|
الموضوعات العامه الموضوعات الغير متعلقه بالصيد. |
أدوات الموضوع | إبحث في الموضوع | انواع عرض الموضوع |
14-07-21, 05:19 PM | #1 |
مشرف الاقسام العامه&القسم الاسلامى
|
مشاريع قوميه
السلام عليكم ورحمه الله وبركاته
في وسط الملل ده ووسط الفقر الي الناس بقت فيه والبطاله والشغل ده وربنا يستر علي الجيل بتاعنا الموضوع ده هيبقي عباره عن ان لو حد عنده افكار لمشاريع صغيره او كبيره يقولها ويقولنا دراسه الجدوي بتاعتها عشان الكل يستفيد ولو كل واحد عنده مشروع يعمله والله البلد هتقوم والناس تشتغل شويه الي عنده فكره ياريت يقولها ويقولنا رأيه فيها والي عمل مشروع ياريت يقوله عشان تعوم الفائده علينا وعلي الجميع وكان الله في عون العبد ما كان العبد في عون اخيه وربنا يكرم الجميع وان شاء الله الموضوع لو فيه اقبال كتير هيتم تثبيته بعد اذن الاداره |
sponsor links |
14-07-21, 07:50 PM | #2 |
صياد جديد
|
رد: مشاريع قوميه
واحشتنى مواضيعك يا حوده والله ينور عليك
__________________
Art Director |
14-07-21, 08:37 PM | #3 |
مشرف الاقسام العامه&القسم الاسلامى
|
رد: مشاريع قوميه
الله يخليك يا استاذ سيد
والله وانت واحشني اكتر شرفني مرورك يا كبير |
14-07-21, 09:08 PM | #4 |
صياد متقدم
تاريخ التسجيل: Oct 2013
المدينه: القاهرة - الاميرية
المشاركات: 729
معدل تقييم المستوى: 9 |
رد: مشاريع قوميه
اشكرك يا ابنى على افكارك المبدعة . قرأت للأستاذ الراحل جمال الشرقاوى عن مشروع منخفض القطارة . عبارة عن شق قناة طولها 75 كيلو متر من منطقة العلمين تنقل المياه من البحر المتوسط الى منخفض القطارة بالصحراء الغربية . ينخفض 150 مترا عن سطح البحر وتبلغ مساحته 5 مليون فدان . ويوجد بأكاديمية البحث العلمى 22 مجلد دراسات جدوى بكل التفاصيل بمعرفة المتخصصين الالمان . الفوائد باختصار : توليد كهرباء نظيفة تكفى افريقيا . تربية وصيد وتعليب الاسماك . استخراج الملح وتصديره . تحلية المياه المالحة . الزراعة الدائمة والموسمية . منطقة جذب سكانى وسياحى على الشواطئ التى ستنشأ على ضفاف البحيرة . تغير الطقس بفعل بخر المياه والامطار ومساحة المياه الهائلة . هذا مشروع قومى كان سينفذه الرئيس الراحل انور السادات ولكن لم يمهله القدر .
