شراء سلاح من الخارج

[Widiman]

السلام عليكم

قمت بالتقديم على رخصة سلاح و سأحصل على اورنيك الشراء خلال ايام ان شاء الله.
سؤالى هل يمكننى شراء طبنجة من احد المواقع على شبكة الانترنت و شحنه من خلال احد شركات البريد السريع. وهل يمكن ادخال سلاح قطعة واحدة الى مصر للافراد الحاصلين على ترخيص سلاح شخصى.

الرجاء الافادة للأهمية حيث ان تجار السلاح فى مصر يستغلون الظروف وسعر السلاح المحترم خارج مصر فى حدود 500 دولار.

لو حد يعرف اسم موقع بيع سلاح بيسمح بتصدير السلاح لمصر ياريت يفدنا

شكرا

[وليدعادل]

هو موضوع الاستيراد دا ماعرفش عنه حاجه للاسف
بس ياريت حضرتك تثولنا عن ظروف الترخيص اللي حضرتك قدمت عليه و كان امتي و كده علاشن الاعضاء وانا شخصيا استفيد من المعلومه و شكرا مقدما لحضرتك

[Widiman]

ظروف الترخيص هيه انى رحت القسم التابع ليه وقدمت الطلب و الورق المطلوب و تفاصيل الترخيص متوفرة على المنتدى من زمان علشان منكررش البوست ادخل على الرابط ده
http://www.egypthunt.net/showthread....5+%D3%E1%C7%CD

[zmbugany]

الف مبروك و عقبال 100 طلقة
بس ممكن تفيدنا عن الكيفية الى بسببها اتسمح ليك بالرخصة يعنى حيازة ولا اية
ثانيا الموضوع محتاج واسطة ولا عادى وشكرا

[mosho]

اخى العزيز
لايوجد موقع على الانترنت يقوم ببيع السلاح ... لكن كل المواقع خاصه فى امريكا تقوم بعمل حاجه زى حجز او بحث لياكد لك ان السلاح موجود فى المخزن... يعنى النوع و المواصفات الى انت عايزها....
و فى امريكا بذات القانون يمنع بيع الاسلحه عن طريق النت .... يجب بشكل شخصى
كما ان كل شركات الشحن الدوليه ( و الداخليه فى مصر ) لا تقوم بشحن السلاح ....
و الشحن الشخصى على الطائره له قوانين خاصة و تعليمات داخليه!!!!!!!
و كما انشاء الله لما تروح امريكا بنفسك وتجيب السلاح حيتصادر منك فى المطار... ليه؟؟؟؟
علشان فى تصاريح لجلب السلاح من الخارج ( حتى لو لل استعمال الشخصى )
و لو معاك التصريح .... حيتاخد منك للفحص و تستلمه لما ربنا يسهل .......بس

[mosho]

اخى العزيز
لايوجد موقع على الانترنت يقوم ببيع السلاح ... لكن كل المواقع خاصه فى امريكا تقوم بعمل حاجه زى حجز او بحث لياكد لك ان السلاح موجود فى المخزن... يعنى النوع و المواصفات الى انت عايزها....
و فى امريكا بذات القانون يمنع بيع الاسلحه عن طريق النت .... يجب بشكل شخصى
كما ان كل شركات الشحن الدوليه ( و الداخليه فى مصر ) لا تقوم بشحن السلاح ....
و الشحن الشخصى على الطائره له قوانين خاصة و تعليمات داخليه!!!!!!!
و كما انشاء الله لما تروح امريكا بنفسك وتجيب السلاح حيتصادر منك فى المطار... ليه؟؟؟؟
علشان فى تصاريح لجلب السلاح من الخارج ( حتى لو لل استعمال الشخصى )
و لو معاك التصريح .... حيتاخد منك للفحص و تستلمه لما ربنا يسهل .......بس

[Widiman]

شكرا يا mosho على المعلومات - انا كده اتطمنت - المفروض بقى نسلم نفسنا لتجار السلاح تسليم أهالى عن طيب خاطر و نشترى السلاح بأضعاف تمنه علشان أحتمال الفلوس اللى احنا بنشترى بيها السلاح دى فلوس حرام و هما أولى بيها.

