الرد المفحم لكل مشكك في الحلوان شوف ملف خدمتها

[Consul]

المشاركة الأصلية كتبت بواسطة التلميذ

ههههههه كل عام وأنتم بخير بس المسدس دة إنت متأكد إنة حلوان

بارك الله فيك حبيب قلبي...وكل عام وأنتم بألف خير وصحة وسعادة...آه طبعا بالتأكيد هوا بشكله بلماضته بشلضيمه مافيش غيره...هايكون إيه غيره...هو الوحيد السلاح الرسمي المعتمد للشرطة والبوليس الحربي في ذلك الوقت...وفي بعض الروايات يقال أنه كان من ضمن أسباب نكسة 67...والله أعلم...العهدة على الراوي...ونصيحتي لكم إللي عنده حتة يتبت فيها ويحافظ عليها ما يفرطش فيها أبدا...ده تراث...ويعتبر أثرا لا يقدر بمال...كأول سيارة تم تصنيعها بالكامل في مصر ماركة رمسيس أم بابين والموتور بتاعها كان في الخلف وبتمشي بجنزير زي بتاع العجلة مافيهاش عمود كردان...إللي كان شكلها عامل زي علبة الكبريت...يا سلام يا شباب على أيام الخير...كان كيلو اللحمة البلدي بـ 68 قرش...والبيض البلدي الإثنين بثلاثة تعريفة...وكيلو اللبن الحليب بـ 8 قروش...والدولار الأمريكي بـ 35 قرش...الله يرحم...طبعا مش مصدقين وأنا بألتمس لكم العذر...الكلام ده ماكانش من بعيد قوي يعني...كان في الستينات وأوائل السبعينات...يعني أول إمبارح مش أيام الهكسوس...تعشموا خيرا يا شباب...الفرج قريب إن شاء الله...خالص تحياتي...