 على أول شار احمد مصورتش بتوع قوات السيل ليه؟ كان نفسي اشوفهم, لو عندك فديوهات لقوات الصاعقه ياريت ترفعها __________________ استمع لاجمل اصوات القرآن الكريم www.tvquran.com

11-09-01, 03:55 AM	#43
عادل عبده صياد قديم تاريخ التسجيل: Jun 2011 المدينه: القطاميه المشاركات: 3,916 معدل تقييم المستوى: 0	رد: نائب المشير طنطاوى و قائد المنطقة الشمالية العسكرية و الجيش و السيل و الكوماندوس 777 على أول شار هو انت كنت شغال صحفى قبل كده ولا ايه ؟ بجد اسلوب رائع يا باشا تسلم ايدك __________________ ((فَقُلْتُ اسْتَغْفِرُوا رَبَّكُمْ إِنَّهُ كَانَ غَفَّارًا يُرْسِلِ السَّمَاء عَلَيْكُم مِّدْرَارًا وَيُمْدِدْكُمْ بِأَمْوَالٍ وَبَنِين َ وَيَجْعَل لَّكُمْ جَنَّاتٍ وَيَجْعَل لَّكُمْ أَنْهَارًا)) اللهم انى استغفرك واتوب اليك اللهم انت ربى لا اله الا انت سبحانك خلقتنى وانا عبدك وانا على عهدك ووعدك ما استطعت اعوذ بك من شر ماصنعت ابوء لك بنعمتك على وابوء لك بزنبى فأغفر لى فأنهه لايغفر الزنوب الا انت

11-09-01, 04:02 AM	#44
mishofun79 صياد نشيط تاريخ التسجيل: Aug 2010 المشاركات: 281 معدل تقييم المستوى: 7	رد: نائب المشير طنطاوى و قائد المنطقة الشمالية العسكرية و الجيش و السيل و الكوماندوس 777 على أول شار ايوه كده يا رجاله خلوا البلد تنضف احسن دا البلطجه بقت في كل حته و الواحد بيمشي في الشوارع بيحزن

11-09-01, 04:46 PM	#49
loot-ait صياد نشيط تاريخ التسجيل: Mar 2011 المشاركات: 367 معدل تقييم المستوى: 7	رد: نائب المشير طنطاوى و قائد المنطقة الشمالية العسكرية و الجيش و السيل و الكوماندوس 777 على أول شار 3arfen ya gam3ah aenhom mawz3aen manshor 3alah ael bay3en fe ael manshya we ael sa3ah we ael ma3had ael deniy bey2oloh a7'erkoh mohla asbo3 ba3d ael 3ed we ael mesh 7aylem nafsoh a7nah 7anlemoh

11-09-01, 11:48 PM	#50
ahmedmh_ali صياد قديم تاريخ التسجيل: Jun 2011 المدينه: الأسكندرية المشاركات: 4,166 معدل تقييم المستوى: 33	رد: نائب المشير طنطاوى و قائد المنطقة الشمالية العسكرية و الجيش و السيل و الكوماندوس 777 على أول شار upppppppppppppppppppppppp __________________ ✍ Smile ... tomorrow may be worse فقد ينقلب كل شىء ضدنا و يبقى الله معنا فلنكن مع الله يكن كل شىء معنا .. ™ AHMED ALI ™ THE BENEFIT OF BEING SMILING ALL THE TIME THAT IS NO ONE WILL EVER KNOW WHAT ARE YOU CAPABLE OF ✌ الحمد لله الذى عافانا مما أبتلى بة غيرنا ✌ ღ ♥ ♥ ღ