|
14-07-22, 02:34 PM | #5 | |
مشرف الاقسام العامه&القسم الاسلامى
|
رد: مشاريع قوميه
اقتباس:
وفعلا مصر فيها مشاريع كتير بس من سابع المستحيلات انها تتنفذ بس انا قصدي مشاريع للشباب انه يعملها |
|
14-07-22, 03:05 PM | #6 |
قنـــاص من الدرجه الاولى
|
رد: مشاريع قوميه
فيه مشرووع كويس جدا عن مكن الطباعه والكتابه على الملابس
هدورله عن دراسة الجدوى وانزله ان شاء الله |
14-07-22, 03:11 PM | #7 | |
مشرف الاقسام العامه&القسم الاسلامى
|
رد: مشاريع قوميه
اقتباس:
ربنا يسهل يا اتش ويبقي فتحه خير علي الموضوع وكله ينزل مشاريع |
|
14-07-22, 04:12 PM | #8 |
صياد متقدم
تاريخ التسجيل: Apr 2011
المشاركات: 782
معدل تقييم المستوى: 13 |
رد: مشاريع قوميه
مشروع السفر للخارج هو المشروع الواقعى ودة بييجى من عدة طرق اقواها رفع الكفاءة بالداخل والحقيقة الى افهمها انة بيعتمد على تخصصات معينة انصح بها المقبلون على التعليم العالى .. فممثﻻ مرغوب اخصائيى العﻻج الطبيعى عشان التخسيس من مرض العصر و متطلبات كبار السن وكذلك مدرسى التخاطب والصم والبكم ومدربى مرضى التوحد و متاخرى الكﻻم وذوى اﻻحتياجات الخاصةوطبعا مدرسى الجامعات فى التخصصات الهندسية الدقيقة زى النانو والطيران والزراعة والبترول والغاز والنقل البحرى وكل كلمة فائتة تندرج تحتها عدة فروع وتخصصات انت تشوف اﻻنسب وتدخل.. يعنى مثﻻ واحد متخصص فى معهد القلب وﻻ دار الفؤاد وﻻ احدى شركات الهيئة العامة للبترول وﻻ مراكز تاهيل ذوى اﻻحتياجات الخاصة وﻻ تخسيس وﻻ تجميل وﻻ مزارع مشهورة و ﻻ اى نشاط صناعى او خدمى مرموق حديد اسمنت ادوية تجميل اتصاﻻات تدريس تأمين شحن بحرى ومن اﻻخر المطلوبين بيكونوا لمهن تستلزم الصبر والتحمل والقرة على استمرار العمل لساعات طويلة تحت ضغط غير كدة بتنزل لدرجة دنيا كعمالة بالمطاعم والمتاجر والمصانع والمزارع
|
14-07-22, 05:50 PM | #9 |
صياد قديم
تاريخ التسجيل: Mar 2011
المدينه: القاهرة , شبرا مصر
المشاركات: 2,982
معدل تقييم المستوى: 235 |
رد: مشاريع قوميه
ياسلام بس كده خد ياكبير دول ولو احتاجت اي نفاصيل قولي
http://egyhunt.net/showthread.php?t=13820 بسم الله الرحمن الرحيم مشروع رقم 1 المشروع ده للناس اللي معاها مبلغ من المال وعاوزة تفتح محل والمحل ده هيبيع حاجات كتيييييييييييير اوي منها 1- عطور . 2- هدايا فرو : ودي عبارة عن الدباديب والقلوب والارانب والحاجات دي أسعارها رخيصة جدا في حارة اليهود والموسكي مثلا هتلاقي دبدوب بيتباع في المحلات ب70 جنية ده ممكن تكون جملته من 25 : 35 جنية ونسبة الخصم بتاخدها على أثاث الكمية وهناك مش هتقول للبياع أنك عاوز قطعه أو أتنين حضرتك هتاخد من كل صنف ربع أو نصف دسته وبكده هتاخد خصم اكبر علشان هتاخد بالجملة وفي دباديب ب 7و8 جنية وبتتباع من 15 : 20 جنية وهكذا. 3- وفي المجات هناك اشكال كتييير جدا . 4- نظارات شمسية : هتشتري ستاند نظارات شمسية من الرويعي . وهتشتري النظارات بالعلبة او الدستة والنظارة اللي احنا بنشتريها ب 25 اصلا تمنها جملها حوالي 7: 12 جنية . 