مداهمه حقيقيه لمنزل صديق لي

مورو · 13-06-21, 03:40 AM

السلام عليكم ورحمة الله وبركاته

اللي هحكيه ده مش قصة متألفه دا حصل حقيقي

امبارح الساعه 2.5 صباحا عدى من المنطقه عندنا 3 او 4 عربيات للشرطه ودخلوا على منزل صديقي المنزل مكون من 3 ادوار ونزل من العربيات عدد قليل جدا من المباحث وامناء الشرطه المعروفين في المنطقة عندنا
والباقين كلهم مقنعين مش باين منهم غير العنين والانف ووقف مجموعه امام كل شقه واقتحموا الشقق في وقت واحد بعد كسر الابواب والحوار اللي دار بين صديقي وبين اول واحد شافه في الشقه

صديقي : ايه ده ايه ده فيه ايه
الضابط : اصبر شويه
صديقي :اصبر ايه ياعم فيه ايه وعايزين ايه وفي حد يدخل بيوت الناس بالطريقه دي
الضابط :قولتلك اصبر شويه
صديقي : يعني انتوا ترضوا حد يدخل عليكم كده طب اقف ياعم انت وهوا مكانك وفهموني فيه ايه
الضابط : انت متقدم فيك بلاغ انك انت وواحد من اخواتك عندكم سلاح وبتضربوا نار فوق السطح باستمرار وهعايزين نفتش الشقه .
وبالمناسبه ياجماعه الحوار ده دار امام الحجرة اللي دخلت فيها زوجت صديقي واولاد والباقين كانوا بيفتشوا في باقي الشقه
صديقي : ثانيه واحد اخرج المدام
الضابط : خرجها
زوجة صديقي لبست طرحه علشان تغطي شعرها وصديقي بيخرجها هما دخلوا على طول وزوجة صديقي قالت ممكن ثانيه واحده البس النقاب ورد عليها الضابط
الضابط لو عايزة تعملي حاجه اعمليها واحنا واقفين.
صديقي خد زوجته ونزلها تحت في شقة والدته

الضابط : انت عندك سلاح ناري
صديقي : لا ماعنديش اي اسلاحه

واحد من اللي بيفتشوا دخل المطبخ وجاب 4 سكاكين وخرج وقال
ايه دول
صديقي سكاكين انت جايبها من المطبخ هتكون ايه يعني الضابط لقى فيهم سكينة شاورمه وقال للي جابهم من المطبخ خد ديه وسيب الباقين
وهما بيفتشوا لقوا فوق الدولاب سكينه كبير بتاعة الدبيح والضابط قال لصديقي ايه ده بقى
صديقي سكينة دبيح وكنت واقف بيها ايام الثورة في الشارع علشان معندناش سلاح نقف بيه

الضابط طب البس هدومك وتعالى
صديقي قالوا اما اطمن على اخواتي الاول ونزلوا للدور اللي تحتهم
والضابط قال لصديقي انت هتزل كده
صديقي : اه هنزل كده ( صديقي كان بالبوكسر فقط)
نزلو للدور اللي تحت واخوه كان عنده مسدس رش قديم نمره واحد وبايظ مش شغال وعنده كرباج سوداني متعلق على الحيطه
وصديقي لبس هدومه هوا واخواته ونزلو معاهم واخوا صديقي الصغي اسمه مش معهاهم وهما في الشارع قالهم انا هاجي معاكم ( اخوا صديقي الصغير عمره 22 سنه ) وصديقي 33 وخوه الكبير حوالي 39 سنه
واحد من الضباط بتون العمليات الخاصه اللي هما مقنعين بيكلم اخو صديقي بأسلوب وحش الواد مسك فيه والاهالي اتلمت عليهم وكانت هتبقى مجزرة صديقي واخوه الكبير مشوا الناس وهدوا الموضوع واللي راح معاهم اخو صديقي الكبير والصغير وصديقي مارحش معاهم.

والنهارده الصبح اخدوا حبس اربع ايام على زمة التحقيق لحين الكشف على السلاح هل هوا معدل وتم تغير الماسورة ام لا .( دا اللي هوا المسدس الرش )

السؤال بقى هنا اللي بيحصل ده حرام ولا مش حرام
والناس تاخد حقها من الحكومه ازاي
مع العلم ان الناس دي اول مره تدخل قسم شرطه

ولا تحسبن الله غافلا عما يعمل الظالمون

ĴΘĶЄЯ · 13-06-21, 03:59 AM

سبحانك يارب
كل ده علشان بيضرب نار فوق السطوح
طيب ما ينزلو عندنا الي كل يوم ضرب الي في الشارع وحتي الفجر مش راحمينا
خلاص دلوقتي الصغيرين هما الي بيروحو والكبار قاعدين يتفرجو
زمن العجب

وليد سالم · 13-06-21, 11:21 AM

كفااااااااااااااااره يا رااااااجل

المهم صاحبك خرج دلوقتي ولا ايه اللي حصل

وليد سالم · 13-06-21, 11:24 AM

4 ايام حبس عشان مسدس رش ؟؟؟؟؟؟؟؟؟؟؟؟؟؟؟؟؟؟؟؟؟؟؟؟

اية الهبل بتاع الشرطة ده امال هيعملوا ايه مع بتوع الخرطوش والمولوتوف والسلاح الابيض والبلطجية

الموضوع ده اكيد فيه مغرز من حد مش تمام وعايز يعمل مشاكل لصاحبك مش جاي صدفة كده

loverlover · 13-06-21, 11:31 AM

لا حول ولا قوة الا بالله
انا مش عارف الحكومة دي عايزة ايه بالظبط ؟؟؟
قدر الله وماشاء فعل
وان شاء الله ربنا يفك كربهم ويعديلهم الموضوع على خير

M.SHADY · 13-06-21, 11:40 AM

اللى حصل ده شىء طبيعى جدا و اجراء ضرورى . خصوصا لو اتقدم بلاغ الى قسم الشرطه بوجود افراد عندها اسلحه و تفرض السيطره بالقوه فى اى منطقه او تقوم بأعمال البلطجه . و انا شايف ان دى حاجه كويسه جدا . المشكله بقى فى الشخص اللى قدم البلاغ الوهمى ده فى قسم الشرطه بغرض الشوشره على واحد عادى مش بلطجى يعنى و لا حاجه
و ان شاء الله ربنا كبير و و الموضوع هيتحل

هشام سمير · 13-06-21, 01:40 PM

اقتباس:

المشاركة الأصلية كتبت بواسطة m.shady

اللى حصل ده شىء طبيعى جدا و اجراء ضرورى . خصوصا لو اتقدم بلاغ الى قسم الشرطه بوجود افراد عندها اسلحه و تفرض السيطره بالقوه فى اى منطقه او تقوم بأعمال البلطجه . و انا شايف ان دى حاجه كويسه جدا . المشكله بقى فى الشخص اللى قدم البلاغ الوهمى ده فى قسم الشرطه بغرض الشوشره على واحد عادى مش بلطجى يعنى و لا حاجه
و ان شاء الله ربنا كبير و و الموضوع هيتحل

