الصيد فى مصر

الصيد فى مصر (http://www.egyhunt.net/index.php)
-   بنادق ضغط الهواء ومتعلقاتها (http://www.egyhunt.net/forumdisplay.php?f=51)
-   -   نداء عاجل لكل الصيادين الخبراء هنا فى المنتدى (http://www.egyhunt.net/showthread.php?t=41866)

ahmed_aly 13-08-06 05:55 AM
نداء عاجل لكل الصيادين الخبراء هنا فى المنتدى
 
بسم الله الرحمن الرحيم
أرجو من إخوانى الخبراء والصيادين القدماء والقناصين مساعدتى فيما سأطرحه من كلام وجزاكم الله كل خير
1/أنا لسة هبتدى اصطاد يعنى لسة هشترى بندقية ولسة هبتدى امارس الهواية اللى من صغرى كان نفسى امارسها
2/ أنا قريت مواضيع كتير هنا عن البنادق وعن الصيد لكن بصراحة انا يهمنى سماع أراء الصيادين الخبراء لآنهم مارسو الهواية بطريقة عملية على الطبيعة ويقدرا يقدمولى النصيحة
3/انا مبعرفش حتى امسك البندقية واعرف أنشن بيها بقولكم لسة على بياض يعنى صياد ور ور بس ان شاء الله مع الوقت عندى احساس انى هدخل بيتى كل يوم بعشر يمامات وأديهم للولية مراتى تطبخهم وناكلهم
4/سؤالى بقى انا راجل بحب أشترى الحاجة التمام من أولها يعنى موش بحب اشترى حاجة واتخنق منها وابيعها واخسر فيها وارجع اشترى النضيف لاء انا زى ماقولت بحب الحاجة الكويسة اللى تعيش معايا ومتتعبنيش وتحببنى فى الهواية موش تكرهنى فيها وانا قريت كتير عن انواع البنادق وقررت اشترى الهاى باور ان شاء الله ومحتار بين تلات بنادق الآولى السلافيا 631 نمرة واحد.... التانية الجامو الموس(gamo cfx royal) نمرة اثنين ...الثالثة ديانا460 نمرة اتنين..ايه رأيكم مع العلم انى بفضل الصيد من مسافات بعيدة يعنى ممكن توصل 50 متر وبحب فى البندقة قوتها وخامتها النظيفة ودقتها المتناهية
5/هل اقدر اتعلم النشان لوحدى من غير ماحد يعلمنى ولة لازم حد خبير يعلمنى ماسكة البندقية ووضعيتها فى ايدى وطريقة النظر بالعين اليمنى او اليسرى عشان زى ماقولتلكم انا عمرى ما مسكت بندقية او ضربت بيها نهائى...ولو اقدر اتعلم لوحدى هاخد أد ايه وقت؟
ممكن واحد من الاخوة يدخل يقولى ياعم انت لسة هتبتدى وهتجيب حاجة هاى باور حرام عليك تبهدلها وتهينها فى التعليم هقوله انا زى ماقولت موش بحب اجيب حاجة رخيصة تخنقنى من الهواية وتتعبنى معاها واجى ابيعها اخسر فيها انا ان شاء الله عندى ثقة فى الله عزو وجل انى هتعلم على طول خاصة لما امسك بندقية تفتح النفس
وسؤال تانى معلش انا طولت عليكم انا من سكان القاهرة ايه انسب مكان (وطبعا يكون مجانى )أقدر امارس فيه هوايتى من غير ما ازعج حد او حد يتعرضلى أو حرامية يطلعو عليا وانا بصطاد وياخدو منى البندقية (على فكرة انا اصولى من الصعيد واللى يتاخد منه بندقيته أهون عليه ينتحر بعد كدة)
وأخيرا أتمنى من جميع اخواتى هنا فى المنتدى الجميل ده تقديم كل النصائح الممكنة لصياد مبتدئ وهو حاطط ايده على قلبه

وليد سالم 13-08-06 10:08 AM
رد: نداء عاجل لكل الصيادين الخبراء هنا فى المنتدى
 
بص يا ابو حميد

كونك تريد ان تمارس هواية الصيد التي كنت تعشقها من صغرك ده شيئ جميل واتمني لك تحقيقة
ولكنك تقول انك ابيض في الموضوع ده ... وعلي فكره انا زيك تقريبا

وبتقول انك عاوز تبدأ من اولها ببندقية محترمة لتحببك في الهواية لا تكرهك فيها وده طبعا حسب امكانياتك
..........................................
بس تعالي نفكر اولا هل لو انك اشتريت بندقية من اجود الانواع في العالم والتي يتمناها حتي الصيادين المحترفين ... فهل لو امتلكتها ستستغني عن امكانياتك كصياد وتصيد البندقية بمفردها لانها نوع نظيف

يا صديقي حتي وان اشتريت بندقية قنص بتليسكوب وان لم تتبع قواعد القنص والصيد لن تصيد بها شيئ ابدا
الصياد لا يهمه نوع البندقية بقدر ما يهمه ان يثقل هوايتة وكل يوما يتعلم منها الجديد

يا صديقي انا اشتريت الكرال بعد ما كنت زيك حاطط في راسي ان نوع البندقية هو الاساسي في نجاح عملية الصيد ولكني كنت علي خطأ لانني تاكدت ان الصياد علية عوامل النجاح بنسبة 99% والبندقية لا تتجاوز الباقي 1%

مع كل انواع البنادق يجب ان تكون يدك ثابتة اثناء التنشين
يجب ان تتدرب علي اهداف من ابعاد مختلفة مع استخدام نوع رش مناسب لك ومش لازم تكون الاهداف حمام ويمام انا علي فكره بتدرب علي لوح خشب ووضع دوائر وعلامات علية للتعلم قبل النزول للصيد

ولن امني نفسي بانني لو نزلت للصيد غدا ساصطاد فرد واحد حتي فانا ماذلت علي قناعه انني لم اتعلم بعد

طب لنفترض انك اشتريت احدث واشد الانواع واجودها وعند استخدامك لها وجدت ان الضربات تطيش بعيدا عن الهدف او لربما لا تصيبة في مقتل ويطير من امامك فهل ستترك الهواية وتهملها ام ستثابر علي الاستمرار فيها

لو تركتها يائسا متململا ستقوم بعرض بندقيتك للبيع باقل من ما اشتريتها ودي خساره
ولو صبرت وتجلدت لتحمل التعليم والتدريب حتي مع الرمسيس مش الكرال ستعلم ان نوع البندقية ليست متوقفة عليها عملية الصيد
وان ممسك البندقية هو المتحكم فيها ولو كانت خرده مش ديانا

وانت حر طبعا في اختيارك بس انا حبيت اوصلك بعضا مما تعلمتة لعلني اكون قد وفيت

fadeel79 13-08-06 11:36 AM
رد: نداء عاجل لكل الصيادين الخبراء هنا فى المنتدى
 
السلام عليكم ، الاستاذ وليد غطالك نقطة البندقية وان كان ارشحلك الرويال اما عن التعلم فالافضل ان حد يعلمك مش مسكه الندقية بس لكن عوامل الامان برضه والافضل متنزلش تصطاد لوحدك حتى لو عرفت الحاجات دى كلها .