11-09-02, 12:39 AM	#52
koktal صياد قديم تاريخ التسجيل: Apr 2011 المدينه: جمهورية مصر العربية المشاركات: 1,138 معدل تقييم المستوى: 14	رد: نائب المشير طنطاوى و قائد المنطقة الشمالية العسكرية و الجيش و السيل و الكوماندوس 777 على أول شار موضوع جميل .. بس ليا سؤال : ليه هما مقنعين أو ملثمين ؟ .. أنا عن نفسى عارف .. حد يعرف ؟ .. ودول قوات خاصه وأى كانت القوات الخاصه فهى مرحله ما بعد الصاعقه .. وقوات الصاعقه يكفى مقاتل مجهز واحد بس منها ضد مجموعه مسلحه .. ومش فتى دى الحقيقه .. __________________ سبحان الله وبحمده سبحان الله العظيم سبحان الله والحمد لله ولا اله الا الله والله اكبر سبحان الله وبحمده عدد خلقه ورضا نفسه وزنة عرشه ومداد كلماته

11-09-02, 01:47 AM	#54
sniperwolf500 صياد نشيط تاريخ التسجيل: Sep 2010 المدينه: Alexandria المشاركات: 411 معدل تقييم المستوى: 15	رد: نائب المشير طنطاوى و قائد المنطقة الشمالية العسكرية و الجيش و السيل و الكوماندوس 777 على أول شار الجيش كله بيروح يشتري تيشرتات مكتوب عليها السيل تيم وهي تيشرت رصاصي مكتوب علي ضهرها بالفنط العريض + صورة الشعار أما 777 فممنوع تداولها أصلا بين أفراد القوات لمكانتها في الحرس الجمهوري وهي التي شيرت الي مكتوب عليها حرف v كبير حيث قوة 777 القبول بها صعب وقليل لأنها كمان حرس بعكس السيل تيم الي هو فرقة دراسية + تشكيل كامل فأوعي أي واحد ضابط تلاقيه معاه تيشرت سيل تيم وتصدق أنه فالسيل تيم وقريبا حرفع صورة قفا واحد ضابط طبيب وهو لابسها هيهيييهيهيهيييهيييييي __________________ [http://www.egypthunt.net/picture.php...pictureid=1717

11-09-02, 01:54 AM	#55
deutscher Sniper صياد نشيط تاريخ التسجيل: Jun 2011 المدينه: أرض الموت المشاركات: 313 معدل تقييم المستوى: 7	رد: نائب المشير طنطاوى و قائد المنطقة الشمالية العسكرية و الجيش و السيل و الكوماندوس 777 على أول شار اخى الحبيب موضوع التى شيرت دة اسهل ما يكون وانا شخصيا عندى تى شيرت سيل تيم ب 20 جنية من كتيبة الصاعقة المصرية اللى فى الفيوم فى الاستاد اى عسكرى صحبك ممكن يجيبة يعنى عادى جدا اما الثانى فمن المستحيل تواجدة مع اى شخص الا القوات الخاصة والا فهو عرض نفسة لاكثر من المساءلة وربنا يكفيك شر الناس دى لسة فية كتير محدش يعرفة عن القوات دى وعن تدريباتها ووجودها فين وربنا يكتر منهم ويكونوا الجيش المنتظر اللى يقدر يرد على كل من يشكك فى بلدنا الحبيبة ويعرفوهم ان فيها رجالة . وتقبل مرورى __________________ *" رحــَم الله إمرء عـــرف قــدر نــفــســه "* أن تكون فرداً في جماعة الأسود خير لك من أن تكون قائداً للنعام

11-09-02, 03:42 AM	#56
ahmedmh_ali صياد قديم تاريخ التسجيل: Jun 2011 المدينه: الأسكندرية المشاركات: 4,166 معدل تقييم المستوى: 33	رد: نائب المشير طنطاوى و قائد المنطقة الشمالية العسكرية و الجيش و السيل و الكوماندوس 777 على أول شار على كدة بقى الهيكلر اللى معاة بيضرب مية و الخنجر كاوتش .. __________________ ✍ Smile ... tomorrow may be worse فقد ينقلب كل شىء ضدنا و يبقى الله معنا فلنكن مع الله يكن كل شىء معنا .. ™ AHMED ALI ™ THE BENEFIT OF BEING SMILING ALL THE TIME THAT IS NO ONE WILL EVER KNOW WHAT ARE YOU CAPABLE OF ✌ الحمد لله الذى عافانا مما أبتلى بة غيرنا ✌ ღ ♥ ♥ ღ