5- ميداليات وحظاظات وسلاسل واكسسوارات شبابي وبناتي ودي في حارة اليهود برخص التراب. 6- وهتعمل ركن لمستحضرات التجميل زي الكريمات والجيلات والماسكات وكده . ودي بقى من شارع الجيش .والموسكي. 7-هتعمل ستاند صغير او شبكة سلك للإيشاربات والأسكارف والكاب والايس كاب والطرح الحريمي. 8- وهتعمل ستاند هتعلق علية 20:30 تي شيرت شبابي روش كده ومطبوع وده برده من الموسكي ومكسب التيشرت الواحد لا يقل عن 7 :10 جنية على الاقل. 9-رف للولاعات : وهتعمل حضرتك رف للولاعات ودي في منها الاف الاشكال والانواع. ودي من حارة اليهود من جوة. 10- شنط : ستاند سلك متعلق علية شنط حريمي وشنط شبابي وشنط زي بتاعة الاب توب . 11- الماسكات المرعبة زي بتاعة الهالويين وبتاعة افلام الرعب ودي مش بتتباع كتيير اوي او مش عليها اقبال كتير غير من بعض الشباب اللي بيحطوها ديكورات في المحلات والغرف. 12- احزمة ومحافظ جلد: بردوه في حارة اليهود والموسكي ودرب سعادة. 13- ستاند صغير للكرافت : والكرافت سعره جمله للخامه المعقولة 10:15 جنية بيتباع ب 35 جنية. وفي حاجات تانية كتييييير اوي زي التحف الانتيكات الصغيرة وكل واحد ودماغة وعلى حسب المنطقة اللي هايفتح فيها المحل . وربنا يكرم الجميع . عمرو صقر ــــ موروــــــــ
__________________
وَلاَ تَحْسَبَنَّ اللّهَ غَافِلاً عَمَّا يَعْمَلُ الظَّالِمُونَ إِنَّمَا يُؤَخِّرُهُمْ لِيَوْمٍ تَشْخَصُ فِيهِ الأَبْصَارُ |
14-07-22, 05:51 PM | #10 |
صياد قديم
تاريخ التسجيل: Mar 2011
المدينه: القاهرة , شبرا مصر
المشاركات: 2,982
معدل تقييم المستوى: 235 |
رد: مشاريع قوميه
http://egyhunt.net/showthread.php?t=13792
بسم الله الرحمن الرحيم المشروع رقم 2 تركيب عطور ياجماعة انا هاشرحلكم كيفية تركيب العطور في البيت وأماكن شراء الخامات بأسعار جامدة جدا جدا مكونات زجاجة العطر 1- الأسنس أو الزيت الخام للعطر . 2- الكحول . 3- الزجاجة . 4- المثبت . وده مالوش لزمة وكل واحد ودماغة. التركيب :- لتركيب زجاجة 50 مللي 1- 10 جرام زيت خام . 2- 40 جرام كحول . 3- الزجاجة ال 50 مللي. 4- لو عاوز تحط مثبت 3أو 4 نقط الزجاجة ال100 مللي ــــ نفس الخطواط مع مضاعفة الكميات ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــ أماكن شراء الخامات :- في أماكن كتير لشراء الخامات في القاهرة من اهمها منطقة الحسين وهتلاقي الأسعار غالية نسبيا وفي شارع أسمه الجامع الأحمر متفرع من شارع كلوت بك من شارع رمسيس بجوار شارع الفجالة الأسعار :- 1- نوع الزيت الخام في منه اكتر من نوع بمعنى درجات أو فرز اللي انتم هاتجيبوه اسمه الألف وفي شعبي بدرجات كتير والالف بيتراوح سعر الجرام في بين 55 إلى 70 قرش وفي انواع قليلة جدا سعر الجرام فيها 1.5 وسعر الزيت على حسب نوع العطر . 2- الكحول هتجيبوا حضراتكم اللتر اللي ب7.5 جنية وده معقول جدا وانا عن نفسي بأستخدمه وفي أرخص . 