شكوى من الإدارة ... هام جدا جدا

[الأفوكاتو]

المشاركة الأصلية كتبت بواسطة tarekvb

لما قولت انك اعلنت الحرب مكنتش اقصد بيها عليا تحديدا لانى مفيش بينى وبينك غير كل خير ومش ناسى ان احنا اصدقاء وضايفين بعض المقصود بالحرب هو الحرب على المشاركات المتكررة مش عليا وقبل كل شى ولو اختلفنا برده اصحاب ومش عاش احنا فى طاقم الادارة لانها اولا واخيرة حاجة متعبة وشرفية زى مانتا عارف بس متضغطش على الناس لان بالفعل ممكن يكون العضو داخل فى موضوع هو ملوش فى راى لانه ليسة بيفهم ايه طبيعة الموضوع او السلعة وانا فاكر لما قولتلك على موضوع الروم وكنا انا وانت وبدر والناس الجميلة دى بنتحاور كتير وتابعتك لما دورت على الروم وجيبته بعد صعوبة ب2500 كل ده فاكره مش ناسيه بس فيه حاجة صغيرة ان انا كنت بشارك فى الحاجة اللى انا عندى شوية دراية بيها يعنى مش فى كله بعض المواضيع يعنى مثلا عديت على محل سلاح عرفت سعر مسدس معين ولاقيت واحد حاطه بسعر غالى فبقول انا ليسة شايف بكذا عند فلان وكنت بسيب اغلب المشاركات لانها متخصنيش او خارج اهتماماتى
اما بعد الاشراف لقيت نفسى مطالب بقراءة كل مشاركة ومعديش الهوا قدر المستطاع فى اللى اعرفه واللى معرفوش مش مشاركتين تلاتة زى قبل كيدا وكنت بعدى عشرات المشاركات مختش بالى منها فاصبح ده فى حد ذاته اجهاد ومجهود ووقت لانى باختصار لو كنت بشارك مثلا فى خمس مواضيع بعرفهم فمازلت هما هما بس لكثرة المواضيع الجديدة كل ساعة وليسة كل يوم اخفت مشاركاتى وكان عليا اللحاق بقطار المواضيع الاكسبرس بكتابة تعليق ثابت عشان ميوفتنيش القطار ومحدش عايز المنتدى يعك وكلنا عايزينه منظم بس طالما مقيش خروج عن الادب والذوق مفيش مشكلة ده حتى المقولة بتقول انت حر طالما لم تضر اللى بيقول بالتوفيق ومبروك هل اخل بالموضوع فى شى هتقول متقولش كيدا قول رايك مش هيدخل اصلا يبقى فرقيتك ايه كتب او مدخلش برده هدفك من وضع الاراء متحققش الموضوع يجيى براحة مش بالحذف

يا طارق باشا .. ممكن تعمل الرد بتاع الجملة الدينية ده عبارة عن توقيع ثابت .. وعلي فكرة .. اي عضو (ودي حاجة معروفة) مش مطالب أنه يشارك في الموضوع اللي مش هيبقي له رأي فيه .. يعني لو موضوع هو معندوش دراية به يبقي مش لازم يشارك عمال علي بطال .. الا لو شايف نفسه هيضيف حاجة .. وللمرة المليون .. خد بالك انت موقفك حساس .. والله الناس بيقلدوك وأنا ذكرتهملك بالاسم .. اعمل ايه تاني ؟
وبعدين انت ممكن تبحث عن آلية أخري تدير بيها قسم السوق غير الرد الثابت علشان الايميل .. خصوصا انت معاك ناس نشيطة زي العربي وأستاذ محمد .. وأستاذ محمد علي طول متابع المنتدي بالموبايل ودي أنا شوفتها بعيني .. يعني الموضوع مش كبير اوي للدرجة .. ممكن لو عايز تحل الموضوع ده .. تشوف طريقة تانية .. اسف طبعا اني بتدخل في طريقة ادارتك للقسم .. ولكن هو رجاء التفكير في طريقة أخري .. لعدم إثارة الشبهات .. وبعدين بيني وبينك .. انت لو عايز هتعمل .. ما هي كانت نفس الردود دي بتتحط في أقسام أخري .. يعني الموضوع مش موضوع ايميل .. ولو فكرت هتلاقي لها حل .. انا متأكد .. هي بس العزيمة .. ولك مطلق الحرية
خالص تحياتي للجميـــــــــــــــــــــــــــع