هو ايه اللى اجراء عادى
مش لازم يكون فيه تحريات مباحث الاول وبيكون فيه تقرير سريه لكل منطقه من المخبرين ده تأليف
يروح يقدم شكوى فى لجنة حقوق الانسان

pooforever_2010 · 13-06-21, 01:42 PM

اقتباس:

المشاركة الأصلية كتبت بواسطة هشام سمير

هو ايه اللى اجراء عادى
مش لازم يكون فيه تحريات مباحث الاول وبيكون فيه تقرير سريه لكل منطقه من المخبرين ده تأليف
يروح يقدم شكوى فى لجنة حقوق الانسان

++++++++++++++1
اول مره تقول حاجه وابقى معاك فيها
الله ينور

besho · 13-06-21, 01:59 PM

طب انا عندي استفسار لو لقو بندقيه رش هيعملوا ايه

big man · 13-06-21, 02:03 PM

الي حصل ده قلة ادب وسفاله

مورو · 13-06-21, 04:03 PM

اقتباس:

المشاركة الأصلية كتبت بواسطة ĴΘĶЄЯ

سبحانك يارب
كل ده علشان بيضرب نار فوق السطوح
طيب ما ينزلو عندنا الي كل يوم ضرب الي في الشارع وحتي الفجر مش راحمينا
خلاص دلوقتي الصغيرين هما الي بيروحو والكبار قاعدين يتفرجو
زمن العجب

ياكبير محدش ضرب نار اصلا وهما ماعندهمش سلاح اساسا

مورو · 13-06-21, 04:04 PM

اقتباس:

المشاركة الأصلية كتبت بواسطة وليد سالم

كفااااااااااااااااره يا رااااااجل

المهم صاحبك خرج دلوقتي ولا ايه اللي حصل

صاحبي ماراحش اصلا اللي راح اخوه الصغير والكبير بس الموضوع اساسا مستفز

مورو · 13-06-21, 04:05 PM

اقتباس:

المشاركة الأصلية كتبت بواسطة وليد سالم

4 ايام حبس عشان مسدس رش ؟؟؟؟؟؟؟؟؟؟؟؟؟؟؟؟؟؟؟؟؟؟؟؟

اية الهبل بتاع الشرطة ده امال هيعملوا ايه مع بتوع الخرطوش والمولوتوف والسلاح الابيض والبلطجية

الموضوع ده اكيد فيه مغرز من حد مش تمام وعايز يعمل مشاكل لصاحبك مش جاي صدفة كده

هما كلمو واحد ظابط معرفه قالهم دا بلاغ متقدم فيهم

مورو · 13-06-21, 04:06 PM

اقتباس:

المشاركة الأصلية كتبت بواسطة loverlover

لا حول ولا قوة الا بالله
انا مش عارف الحكومة دي عايزة ايه بالظبط ؟؟؟
قدر الله وماشاء فعل
وان شاء الله ربنا يفك كربهم ويعديلهم الموضوع على خير

ربنا يسترها بجد
علشان اهاليهم بقم على اخرهم

مورو · 13-06-21, 04:08 PM

اقتباس:

المشاركة الأصلية كتبت بواسطة m.shady

اللى حصل ده شىء طبيعى جدا و اجراء ضرورى . خصوصا لو اتقدم بلاغ الى قسم الشرطه بوجود افراد عندها اسلحه و تفرض السيطره بالقوه فى اى منطقه او تقوم بأعمال البلطجه . و انا شايف ان دى حاجه كويسه جدا . المشكله بقى فى الشخص اللى قدم البلاغ الوهمى ده فى قسم الشرطه بغرض الشوشره على واحد عادى مش بلطجى يعنى و لا حاجه
و ان شاء الله ربنا كبير و و الموضوع هيتحل

ياكبير هما مالقيوش اي سلاح ناري يخدوهم اصلا ليه والناس تتحبس 4 ايام ليه علشان مسدس رش طب بيسمحوا انه يتباع في المحلات ليه لو هوا مش قانوني

مورو · 13-06-21, 04:10 PM

اقتباس:

المشاركة الأصلية كتبت بواسطة هشام سمير

هو ايه اللى اجراء عادى
مش لازم يكون فيه تحريات مباحث الاول وبيكون فيه تقرير سريه لكل منطقه من المخبرين ده تأليف
يروح يقدم شكوى فى لجنة حقوق الانسان

فعلا ياهشام واحد قالهم اعملوا شكوى لأي جمعية حقوق انسان وقدموا بلاغ في مدرية الامن على الطريقة اللي تعاملوا بيها معاكم بس في واحد وكيل نيابه ساكن في المنطقه عندهم قالوا ولا هيعملولك اي حاجه

مورو · 13-06-21, 04:11 PM

اقتباس:

المشاركة الأصلية كتبت بواسطة pooforever_2010

++++++++++++++1
اول مره تقول حاجه وابقى معاك فيها
الله ينور

ربنا يسترها ياكبير

مورو · 13-06-21, 04:15 PM

اقتباس:

المشاركة الأصلية كتبت بواسطة besho

طب انا عندي استفسار لو لقو بندقيه رش هيعملوا ايه

والله يابيشو واحد كان ممسوك من ع الجسر ومعاه قناصه و3 خزن والواد خرج من النيابه تقول ايه بقى في كده

وبالنسبه للبندقيه الرش مش عارف اقولك ايه بس انا عن نفسي مش هفكر في ام الهوايه دي اساسا علشان بجد الواحد قرف دول خدو 4 ايام حبس في مسدس رش بتاع عصافير علشان المعمل يكشف عن السلاح هل تم تغير ماسورته ولا لاء

مورو · 13-06-21, 04:16 PM

اقتباس:

المشاركة الأصلية كتبت بواسطة big man

الي حصل ده قلة ادب وسفاله

ولا تحسبن الله غافلا عما يعمل الظالمون

M.SHADY · 13-06-21, 05:03 PM

اقتباس:

المشاركة الأصلية كتبت بواسطة هشام سمير

هو ايه اللى اجراء عادى
مش لازم يكون فيه تحريات مباحث الاول وبيكون فيه تقرير سريه لكل منطقه من المخبرين ده تأليف
يروح يقدم شكوى فى لجنة حقوق الانسان

يا هشام انا بقول لو ( خصوصا لو اتقدم بلاغ الى قسم الشرطه بوجود افراد عندها اسلحه و تفرض السيطره بالقوه فى اى منطقه او تقوم بأعمال البلطجه)
و ليس حاله الشخص صاحب الموضوع بالعكس انا نفسى الداخليه تشد حيلها اكتر من كده شويه علشان تلم الناس اللى عندها سلاح غير شرعى فى البلد . و اقرب مثال الحادثه اللى حصلت مع المهندس محمد مكاوى زميلنا . و ربنا يرحمنا برحمته