3- الزجاجة الفاضيه ودي أشكالها كتييييييييييير جدا وأسعارها على حسب الشكل والزجاجة العادية المصنفرة ب 1 جنية ال 50 مللي . والمثبت لو عاوزين تشتروه ال 50 جرام ب 5 : 7 جنيه وهايعيشوا معاك كتيير . سعر تكلفة الزجاجة ال 50 مللي:- 1-لو سعر جرام الزيت مثلا ب 60 في 10 جرام يساوي 6 جنية . 2- 40 جرام كحول ب حوالي 35 قرش . 3- الزجاجة ال50 ملي 1 جنية . 4- المثبت 0.15 قرش . التكلفة الكلية للزجاجة 7.5 جنية وبتتباع ب 15 جنية وفي المحلات بتتباع من 15 الى 18 جنية إذا إم شاء الله المكسب 100% أتمنى إني اكون أفتدكم وإن شاء الله هجيب ليكم مشاريع تانية كتير. مورو
__________________
وَلاَ تَحْسَبَنَّ اللّهَ غَافِلاً عَمَّا يَعْمَلُ الظَّالِمُونَ إِنَّمَا يُؤَخِّرُهُمْ لِيَوْمٍ تَشْخَصُ فِيهِ الأَبْصَارُ |
14-07-22, 05:52 PM | #11 |
صياد قديم
تاريخ التسجيل: Mar 2011
المدينه: القاهرة , شبرا مصر
المشاركات: 2,982
معدل تقييم المستوى: 235 |
رد: مشاريع قوميه
http://egyhunt.net/showthread.php?t=13999
بسم الله الرحمن الرحيم المشروع رقم 3 كل بيت عندنا فيه الفرن بتاع البوتجاز وأكيد كل بيت فية فرد من أفراد الأسرة بيعرف يعمل مثلا كيك أو بيتي فور أو كحك أو بسكويت أو قطع البيتزا أو النواشف اللي بتتباع في الفرن الأفرنجي . أو بسبوسة أو كنافة أو اللي شغال جامد جدي رز باللبن العادي والفرن . أيه رأيكم في أننا نجيب أطباق الفويل أو الفوم من محلات البلاستيكات والشنط والاكياس ونصنع في البيت ونعبي ونلفها بالبولي راب او الأسترتش البلاستيك وتتوزع على محلات البقالة والسوبر ماركت وممكن الكافيهات ومحلات الأنترنت والبلاي ستيشن ودوا هيتوزع عليهم حلويات بس وطبعا علشان نحسب سعر التكلفة لازم نبداء بكميات قليلة ونضاعف الكميات والأسعار ونضيف هامش ربح معقول وربنا يرزق ويكرم الجميع * ملحوظة :- مش كل مشروع مناسب لأي حد وياريت كل واحد يفكر في اللي يناسبة ادعولى بقى لو الحاجة اللي انا بقدمها كويسه وإدعولي برده لو مش كويسة مع تحياتي عمرو صقر مورووووووووو
__________________
وَلاَ تَحْسَبَنَّ اللّهَ غَافِلاً عَمَّا يَعْمَلُ الظَّالِمُونَ إِنَّمَا يُؤَخِّرُهُمْ لِيَوْمٍ تَشْخَصُ فِيهِ الأَبْصَارُ |
14-07-22, 05:52 PM | #12 |
صياد قديم
تاريخ التسجيل: Mar 2011
المدينه: القاهرة , شبرا مصر
المشاركات: 2,982
معدل تقييم المستوى: 235 |
رد: مشاريع قوميه
http://egyhunt.net/showthread.php?t=14301
بسم الله الرحمن الرحيم المشروع رقم 4 مشروع تعبئة توابل والمشروع ده ياجماعه من ارخص المشروعات من حيث رأس المال بمعنى انك ممكن تبدأ ب1000|أو 1500جنيه أدوات الانتاج :- 1- ميزان حساس :- زي اللي موجود عند البقالين والسوبر ماركت وده بيتباع في شارع النحاسين ببالقرب من باب الشعرية او شارع الجيش وسعره بيكون من 100 الى 130 جنيه. 2- ملاعق بلاستيك للتعبئة . 3- اكياس بلاستيك للتعبئة او لو عاوز مظهر شيك خليها علب بلاستيك صغيرة زي الملاحة كده . 