رابطة مالكي الوالتر (walther)

[m_lasheen]

أنا معايا (الوالتر p22-8mm صوت) , وبعد إذنكم أنا مش هكتب بطريقة المميزات والعيوب , ولكن هكتب ملاحظاتى على المسدس , وللقارئ أن يُصنف ما يعتبره من المميزات , وما يعتبره من العيوب , وملاحظاتى عليه تتلخص فى الآتى :
1- تصميم المسدس , وحجمه الصغير نسبياً , ولونه الأسود المطفى , تحففففففة .
2- خامات المسدس , والفينيشنج بتاعه , تحفففففففة برده .
3- صوته قوى (أثناء تجربة الشراء) , خصوصاً كان متجرب قبله بدقيقتين إيكول جاكال دويل , لكن لما جربته فى أماكن مفتوحة وأفراح وكده حسيت إن صوته مش قوى للدرجة , وفى نفس الوقت صوته مش ضعيف بالنسبة لمسدس 8 ملى , يعنى تمام . مع العلم إنى بستخدم معاه طلق ألمانى ذهبى (umarex) .
4- زرار إرجاع الأجزاء اللى بيبقى فى جنب المسدس من ناحية الشمال غير سلس , بمعنى إنه بيحتاج ضغطة قوية . بس النقطة دى مش مؤثرة وإتعودت على كده .
5- طريقة فك المسدس للتنظيف سهلة , لكن أول حاجة لازم تفكها علشان تقدر تفك باقى المسدس هى عبارة عن قطعة فايبر أو بلاستيك تعتبر ضعيفة نسبياً بس It is ok .
6- الخزنة 8 طلقات + 1 بالماسورة , وخاصية الدبل أكشن .
7- المسدس صناعة ألمانية .
8- الوزن خفيف نسبياً ومناسب .
- فى المجمل المسدس جميل وممتاز , وأنا حبيت أقول ملاحظاتى عليه بمنتهى الأمانة . وتحياتى لكم .......