بص يا عم المنتدى عندنا هنا مليان مواضيع للمبتدئين اقراء على قد ما تقدر علشان تكتر من معلوماتك النظرية وبعد كده ان شاء الله تخش على العملى ، انا ساكن فى عين شمس فلو حضرتك قريب منى انا معديش اى مانع انى اقابل حضرتك .

اه كنت هنسى فيه حاجة مهمة جدا فى موضوع الصيد ( يستحب وجود عربية )

وليد سالم 13-08-06 12:22 PM
رد: نداء عاجل لكل الصيادين الخبراء هنا فى المنتدى
 
اقتباس:
المشاركة الأصلية كتبت بواسطة fadeel79 (المشاركة 520023)
السلام عليكم ، الاستاذ وليد غطالك نقطة البندقية وان كان ارشحلك الرويال اما عن التعلم فالافضل ان حد يعلمك مش مسكه الندقية بس لكن عوامل الامان برضه والافضل متنزلش تصطاد لوحدك حتى لو عرفت الحاجات دى كلها .

بص يا عم المنتدى عندنا هنا مليان مواضيع للمبتدئين اقراء على قد ما تقدر علشان تكتر من معلوماتك النظرية وبعد كده ان شاء الله تخش على العملى ، انا ساكن فى عين شمس فلو حضرتك قريب منى انا معديش اى مانع انى اقابل حضرتك .

اه كنت هنسى فيه حاجة مهمة جدا فى موضوع الصيد ( يستحب وجود عربية )


تمام يا حاج فضيل يا صديقي :lov::lov::lov:

adel152 13-08-06 03:19 PM
رد: نداء عاجل لكل الصيادين الخبراء هنا فى المنتدى
 
اقتباس:
المشاركة الأصلية كتبت بواسطة وليد سالم (المشاركة 520006)
بص يا ابو حميد

كونك تريد ان تمارس هواية الصيد التي كنت تعشقها من صغرك ده شيئ جميل واتمني لك تحقيقة
ولكنك تقول انك ابيض في الموضوع ده ... وعلي فكره انا زيك تقريبا

وبتقول انك عاوز تبدأ من اولها ببندقية محترمة لتحببك في الهواية لا تكرهك فيها وده طبعا حسب امكانياتك
..........................................
بس تعالي نفكر اولا هل لو انك اشتريت بندقية من اجود الانواع في العالم والتي يتمناها حتي الصيادين المحترفين ... فهل لو امتلكتها ستستغني عن امكانياتك كصياد وتصيد البندقية بمفردها لانها نوع نظيف

يا صديقي حتي وان اشتريت بندقية قنص بتليسكوب وان لم تتبع قواعد القنص والصيد لن تصيد بها شيئ ابدا
الصياد لا يهمه نوع البندقية بقدر ما يهمه ان يثقل هوايتة وكل يوما يتعلم منها الجديد

يا صديقي انا اشتريت الكرال بعد ما كنت زيك حاطط في راسي ان نوع البندقية هو الاساسي في نجاح عملية الصيد ولكني كنت علي خطأ لانني تاكدت ان الصياد علية عوامل النجاح بنسبة 99% والبندقية لا تتجاوز الباقي 1%

مع كل انواع البنادق يجب ان تكون يدك ثابتة اثناء التنشين
يجب ان تتدرب علي اهداف من ابعاد مختلفة مع استخدام نوع رش مناسب لك ومش لازم تكون الاهداف حمام ويمام انا علي فكره بتدرب علي لوح خشب ووضع دوائر وعلامات علية للتعلم قبل النزول للصيد

ولن امني نفسي بانني لو نزلت للصيد غدا ساصطاد فرد واحد حتي فانا ماذلت علي قناعه انني لم اتعلم بعد

طب لنفترض انك اشتريت احدث واشد الانواع واجودها وعند استخدامك لها وجدت ان الضربات تطيش بعيدا عن الهدف او لربما لا تصيبة في مقتل ويطير من امامك فهل ستترك الهواية وتهملها ام ستثابر علي الاستمرار فيها

لو تركتها يائسا متململا ستقوم بعرض بندقيتك للبيع باقل من ما اشتريتها ودي خساره
ولو صبرت وتجلدت لتحمل التعليم والتدريب حتي مع الرمسيس مش الكرال ستعلم ان نوع البندقية ليست متوقفة عليها عملية الصيد
وان ممسك البندقية هو المتحكم فيها ولو كانت خرده مش ديانا

وانت حر طبعا في اختيارك بس انا حبيت اوصلك بعضا مما تعلمتة لعلني اكون قد وفيت
ايه ياعم وليد الحلاوة دى!!!! ده انت ماسبتلناش حاجة نقولها للعضو الجديد غير (مرحبا بيك عضو جديد فى المنتدى).

استاذ احمد البندقية السلافيا بندقية ممتازة ومن حسن حظك فيه واحدة معروضة للبيع بحالة فوق الممتازة وبتاعة واحد من أكبر الصيادين فى مصر الاستاذ احمد روك وده الرابط بتاع بيع البندقية
http://www.egyhunt.net/showthread.php?t=41661
بكده هتشترى بندقية محترمة بسعر ممتاز وفى نفس الوقت هتتعرف على شخصية محترمة جدا هتفيدك جدا فى معرفة مبادئ الصيد وجه لوجه (يعنى بالبلدى كده هتضرب عصفورين بحجر ودى تبقى بداية كويسة كصياد هههههههه).
بالتوفيق وتحياتى.

وليد سالم 13-08-06 04:17 PM
رد: نداء عاجل لكل الصيادين الخبراء هنا فى المنتدى
 
اقتباس:
المشاركة الأصلية كتبت بواسطة adel152 (المشاركة 520037)
ايه ياعم وليد الحلاوة دى!!!! ده انت ماسبتلناش حاجة نقولها للعضو الجديد غير (مرحبا بيك عضو جديد فى المنتدى).

استاذ احمد البندقية السلافيا بندقية ممتازة ومن حسن حظك فيه واحدة معروضة للبيع بحالة فوق الممتازة وبتاعة واحد من أكبر الصيادين فى مصر الاستاذ احمد روك وده الرابط بتاع بيع البندقية
http://www.egyhunt.net/showthread.php?t=41661
بكده هتشترى بندقية محترمة بسعر ممتاز وفى نفس الوقت هتتعرف على شخصية محترمة جدا هتفيدك جدا فى معرفة مبادئ الصيد وجه لوجه (يعنى بالبلدى كده هتضرب عصفورين بحجر ودى تبقى بداية كويسة كصياد هههههههه).
بالتوفيق وتحياتى.


