البلطجة وتعديل الأسلحة والدفاع عن النفس

[mman2005]

برده ما زلت مصمم أن 80% من الشعب المصرى لا يستطيع دفع مبلغ 24000 جنيه فى مسدس حى، يعنى الحكومة بتقول للناس أشتروا مسدسات غير مترخصة، ده أنا أعرف واحد مقدم جيش على المعاش بعد الثورة أشترى سلاح آلى ب 7000 جنيه علشان يحمى بيته ونفسه، وفى القرى السلاح أصبح متوفر لأنك تقدر تخبيه وتدفنه فى الأرض، الموضوع ببساطة لو الدولة عايزة تنهى سوق السلاح السودا يبقى تسهل الترخيص وتبيع المسدس حلوان بسرعه الى بتصدره بيه برده وهو حوالى 1200 جنيه، لوما يكون حضرتك راجل محترم ومعلكشى أى أحكام جنائية تخص البلطجة أو ترويع الناس تقدر تحصل بسهولة على ترخيص مسدس ب 1200 جنيه مش هتفكر فى إقتناء سلاح غير مرخص وده هيفيد الحكومة أنها هتبقى عارفة مين معاه سلاح وأى حد هيرتكب حاجة غلط هتقدر تجيبه بسهولة، تخيل أنت فى كذا مليون واحد فى مصر معاهم سلاح غير مترخص لو الناس دى معاها سلاح مترخص أكيد قبل ما الواحد يستخدم السلاح غلط هيفكر مليون مرة، لكن الى معاه سلاح مش مترخص أهو متدارى وممكن يعمل أى مصيبة ويستخدمه فى أى مشاجرة.