|
الموضوعات العامه الموضوعات الغير متعلقه بالصيد. |
أدوات الموضوع | إبحث في الموضوع | انواع عرض الموضوع |
11-11-16, 04:22 PM | #1 |
صياد جديد
تاريخ التسجيل: Nov 2011
المشاركات: 14
معدل تقييم المستوى: 5 |
داونلود
الموضوع ده انا كاتبه فى احد المنتديات اخر يناير 2011
لما الويندوز ضرب فحصت و محصت و دورت وفكرت فى كل الدول العربيه عن ملك او عاهل او امير او رئيس او سلطان يبل الريق او يفتح النفس بجد ما لقيتش كلهم ينشفو الريق و يسدو النفس يعنى بالبلدى ومع المجامله كمان مفيهومش واحد يتسن عليه سكينه ايشى عبيط وايشى بيستعبط وايشى سايق الهبل على الدروشه وتبقى دائما مقارنه بينهم فيمن هو سئ ومن هو اسوء ومن هو مهبب بهباب ومع ان من القذافى لمبارك يا قلبى لا تحزن بس اللى يشوف بالوت القذافى تهون عليه بلوت مبارك و ما ........ من زفتا , الا ميت غمر عموما مش عايز اطول عليكم ... قولو لا طول هما كلهم هيتكرو واحد ورا واحد مين قبل مين ؟ ............. مين بعد مين ؟ عملتلهم داونلود بس الداونلود دا مش هينزلهم على الجهاز دا هينزلهم فى سلة المهملات او بالاصح فى مزبلة التاريخ وكل بلد وسرعة الانترنت فيها بقى طبعا كان نفسى احطهم كلهم بس لقيت الكمبيوتر هيهنج دا تخيلى عن سرعة الانترنت فى كل بلد واللى عنده ترتيب تانى يشاركنى فيه والله الموفق والمستعان |
sponsor links |
11-11-16, 05:22 PM | #2 |
صياد نشيط
تاريخ التسجيل: Sep 2011
المدينه: مدينة نصر- القاهرة
المشاركات: 344
معدل تقييم المستوى: 6 |
رد: داونلود
من غير مانقول أسامي علشان الحيطة لسه ليها ودان...ومن خاف سلم...الأولاني أنا معاك غار بلا رجعة ماحطش منطق...والتاني لسة بيعافر وراجل رياضي عنيد صحته زي البمب أحسن مني ومنك...وبيقولوا إنه بيدير شئون البلاد من على السرير في المستشفي الـ7 نجوم...والثالث لا تجوز عليه إلا الرحمه...المفروض يكون في الترتيب الثاني لأنه أخد إستمارة 6 من الدنيا فمعندوش أي طموح يرجع تاني...والرابع بيقول ماكانش عنده نية يترشح لفترة جديدة...ولكن ظروف قهرية غصب عنه فرضت عليه كده...المفروض نعذره ونقدر ظروفه وندعيله...ربنا ياخده ويرحمنا ويرحم شعبه منه ومن بطشه...والثامن أبو رقبة طويلة زي الجمل...بكره لما يتعلق منها هايعرف إنها ماكانتش ميزة ولا كانت أبدا في مصلحته...وهايعض على أصابع يده ويقول ياريت كانت قصيرة بس سيبوني أعيش...والتاسع زي مابيقولوا عليه الفلاحين ده....( كلمة عيب أقولها ) بتاع الأرض...والمثل بيقول إتقي شر من إقترب من الأرض...ده سوسة ولقيم جدا ماحدش يستهون بيه أو يتغر في قصره...والديناصور الخامس ده مريض وصاحب عيا ( عنده إلتصاق فخذين ) وباين على وشه في الصورة...تقدر تشوفه بوضوح في برنامج جوجل إيرث بالأقمار الصناعية...كبر حجمة وضخامة جثته مخلياه ظاهر ويسد عين الشمس مافيش حتة يقدر يستخبى فيها أو تشيله...أمانة عليكم تدعوله ربنا يشفيه ويبردهاله...الثلاثة الباقيين ( السادس والسابع والعاشر ) مافيش منهم خوف في الوقت الحالي...دول أحباب الله...بيلعبوا في الوقت الضائع...لكن ده مايمنعش إن الدور جاي عليهم لما يصفر الحكم...ويعلن نهاية اللعبة...
__________________
لا تنظر في عين ضحيتك...عندما تكون جاهزا والهدف في مرماك...إحتفظ بهدوئك...خذ نفس عميق...أخرج نصفه...إكتم نفسك...ركز...إستعد...إضرب...إياك أن تتردد...الأولى لك...والثانية عليك...
|
11-11-16, 05:45 PM | #3 |
صياد قديم
تاريخ التسجيل: Aug 2011
المدينه: القاهرة ’ الزيتون
المشاركات: 1,965
معدل تقييم المستوى: 17 |
رد: داونلود
احنا هنا فى مصر شيلنا رأس الفساد و جبنا الفساد كله ياعم الحج
__________________
{صعب تسمع يوم سكوتنا} |
11-11-16, 05:56 PM | #4 | |
صياد جديد
تاريخ التسجيل: Nov 2011
المشاركات: 39
معدل تقييم المستوى: 5 |
رد: داونلود
اقتباس:
ايما كنتم ولى عليكم بمعنى احنا لو دققنا كويس فى المجموعه كلها هنلاقى انها جزء من شعبها ودا طبعا مع احترامى لكل الشعوب لكن لما كان صدام غاشم وعنيف ,, بالملاحظه العراقيين معظمهم كده ولما كان القذافى غريب ومش مفهوم ,, بالملاحظه الليبيين معظمهم كده ولما كان على صالح عبيط ,, بالملاحظه اليمنيين ..... وكذا وكذا واخيرا لما كان مبارك حرامى فللاسف اللى بقصده ان كل بئر ينضح بما فيه .. وان صلاح الحاكم من صلاح المحكومين وفساده من فسادهم |
|
11-11-16, 08:14 PM | #5 | |
صياد قديم
تاريخ التسجيل: Apr 2011
المدينه: الاسكندرية
المشاركات: 1,002
معدل تقييم المستوى: 11 |
رد: داونلود
اقتباس:
اؤيدك |
|
11-11-17, 12:07 AM | #6 |
صياد جديد
تاريخ التسجيل: Nov 2011
المشاركات: 14
معدل تقييم المستوى: 5 |
رد: داونلود
تعرفوا انا امته هتأكد ان الثوره نجحت وان مصر هتبقى بلد كويسه وان اللى هيحكمها هيبقى حد محترم لما العربيات ما تبقاش واقفه صف تانى وتالت فى الشارع ولما البياعين ما يفرشوش بضايعهم على الرصيف بتاع الماره ولما الطلاب ما يكتبوش على كراسى الاتوبيسات ولما الناس تطفى نور الاوده قبل ما تطلع منها ولما نقفل الحنفيه وما نسيبهاش تخر ولما يبقى مش عيب ان الواحد يشترى ربع كيلو فاكهه طالما هو لوحده ولما ولما ولما ولما ولما ولما ولما
|
11-11-18, 02:08 PM | #7 | |
صياد جديد
تاريخ التسجيل: Nov 2011
المشاركات: 39
معدل تقييم المستوى: 5 |
رد: داونلود
اقتباس:
|
|
الكلمات الدلالية (Tags) |
مصر, تونس, جكال, سوريا, ظلم, قطر |
sponsor links |
|
|