من بعض ما عندكم يا استاذنا الكبير

ahmed_aly 13-08-06 05:27 PM
رد: نداء عاجل لكل الصيادين الخبراء هنا فى المنتدى
 
اقتباس:
المشاركة الأصلية كتبت بواسطة وليد سالم (المشاركة 520006)
بص يا ابو حميد

كونك تريد ان تمارس هواية الصيد التي كنت تعشقها من صغرك ده شيئ جميل واتمني لك تحقيقة
ولكنك تقول انك ابيض في الموضوع ده ... وعلي فكره انا زيك تقريبا

وبتقول انك عاوز تبدأ من اولها ببندقية محترمة لتحببك في الهواية لا تكرهك فيها وده طبعا حسب امكانياتك
..........................................
بس تعالي نفكر اولا هل لو انك اشتريت بندقية من اجود الانواع في العالم والتي يتمناها حتي الصيادين المحترفين ... فهل لو امتلكتها ستستغني عن امكانياتك كصياد وتصيد البندقية بمفردها لانها نوع نظيف

يا صديقي حتي وان اشتريت بندقية قنص بتليسكوب وان لم تتبع قواعد القنص والصيد لن تصيد بها شيئ ابدا
الصياد لا يهمه نوع البندقية بقدر ما يهمه ان يثقل هوايتة وكل يوما يتعلم منها الجديد

يا صديقي انا اشتريت الكرال بعد ما كنت زيك حاطط في راسي ان نوع البندقية هو الاساسي في نجاح عملية الصيد ولكني كنت علي خطأ لانني تاكدت ان الصياد علية عوامل النجاح بنسبة 99% والبندقية لا تتجاوز الباقي 1%

مع كل انواع البنادق يجب ان تكون يدك ثابتة اثناء التنشين
يجب ان تتدرب علي اهداف من ابعاد مختلفة مع استخدام نوع رش مناسب لك ومش لازم تكون الاهداف حمام ويمام انا علي فكره بتدرب علي لوح خشب ووضع دوائر وعلامات علية للتعلم قبل النزول للصيد

ولن امني نفسي بانني لو نزلت للصيد غدا ساصطاد فرد واحد حتي فانا ماذلت علي قناعه انني لم اتعلم بعد

طب لنفترض انك اشتريت احدث واشد الانواع واجودها وعند استخدامك لها وجدت ان الضربات تطيش بعيدا عن الهدف او لربما لا تصيبة في مقتل ويطير من امامك فهل ستترك الهواية وتهملها ام ستثابر علي الاستمرار فيها

لو تركتها يائسا متململا ستقوم بعرض بندقيتك للبيع باقل من ما اشتريتها ودي خساره
ولو صبرت وتجلدت لتحمل التعليم والتدريب حتي مع الرمسيس مش الكرال ستعلم ان نوع البندقية ليست متوقفة عليها عملية الصيد
وان ممسك البندقية هو المتحكم فيها ولو كانت خرده مش ديانا

وانت حر طبعا في اختيارك بس انا حبيت اوصلك بعضا مما تعلمتة لعلني اكون قد وفيت
عم وليد حبيب قلبى أنا لو اعرف انك قناص كنت اتصلت بيك على طول وكلمتك فى الموضوع ده عموما نورت الموضوع بكلامك اللى طول عمره نابع منك بصدق وخوف على اللى قصادك
وطبعا انا موش بنكر ان الصياد عليه 99% من عوامل نجاح القنص والبندقية عليها 1%
لكن الفكرة كلها تدور فى طبعى اللى هو حب امتلاك التحف والقيم
طب لنفترض انك اشتريت احدث واشد الانواع واجودها وعند استخدامك لها وجدت ان الضربات تطيش بعيدا عن الهدف او لربما لا تصيبة في مقتل ويطير من امامك فهل ستترك الهواية وتهملها ام ستثابر علي الاستمرارفيها ....كدة بقى هعرف ان العيب منى ههههههههههه وهجتهد اكتر موش هيأس واروح ابيعها بخسارة
وانا معاك طبعا ان فيه قواعد للصيد وماسكة البندقية وسؤالى هنا هو ممكن اتعلم التنشين والصيد لوحدى ولة لازم حد خبير يعلمنى
وفى النهاية بشكرك يا استاذ وليد لآنى فعلا استفدت من نصايحك الجميلة وجزاك الله كل خير

ahmed_aly 13-08-06 05:37 PM
رد: نداء عاجل لكل الصيادين الخبراء هنا فى المنتدى
 
اقتباس:
المشاركة الأصلية كتبت بواسطة fadeel79 (المشاركة 520023)
السلام عليكم ، الاستاذ وليد غطالك نقطة البندقية وان كان ارشحلك الرويال اما عن التعلم فالافضل ان حد يعلمك مش مسكه الندقية بس لكن عوامل الامان برضه والافضل متنزلش تصطاد لوحدك حتى لو عرفت الحاجات دى كلها .

بص يا عم المنتدى عندنا هنا مليان مواضيع للمبتدئين اقراء على قد ما تقدر علشان تكتر من معلوماتك النظرية وبعد كده ان شاء الله تخش على العملى ، انا ساكن فى عين شمس فلو حضرتك قريب منى انا معديش اى مانع انى اقابل حضرتك .

اه كنت هنسى فيه حاجة مهمة جدا فى موضوع الصيد ( يستحب وجود عربية )
وعليكم السلام ورحمة الله وبركاته
اشكرك بشدة يا استاذ فضيل وربنا مايحرمنى منك ومن جدعنة رجالة عين شمس وان شاء الله التعارف بصياد زيك شرف كبير ليا ولنا لقاء فى المستقبل بس بعد ما اجهز شوية وياريت تسيبلى رقمك على الخاص
وطبعا الرويال من البنادق اللى جذبتنى بشدة وبفكر فيها
وبالنسبة لمسألة ليه منزلشى اصطاد لوحدى طيب ايه السبب ياترى ؟؟؟
وحتة وجود عربية دى انا معنديش عربية لآن كان عندى واحدة وبعتها بعد ماعملت بيها حادثة والحمد لله طلعت منها حى ارزق وحرمت اسوق عربيات من ساعتها
وفى النهاية مرور حضرتك نور موضوعى والله

ابومسلم2005 13-08-06 05:53 PM
رد: نداء عاجل لكل الصيادين الخبراء هنا فى المنتدى
 
اهلا ومرحبا بك وسط اخوانك واحبابك طبعا الاخوة الافاضل مسبوش لنا حاجة نقولها يبقى فاضل نقطة نوع البندقية واحد من ثلاثة انا عن نفسى لو مكنتش عاوز حاجة pcp او حاجة قريبه منها زى الديانا 56 كنت اشتريت البندقية السلافيا اللي معروضة على المنتدى وان مغمض بتاعت الاستاذ المحترم احمد مناسبة ليك جدا جدا وبعد ما تتعلم ياعم وحبيت تبيعها مش هتخسر فيها لان الحاجة الكويسة عند اعادة البيع مبتخسرش كتير وممكن تكسب مع ارتفاع الاسعار ولازم لازم تصطاد مع صياد قديم ويكون عاقل ومخضرم مش شاب طايش عايز يتسلى خصوصا فى الاول عشان حوادث الصيد اللى ممكن تحصل مع الجداد فى الصيد واخير متنساش التسمية قبل كل ضربة متقلش ده انا مبعرفش ومش هتيجى وتض

