اغرب واعجب طلعه ليليه

[هشام سمير]

الحكايه انى بقالى كتير ما طلعتش كل يوم اقول بكره يجى بكره اقول بكره وبكره ده ما بيجيييش
المهم كبرت فى دماغى انى اطلع .ودلوقت. اتصلت بزكريا صاحبى
ايوه يازيكا اجهز علشان هنطلع طلعه ليلى النهارده زكريا رد بصوت عالى (حبيبى ) انا جاهز وكله تمام
جهزت البندقيه والملقاف والكشفات والسكينه ولبست وجيت اخرج الساعه كانت 11.5 مساءً \لقيت عربية اخويا وقفه ورا عربيتى واخويا مش موجود
قلت مش مهم هخرج يعنى هخرج اتصلت بزيكا قلتله تعالى بالموتسيكل علشان مفيش عربيه
المهم طلعنا وصلنا لمكان الصيد واشتغلنا ديوك بردى والطلعه كانت تمام الرشايه بديك فى مدة ساعه عملنا احلى شغل
لغايه هنا الامور طبيعيه وعادى خالص
زكريا قالى انا عرفلك مكان بئا معقل يمام يا معلم ابتسامة السعاده ظهرت على وجهى وقلتله هيا بنا
وانطلقنا للمكان ده ركنا الموتيسيكل على اول الطريق ونزلنا
شجرتين كل واحده فيها كمية يمام عمرى ما شوفتها يجى 10000 يمامه
كل واحد استلم شجره وشغل زى الفل الرشايه بيمامه لمدة نص ساعه ضرب متواصل نادر لما رشايه تفوت وكله نازل مقفول لغاية ما جت اللحظه الحاسمه
يمامه ضربة عليها رشايه مجتش فيها وما طريتش تانى رشايه برده ما جاتش وماطرتش التالته كذلك حسيت انها بتتحدانى وفى كل مره اضرب كميه كبيره من اليمام تطير (الا دى ) الرابعه والخماسه الرشايه رقم 6 البندقيه عملت صوت عالى جداً كان مفيهاش رش بالرغم من انى متأكد ان حاطط رشايه الثامنه وما جاتش برده بحط الرشايه (9)الاوكره بوابة البندقيه وقعت هااار اسود .. ناديت زكرياااااااااااااا قالى يا ابنى فى ايه قلته البتاعه وقعت
فضلنا ندور فى كل حته برده ملقنهاش
زكريا قالى انتى كنت واقف فين علشان دور فى محيط وقفتك قلتله بص انا كنت واقف هنا وكانت فى يمامه واقفه هنا اللحق يا زكريا دا لسه واقف والله العظيم بعد كل ده واليمامه لسه واقفه ما تحركيتش ... زكريا قالى هى دى بئا اللى عملت معاك كل ده وقالها اتشهدى وبيكسر البندقيه هوب السوسته اتكسرت انا فضلت اضحك بصوره هيستريا
زكريا ظهرت عليه علامات الاستياء والخوف وقالى يالا بينا يا معلم
المهم
روحنا علشان نركب الموتسيكل ولسه بنركب سمعنا صوت طلقه الى او خرطوش وواحد بينادى ما تتحركش وزكريا جاتله هكزميا ... محدش يضرب نار محدش ضرب نار محدش يضرب نار
انا اختلطت عندى مشاعر الخوف والسخريه والضحك فى نفس الوقت لانى بصيت ورايه لقيت اللى معاه البندقيه اعرفه ويعرفنى بس مش شايفنى وزكريا بيقولى انتا بتضحك على ايه قولهم محدش يضرب نااار ولقيت المنطقه كلها طالعه علينا واللى معاه نبوت واللى معاه عصايه
وبعد استبيان الموقف واعتذار متبادل من الطرفين تبين ان كان فى حراميه فى المكان من فتره مش قصيره
وروحنا واتصورنا
وتوته توته خلصت الحدوته

[هشام سمير]

البندقيه المستخدمه رويال

[mohamed2010habib]

اخيرا ...ايه الحلاوه دى يا قناص...طلعه عذاب بعد طول غياب .....وحلوه هكزميا دى ههههههههههههههههه

[moorey]

طلعه ممتازه و احسن حاجه في الصيد بالليل روح المغامره الواحد بيشفها

بس عجبتني اليمامه دي هههههههههههههههههههههه

قبل كده حصل معايه موقف مشابه البندقيه و انا بضرب يمامه الرشه مخرجتش و اعمر و اكسر تاني برضو مخرجتش و اكتشفت ان الجلبه وقعت بعد كده عمال احدف علي اليمامه طوب و برضو مبترش و له بتتحرك ساعتها دمي اتحرق هههههههه

[Hamo.Alex]

ههههه احلي ما بيكون في الطلعة المواقف هي اللي بتفكرك بها بعدين انا لو منك ارجع لليمامة تاني والله

[Mohannad01]

فيه أخبار بتقول ان اليمامة لسه واقفة في مكانها حتى الآن ومطلعة لسانها هههههههههه

طلعة موفقة يا أستاذ هشام وسرد جميل للأحداث
ما تحرمناش من مواضيعك بقى وبألف هنا وشفا

[القبطان المصرى 77]

