إستفسار بخصوص انتخابات مجلس الشعب

[mman2005]

بصراحة الانتخابات دى الواحد مش فاهم منها حاجة خصوصاً لما عملوا موضوع القايمة النسبية ده ودمجه كذا دايرة مع بعض، المهم أنا دخلت على موقع الانتخابات وبحثت بالرقم القومى بتاعى وعرفت هنتخب فين، بصراحة مودينى لجنة بتبعد عن بيتى يجى 30 كيلوا، وطريقة الانتخاب أنى هختار قايمة نسبية، لغاية كده مفهوم، إلى مش مفهوم بقى إختيار 2 مستقلين، يعنى أنا المستقلين الى المفروض هنتخبهم مع القايمة النسبية عن دوائر.
الوايلى - حداق القبة - الزيتون - الأميرية

أنا بقى أيش عرفنى بالمرشحين المستقلين عن الأربع دوائر دول إلى المفروض هختار منهم 2 مستقلين، طب القايمة النسبية أنا هختار حزب معين برشحه، أما الإثنين المستقلين دول هختارهم أزاى وأنا معرفشى عنهم حاجة، هدخل أقول حادى بادى ولا أيه بالظبط أنا مش فاهم حاجة خالص، رغم أن أوضاع البلد لا تبشر بالخير وشكل الانتخابات مش هتجرى فى ميعادها بس حبيت أفتح الموضوع ده لأن بالشكل ده فيه مستقلين كثير هينجحوا بطريقة حادى بادى كرمب زبادى لأن الناس متعرفشى عنهم حاجة ومجبرة على إختيار 2 مستقلين بالإضافة للقايمة النسبية.

[blow c06]

الاتنين المستقلين الى هتنتخبهم هيكون واحد فئات و التانى عمال و لو انت متعرفش حد منهم بسمعته انتخب ناس من الحزب الى انت هتنتخبه و كل واحد معروف حزبه و اسال و انت هناك الناس هتقولك ده تبع حزبايه و ده تبع ايه فمتدوخش نفسك و انتخب الى فى الحزب الى انت مقتنع بيه بس ربنا يكرمك انتخب اى حد عايز يطبق شرع ربنا مش يخليها علمانيه و كلنا هنتحاسب على اختيارنا و هدفنا من الاختيار ده يوم القيامه و ربنا يوفقنا كلنا و يخى مصر بلد الامن و الامان تانى

[mman2005]

أفهم من كلام حضرتك أن فيه مستقلين برده تبع أحزاب؟

[blow c06]

اعتقد المستقلين الى مش تبع احزاب قليلين جدا و يكاد يكون مش موجود... الى انا اعرفه ان كلهم تقريبا فى احزاب

[mman2005]

على خيرة الله، الحزب الى أنا هختاره بيطلع أتوبيسات للناخبين وبصراحة المرة الى فاتت فى الاستفتاء وصلولنا لغاية اللجان من غير ما يطلبوا منا أننا نقول أه أو لا وأكيد حضرتك عارفهم، وأكيد لو ليهم مستقليين هيقولولى عليهم.

ومتشكر على الإفادة، وإن شاء الله هدى صوتى للى يطبق شرع الله.