نكتفي بهذا القدر من مسدسات البلي.

[sghr220]

المشاركة الأصلية كتبت بواسطة ahmadkader

أنا إنتقيت جملة واحدة من عبارة حضرتك ، و هذه الجملة تتفق مع كلامى !! و لا ينبغى أبدا أن ينفصل المنتدى عن المجتمع لأنه يعبر عن مصر و إسمه الصيد فى مصر مش فى حتة تانية
أنا أختلف مع حضرتك جملة و تفصيلاً ، لأن مافيش صيد أو رماية بدون سلاح ، و الصياد الذى يهتم بالصيد فقط و لا يعلم شيئا عن السلاح هو ليس صيادا فى حقيقة الأمر ، زى بالظبط اللى بيعرف يسوق و مبيفهمش حاجة فى الميكانيكا ، تقدر تسميه سواق ؟
و لو مكانش السلاح من إهتمامات المنتدى فلماذا يخصص له المنتدى قسم للسلاح النارى و قسم لورشة الأسلحة و قسم للأسلحة الهوائية ؟ معرفش الصراحة ، فى نظرى الشخصى المتواضع ، الصيد = سلاح

و عشان حضرتك اخترت جزء من كلامي فهذا لا يعني بالضرورة انه صحيح بمفرده و لكن هو صحيح في سياق باقي الكلام.
و بعدين انت جاي لميكانيكي المنتدى تقوله اللي يعرف و اللي ميعرفش راجع حضرتك مشاركاتي من يوم ما سجلت تلاقيها كلها فك و تركيب و تعديل و اعتقد ده برضه يديك فكره عن سياق الحديث.
اما الصيد يساوي سلاح و مثال السواق اللي ميعرفش في الميكانيكا فمعلش دي فيها مغالطة صغيرة يعني ايه؟؟؟؟ الصيد غريزي لحد كبير و حتى لو النشان مش قد كده تلاقي الحصيلة كويسة نوعا يعني ممكن في سنه او اقل الشخص العادي او اللي ممسكش بندقية قبل كده يبقا صياد ممتاز و في المنتدى امثلة على ذلك كثيرة و ممتازة لأن الصيد حاجة تقريبيه كده ايه اللي ممكن يقع و ايه اللي مش ممكن.
اما في الرمايه مفيش حاجه بالتقريب لازم Exact...و في الحاله دي لازم معرفة قويه بالسلاح و صيانته و طريقة حمله و ضبط النفس و الكلام ده و في الحالi دي برضi الرمايه لا تساوي سلاح.
و كقاعده عامه يعرفها كل المتخصصين في مجال الرمايه او الصيد او السلاح "السلاح الربع و الرامي الثلاث ارباع".
و بعدين لو الصيد = سلاح مكانش واحد زي الدكتور محمود ينزل كل مره بالرمسيس بتاعته يقش الحمام و اليمام و الناس العتاوله بالديانات و البي اس و الجامو ترجع زي ما تنزل و المحصلة صفر.