4- ماكينه قفل الاكياس ودي برده مش غاليه او وممكن نستبدلها ب دباسة . 5- التوابل ودي بقى هنجبها من الغورية او شارع الازهر وهنجيب مثلا فلفل اسود مطحون وكمون مطحون وشطه وبهارات وهكذا وهنجيب من كل نوع عدد كيلوات قليل للبدء مثلا 2كيلو من كل نوع او كيلو واحد للتجربة مع مراعاة تعبئة كل نوع لوحده علشان مايكرفوش . 6- ستيكر مكتوب عليه اسم الصنف وتاريخ الصلاحيه هكذا وده هنعمله في اي مطبعه. 7- انزل وتوكل على الله ووزع الكميه اللي معاك . وربنا يكرم الجميع
__________________
وَلاَ تَحْسَبَنَّ اللّهَ غَافِلاً عَمَّا يَعْمَلُ الظَّالِمُونَ إِنَّمَا يُؤَخِّرُهُمْ لِيَوْمٍ تَشْخَصُ فِيهِ الأَبْصَارُ |
14-07-22, 05:53 PM | #13 |
صياد قديم
تاريخ التسجيل: Mar 2011
المدينه: القاهرة , شبرا مصر
المشاركات: 2,982
معدل تقييم المستوى: 235 |
رد: مشاريع قوميه
http://egyhunt.net/showthread.php?t=15530
السلام عليكم ورحمة الله وبركاته بسم الله الرحمن الرحيم المشروع رقم 5 مشروع بوفيه للمشروبات مشروع جامد جدا وفكرة المشروع عبارة عن أن يتم إيجار كورنر في أي مكان مثلا أحد المولات اللي مليت البلد أو أي منشأة أو حتى سايبر نت ويتم إنشاء بوفيه ونقوم بإعداد المشروبات الساخنة والباردة والمشروع ده ياجماعه غير مكلف بالمرة بمعنى أن فيه بعض المشروعات مكسبها 300 % يعني مثلا كباية شاي ليبتون تكلفتها لاتتعدى 20 إلى 25 قرش ويبدأسعر بيعها ب 1 جنية على الأقل . والمشروع ده ياجماعه اللي يعمله صح إن شاء الله يكسب صح الصح وكل اللي أنت محتاجة غلاية مايه كبيرة لو كان مكان العمل كبير ولو كان المكان صغير غلاية الميه بتاعة البيت تنفع . والمشروبات الساخنة المنتشرة هي:- 1- شاي 2- نسكافية بلاك 3- نسكافية بالكريمر أو 3x1 4- كابتشينو 5- شاي أخضر بالنعناع 6- شاي بالنعناع 7- نعناع 8- ينسون 9- كركدية 10- نسكويك بالنسبة للمشروبات الباردة :- - حضرتك هاتتعاقد مع أي شركة مشروبات غازية مثلا شويبس هاتتعاقد معاهم انك هتاخد كميه معينة من منتجات الشركة وهما هايدولك ثلاجة فري على شرط ان تملئ الثلاجة بمنتجات الشركة. وممكن تضيف في المكان حاجات تانية كتير مثلا :- ساندوتشات وممكن ماكينة فشار وممكن حلويات زي أرز باللبن او بسكوتات وكده يعني وظبط نفسك . الخامات المستخدمة :- 1- الغلاية. 2- الباكت المستخدم . 3- السكر . 4- ملاعق بلاستيك صغيرة . 5- أكواب بلاستيك . يعني الموضوع بسيط ياجماعه . أتمنى أتمنى أني أقدر أفيد أي حد في المنتدى المحترم ده علشان بجد في ناس كتير محترمين يستاهلوا أن الواحد يتعب علشانهم . وأسف للإطاله وشكراااااااااا. مع تحياتي مورو
__________________
وَلاَ تَحْسَبَنَّ اللّهَ غَافِلاً عَمَّا يَعْمَلُ الظَّالِمُونَ إِنَّمَا يُؤَخِّرُهُمْ لِيَوْمٍ تَشْخَصُ فِيهِ الأَبْصَارُ |
14-07-22, 06:00 PM | #14 |
صياد قديم
تاريخ التسجيل: Mar 2011
المدينه: القاهرة , شبرا مصر
المشاركات: 2,982