ابومسلم2005 13-08-06 05:59 PM
رد: نداء عاجل لكل الصيادين الخبراء هنا فى المنتدى
 
وتضرب وتبص تلاقيها وقعت تبقى فطيس يا استاذ احمد وكمان تنوى شوية نوايا صالحة من هذا الصيد زى تعلم الرماية قضاء وقت جميل بعيد عن الحجات اللى مش كويسة والتعرف على ناس جداد محترمين وجعلناكم شعوبا وقبائل لتعارفوا واطعام مساكين لو كان فيه زيادةعن الحاجة بس معلش طولت عليك

أبو مريم 13-08-06 06:18 PM
رد: نداء عاجل لكل الصيادين الخبراء هنا فى المنتدى
 
موفق ان شاء الله يا استاذ أحمد

ahmed_aly 13-08-06 06:37 PM
رد: نداء عاجل لكل الصيادين الخبراء هنا فى المنتدى
 
اقتباس:
المشاركة الأصلية كتبت بواسطة ابومسلم2005 (المشاركة 520068)
اهلا ومرحبا بك وسط اخوانك واحبابك طبعا الاخوة الافاضل مسبوش لنا حاجة نقولها يبقى فاضل نقطة نوع البندقية واحد من ثلاثة انا عن نفسى لو مكنتش عاوز حاجة pcp او حاجة قريبه منها زى الديانا 56 كنت اشتريت البندقية السلافيا اللي معروضة على المنتدى وان مغمض بتاعت الاستاذ المحترم احمد مناسبة ليك جدا جدا وبعد ما تتعلم ياعم وحبيت تبيعها مش هتخسر فيها لان الحاجة الكويسة عند اعادة البيع مبتخسرش كتير وممكن تكسب مع ارتفاع الاسعار ولازم لازم تصطاد مع صياد قديم ويكون عاقل ومخضرم مش شاب طايش عايز يتسلى خصوصا فى الاول عشان حوادث الصيد اللى ممكن تحصل مع الجداد فى الصيد واخير متنساش التسمية قبل كل ضربة متقلش ده انا مبعرفش ومش هتيجى وتض
اشكرك يابو مسلم ووجودى بينكم شرف كبير لى ...بس انا بفضل شراء بندقية جديدة ....وان شاء الله اتعرف بصياد مخضرم ومحترم ونخرج نصطاد سوا .....وبعدين ايه حوادث الصيد دى:pleur1: انت كدة قلقتنى

ahmed_aly 13-08-06 06:38 PM
رد: نداء عاجل لكل الصيادين الخبراء هنا فى المنتدى
 
اقتباس:
المشاركة الأصلية كتبت بواسطة أبو مريم (المشاركة 520073)
موفق ان شاء الله يا استاذ أحمد
أشكرك يابو مريم ياعسل

fadeel79 13-08-06 10:35 PM
رد: نداء عاجل لكل الصيادين الخبراء هنا فى المنتدى
 
اقتباس:
المشاركة الأصلية كتبت بواسطة ahmed_aly (المشاركة 520076)
اشكرك يابو مسلم ووجودى بينكم شرف كبير لى ...بس انا بفضل شراء بندقية جديدة ....وان شاء الله اتعرف بصياد مخضرم ومحترم ونخرج نصطاد سوا .....وبعدين ايه حوادث الصيد دى:pleur1: انت كدة قلقتنى
السلام عليكم ، استاذى الفاضل موضوع الحوادث دة امر وارد لانك ماسك سلاح فلازم تعرف تتعامل معاة كويس وده جزء من قواعد الامان الى هى كتييييييييييييييييييييييييييييييييير اوى ومحتاجة وقت علشان تعرفها كلها وليك رسالة على الخاص

ahmedafefy 13-08-07 11:10 AM
رد: نداء عاجل لكل الصيادين الخبراء هنا فى المنتدى
 
اقتباس:
المشاركة الأصلية كتبت بواسطة ahmed_aly (المشاركة 519991)
بسم الله الرحمن الرحيم
أرجو من إخوانى الخبراء والصيادين القدماء والقناصين مساعدتى فيما سأطرحه من كلام وجزاكم الله كل خير
1/أنا لسة هبتدى اصطاد يعنى لسة هشترى بندقية ولسة هبتدى امارس الهواية اللى من صغرى كان نفسى امارسها
2/ أنا قريت مواضيع كتير هنا عن البنادق وعن الصيد لكن بصراحة انا يهمنى سماع أراء الصيادين الخبراء لآنهم مارسو الهواية بطريقة عملية على الطبيعة ويقدرا يقدمولى النصيحة
3/انا مبعرفش حتى امسك البندقية واعرف أنشن بيها بقولكم لسة على بياض يعنى صياد ور ور بس ان شاء الله مع الوقت عندى احساس انى هدخل بيتى كل يوم بعشر يمامات وأديهم للولية مراتى تطبخهم وناكلهم
4/سؤالى بقى انا راجل بحب أشترى الحاجة التمام من أولها يعنى موش بحب اشترى حاجة واتخنق منها وابيعها واخسر فيها وارجع اشترى النضيف لاء انا زى ماقولت بحب الحاجة الكويسة اللى تعيش معايا ومتتعبنيش وتحببنى فى الهواية موش تكرهنى فيها وانا قريت كتير عن انواع البنادق وقررت اشترى الهاى باور ان شاء الله ومحتار بين تلات بنادق الآولى السلافيا 631 نمرة واحد.... التانية الجامو الموس(gamo cfx royal) نمرة اثنين ...الثالثة ديانا460 نمرة اتنين..ايه رأيكم مع العلم انى بفضل الصيد من مسافات بعيدة يعنى ممكن توصل 50 متر وبحب فى البندقة قوتها وخامتها النظيفة ودقتها المتناهية
5/هل اقدر اتعلم النشان لوحدى من غير ماحد يعلمنى ولة لازم حد خبير يعلمنى ماسكة البندقية ووضعيتها فى ايدى وطريقة النظر بالعين اليمنى او اليسرى عشان زى ماقولتلكم انا عمرى ما مسكت بندقية او ضربت بيها نهائى...ولو اقدر اتعلم لوحدى هاخد أد ايه وقت؟
ممكن واحد من الاخوة يدخل يقولى ياعم انت لسة هتبتدى وهتجيب حاجة هاى باور حرام عليك تبهدلها وتهينها فى التعليم هقوله انا زى ماقولت موش بحب اجيب حاجة رخيصة تخنقنى من الهواية وتتعبنى معاها واجى ابيعها اخسر فيها انا ان شاء الله عندى ثقة فى الله عزو وجل انى هتعلم على طول خاصة لما امسك بندقية تفتح النفس
وسؤال تانى معلش انا طولت عليكم انا من سكان القاهرة ايه انسب مكان (وطبعا يكون مجانى )أقدر امارس فيه هوايتى من غير ما ازعج حد او حد يتعرضلى أو حرامية يطلعو عليا وانا بصطاد وياخدو منى البندقية (على فكرة انا اصولى من الصعيد واللى يتاخد منه بندقيته أهون عليه ينتحر بعد كدة)
وأخيرا أتمنى من جميع اخواتى هنا فى المنتدى الجميل ده تقديم كل النصائح الممكنة لصياد مبتدئ وهو حاطط ايده على قلبه
طخه بس متعوروش يابوى
اماى عريس ياماى