M.SHADY · 13-06-21, 05:04 PM

اقتباس:

المشاركة الأصلية كتبت بواسطة مورو

ياكبير هما مالقيوش اي سلاح ناري يخدوهم اصلا ليه والناس تتحبس 4 ايام ليه علشان مسدس رش طب بيسمحوا انه يتباع في المحلات ليه لو هوا مش قانوني

ربنا كبير ان شاء الله و سوف يظهر الحق ان اجلا او عاجلا

avokato · 13-06-21, 05:50 PM

اعمل بلاغ في النيابه والداخليه بالشهود لان واضح ان مفيش اذن نيابه ومفيش حاله طوارئ في البلد وهتظبطهم

مورو · 13-06-21, 10:55 PM

اقتباس:

المشاركة الأصلية كتبت بواسطة avokato

اعمل بلاغ في النيابه والداخليه بالشهود لان واضح ان مفيش اذن نيابه ومفيش حاله طوارئ في البلد وهتظبطهم

بس بتهيألي يا افو ان لو العمليات الخاصه نازله لازم يكون معاهم اذن نيابه
وسؤال قانوني
الحوار ده ممكن يخلص على ايه وكل اللي اتمسك معاهم سكينة شاورمه صغيره وسكينه كبيره ومسدس رش وكرباج

avokato · 13-06-21, 11:11 PM

وكيل النيابه هيهزا الظابط بتاع التحرريات والي اتمسك هيطلع من غير كفاله

مورو · 13-06-21, 11:21 PM

يارب تخلص على خير

محمد مكاوى · 13-06-21, 11:43 PM

لا حول و لا قوة الا بالله
طيب يدورو على البلطجية الى ملين الشوارع و معاهم اسلحة نارية بجد

loverlover · 13-06-21, 11:53 PM

اقتباس:

المشاركة الأصلية كتبت بواسطة محمد مكاوى

لا حول و لا قوة الا بالله
طيب يدورو على البلطجية الى ملين الشوارع و معاهم اسلحة نارية بجد

باشا برجاء تصحيح حرف الهاء إلى حاء حتى تكون حول بدلا من هول
ولك خالص تحياتي ياكبير

Mohamed Mahmoud · 13-06-22, 12:00 AM

اقتباس:

المشاركة الأصلية كتبت بواسطة loverlover

باشا برجاء تصحيح حرف الهاء إلى حاء حتى تكون حول بدلا من هول
ولك خالص تحياتي ياكبير

تم.................

محمد مكاوى · 13-06-22, 12:16 AM

اقتباس:

المشاركة الأصلية كتبت بواسطة mohamed mahmoud

تم.................

شكرأ جزيلأ محمد باشا محمود

و اسف محمد بية شكرأ على التوضيح

telefighter · 13-06-22, 12:24 AM

لا حول و لاقوة الا بالله ... دا أكيد بلاغ كيدى وعامة خلى صاحبك يثبت على موقفه ويبدأ يدور على محام كويس وياريت لو يبعت تلغرافات على النائب العام يشرح له انه تم حبسه دون تهمة جنائية مؤكدة وانه يتظلم ويطرق كل ابواب من اول الخط الساخن للداخلية لحد الاعلام و الصحافة
وان شاء الله هتعدى على خير مدام صاحبك مظلوم

مورو · 13-06-22, 12:28 AM

اقتباس:

المشاركة الأصلية كتبت بواسطة محمد مكاوى

لا حول و لا قوة الا بالله
طيب يدورو على البلطجية الى ملين الشوارع و معاهم اسلحة نارية بجد

ماعرفش هما بيخافو من البلطجيه ولا ايه ربنا يسترها علشان الناس دي لو اتظلمت هتحصل مجزره
وحمدالله على سلامتك يامحمد

محمد مكاوى · 13-06-22, 12:33 AM

اقتباس:

المشاركة الأصلية كتبت بواسطة مورو

ماعرفش هما بيخافو من البلطجيه ولا ايه ربنا يسترها علشان الناس دي لو اتظلمت هتحصل مجزره
وحمدالله على سلامتك يامحمد

الله يسلمك و يحفظك

شكرأ على السوأل يا مورو دية حاجة مش غريبة عليك انتا انسان محترم

avokato · 13-06-22, 12:38 AM

ممكن ترخم عشان تاخد السكاكين والكرابيج دي شكلها كارت ارهاب لان المفروض قبل القوه متنزل بناء علي تحريات مباحث من ظابط مباحث القسم وموضوع ان عندك سكينه ولا مسدس ولا ولا عشان يبقي صح لازم يبقي فيه تحريات مسبقه بتفاصيل عن السلاح الي عندك الي بيطلع بناء عليه اذن نيابه بناء علي وصف التحريات وممكن تظبطهم وتاخد حقك ويبقي قضيه تعويض محترمه بس يكون فيه شهود وتلحق تطلب من القاضي سجل دفاتر الطلعات بتاعت المباحث والقسم والعمليات الخاصه من المديريه الي انت تابع ليها وتطلب منه بيان اذن النيابه او تختصم النيابه وتفشخهم كلهم وربنا معاك

مورو · 13-06-22, 12:42 AM

اقتباس:

المشاركة الأصلية كتبت بواسطة telefighter

لا حول و لاقوة الا بالله ... دا أكيد بلاغ كيدى وعامة خلى صاحبك يثبت على موقفه ويبدأ يدور على محام كويس وياريت لو يبعت تلغرافات على النائب العام يشرح له انه تم حبسه دون تهمة جنائية مؤكدة وانه يتظلم ويطرق كل ابواب من اول الخط الساخن للداخلية لحد الاعلام و الصحافة
وان شاء الله هتعدى على خير مدام صاحبك مظلوم

والله ربنا يسهل ومعاهم محامي ومحاميه كويسين وشكاوى ايه بس ياكبير الشكوى لغير الله مزله الناس ماتت ادام العالم كله في التحرير ومحدش جاب حقهم لحد دلوقتي ويحيا القضاء الشامخ دا كله بياخد براءات امال اللي ماتوا دول ايه يبقوا انتحروا

مورو · 13-06-22, 12:51 AM

اقتباس:

المشاركة الأصلية كتبت بواسطة avokato

ممكن ترخم عشان تاخد السكاكين والكرابيج دي شكلها كارت ارهاب لان المفروض قبل القوه متنزل بناء علي تحريات مباحث من ظابط مباحث القسم وموضوع ان عندك سكينه ولا مسدس ولا ولا عشان يبقي صح لازم يبقي فيه تحريات مسبقه بتفاصيل عن السلاح الي عندك الي بيطلع بناء عليه اذن نيابه بناء علي وصف التحريات وممكن تظبطهم وتاخد حقك ويبقي قضيه تعويض محترمه بس يكون فيه شهود وتلحق تطلب من القاضي سجل دفاتر الطلعات بتاعت المباحث والقسم والعمليات الخاصه من المديريه الي انت تابع ليها وتطلب منه بيان اذن النيابه او تختصم النيابه وتفشخهم كلهم وربنا معاك

