اقتباس:
المشاركة الأصلية كتبت بواسطة sghr220
و عشان حضرتك اخترت جزء من كلامي فهذا لا يعني بالضرورة انه صحيح بمفرده و لكن هو صحيح في سياق باقي الكلام.
و بعدين انت جاي لميكانيكي المنتدى تقوله اللي يعرف و اللي ميعرفش  راجع حضرتك مشاركاتي من يوم ما سجلت تلاقيها كلها فك و تركيب و تعديل و اعتقد ده برضه يديك فكره عن سياق الحديث.
اما الصيد يساوي سلاح و مثال السواق اللي ميعرفش في الميكانيكا فمعلش دي فيها مغالطة صغيرة يعني ايه؟؟؟؟ الصيد غريزي لحد كبير و حتى لو النشان مش قد كده تلاقي الحصيلة كويسة نوعا يعني ممكن في سنه او اقل الشخص العادي او اللي ممسكش بندقية قبل كده يبقا صياد ممتاز و في المنتدى امثلة على ذلك كثيرة و ممتازة لأن الصيد حاجة تقريبيه كده ايه اللي ممكن يقع و ايه اللي مش ممكن.
اما في الرمايه مفيش حاجه بالتقريب لازم exact...و في الحاله دي لازم معرفة قويه بالسلاح و صيانته و طريقة حمله و ضبط النفس و الكلام ده و في الحالi دي برضi الرمايه لا تساوي سلاح.
و كقاعده عامه يعرفها كل المتخصصين في مجال الرمايه او الصيد او السلاح "السلاح الربع و الرامي الثلاث ارباع".
و بعدين لو الصيد = سلاح مكانش واحد زي الدكتور محمود ينزل كل مره بالرمسيس بتاعته يقش الحمام و اليمام و الناس العتاوله بالديانات و البي اس و الجامو ترجع زي ما تنزل و المحصلة صفر. |
أختلف معاك , انت ضربت مثل بالدكتور محمود ولا يصح ان نضرب مثلا بحالة خاصة (اذا اعتبرناها كذلك) على العموم
وحتى لو افترضنا المثل بتاعك , تفتكر لو أخدنا من محمود بندقيته واديناله واحدة سيئة , وقلنا له ورينا شطارتك , هل ممكن يعمل بيها نفس النتائج ؟ مع انه هو نفس الصياد ؟ ولا هايحتاج وقت وجهد علشان يفحصها ويعرف عيوبها ويصلحها ويضبطها ؟
أنا رأيى مع أستاذ أحمد , لو جبت أحسن صياد فى العالم واديتله سلاح سىء , مش هايعرف يعمل حاجة
ولذلك فالسلاح جزء مهم جدا جدا فى عملية الصيد وبدون سلاح جيد ومضبوط , لا يوجد صيد
الا اذا كان بوسائل أخرى مثل الفخاخ على سبيل المثال
خالص تحياتى لكم جميعاً