tarekvb 13-08-07 01:39 PM
رد: نداء عاجل لكل الصيادين الخبراء هنا فى المنتدى
 
اقتباس:
المشاركة الأصلية كتبت بواسطة ahmed_aly (المشاركة 520067)
وعليكم السلام ورحمة الله وبركاته
اشكرك بشدة يا استاذ فضيل وربنا مايحرمنى منك ومن جدعنة رجالة عين شمس وان شاء الله التعارف بصياد زيك شرف كبير ليا ولنا لقاء فى المستقبل بس بعد ما اجهز شوية وياريت تسيبلى رقمك على الخاص
وطبعا الرويال من البنادق اللى جذبتنى بشدة وبفكر فيها
وبالنسبة لمسألة ليه منزلشى اصطاد لوحدى طيب ايه السبب ياترى ؟؟؟
وحتة وجود عربية دى انا معنديش عربية لآن كان عندى واحدة وبعتها بعد ماعملت بيها حادثة والحمد لله طلعت منها حى ارزق وحرمت اسوق عربيات من ساعتها
وفى النهاية مرور حضرتك نور موضوعى والله
- الصياد لما بينزل مع صياد بيامنوا بعض

- حضرتك عشان تنزل بدون عربيه يبقى تقريبا هتنزل فى منطقة سكنية وده طبعا مرفوض وخصوصا فى الاحداث الجارية

- لابد من وجود عربيه حصوصا لاهل المدينة لانك مش هتعرف تلف على رجليك داخل المدينة وشايل بندقية على كتفك ده غير عقبال لما تدخل على اليمامة هتكون طارت

- 50 متر اللى حضرتك بتقول عليها مش ساهلة خااالص وعمليا المسافة دى مش اساس الصيد واذا اتعملت بتتعمل من باب استعراض مهارة وحرفية فى الصيد

- الرويال ممتازة ومريحة كمان انما ممكن الديانات تتعبك من حيث الوزن والكسر فتضايق وانت بتصطاد

- ما سبق مجرد رؤية شخصية طبعا والاراء متباينة بين الاعضاء

big man 13-08-07 03:27 PM
رد: نداء عاجل لكل الصيادين الخبراء هنا فى المنتدى
 
الرويال ممتازه والسلافيا فتاكه بس لو هتجيب رويال ممكن تجيب بدلها شادو 1000 والفرق بينهم مش كبير في القوه والدقه وكمان الدبشك فيبر من خامات عاليه بس بينهم فرق سعر كبير والديانا بردو لا غبار عليها وخامات اعلى من الجامو واثقل في الوزن وده مش بيدي راحه في التنشين خصوصا انك مبتدا

ahmed_aly 13-08-08 07:37 AM
رد: نداء عاجل لكل الصيادين الخبراء هنا فى المنتدى
 
اقتباس:
المشاركة الأصلية كتبت بواسطة adel152 (المشاركة 520037)
ايه ياعم وليد الحلاوة دى!!!! ده انت ماسبتلناش حاجة نقولها للعضو الجديد غير (مرحبا بيك عضو جديد فى المنتدى).

استاذ احمد البندقية السلافيا بندقية ممتازة ومن حسن حظك فيه واحدة معروضة للبيع بحالة فوق الممتازة وبتاعة واحد من أكبر الصيادين فى مصر الاستاذ احمد روك وده الرابط بتاع بيع البندقية
http://www.egyhunt.net/showthread.php?t=41661
بكده هتشترى بندقية محترمة بسعر ممتاز وفى نفس الوقت هتتعرف على شخصية محترمة جدا هتفيدك جدا فى معرفة مبادئ الصيد وجه لوجه (يعنى بالبلدى كده هتضرب عصفورين بحجر ودى تبقى بداية كويسة كصياد هههههههه).
بالتوفيق وتحياتى.

الله يخليك يا استاذ عادل والمنتدى منور بيك وبأعضائه الرائعين
وبالنسبة للبندقية السلافيا بتاعت الاستاذ أحمد روك وهو شخصية محترمة وغنية عن التعريف وأنا بتمنى اتعرف بيه والله وربنا يحسن بيع بندقيته وينوله السعر اللى طالبه فيها لآنها بندقية رائعة وجذبتنى بشدة بس للاسف أنا بفضل بندقية تكون زيرو ......
وألف شكر على مرورك الرائع ونورتنى :lov:

ahmed_aly 13-08-08 07:38 AM
رد: نداء عاجل لكل الصيادين الخبراء هنا فى المنتدى
 
اقتباس:
المشاركة الأصلية كتبت بواسطة fadeel79 (المشاركة 520096)
السلام عليكم ، استاذى الفاضل موضوع الحوادث دة امر وارد لانك ماسك سلاح فلازم تعرف تتعامل معاة كويس وده جزء من قواعد الامان الى هى كتييييييييييييييييييييييييييييييييير اوى ومحتاجة وقت علشان تعرفها كلها وليك رسالة على الخاص
حبيبى يا استاذ فضيل وربنا مايحرمنى منك ومن نصايحك يارب:lov:

ahmed_aly 13-08-08 07:41 AM
رد: نداء عاجل لكل الصيادين الخبراء هنا فى المنتدى
 
اقتباس:
المشاركة الأصلية كتبت بواسطة ahmedafefy (المشاركة 520194)
طخه بس متعوروش يابوى
اماى عريس ياماى
شكلك لسة متفرج على فيلم البحث عن فضيحة ومتقمص دور نبيلة السيد بالزبط:sal: عموما نورت الموضوع بمرورك يا أحمد ياعفيفى

ahmed_aly 13-08-08 07:45 AM
رد: نداء عاجل لكل الصيادين الخبراء هنا فى المنتدى
 
اقتباس:
المشاركة الأصلية كتبت بواسطة tarekvb (المشاركة 520223)
- الصياد لما بينزل مع صياد بيامنوا بعض

- حضرتك عشان تنزل بدون عربيه يبقى تقريبا هتنزل فى منطقة سكنية وده طبعا مرفوض وخصوصا فى الاحداث الجارية