هههههههههههههههههههههههههههههههههههههههههههههههههه هههههههههههههههههه
حبييييييييييييييييييييبى ياكبير والله
اخيييييييييييرا شفتلك طلعة صيد
وايييييييييييييه المغامرات الجامده دى
وفعلا سعات الواحد بيشوف مواقف غريبه جدا والله
طلعه موفقه ياهشام باشا
بس المشكله ان اليمامه هى اللى انتصرت برده فى الاخر
ههههههههههههههههههههههههه

[Mohamed Mahmoud]

هههههههههههههههههههههههههههه
الحمدلله شوفتلك طلعة اخيرا قبل ما اموت ههههههههههههههههههههه
على فكرة موضوع اليمامة دة حصل معانا قبل كدة وكانا 3 عرابى و توتو و العبدللة وفى الاخر سيبنها ومشينا

[ابو عامر]

والله الصيد باليل متعه بس لاسف كل مره اطلع يحصل موقف مشابه ربنا يعدى الايام دى على خير

[هشام سمير]

المشاركة الأصلية كتبت بواسطة mohamed2010habib

اخيرا ...ايه الحلاوه دى يا قناص...طلعه عذاب بعد طول غياب .....وحلوه هكزميا دى ههههههههههههههههه

حبيبى يا دكتور عامل ايه

[هشام سمير]

المشاركة الأصلية كتبت بواسطة moorey

طلعه ممتازه و احسن حاجه في الصيد بالليل روح المغامره الواحد بيشفها

بس عجبتني اليمامه دي هههههههههههههههههههههه

قبل كده حصل معايه موقف مشابه البندقيه و انا بضرب يمامه الرشه مخرجتش و اعمر و اكسر تاني برضو مخرجتش و اكتشفت ان الجلبه وقعت بعد كده عمال احدف علي اليمامه طوب و برضو مبترش و له بتتحرك ساعتها دمي اتحرق هههههههه

والله فعلاً حاجه تحرق الدم

[هشام سمير]

المشاركة الأصلية كتبت بواسطة The Small HunteR

ههههه احلي ما بيكون في الطلعة المواقف هي اللي بتفكرك بها بعدين انا لو منك ارجع لليمامة تاني والله

هههههههه هو انا يعنى لو رجعتلها هلقيها

[هشام سمير]

المشاركة الأصلية كتبت بواسطة Mohannad01

فيه أخبار بتقول ان اليمامة لسه واقفة في مكانها حتى الآن ومطلعة لسانها هههههههههه

طلعة موفقة يا أستاذ هشام وسرد جميل للأحداث
ما تحرمناش من مواضيعك بقى وبألف هنا وشفا

ههههههههههههههه شرفت الموضوع يا معالى الباشا

[هشام سمير]

المشاركة الأصلية كتبت بواسطة القبطان المصرى22

هههههههههههههههههههههههههههههههههههههههههههههههههه هههههههههههههههههه
حبييييييييييييييييييييبى ياكبير والله
اخيييييييييييرا شفتلك طلعة صيد
وايييييييييييييه المغامرات الجامده دى
وفعلا سعات الواحد بيشوف مواقف غريبه جدا والله
طلعه موفقه ياهشام باشا
بس المشكله ان اليمامه هى اللى انتصرت برده فى الاخر
ههههههههههههههههههههههههه

معالى القبطان الكبير الجميل
ياباشا انا محطم الرقم القياسى فى عدد الطلعات بس مبصورش
اليمامه دى اصلاً كانت مسكونه

[هشام سمير]

المشاركة الأصلية كتبت بواسطة mohamed mahmoud

هههههههههههههههههههههههههههه
الحمدلله شوفتلك طلعة اخيرا قبل ما اموت ههههههههههههههههههههه
على فكرة موضوع اليمامة دة حصل معانا قبل كدة وكانا 3 عرابى و توتو و العبدللة وفى الاخر سيبنها ومشينا

ياعم انتا بالذات ما تتكلمش هو احنا عمرنا شوفنالك طلعة صيد ولا حتى بندقيه غير الصوره اللى فى التوقيع

[Mohamed Mahmoud]

المشاركة الأصلية كتبت بواسطة هشام سمير

ياعم انتا بالذات ما تتكلمش هو احنا عمرنا شوفنالك طلعة صيد ولا حتى بندقيه غير الصوره اللى فى التوقيع

هههههههههه اساسا البندقية دية مش بتاعتى دة انا سلفها علشان اتصور بيها ههههههه

[محمد احمد العنانى]

بطل صيد باليل يا هشام لحسن تتلمس (اشتاتا اشتوت) ههههه

[ابو مروان]

دى بقى الطلعات اللى من العيار التقيل...............بس اليمامة دى ..بسم الله الرحمن الرحيم.........من اخوالنا والا اية...هههههههههههههههههه...باهزر...كل المسالة ان لسة ليها عمر ......ولو ضربت عليها بهاون ما كانتش جت بردة

[MBadr]

طلعه موفقه يا هشام باشا وغريبه قوى موضوع اليمامه سبحان الله ليها عمر

[Angel of Death]

هههههههههههههههههههههههههههه


إيه اليمامة النحس ديه..

[bekhet]

طلعة زى الفل وصيد ولا أحلى