دى البريتا 92 الايطالى بتتباع زيرو ب 550 دولار يعنى بالشحن و الجمرك هتعمل 950 دولار


http://www.woodburyoutfitters.com/Be...F11-P1078.aspx

والا السيج مودل سمعت انها بتتباع هنا ب 65000 جنيه مصرى و هى تمنها قبل الشحن بحوالى 800 دولار
Sig Model P226 Semi Auto Pistol


http://www.woodburyoutfitters.com/Si...TSS-P1313.aspx

انا كنت مره من فترة طويلة بستلم طرد للشركة من البريد السريع بمطار القاهرة و شوفت واحد بيخلص سلاح أستخدام شخصى وشوفت اللى جوه العلبة بعينى لما كان موظف الجمارك بيعمل معاينة للطرد و كنت و اقف جنبه. علشان كده الفكره طقت فى دماغى و قولت احتمال يكون فيه طريقة.
يمكن يكون فيه مواقع انترنت فى دول أوروبية بتسمح بتصدير السلاح - حد من الشباب هنا يا جماعة يعمل جولة على جوجل كده يمكن حد فينا يلاقى موقع نشترى منه.

[mosho]

هو فى طريقة.. بس صعبه

[Widiman]

المشاركة الأصلية كتبت بواسطة mosho

هو فى طريقة.. بس صعبه

مش مهم تكون صعبة المهم تكون قانونية - قول و متخبيش انا سامعك يا mosho

[mosho]

تروح تجيبه بنفسك!!!
متستغربش تمن السلاح فى مصر اغلى من تمن السفر و الشراء و الشحن و الجمرك
خصوصاً لو ناوى تجيب حاجه كو يسه

[Widiman]

المشاركة الأصلية كتبت بواسطة mosho

تروح تجيبه بنفسك!!!
متستغربش تمن السلاح فى مصر اغلى من تمن السفر و الشراء و الشحن و الجمرك
خصوصاً لو ناوى تجيب حاجه كو يسه

سبحان من ابدعك هيه فكرة برضه ممكن تركيا جنبنا فركة كعب - بس جربها انت الاول وقولى لو نفعت هشد وراك.

[X-scorpion]

السلام عليكم .. نفس ظروفك بالضبط و نفس التفكير و ده اللي قادني للصفحه دي ..

[X-scorpion]

بالنسبه للشراء أون لاين اللينك اللي حضرتك كاتبه المسأله سهله و متاحه فيه و الأسعار و الشروط مكتوبه بالتفصيل في الموقع الأمريكي .. السؤال إيه الإجراءات القانونيه الواجب إتباعها هنا في مصر قبل ما تعمل الأوردر و تبعت الفلوس و مين المسئول اللي هنلجأله في الأوضاع الحاليه الداخليه و لا حد في الجيش .. و شكراً

[shoor80]

عشان تسورد سلاح لازم تصديق من الجيش ولازم تستني شهر عشان تاجر سلاح يجيبو لك اما المواقع مفيش واحنا كمصر موش مسموح لنا الاستيراد الا من دول معينه وهو ده اللي بيرفع تمن السلاح ده طبعا غير الجشع الي يخلي الزجزاور من 600 دولار ال 92000 جنيه مصرييييييييييييييييييييي وعجبي

[shoor80]

علي فكره احنا ممنوعيين من استيراد السلاح الشخصي من امريكاااااااااااااااااا

[mexcano]

طيب صحيح لو حد جابلي مسدس معاه من بره بس من غير فاتوره و لا اي مستندات من المحل اللي اشتري منوا بس انا واثق في الشخص ده و ان السلاح مضربشي بيه طلقه
ممكن ارخص المسدس ده

[adel_7768]