- لابد من وجود عربيه حصوصا لاهل المدينة لانك مش هتعرف تلف على رجليك داخل المدينة وشايل بندقية على كتفك ده غير عقبال لما تدخل على اليمامة هتكون طارت

- 50 متر اللى حضرتك بتقول عليها مش ساهلة خااالص وعمليا المسافة دى مش اساس الصيد واذا اتعملت بتتعمل من باب استعراض مهارة وحرفية فى الصيد

- الرويال ممتازة ومريحة كمان انما ممكن الديانات تتعبك من حيث الوزن والكسر فتضايق وانت بتصطاد

- ما سبق مجرد رؤية شخصية طبعا والاراء متباينة بين الاعضاء
طارق بك رؤيتك الشخصية أنا أضعها فى المقام الآول فى افكارى عند الشراء لآنها نابعة من شخصية محترمة مثلك وخبرة عميقة فى مجال الصيد والقنص لايستهان بيها أبدا
وكل عام وحضرتك بخير بمناسبة عيد الفطر المبارك

ahmed_aly 13-08-08 07:50 AM
رد: نداء عاجل لكل الصيادين الخبراء هنا فى المنتدى
 
اقتباس:
المشاركة الأصلية كتبت بواسطة big man (المشاركة 520246)
الرويال ممتازه والسلافيا فتاكه بس لو هتجيب رويال ممكن تجيب بدلها شادو 1000 والفرق بينهم مش كبير في القوه والدقه وكمان الدبشك فيبر من خامات عاليه بس بينهم فرق سعر كبير والديانا بردو لا غبار عليها وخامات اعلى من الجامو واثقل في الوزن وده مش بيدي راحه في التنشين خصوصا انك مبتدا
والله الديانا تداعب افكارى رغم ثقلها ورغم كونى مبتدئ بسمعتها وشكر من حمل تلك البنادق فيها بدرجة رهيبة...عموما ربنا ييسر وانا هعطى لنفسى فرصة طويلة قبل شراء البندقية
وشكرا على مرورك ايها الرجل الضخم

dr_mohasan 13-08-08 07:50 AM
رد: نداء عاجل لكل الصيادين الخبراء هنا فى المنتدى
 
كما نصحتك يا صديقى , أغلب الصيادين تختلف بداياتهم بين أنواع البنادق , و لكنهم فى النهاية يسعون الى امتلاك الديانا طالما توفرت الإمكانات المادية , ابدأ من حيث ينتهى الآخرون

abdulmoniem 13-08-08 10:10 AM
رد: نداء عاجل لكل الصيادين الخبراء هنا فى المنتدى
 
أنا واحد مواصفاتي نفس المواصفات إللي إنتا كتبتها في الموضوع

ولسة عايز أشتري بندقية برضه

وكل ما أجي أفكر أشتري البلد يحصل فيها حاجة .. وكمان ملتحي

يعني الناس هتشك فيا وش لو حبيت أشتري حاجة في الوقت ده ههههههههههههههه

والله نفسي يبقى ليا صديق بيحب الهواية زيي ومبتديء كمان عشان متعبوش وأشله من الشلل إللي هيشوفه مني :d

وليد سالم 13-08-08 11:27 AM
رد: نداء عاجل لكل الصيادين الخبراء هنا فى المنتدى
 
اقتباس:
المشاركة الأصلية كتبت بواسطة abdulmoniem (المشاركة 520367)
أنا واحد مواصفاتي نفس المواصفات إللي إنتا كتبتها في الموضوع

ولسة عايز أشتري بندقية برضه

وكل ما أجي أفكر أشتري البلد يحصل فيها حاجة .. وكمان ملتحي

يعني الناس هتشك فيا وش لو حبيت أشتري حاجة في الوقت ده ههههههههههههههه

والله نفسي يبقى ليا صديق بيحب الهواية زيي ومبتديء كمان عشان متعبوش وأشله من الشلل إللي هيشوفه مني :d

طالما كل ما تفكر تشتري بندقية البلد بيحصل فيها حاجة انا من رايي انك تصرف نظر عن الشراء عشان مصر تعيش في امان وتستقر ههههههههههههههههههههههه:rir::rir::rir::rir::rir:

وخلي بالك ان لو حد شك فيك يبأه راجل (( دبوس او ابره )):lf::lf::lf::lf::lf:

واذا كان علي الصداقة مع مبتديئ خوفا من انك تشلة فتعالي نخرج سوا ونخلي شعارنا دائما (( الشلل للجميع )) ايمانا بمبدأ المساواه وتكافؤ الفرص :rir::rir::rir::rir::rir:

وعلي راي شيبوب (( انت تخزجلي عين وانا اخزجلك عين ونعيش عور احنا لتنين )):lov::lov::lov::lov::lov::rir::rir::rir::rir::ri r::rir::rir:

abdulmoniem 13-08-08 03:58 PM
رد: نداء عاجل لكل الصيادين الخبراء هنا فى المنتدى
 
هههههههههههههههههههههههههههههههههههههههههههههههههه ه

تصدق فكرة.. واضح إني أنا السبب

والله مبهرج .. أنا خايف أشتريها حد يمسكني يا جدعان ..

:d

أعمل إيه؟

اقتباس:
المشاركة الأصلية كتبت بواسطة وليد سالم (المشاركة 520378)
طالما كل ما تفكر تشتري بندقية البلد بيحصل فيها حاجة انا من رايي انك تصرف نظر عن الشراء عشان مصر تعيش في امان وتستقر ههههههههههههههههههههههه:rir::rir::rir::rir::rir:

وخلي بالك ان لو حد شك فيك يبأه راجل (( دبوس او ابره )):lf::lf::lf::lf::lf:

واذا كان علي الصداقة مع مبتديئ خوفا من انك تشلة فتعالي نخرج سوا ونخلي شعارنا دائما (( الشلل للجميع )) ايمانا بمبدأ المساواه وتكافؤ الفرص :rir::rir::rir::rir::rir:

وعلي راي شيبوب (( انت تخزجلي عين وانا اخزجلك عين ونعيش عور احنا لتنين )):lov::lov::lov::lov::lov::rir::rir::rir::rir::ri r::rir::rir:

وليد سالم 13-08-08 05:05 PM
رد: نداء عاجل لكل الصيادين الخبراء هنا فى المنتدى
 
يا عم قول يا باسط وخليها علي الله

محمود عبدالحليم 13-08-08 10:00 PM
رد: نداء عاجل لكل الصيادين الخبراء هنا فى المنتدى
 