ربنا يسترها وبجد الواحد بقى على اخره من البلد دي والناس دي عايزه تاكل عيش مش فاضيه للشكاوى والقرف ده

avokato · 13-06-22, 12:51 AM

التحرير مهما ان كان مكان عام وفيها شيوع عشان الاعداد وعدم التاكد من مطلق النار والقاضي يبرا ظالم ولايظلمش برئ انما البيت وحرمته حياه خاصه مصونه في الدستور والشريعه وكل الاتفاقيات الخاصه بحقوق الانسان الي مصر وقعت عليها

loverlover · 13-06-22, 01:09 AM

اقتباس:

المشاركة الأصلية كتبت بواسطة محمد مكاوى

شكرأ جزيلأ محمد باشا محمود

و اسف محمد بية شكرأ على التوضيح

آسف على إيه بس ياكبير .. إحنا إخوات وواجبي إني أنبهك مرة وانت تتصحني مرة .. في بيتها يعني ياكبير

telefighter · 13-06-22, 01:11 AM

10000 likeeeee

THE BUTCHER · 13-06-22, 04:32 AM

سيدي الفاضل صاحب الموضوع حضرتك بتقول خد اربع ايام علي ذمه القضيه ... محامي حضرتك ليه مشافش المحضر الضد و المباحث الي دخلت دي كان معاها امر تفتيش من النيابه وضبط واحضار ولا لا ... لان لو لا المفروض المحامي بيدخل لوكيل النيابه وبيعمل محضر في نفس الوقت ضد اجرات التفتيش والحرز ...
وكمان الحبس لازم يتقدم قدامه مذكره لامكانيه الافراج بضمان محل الاقامه لحين البت في السلاح ....
واخيراا حضرتك دور علي من قام بمثل هذا الامر لانه سيكرره مره تانيه

محمد خلف · 13-06-22, 07:48 PM

صاحبك ممكن يرفع عليهم قضيه محترمه جدا و يظبطهم
بس هما بردو بيشوفو شغلهم
صحيح كالعاده بييجو عالغلبان و المحترم
عشان قليل الادب و البلطجي بيرد عليهم الكلمه برصاص بيخافو منه
بس صاحبك متقدم فيه بلاغ ممكن يكون كيدي او وراه غرض تاني
خليه يشوف مين الي قدم البلاغ

سعد بعرنجة · 13-06-22, 08:06 PM

معلش يا صديقى هى دى الحكومة بتاعتنا بس مش ملاحظ حاجة ( انه خاد 4 ايام على ذمة التحقبق) مع ان البلطجية الظبوطين متلبسين بالسلاح بيطلعوا براءة( انا وصلت لحاجة والله انا بكام جد وهى ان وكلاء النيابة بيطلقوا سراح الصيع والبلطجية عشان خايقين منهم
ولكن الواضح من كلامك ان صاحبك ده لراجل محترم وعشان كده هيتحبس فى مسدس رش وعجبى

مورو · 13-06-23, 01:22 AM

اقتباس:

المشاركة الأصلية كتبت بواسطة the butcher

سيدي الفاضل صاحب الموضوع حضرتك بتقول خد اربع ايام علي ذمه القضيه ... محامي حضرتك ليه مشافش المحضر الضد و المباحث الي دخلت دي كان معاها امر تفتيش من النيابه وضبط واحضار ولا لا ... لان لو لا المفروض المحامي بيدخل لوكيل النيابه وبيعمل محضر في نفس الوقت ضد اجرات التفتيش والحرز ...
وكمان الحبس لازم يتقدم قدامه مذكره لامكانيه الافراج بضمان محل الاقامه لحين البت في السلاح ....
واخيراا حضرتك دور علي من قام بمثل هذا الامر لانه سيكرره مره تانيه

اتقدم حضرتك وقالولهم هايخرجوا بكفاله 1000 لكل واحد وفي نفس اليوم قبل مايخرجوا المحامي كلمهم وقالهم النيابه رافضه تخرجهم واستأنفت والراجل اللي عامل المحضر اخو صديقي شاف صورة بطاقته متدبسه في الورق بس مش راضي يقول هوا مين علشان اخواته مايبوظهوش

مورو · 13-06-23, 02:03 AM

اقتباس:

المشاركة الأصلية كتبت بواسطة محمد خلف

صاحبك ممكن يرفع عليهم قضيه محترمه جدا و يظبطهم
بس هما بردو بيشوفو شغلهم
صحيح كالعاده بييجو عالغلبان و المحترم
عشان قليل الادب و البلطجي بيرد عليهم الكلمه برصاص بيخافو منه
بس صاحبك متقدم فيه بلاغ ممكن يكون كيدي او وراه غرض تاني
خليه يشوف مين الي قدم البلاغ

لا مش شغلهم يكسروا ابواب بيوت الناس ويدخلوا ع الناس وانت عارف ان الدنيا حر والناس كلها بتقعد في البيوت بملابس خفيفه ينفع يدخلوا كده دي قلة ادب ووساخه

وقلبوا البيت عاليه واطيه ولا في دمغاهم اي حاجه

محمد خلف · 13-06-23, 03:08 PM

اقتباس:

المشاركة الأصلية كتبت بواسطة مورو

لا مش شغلهم يكسروا ابواب بيوت الناس ويدخلوا ع الناس وانت عارف ان الدنيا حر والناس كلها بتقعد في البيوت بملابس خفيفه ينفع يدخلوا كده دي قلة ادب ووساخه

وقلبوا البيت عاليه واطيه ولا في دمغاهم اي حاجه

انت مفهمتنيش على فكره
انا لما قلت شغلهم كنت بتريق
لان شغلهم يمسكو الي يستاهل مش الناس الي قاعده فبيوتها ملهاش دعوه بحد
و قلت ان صاحبك ممكن يعمل في الظباط دول شكاوى يخليهم ييجو يبوسو رجله عشان ميتجازوش بسبب الشكاوى دي
و ممكن ياخد تعويض محترم بالمحكمه كمان
و يقعد الظابط المسؤول عن المسخره دي في بيتهم
و قلت كمان انه يشوف الي عمل البلاغ لانهم مش هيتحركو كده الا اذا كان صاحب البلاغ دا واصل

مورو · 13-06-24, 12:39 AM

اقتباس:

المشاركة الأصلية كتبت بواسطة سعد بعرنجة

معلش يا صديقى هى دى الحكومة بتاعتنا بس مش ملاحظ حاجة ( انه خاد 4 ايام على ذمة التحقبق) مع ان البلطجية الظبوطين متلبسين بالسلاح بيطلعوا براءة( انا وصلت لحاجة والله انا بكام جد وهى ان وكلاء النيابة بيطلقوا سراح الصيع والبلطجية عشان خايقين منهم
ولكن الواضح من كلامك ان صاحبك ده لراجل محترم وعشان كده هيتحبس فى مسدس رش وعجبى