11-09-02, 04:51 PM	#57
البطل صياد متقدم تاريخ التسجيل: Feb 2010 المدينه: مدينة السادات المشاركات: 640 معدل تقييم المستوى: 10	رد: نائب المشير طنطاوى و قائد المنطقة الشمالية العسكرية و الجيش و السيل و الكوماندوس 777 على أول شار هو ده الشغل وأهم ما في الفديوا قوات الصعقده اللى مغمين وشهم __________________ أحمد النقراشي

11-09-02, 08:47 PM	#58
sniperwolf500 صياد نشيط تاريخ التسجيل: Sep 2010 المدينه: Alexandria المشاركات: 411 معدل تقييم المستوى: 15	رد: نائب المشير طنطاوى و قائد المنطقة الشمالية العسكرية و الجيش و السيل و الكوماندوس 777 على أول شار لماذا قوات 777 دائما مغمين وشهم سؤال ناس كتير سالوه وإليكم التالي تقوم القوات بتخبئة الوجه أكيد لعدم التعرف عليهم بالنسبة لزملائهم وحفاظا علي عائلتهم من الوقوع تحت ضغط مستغل يعرض حياة أي عملية للخطر ... ومن أهم عمليات 777 أو أجندة 777 القيام بحماية الشخصيات الهامة وكذلك السيل تيم بياخدو نفس التدريب ومن الواضح أنك ممكن تكون سيل وبعد كدة 777 بس العكس لا .... زي ماشفنا فالفيديو المرفوع من شارع 45 القوات دي مهمتها حفظ أمن كبار الضباط ورجالات الدولة الي حمايتهم تقع تحت طائلة الحرس الجمهوري بعكس الوزراء العاديين وكبار ضباط الأمن في جهاز أمن الدولة وشرطة الحراسات لتأمينهم 777 قوة عسكرية غير معروف أفرادها ينتقي منهم الحرس الشخصي لرئيس الجمهورية وهم قوة تحت تصرف رئيس الجمهورية شخصيا ... دا غير عمليات تحرير الرهائن الي برضو السيل تيم مدربة عليه كما بالفيديو بس السيل تيم قوة اقتحام واشتباك وتسمي task force قوة ذات مهمة محددة وضاربة تخش مكان تخليه دندرة زي المجموعات القتالية المعروفة 37 وغيرها تدخل ومتسبش حد بس الفرق أن المجموعة القتال تكون علي خط المواجهة للقيام بعمليات خاطفة وكمائن ضد قوات العدو أما السيل تيم قوة ضاربة لتأدية مهمة محددة للغاية ومجرد اتمامها تنسحب انسحاب مباشر من موقع العملية حتي لو كان قدامهم 1000 فرصة ناجحة بنسبة 100% لإغتيال نتنياهو مثلا ومن اسمها هي قوات بر/بحر لأن في قوات خاصة بالصاعقة البحرية __________________ [http://www.egypthunt.net/picture.php...pictureid=1717

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
العقيدة العسكرية أساس بناء الجيوش	essam assem	ادوات الصيد الثقيله	4	16-12-18 01:51 PM
روابط لاشهر المواقع العسكرية	essam assem	الموضوعات العامه	6	11-08-17 08:17 PM
عاجل .. أخطر رسالة موجهة الى المشير طنطاوى منذ دقائق	elexlns1	الموضوعات العامه	36	11-07-17 08:52 PM
بيتنا اثناء الثورة و الاسلحة اللى انقذت شارعنا كلو من ٤ بلضجية كان معاهم ak 47	mo_rateb	ادوات الصيد الثقيله	31	11-05-30 09:26 PM
وظيفة الحدافة(قائد السوستة) في البنادق	town sniper 1	بنادق ضغط الهواء ومتعلقاتها	21	10-08-05 06:24 AM