موضوع رائع ومشاركات تثبت تعاون الخبرات وتدافع تقديم العون ويد المساعدة
انا سعيد جدا بالمتابعة

ahmed_aly 13-08-09 02:30 AM
رد: نداء عاجل لكل الصيادين الخبراء هنا فى المنتدى
 
اقتباس:
المشاركة الأصلية كتبت بواسطة dr_mohasan (المشاركة 520360)
كما نصحتك يا صديقى , أغلب الصيادين تختلف بداياتهم بين أنواع البنادق , و لكنهم فى النهاية يسعون الى امتلاك الديانا طالما توفرت الإمكانات المادية , ابدأ من حيث ينتهى الآخرون
أستاذى المحترم محمد حسن أود أن أوجه لك عظيم شكرى وامتنانى لما رأيته فيك من حب مساعدة الآخرين ابتغاء مرضاة الله وأقولها لك بكل الصدق أنك من أجدع الشخصيات التى قابلتها فى حياتى
وأكيد نصيحة قناص من الدرجة الآولى مثلك لن تمر مرور الكرام وستضع فى اولويات قراراتى عند الاقبال على الشراء إن شاء الله وسأبدأ من حيث ينتهى الاخرين وسأثبت للجميع أن إرادة الآنسان القوية تتحدى أى صعوبات تواجهه ..وسأطرح لكم فى المستقبل صور لطلعاتى والطرائد تحت قدمى...
تحياتى لك يا استاذى الفاضل وكل عام وانت بخير بمناسبة عيد الفطر المبارك:lov:

ahmed_aly 13-08-09 02:37 AM
رد: نداء عاجل لكل الصيادين الخبراء هنا فى المنتدى
 
اقتباس:
المشاركة الأصلية كتبت بواسطة abdulmoniem (المشاركة 520367)
أنا واحد مواصفاتي نفس المواصفات إللي إنتا كتبتها في الموضوع

ولسة عايز أشتري بندقية برضه

وكل ما أجي أفكر أشتري البلد يحصل فيها حاجة .. وكمان ملتحي

يعني الناس هتشك فيا وش لو حبيت أشتري حاجة في الوقت ده ههههههههههههههه

والله نفسي يبقى ليا صديق بيحب الهواية زيي ومبتديء كمان عشان متعبوش وأشله من الشلل إللي هيشوفه مني :d
هههههههههه ياعم سيبها على الله وانا معاك ان فيه ناس بتهيص مع الهيصة وده شئ يقلق فعلا بمعنى انى موش متخيل لو انا ماسك بندقية صيد وطالع بيها وناس جريت ورايا وافتكرونى بهدد بيها مصلحة الوطن والمشكلة بقى لو وقعت فى ايدهم ومعاك البندقية يبقى يالله السلامة عليك وعلى البندقية:pleur:
وعلى فكرة المفروض رأيك يبقى عكسى بمعنى انه المفروض يبقى نفسك ليك صديق بيحب الهواية ومحترف عشان تتعلم منه وتكتسب منه الخبرات فى اقل مدة زمنية ممكنة وصديقك بقى ربنا يعينه على اللى هيشوفه منك هههههههه

ahmed_aly 13-08-09 02:43 AM
رد: نداء عاجل لكل الصيادين الخبراء هنا فى المنتدى
 
اقتباس:
المشاركة الأصلية كتبت بواسطة محمود عبدالحليم (المشاركة 520437)
موضوع رائع ومشاركات تثبت تعاون الخبرات وتدافع تقديم العون ويد المساعدة
انا سعيد جدا بالمتابعة
كلامك مزبوط والله يامحمود وانا فعلا اتفاجئت بكدة ومكنتش متوقعه ده كمان فيه صيادين محترمين بيكلمونى من موبايلهم لتقديم النصيحة وبدون اى مصلحة مادية لهم فقط النصيحة والله وربنا يجازيهم كل خير وفيه صياد محترم كنت بشكره بيقولى ان بتشكرنى على ايه احنا بنعمل اللى اتعمل معانا لما كنا بنتبتدى لسة يعنى فعلا الجدعنة موجودة فى المصريين من زمان ومش هتزول منهم ابدا بمشيئة الله
ونورت الموضوع يامحمود واهلا بيك وسط اخواتك

محمد خلف 13-08-24 05:28 PM
رد: نداء عاجل لكل الصيادين الخبراء هنا فى المنتدى
 
بص يا صاحبي
البندقيه زي العروسه
اختار الي تحس انك مرتاحلها نفسيا و فيها كل الصفات الي انت عاوزها
بس لاااااااااااااازم تعرف قواعد الامان و تتعلم الرمايه كويس قبل ما تطلع للصيد منعا للحوادث
و اخواتنا هنا هيهيدوك اكتر بكتير من الي شفته كمان
و باذن الله هتبقى من احسن الصيادين في مصر

هشام سمير 13-08-25 04:12 AM
رد: نداء عاجل لكل الصيادين الخبراء هنا فى المنتدى
 
اقتباس:
المشاركة الأصلية كتبت بواسطة محمد خلف (المشاركة 523411)
بص يا صاحبي
البندقيه زي العروسه
اختار الي تحس انك مرتاحلها نفسيا و فيها كل الصفات الي انت عاوزها
بس لاااااااااااااازم تعرف قواعد الامان و تتعلم الرمايه كويس قبل ما تطلع للصيد منعا للحوادث
و اخواتنا هنا هيهيدوك اكتر بكتير من الي شفته كمان
و باذن الله هتبقى من احسن الصيادين في مصر
رد من محترف :lov::lov::lov::lov::lov:

ahmed_aly 13-08-26 01:22 PM
رد: نداء عاجل لكل الصيادين الخبراء هنا فى المنتدى
 
اقتباس:
المشاركة الأصلية كتبت بواسطة محمد خلف (المشاركة 523411)
بص يا صاحبي
البندقيه زي العروسه
اختار الي تحس انك مرتاحلها نفسيا و فيها كل الصفات الي انت عاوزها
بس لاااااااااااااازم تعرف قواعد الامان و تتعلم الرمايه كويس قبل ما تطلع للصيد منعا للحوادث
و اخواتنا هنا هيهيدوك اكتر بكتير من الي شفته كمان
و باذن الله هتبقى من احسن الصيادين في مصر
كلام زى العسل من شخص زى العسل ...ويسمع من بوئك ربنا يامحمد باشا