فعلا والله هما ناس محترمه بس ياترى الناس دي بعد البهدله لما هيخرجوا معاملتهم للشرطه والحكومه هتكون ازاي

مورو · 13-06-24, 12:40 AM

اقتباس:

المشاركة الأصلية كتبت بواسطة محمد خلف

انت مفهمتنيش على فكره
انا لما قلت شغلهم كنت بتريق
لان شغلهم يمسكو الي يستاهل مش الناس الي قاعده فبيوتها ملهاش دعوه بحد
و قلت ان صاحبك ممكن يعمل في الظباط دول شكاوى يخليهم ييجو يبوسو رجله عشان ميتجازوش بسبب الشكاوى دي
و ممكن ياخد تعويض محترم بالمحكمه كمان
و يقعد الظابط المسؤول عن المسخره دي في بيتهم
و قلت كمان انه يشوف الي عمل البلاغ لانهم مش هيتحركو كده الا اذا كان صاحب البلاغ دا واصل

يا كبير انا مش زعلان من ردك احنا بنتناقش بس مش اكتر

مورو · 13-06-24, 12:42 AM

وعلى فكرة الناس خرجت النهارده بكفاله 5000 جنيه لكل واحد يعني دفعوا 10000 جنيه دا بقى يرضي ربنا

MBadr · 13-06-24, 08:23 AM

الحمد لله انهم خرجوا بالسلامه يا مورو وده اكيد بلاغ كيدى ولازم يعرفوا من مين والداخليه للاسف زى ما هي ولابد من تطهرها أو ضخ دماء نظيفه فيها وكفاله 10000 جنيه منهم لله ده مسدس رش حسبى الله ونعم الوكيل فى كل من يكيل بميكيلين وعند الملك ترد المظالم

avokato · 13-06-24, 11:06 AM

اقتباس:

المشاركة الأصلية كتبت بواسطة محمد خلف

انت مفهمتنيش على فكره
انا لما قلت شغلهم كنت بتريق
لان شغلهم يمسكو الي يستاهل مش الناس الي قاعده فبيوتها ملهاش دعوه بحد
و قلت ان صاحبك ممكن يعمل في الظباط دول شكاوى يخليهم ييجو يبوسو رجله عشان ميتجازوش بسبب الشكاوى دي
و ممكن ياخد تعويض محترم بالمحكمه كمان
و يقعد الظابط المسؤول عن المسخره دي في بيتهم
و قلت كمان انه يشوف الي عمل البلاغ لانهم مش هيتحركو كده الا اذا كان صاحب البلاغ دا واصل

كلامك صح واتمني يكملوا الموضوع ومحدش هيعاملهم وحش اكتر من الي حصل معاهم عشان يبقوا خايفين من المعامله الوحشه

مورو · 13-06-25, 01:01 AM

اقتباس:

المشاركة الأصلية كتبت بواسطة avokato

كلامك صح واتمني يكملوا الموضوع ومحدش هيعاملهم وحش اكتر من الي حصل معاهم عشان يبقوا خايفين من المعامله الوحشه

الناس قدموا 3 شكاوي منهم واحده للنائب العام وعلى فكرة الناس دي مابتخفش غير من اللي خلقها وبيقولوا للظالم انت ظالم في وشه

avokato · 13-06-25, 01:24 AM

اقتباس:

المشاركة الأصلية كتبت بواسطة مورو

الناس قدموا 3 شكاوي منهم واحده للنائب العام وعلى فكرة الناس دي مابتخفش غير من اللي خلقها وبيقولوا للظالم انت ظالم في وشه

خلي المحامي يدعي مدني في القضيه او يرفع تعويض منفصل وهياخد مبلغ محترم جدا جدا علي فكره

ابو مروان · 13-06-25, 01:24 AM

بص يا باشا............الواقعة انت حكيتها ودى واقعة الضبط بس المهم المكتوب فى المحضر يعنى الورق بيقول اية؟ هل فية اذن نيابة والا معمول محضر تلبس؟ والرواية اللى فى محضر النيابة هى اللى هاتمشى وهاتتحدد بناء عليها القضية كلها والكفالة دى فى حالة البراءة بيستردوها تانى......لازم عشان افيد حضرتك اعرف المحضر مكتوب فية اية....هل فية اذن نيابة...؟ والا عملوا محضر تلبس لاسيما محرز الكرباج والمسدس والسكاكين...لان حيازة السكاكين او السيوف طالما داخل المنزل فهى غير معاقب عليها ..............

مورو · 13-06-26, 11:35 PM

اقتباس:

المشاركة الأصلية كتبت بواسطة avokato

خلي المحامي يدعي مدني في القضيه او يرفع تعويض منفصل وهياخد مبلغ محترم جدا جدا علي فكره

ربنا يسهل يا افو ومعلش تعبتك معايا

مورو · 13-06-26, 11:36 PM

اقتباس:

المشاركة الأصلية كتبت بواسطة ابو مروان

بص يا باشا............الواقعة انت حكيتها ودى واقعة الضبط بس المهم المكتوب فى المحضر يعنى الورق بيقول اية؟ هل فية اذن نيابة والا معمول محضر تلبس؟ والرواية اللى فى محضر النيابة هى اللى هاتمشى وهاتتحدد بناء عليها القضية كلها والكفالة دى فى حالة البراءة بيستردوها تانى......لازم عشان افيد حضرتك اعرف المحضر مكتوب فية اية....هل فية اذن نيابة...؟ والا عملوا محضر تلبس لاسيما محرز الكرباج والمسدس والسكاكين...لان حيازة السكاكين او السيوف طالما داخل المنزل فهى غير معاقب عليها ..............

