![]() |
|
التعليمـــات | قائمة الأعضاء | المجموعات الإجتماعية | التقويم | البحث | مشاركات اليوم | اجعل كافة الأقسام مقروءة |
ابتكارات و اختراعات الاعضاء كل مايتعلق بابتكارات و اختراعات الاعضاء الحصرية فى مجالات الاسلحة بمختلف انواعها |
![]() |
أدوات الموضوع | إبحث في الموضوع | انواع عرض الموضوع |
![]() |
#1 |
عضو مميز جداً
تاريخ التسجيل: Jul 2012
المشاركات: 508
معدل تقييم المستوى: 128 ![]() ![]() ![]() ![]() ![]() ![]() ![]() ![]() ![]() ![]() ![]() |
![]()
صباح الفل يا اجدع صيادين
دا لينك الموضوع القديم http://www.egyhunt.net/showthread.php?t=36976 المهم بقا كنت بخرج انا وابوحميد نصطاد فى اجازة نص السنة وبعدين دخل المدرسة وبعدين بقيت اخرج لوحدى فى نص الأسبوع وبعدين ابتديت اعمل لنفسى شنطة محندقة تتعلق فى الكتف وبعدين.......ماتدخل فى الموضوع زهقتنا ههههههههههههه وبعدين بقا التاوتاو شيلة خاصة والشنطة صغيرة ومحندقة قوم اية قولت لنفسى انا لازم اعمل واحد نونو قومت عملت دة التاوتاو الشراب هههههههههههههههه شراب اة شراب اصلى لما عملتة قومت مدخلة فى فردة شراب قام احمد ابنى سماة تاوتاو شراب ههههههههههه بقولة يابنى هات التاوتاو الصغير قالى الشراب هههههههههه طبعا الواحد لما يخرج لوحدة مابيبقاش عاوز يشيل حاجات تقيلة عشان مايجهدش نفسة ودراعاتة ودا طبعا هيأثر على نشاناتة المهم تم اختصار حاجات كتير اولا هتغلى الشاى فى كوب استانلس وهتشرب فية كمان وبيت النار عبارة عن كوز صلصة والشاى والسكر يكفيك لحد 10 كوب يعنى مش مضطر تعبية كل خروجة ![]() Uploaded with ImageShack.us ![]() Uploaded with ImageShack.us ![]() Uploaded with ImageShack.us ![]() Uploaded with ImageShack.us ![]() Uploaded with ImageShack.us المكونات كوب استانلس بيد كوز صلصة معلقة بطرمان صغير شاى بطرمان صغير سكر قزازة دوا كحة للسبرتو ولاعة سلك صغير تشكلة بايدك بالكماشة عشان تحط الكوباية علية كمان عازل حرارى اللى هو الأصفر اللى على ايد الكوباية ![]() Uploaded with ImageShack.us ![]() Uploaded with ImageShack.us ![]() Uploaded with ImageShack.us ![]() Uploaded with ImageShack.us ![]() Uploaded with ImageShack.us ![]() Uploaded with ImageShack.us المهم بقا تخرم الكوز وتفتحة زى الصورة حلو الكلام وبعد كدة تحط فى الكوز شوية سبرتو وتبل ديل المعلقة سبرتو وتولع فيها وبعدين تقربها من السبرتو اللى فى الكوز هيولع وتكون ضفت السلكة فى الخرم اللى انت عملتة فوق عشان تحط علية الكوباية وتحط الكوباية وتغلى المية عاوزة مغلى ماشى عاوزة كشرى ماشى براحتك و اشرب بالهنا والشفا وممكن تلف علية عازل حرارى على ايد الكوباية وهو المتر بخمسين قرش وتلاقية عند بتوع قطع غيار الألكترونيات والمكاوى عشان ماتتلسعش خالص لو النار الهوا جابها ناحية الأيد المهم بقا التاو تاو دة مش هتعرف تطفية عشان كدة ماتحطش سبرتو كتير حط على قد تسوية الكوباية بس ودا هتتعلمة بالخبرة ولو النار طفت قبل ما الشاى يغلى حط سبرتو تانى وكمل غلية وخلى بالك ماينفعش تزود التاوتاو سبرتو وهو مولع لازم يطفى الأول مش عاوزين حوادث ![]() Uploaded with ImageShack.us ![]() Uploaded with ImageShack.us وطبعا زى مانتوا شايفين نونو اوى اوى اوى يكاد يكون فى حجم المج وهو مقفول وميزتة ان غلى الشاى فى الكوباية بيخلى الشاى يفضل سخن وخاصة فى الشتا وطبعا ماتنزلش الكوباية من على النار على بقك على طوول ههههههههههه تتلسع سيبة يهدا شوية دقيقة كدة هتكون بردت وبقت تمام ماينفعش تعمل كوباية الغلية من الألمونيوم لازم استانلس والا مش هتقدر تحط شفايفك عليها وممكن تحطة كلة فى فردة شراب عشان يلمة ومايقعش منة حاجة ومش لازم فردة جديدة يعنى ههههههههههه ماصورتش شكلة فى الشراب مالحقتش اتخيلوا انتوا بقى هههههههههه اى سؤال انا فى الخدمة واتمنى ان التاوتاو الشراب يعجبكم |
![]() |
![]() |
sponsor links |
![]() |
#2 |
صياد نشيط
تاريخ التسجيل: Sep 2010
المدينه: القاهرة-الشروق
المشاركات: 406
معدل تقييم المستوى: 9 ![]() ![]() ![]() ![]() ![]() ![]() ![]() ![]() ![]() |
![]()
ههههههههههه
فكرة جامدة يا باشا احلى تقييم |
![]() |
![]() |
![]() |
#3 |
مشرف قسم الصيد البرى والاقسام الرئيسية
تاريخ التسجيل: May 2011
المدينه: المنصوره
المشاركات: 1,073
معدل تقييم المستوى: 201 ![]() ![]() ![]() ![]() ![]() ![]() ![]() ![]() ![]() ![]() ![]() |
![]()
فكره تمام التمام و اللى يعرف قيمتها بجد صيادين السمك و احلى تقيييم لمعاليك
__________________
![]() د.محمد حبيب
|
![]() |
![]() |
![]() |
sponsor links |
أدوات الموضوع | إبحث في الموضوع |
انواع عرض الموضوع | |
|
|
![]() |
||||
الموضوع | كاتب الموضوع | المنتدى | مشاركات | آخر مشاركة |
التاو تاو..... العباسى | tarekabasy | صيد السمك | 38 | 16-11-06 03:19 PM |
بشاير بلطى الكريمات...من العباسى | tarekabasy | صيد السمك | 13 | 13-04-18 07:57 PM |
حنفى...والصقر العباسى | tarekabasy | صور وفيديو الصيد ورحلاته | 22 | 13-01-26 04:47 PM |
الشراب السحري لحرق الدهون بطريقة طبيعية ! | M.Hatem | عيادة المنتدى | 9 | 12-11-14 11:11 AM |
هههههه ماما علمتني | Karim Eid | الموضوعات العامه | 7 | 11-09-23 12:18 AM |