ابو مروان 13-08-26 02:58 PM
رد: نداء عاجل لكل الصيادين الخبراء هنا فى المنتدى
 
بالتوفيق فى بداية مشوارك العملى فى الصيد لو امكانيات حضرتك كويسة خليك فى الالمانى (ديانا) واتعلم عليها على طول يجب ان يقوم بتعليم حضرتك صياد محترف متمرس لان مسكة البندقية لازم تكون صح والواقفة صح وكتم النفس صح والضغط على الزيناد صح......التعليم دة ممن يكون فى ساعتين تلاتة لانها موش معضلة ولا اختراع بس لازم تتعلم صح من الاول لانك لو اتعلمت غلط هاتفضل ماسك غلط وتضرب غلط وتزهق............الصيد عبارة عن صياد وحس صياد ومهبة وحب للصيد.....متعة الصيد هى الاقتراب من الهدف لاقل مسافة دون ان يشعر الهدف بوجودة فى مرماك القاتل.....ممكن يكون معاك رمسيس وتصتاد بيها وممكن يكون معاك ديانا وتفضل تطرقع بيها على الفاضى......بالتوفيق

ahmed_aly 13-08-31 02:24 AM
رد: نداء عاجل لكل الصيادين الخبراء هنا فى المنتدى
 
اقتباس:
المشاركة الأصلية كتبت بواسطة ابو مروان (المشاركة 523665)
بالتوفيق فى بداية مشوارك العملى فى الصيد لو امكانيات حضرتك كويسة خليك فى الالمانى (ديانا) واتعلم عليها على طول يجب ان يقوم بتعليم حضرتك صياد محترف متمرس لان مسكة البندقية لازم تكون صح والواقفة صح وكتم النفس صح والضغط على الزيناد صح......التعليم دة ممن يكون فى ساعتين تلاتة لانها موش معضلة ولا اختراع بس لازم تتعلم صح من الاول لانك لو اتعلمت غلط هاتفضل ماسك غلط وتضرب غلط وتزهق............الصيد عبارة عن صياد وحس صياد ومهبة وحب للصيد.....متعة الصيد هى الاقتراب من الهدف لاقل مسافة دون ان يشعر الهدف بوجودة فى مرماك القاتل.....ممكن يكون معاك رمسيس وتصتاد بيها وممكن يكون معاك ديانا وتفضل تطرقع بيها على الفاضى......بالتوفيق
حبيب قلبى يابو مروان ربنا يكرمك يارب بنصايحك الغالية اللى هعتز بيها على مر حياتى ..وان شاء الله هشترى الديانا 350 مجنوم بعد تفكير كبير بس الاوضاع تهدى شوية فى بلدنا عشان انا لو حد شافنى ماسك بندقية هيتعمل معايا واجب شعبى ...بس المشكلة بقى الاقى فين صياد متمرس يعلمنى كل اللى انت قولته ده ويكون صبور معايا وميزهقشى منى وفعلا انا خايف اتعلم مع نفسى غلط وازهق وافقد الامل ...عموما ربنا يوفقنى

dr_mohasan 13-08-31 02:44 AM
رد: نداء عاجل لكل الصيادين الخبراء هنا فى المنتدى
 
اقتباس:
المشاركة الأصلية كتبت بواسطة ahmed_aly (المشاركة 520470)
أستاذى المحترم محمد حسن أود أن أوجه لك عظيم شكرى وامتنانى لما رأيته فيك من حب مساعدة الآخرين ابتغاء مرضاة الله وأقولها لك بكل الصدق أنك من أجدع الشخصيات التى قابلتها فى حياتى
وأكيد نصيحة قناص من الدرجة الآولى مثلك لن تمر مرور الكرام وستضع فى اولويات قراراتى عند الاقبال على الشراء إن شاء الله وسأبدأ من حيث ينتهى الاخرين وسأثبت للجميع أن إرادة الآنسان القوية تتحدى أى صعوبات تواجهه ..وسأطرح لكم فى المستقبل صور لطلعاتى والطرائد تحت قدمى...
تحياتى لك يا استاذى الفاضل وكل عام وانت بخير بمناسبة عيد الفطر المبارك:lov:
ان شاء الله تنال كل ما تريد يا استاذ أحمد و منتظرين صور و موضوعات طلعاتك الجامدة بإذن الله , وانا تحت أمرك فى أى شىء

صياد مصرى 13-08-31 03:08 AM
رد: نداء عاجل لكل الصيادين الخبراء هنا فى المنتدى
 
اقتباس:
المشاركة الأصلية كتبت بواسطة dr_mohasan (المشاركة 524590)
ان شاء الله تنال كل ما تريد يا استاذ أحمد و منتظرين صور و موضوعات طلعاتك الجامدة بإذن الله , وانا تحت أمرك فى أى شىء
ممكن اطلع مع حضرتك يا استاذ محمد اى طلعة صيد او حضرتك ممكن ترشحلى حد اطلع معاة

dr_mohasan 13-08-31 09:42 AM
رد: نداء عاجل لكل الصيادين الخبراء هنا فى المنتدى
 
اقتباس:
المشاركة الأصلية كتبت بواسطة صياد مصرى (المشاركة 524594)
ممكن اطلع مع حضرتك يا استاذ محمد اى طلعة صيد او حضرتك ممكن ترشحلى حد اطلع معاة
ممكن طبعا و اتشرف بيك

صياد مصرى 13-08-31 09:59 AM
رد: نداء عاجل لكل الصيادين الخبراء هنا فى المنتدى
 
اقتباس:
المشاركة الأصلية كتبت بواسطة dr_mohasan (المشاركة 524614)
ممكن طبعا و اتشرف بيك
شكرا يا دكتور جدا انا ساكن فى الهرم ممكن نطلع امتى
ممكن رقم موبيلك للتواصل

هشام سمير 13-09-01 02:06 AM
رد: نداء عاجل لكل الصيادين الخبراء هنا فى المنتدى
 
اقتباس:
المشاركة الأصلية كتبت بواسطة dr_mohasan (المشاركة 524614)
ممكن طبعا و اتشرف بيك
بنتعلم منك الاخلاق والله يا دكتور

ahmed_aly 13-09-01 04:21 AM
رد: نداء عاجل لكل الصيادين الخبراء هنا فى المنتدى
 
اقتباس:
المشاركة الأصلية كتبت بواسطة dr_mohasan (المشاركة 524590)
ان شاء الله تنال كل ما تريد يا استاذ أحمد و منتظرين صور و موضوعات طلعاتك الجامدة بإذن الله , وانا تحت أمرك فى أى شىء
الآمر لله وحده .....وفعلا زى ماقال استاذ هشام سمير إحنا بنتعلم منك الاخلاق يادكتور محمد
وإن شاء الله أفرحك بطلعاتى وبالصور بس بلدنا حالها يهدى شوية وترجع أحسن مما كانت إن شاء الله
وبكرر شكرى وتقديرى لشخصك المحترم

dr_mohasan 13-09-01 03:56 PM
رد: نداء عاجل لكل الصيادين الخبراء هنا فى المنتدى
 
اقتباس:
المشاركة الأصلية كتبت بواسطة هشام سمير (المشاركة 524757)
بنتعلم منك الاخلاق والله يا دكتور
يا باشا أنت أستاذنا فى معرفة الأخلاق و الأصول
و مراعاة حق العيش و الملح اللى بيربط بين الناس

dr_mohasan 13-09-01 04:19 PM
رد: نداء عاجل لكل الصيادين الخبراء هنا فى المنتدى
 
اقتباس:
المشاركة الأصلية كتبت بواسطة صياد مصرى (المشاركة 524619)
شكرا يا دكتور جدا انا ساكن فى الهرم ممكن نطلع امتى
ممكن رقم موبيلك للتواصل
على الخاص ......


الساعة الآن 05:10 AM

Powered by vBulletin® Copyright ©2000 - 2026, Jelsoft Enterprises Ltd. TranZ By Almuhajir