ياريت لو حد يجرب الشراء من موقع اراجوس ويشوف الوضع ايه ويقولنا

[adel_7768]

http://www.aragos.com/ وده الرابط بتاع موقع الشراء وعلي فكرة ده موقع شامل يعني ممكن شتري منه اي حاجه

[mexcano]

محدش رد علي استفساري هو غريب شويه بس ممكن يحصل علي ما اظن

[hamlet]

عزيرى دى اول مشاركة ليا بس حبيت اساعد لانى مثلك معايا تصريح شراء سلاح نارى ومش لاقى السلاح مولع نار ان وجد المهم علشان تستورد سلاح من الخارج لازم يكون معاك تصريح شراء اولا ثم ثانيا بتقوم بتقديم طلب فى الامانة العامة لوزارة الدفاع للتصريح لك بذلك وان جاتلك الموافقة تروح تدور على تاجر سلاح معرفة يكون معاه رخضة استيراد يجبهولك وطبعا هياخد منك عمولة وساعات بيطمعوا اوى لدرجة انة يطلب منك 15000 الف جنية عمولة يعنى هتجيبو زى سعرة فى مصر من الاخر وشكرا جزيلا ليكم

[ayman_navy]

أعزائى لقد سبقتكم فى التجربه
1- بحثت عن موقع يبيعلى ويبعتلى مصر ووافق بشرط ابعتله صورة تصريح الشراء من الخارج
2- تصريح الشراء بيكون للشراء من السوق اللمحلى فقط
3- سلم التصريح للجيش ومعاه طلب استيراد مباشر من الخارج وتجدد اسم الموقع والنوع والموديل والعيار
4- تبعت تجيبه وتستلمه بعد الموافقه
5- قلت دى غلبه واجيب من هنا - طيب ايه ارخص الجديد - اليكم تجربتى فى الشراء
ده اسمه حلوان موديل 920 ويبدأ سعره من 16350 جنيها مصريا وده موجود بقاله فتره
سعره فى اكتوبر 2010 ب 5000 وبعد الثوره مباشرة رفعو سعره بقى ب 7500 جنيه والسعر ده مالحقش يبيعو بيه كتير وجم اواخر فبراير رفعو سعره ل 10000 جنيه وجم اخر مارس وقفو بيعه عشان يغلوه من اول ابريل 2011 ليكون 16350 جنيه وده طبعا لما وجدو التجار بيبيعو المسدس الصوت اللى شبهه ب 2000 جنيه فقالو ماينفعش بغذ النظر عن التكلفه الفعليه له وكمان لقو البريتا 84 ال 9 ملم القصير الجديده زيرو وايطالى ب 16000 قالك اشمعنى دول يعنى وبغض النظر عن اى اعتبارات فى نسب رفع السعر وعن تكلفة التصنيع العالميه وعن مقارنته الصوت ومقارنته بالبريتا الايطالى وشكل الفينيشينج بقو يزودوه بالزياده البسيطه جدا دى اللى طبعا زى ما انتو عارفين يعتبر 16000 جنيه كلام فاضى بالنسبه لاى مواطن مصرى مع العلم ان فى ايطاليا بيبيعو منتجهم لشعبهم وكمان للغريب ب 4000 جنيه وايطالى
تخيل انت مسدس كان ب 5000 جنيه وشويه زودو 2500 وشويه كمان 2500 وشويه 6000 ودى طبعا زياده بسيطه ومناسبه جدا لمستوى الدخل وحتى تقدر تغطى تكلفة استيراده من مدينة حلوان لحد القاهره والشحن
والمفاجأه - البريتا اللى كانت ب 16000 بقة ب 30000 جنيه ليه لان التاجر قالك ده ايطالى وزى ما المصانع الحربيه بتزود ب 100% انا كمان ازود بنفس النسبه
شوفتو الحلاوه - التاجر معزور ليه لانه بيشتغل لحسابه خاص يعنى لازم التانيين يكونو قدوه
صحيح المسدس مش سلعه اساسيه
لكن المعقول حلو
ربنا يهدى
تعديل / حذف المشاركة