شكرا ياكبير وانا معرفش المكتوب بالظبط ايه وربنا يسهلها من عنده

13-06-21, 03:40 AM	#1
مورو صياد قديم اوسمتي مجموع الاوسمة: 1 تاريخ التسجيل: Mar 2011 المدينه: القاهرة , شبرا مصر المشاركات: 2,982 معدل تقييم المستوى: 235	مداهمه حقيقيه لمنزل صديق لي السلام عليكم ورحمة الله وبركاته اللي هحكيه ده مش قصة متألفه دا حصل حقيقي امبارح الساعه 2.5 صباحا عدى من المنطقه عندنا 3 او 4 عربيات للشرطه ودخلوا على منزل صديقي المنزل مكون من 3 ادوار ونزل من العربيات عدد قليل جدا من المباحث وامناء الشرطه المعروفين في المنطقة عندنا والباقين كلهم مقنعين مش باين منهم غير العنين والانف ووقف مجموعه امام كل شقه واقتحموا الشقق في وقت واحد بعد كسر الابواب والحوار اللي دار بين صديقي وبين اول واحد شافه في الشقه صديقي : ايه ده ايه ده فيه ايه الضابط : اصبر شويه صديقي :اصبر ايه ياعم فيه ايه وعايزين ايه وفي حد يدخل بيوت الناس بالطريقه دي الضابط :قولتلك اصبر شويه صديقي : يعني انتوا ترضوا حد يدخل عليكم كده طب اقف ياعم انت وهوا مكانك وفهموني فيه ايه الضابط : انت متقدم فيك بلاغ انك انت وواحد من اخواتك عندكم سلاح وبتضربوا نار فوق السطح باستمرار وهعايزين نفتش الشقه . وبالمناسبه ياجماعه الحوار ده دار امام الحجرة اللي دخلت فيها زوجت صديقي واولاد والباقين كانوا بيفتشوا في باقي الشقه صديقي : ثانيه واحد اخرج المدام الضابط : خرجها زوجة صديقي لبست طرحه علشان تغطي شعرها وصديقي بيخرجها هما دخلوا على طول وزوجة صديقي قالت ممكن ثانيه واحده البس النقاب ورد عليها الضابط الضابط لو عايزة تعملي حاجه اعمليها واحنا واقفين. صديقي خد زوجته ونزلها تحت في شقة والدته الضابط : انت عندك سلاح ناري صديقي : لا ماعنديش اي اسلاحه واحد من اللي بيفتشوا دخل المطبخ وجاب 4 سكاكين وخرج وقال ايه دول صديقي سكاكين انت جايبها من المطبخ هتكون ايه يعني الضابط لقى فيهم سكينة شاورمه وقال للي جابهم من المطبخ خد ديه وسيب الباقين وهما بيفتشوا لقوا فوق الدولاب سكينه كبير بتاعة الدبيح والضابط قال لصديقي ايه ده بقى صديقي سكينة دبيح وكنت واقف بيها ايام الثورة في الشارع علشان معندناش سلاح نقف بيه الضابط طب البس هدومك وتعالى صديقي قالوا اما اطمن على اخواتي الاول ونزلوا للدور اللي تحتهم والضابط قال لصديقي انت هتزل كده صديقي : اه هنزل كده ( صديقي كان بالبوكسر فقط) نزلو للدور اللي تحت واخوه كان عنده مسدس رش قديم نمره واحد وبايظ مش شغال وعنده كرباج سوداني متعلق على الحيطه وصديقي لبس هدومه هوا واخواته ونزلو معاهم واخوا صديقي الصغي اسمه مش معهاهم وهما في الشارع قالهم انا هاجي معاكم ( اخوا صديقي الصغير عمره 22 سنه ) وصديقي 33 وخوه الكبير حوالي 39 سنه واحد من الضباط بتون العمليات الخاصه اللي هما مقنعين بيكلم اخو صديقي بأسلوب وحش الواد مسك فيه والاهالي اتلمت عليهم وكانت هتبقى مجزرة صديقي واخوه الكبير مشوا الناس وهدوا الموضوع واللي راح معاهم اخو صديقي الكبير والصغير وصديقي مارحش معاهم. والنهارده الصبح اخدوا حبس اربع ايام على زمة التحقيق لحين الكشف على السلاح هل هوا معدل وتم تغير الماسورة ام لا .( دا اللي هوا المسدس الرش ) السؤال بقى هنا اللي بيحصل ده حرام ولا مش حرام والناس تاخد حقها من الحكومه ازاي مع العلم ان الناس دي اول مره تدخل قسم شرطه ولا تحسبن الله غافلا عما يعمل الظالمون __________________ وَلاَ تَحْسَبَنَّ اللّهَ غَافِلاً عَمَّا يَعْمَلُ الظَّالِمُونَ إِنَّمَا يُؤَخِّرُهُمْ لِيَوْمٍ تَشْخَصُ فِيهِ الأَبْصَارُ

13-06-21, 03:59 AM	#2
ĴΘĶЄЯ صياد قديم اوسمتي مجموع الاوسمة: 1 تاريخ التسجيل: Nov 2011 المدينه: αℓєχαη∂яια المشاركات: 3,251 معدل تقييم المستوى: 230	رد: مداهمه حقيقيه لمنزل صديق لي سبحانك يارب كل ده علشان بيضرب نار فوق السطوح طيب ما ينزلو عندنا الي كل يوم ضرب الي في الشارع وحتي الفجر مش راحمينا خلاص دلوقتي الصغيرين هما الي بيروحو والكبار قاعدين يتفرجو زمن العجب __________________ المهارة تصيب هدفاً لايمكن لأحدٍ أن يصيبه..أما العبقرية فتصيب هدفاً لايمكن لأحدٍأن يراه ツ

13-06-21, 11:21 AM	#3
وليد سالم المشرف العام اوسمتي مجموع الاوسمة: 1 تاريخ التسجيل: May 2013 المدينه: القاهره المشاركات: 2,690 معدل تقييم المستوى: 353	رد: مداهمه حقيقيه لمنزل صديق لي كفااااااااااااااااره يا رااااااجل المهم صاحبك خرج دلوقتي ولا ايه اللي حصل __________________ حين سكت اهل الحق عن الباطل توهم اهل الباطل انهم علي حق """" علي ابن ابي طالب

13-06-21, 11:24 AM	#4
وليد سالم المشرف العام اوسمتي مجموع الاوسمة: 1 تاريخ التسجيل: May 2013 المدينه: القاهره المشاركات: 2,690 معدل تقييم المستوى: 353	رد: مداهمه حقيقيه لمنزل صديق لي 4 ايام حبس عشان مسدس رش ؟؟؟؟؟؟؟؟؟؟؟؟؟؟؟؟؟؟؟؟؟؟؟؟ اية الهبل بتاع الشرطة ده امال هيعملوا ايه مع بتوع الخرطوش والمولوتوف والسلاح الابيض والبلطجية الموضوع ده اكيد فيه مغرز من حد مش تمام وعايز يعمل مشاكل لصاحبك مش جاي صدفة كده __________________ حين سكت اهل الحق عن الباطل توهم اهل الباطل انهم علي حق """" علي ابن ابي طالب

13-06-21, 11:31 AM	#5
loverlover عضو مميز جداً تاريخ التسجيل: Dec 2011 المدينه: الاسكندرية المشاركات: 2,889 معدل تقييم المستوى: 332	رد: مداهمه حقيقيه لمنزل صديق لي لا حول ولا قوة الا بالله انا مش عارف الحكومة دي عايزة ايه بالظبط ؟؟؟ قدر الله وماشاء فعل وان شاء الله ربنا يفك كربهم ويعديلهم الموضوع على خير __________________ http://im34.gulfup.com/JKTwd.jpg

13-06-21, 11:40 AM	#6
M.SHADY مشرف قسم السوق و المسابقات اوسمتي مجموع الاوسمة: 1 تاريخ التسجيل: Mar 2012 المدينه: القاهره المشاركات: 2,474 معدل تقييم المستوى: 230	رد: مداهمه حقيقيه لمنزل صديق لي اللى حصل ده شىء طبيعى جدا و اجراء ضرورى . خصوصا لو اتقدم بلاغ الى قسم الشرطه بوجود افراد عندها اسلحه و تفرض السيطره بالقوه فى اى منطقه او تقوم بأعمال البلطجه . و انا شايف ان دى حاجه كويسه جدا . المشكله بقى فى الشخص اللى قدم البلاغ الوهمى ده فى قسم الشرطه بغرض الشوشره على واحد عادى مش بلطجى يعنى و لا حاجه و ان شاء الله ربنا كبير و و الموضوع هيتحل __________________ http://img849.imageshack.us/img849/600/o642.jpg اللهم لك الحمد كما ينبغى لجلال وجهك و عظيم سلطانك

13-06-21, 01:59 PM	#9
besho صياد قديم تاريخ التسجيل: Jan 2012 المشاركات: 1,270 معدل تقييم المستوى: 90	رد: مداهمه حقيقيه لمنزل صديق لي طب انا عندي استفسار لو لقو بندقيه رش هيعملوا ايه __________________ ان خانتك قيم المبادئ فاحرص ان لا تخونك قيم الرجوله عايش في اكبر سجن بس من جوايا حر مهما راحت روح الفكره مش هتموت الحريه مش كلام الحرية طلعت اوهام كيرو

13-06-21, 02:03 PM	#10
big man صياد قديم تاريخ التسجيل: Nov 2011 المدينه: تحت الارض المشاركات: 1,854 معدل تقييم المستوى: 63	رد: مداهمه حقيقيه لمنزل صديق لي الي حصل ده قلة ادب وسفاله __________________ القوة الحقيقية في العقل وليس في العضلات

13-06-21, 05:50 PM	#22
avokato مشرف قسم التسليح المصري و العالمي اوسمتي مجموع الاوسمة: 2 تاريخ التسجيل: Mar 2011 المدينه: شبرا مصر المشاركات: 3,610 معدل تقييم المستوى: 275	رد: مداهمه حقيقيه لمنزل صديق لي اعمل بلاغ في النيابه والداخليه بالشهود لان واضح ان مفيش اذن نيابه ومفيش حاله طوارئ في البلد وهتظبطهم __________________ يا أيــهُا الرآجونْ مِنْهُ شَفاعَة , صَلوا عَليه وسَلموا تسَليمْـــــــا

13-06-21, 11:11 PM	#24
avokato مشرف قسم التسليح المصري و العالمي اوسمتي مجموع الاوسمة: 2 تاريخ التسجيل: Mar 2011 المدينه: شبرا مصر المشاركات: 3,610 معدل تقييم المستوى: 275	رد: مداهمه حقيقيه لمنزل صديق لي وكيل النيابه هيهزا الظابط بتاع التحرريات والي اتمسك هيطلع من غير كفاله __________________ يا أيــهُا الرآجونْ مِنْهُ شَفاعَة , صَلوا عَليه وسَلموا تسَليمْـــــــا

13-06-21, 11:21 PM	#25
مورو صياد قديم اوسمتي مجموع الاوسمة: 1 تاريخ التسجيل: Mar 2011 المدينه: القاهرة , شبرا مصر المشاركات: 2,982 معدل تقييم المستوى: 235	رد: مداهمه حقيقيه لمنزل صديق لي يارب تخلص على خير __________________ وَلاَ تَحْسَبَنَّ اللّهَ غَافِلاً عَمَّا يَعْمَلُ الظَّالِمُونَ إِنَّمَا يُؤَخِّرُهُمْ لِيَوْمٍ تَشْخَصُ فِيهِ الأَبْصَارُ

13-06-21, 11:43 PM	#26
محمد مكاوى خبير محدثات الصوت اوسمتي مجموع الاوسمة: 2 تاريخ التسجيل: Jul 2012 المدينه: المهندسين المشاركات: 2,028 معدل تقييم المستوى: 204	رد: مداهمه حقيقيه لمنزل صديق لي لا حول و لا قوة الا بالله طيب يدورو على البلطجية الى ملين الشوارع و معاهم اسلحة نارية بجد __________________ http://imageshack.us/scaled/landing/838/zig2.gif

13-06-22, 12:24 AM	#30
telefighter صياد متقدم تاريخ التسجيل: Mar 2012 المشاركات: 533 معدل تقييم المستوى: 7	رد: مداهمه حقيقيه لمنزل صديق لي لا حول و لاقوة الا بالله ... دا أكيد بلاغ كيدى وعامة خلى صاحبك يثبت على موقفه ويبدأ يدور على محام كويس وياريت لو يبعت تلغرافات على النائب العام يشرح له انه تم حبسه دون تهمة جنائية مؤكدة وانه يتظلم ويطرق كل ابواب من اول الخط الساخن للداخلية لحد الاعلام و الصحافة وان شاء الله هتعدى على خير مدام صاحبك مظلوم

13-06-22, 12:38 AM	#33
avokato مشرف قسم التسليح المصري و العالمي اوسمتي مجموع الاوسمة: 2 تاريخ التسجيل: Mar 2011 المدينه: شبرا مصر المشاركات: 3,610 معدل تقييم المستوى: 275	رد: مداهمه حقيقيه لمنزل صديق لي ممكن ترخم عشان تاخد السكاكين والكرابيج دي شكلها كارت ارهاب لان المفروض قبل القوه متنزل بناء علي تحريات مباحث من ظابط مباحث القسم وموضوع ان عندك سكينه ولا مسدس ولا ولا عشان يبقي صح لازم يبقي فيه تحريات مسبقه بتفاصيل عن السلاح الي عندك الي بيطلع بناء عليه اذن نيابه بناء علي وصف التحريات وممكن تظبطهم وتاخد حقك ويبقي قضيه تعويض محترمه بس يكون فيه شهود وتلحق تطلب من القاضي سجل دفاتر الطلعات بتاعت المباحث والقسم والعمليات الخاصه من المديريه الي انت تابع ليها وتطلب منه بيان اذن النيابه او تختصم النيابه وتفشخهم كلهم وربنا معاك __________________ يا أيــهُا الرآجونْ مِنْهُ شَفاعَة , صَلوا عَليه وسَلموا تسَليمْـــــــا

13-06-22, 12:51 AM	#36
avokato مشرف قسم التسليح المصري و العالمي اوسمتي مجموع الاوسمة: 2 تاريخ التسجيل: Mar 2011 المدينه: شبرا مصر المشاركات: 3,610 معدل تقييم المستوى: 275	رد: مداهمه حقيقيه لمنزل صديق لي التحرير مهما ان كان مكان عام وفيها شيوع عشان الاعداد وعدم التاكد من مطلق النار والقاضي يبرا ظالم ولايظلمش برئ انما البيت وحرمته حياه خاصه مصونه في الدستور والشريعه وكل الاتفاقيات الخاصه بحقوق الانسان الي مصر وقعت عليها __________________ يا أيــهُا الرآجونْ مِنْهُ شَفاعَة , صَلوا عَليه وسَلموا تسَليمْـــــــا

13-06-22, 01:11 AM	#38
telefighter صياد متقدم تاريخ التسجيل: Mar 2012 المشاركات: 533 معدل تقييم المستوى: 7	رد: مداهمه حقيقيه لمنزل صديق لي 10000 likeeeee

13-06-22, 04:32 AM	#39
THE BUTCHER صياد نشيط تاريخ التسجيل: Feb 2012 المدينه: الجيزه المشاركات: 398 معدل تقييم المستوى: 8	رد: مداهمه حقيقيه لمنزل صديق لي سيدي الفاضل صاحب الموضوع حضرتك بتقول خد اربع ايام علي ذمه القضيه ... محامي حضرتك ليه مشافش المحضر الضد و المباحث الي دخلت دي كان معاها امر تفتيش من النيابه وضبط واحضار ولا لا ... لان لو لا المفروض المحامي بيدخل لوكيل النيابه وبيعمل محضر في نفس الوقت ضد اجرات التفتيش والحرز ... وكمان الحبس لازم يتقدم قدامه مذكره لامكانيه الافراج بضمان محل الاقامه لحين البت في السلاح .... واخيراا حضرتك دور علي من قام بمثل هذا الامر لانه سيكرره مره تانيه __________________ ومن كثر كلامه كثر سقطه ، ومن كثر سقطه قل حياؤه .... ومن قل حياؤه قل ورعه ، ومن قل ورعه مات قلبه .

13-06-22, 07:48 PM	#40
محمد خلف مشرف قسم الصيد البرى تاريخ التسجيل: Aug 2012 المدينه: بورسعيد المشاركات: 998 معدل تقييم المستوى: 96	رد: مداهمه حقيقيه لمنزل صديق لي صاحبك ممكن يرفع عليهم قضيه محترمه جدا و يظبطهم بس هما بردو بيشوفو شغلهم صحيح كالعاده بييجو عالغلبان و المحترم عشان قليل الادب و البلطجي بيرد عليهم الكلمه برصاص بيخافو منه بس صاحبك متقدم فيه بلاغ ممكن يكون كيدي او وراه غرض تاني خليه يشوف مين الي قدم البلاغ __________________ لئن فغر الخطر فاه ، فأدخل رأسك فيه .. لئن غزا الخطر قلبك ، فأغز قلبه .. لئن جرى الخطر ، خلفك فلتتوقف .. انتظره ..

13-06-22, 08:06 PM	#41
سعد بعرنجة صياد جديد تاريخ التسجيل: Sep 2012 المشاركات: 18 معدل تقييم المستوى: 5	رد: مداهمه حقيقيه لمنزل صديق لي معلش يا صديقى هى دى الحكومة بتاعتنا بس مش ملاحظ حاجة ( انه خاد 4 ايام على ذمة التحقبق) مع ان البلطجية الظبوطين متلبسين بالسلاح بيطلعوا براءة( انا وصلت لحاجة والله انا بكام جد وهى ان وكلاء النيابة بيطلقوا سراح الصيع والبلطجية عشان خايقين منهم ولكن الواضح من كلامك ان صاحبك ده لراجل محترم وعشان كده هيتحبس فى مسدس رش وعجبى

13-06-24, 12:42 AM	#47
مورو صياد قديم اوسمتي مجموع الاوسمة: 1 تاريخ التسجيل: Mar 2011 المدينه: القاهرة , شبرا مصر المشاركات: 2,982 معدل تقييم المستوى: 235	رد: مداهمه حقيقيه لمنزل صديق لي وعلى فكرة الناس خرجت النهارده بكفاله 5000 جنيه لكل واحد يعني دفعوا 10000 جنيه دا بقى يرضي ربنا __________________ وَلاَ تَحْسَبَنَّ اللّهَ غَافِلاً عَمَّا يَعْمَلُ الظَّالِمُونَ إِنَّمَا يُؤَخِّرُهُمْ لِيَوْمٍ تَشْخَصُ فِيهِ الأَبْصَارُ

13-06-24, 08:23 AM	#48
MBadr صياد قديم اوسمتي مجموع الاوسمة: 1 تاريخ التسجيل: Jun 2012 المدينه: القاهرة المشاركات: 2,645 معدل تقييم المستوى: 419	رد: مداهمه حقيقيه لمنزل صديق لي الحمد لله انهم خرجوا بالسلامه يا مورو وده اكيد بلاغ كيدى ولازم يعرفوا من مين والداخليه للاسف زى ما هي ولابد من تطهرها أو ضخ دماء نظيفه فيها وكفاله 10000 جنيه منهم لله ده مسدس رش حسبى الله ونعم الوكيل فى كل من يكيل بميكيلين وعند الملك ترد المظالم __________________ وَمَا رَمَيْتَ إِذْ رَمَيْتَ وَلَكِنَّ اللَّهَ رَمَى وجاء في السنن عن عقبة بن عامر، قال الرسول صلى الله عليه وسلم: « إن الله يدخل بالسهم الواحد ثلاثة أنفار الجنة، صانعه المحتسب في عمله الخير، والرامي به، والممدد به »، وفي لفظ آخر: « ومنيله، فأرموا واركبوا، وأن ترموا أحب من أن تركبوا، كل لهو باطل، ليس من اللهو محمود إلا ثلاثة: تأديب الرجل لفرسه، وملاعبته أهله، ورميه بقوسه ونبله، إنهن من الحق ومن ترك الرمي بعد ما علمه رغبة فإنها نعمة تركها، (أو قال: كفرها)».

13-06-25, 01:24 AM	#52
ابو مروان مشرف الاقسام العامه اوسمتي مجموع الاوسمة: 1 تاريخ التسجيل: Dec 2010 المدينه: مصر المحروسة المشاركات: 1,892 معدل تقييم المستوى: 215	رد: مداهمه حقيقيه لمنزل صديق لي بص يا باشا............الواقعة انت حكيتها ودى واقعة الضبط بس المهم المكتوب فى المحضر يعنى الورق بيقول اية؟ هل فية اذن نيابة والا معمول محضر تلبس؟ والرواية اللى فى محضر النيابة هى اللى هاتمشى وهاتتحدد بناء عليها القضية كلها والكفالة دى فى حالة البراءة بيستردوها تانى......لازم عشان افيد حضرتك اعرف المحضر مكتوب فية اية....هل فية اذن نيابة...؟ والا عملوا محضر تلبس لاسيما محرز الكرباج والمسدس والسكاكين...لان حيازة السكاكين او السيوف طالما داخل المنزل فهى غير معاقب عليها ..............