معدل تقييم المستوى: 235 |
رد: مشاريع قوميه
مشروع هشام سمير ممتاز جدا جدا ودا عاوز للبدأيه من 15000 ل 20000 جنيه لبدأ العمل ودا شامل البرنتر وجهاز كمبيوتر وورق الطباعه والخامات اللي هتطبع عليها زي مجات تي شيرتات وبمناسبة التيشرتات انا كنت هعمل الموضوع دا من فتره وكنت هطبع رسومات فرعوني ونوديها الغردقه وشرم الشيخ والحسين وخان الخليلي
__________________
وَلاَ تَحْسَبَنَّ اللّهَ غَافِلاً عَمَّا يَعْمَلُ الظَّالِمُونَ إِنَّمَا يُؤَخِّرُهُمْ لِيَوْمٍ تَشْخَصُ فِيهِ الأَبْصَارُ |
14-07-22, 06:37 PM | #15 | |
صياد قديم
تاريخ التسجيل: Jun 2011
المدينه: اسكن اينما وجدت الحياه
المشاركات: 4,713
معدل تقييم المستوى: 430 |
رد: مشاريع قوميه
اقتباس:
__________________
|
|
14-07-22, 07:41 PM | #16 | |
صياد قديم
تاريخ التسجيل: Mar 2011
المدينه: القاهرة , شبرا مصر
المشاركات: 2,982
معدل تقييم المستوى: 235 |
رد: مشاريع قوميه
اقتباس:
والمكن دا فيه منه انواع كتير اوي ومش بفهم فيهم بصراحه ولما انت معاك دراسة جدوى ماتنزلها ياجدع هههههههههههه
__________________
وَلاَ تَحْسَبَنَّ اللّهَ غَافِلاً عَمَّا يَعْمَلُ الظَّالِمُونَ إِنَّمَا يُؤَخِّرُهُمْ لِيَوْمٍ تَشْخَصُ فِيهِ الأَبْصَارُ |
|
14-07-22, 08:15 PM | #17 |
صياد قديم
تاريخ التسجيل: Mar 2011
المدينه: القاهرة , شبرا مصر
المشاركات: 2,982
معدل تقييم المستوى: 235 |
رد: مشاريع قوميه
وفي مشاريع انتاج حيواني هنزلهلكم برده بالمره بس اما اخلص بحث عن دراسات الجدوى بتاعتها
__________________
وَلاَ تَحْسَبَنَّ اللّهَ غَافِلاً عَمَّا يَعْمَلُ الظَّالِمُونَ إِنَّمَا يُؤَخِّرُهُمْ لِيَوْمٍ تَشْخَصُ فِيهِ الأَبْصَارُ |
14-07-22, 09:23 PM | #18 |
صياد متقدم
تاريخ التسجيل: Oct 2013
المدينه: القاهرة - الاميرية
المشاركات: 729
معدل تقييم المستوى: 9 |
رد: مشاريع قوميه
استاذ مورو أنت عبقرى .. تحياتى واعجابى
|
14-07-23, 12:33 PM | #19 |
مشرف الاقسام العامه&القسم الاسلامى
|
رد: مشاريع قوميه
اشكر كل الرجاله الي ردت علي الموضوع
وربنا يقدم الي فيه الخير وبرضه في مشروع كويس يارب يفيد الناس زراعه الماشروم وان شاء الله انزل الدراسه بتاعته وشكر خاص لمورو ارجوا ان تتقبل شكري مع تحياتي |
14-07-23, 04:45 PM | #20 |
صياد قديم
تاريخ التسجيل: Mar 2011
المدينه: القاهرة , شبرا مصر
المشاركات: 2,982
معدل تقييم المستوى: 235 |
رد: مشاريع قوميه
الله يكرمك ياعم فكري انت راجل محترم وبلاش استاذ دي علشان بتجبلي حساسيه ههههههههههههه
__________________
وَلاَ تَحْسَبَنَّ اللّهَ غَافِلاً عَمَّا يَعْمَلُ الظَّالِمُونَ إِنَّمَا يُؤَخِّرُهُمْ لِيَوْمٍ تَشْخَصُ فِيهِ الأَبْصَارُ |
14-07-23, 04:47 PM | #21 | |
صياد قديم
تاريخ التسجيل: Mar 2011
المدينه: القاهرة , شبرا مصر
المشاركات: 2,982
معدل تقييم المستوى: 235 |
رد: مشاريع قوميه
اقتباس:
وبالنسبه للماشروم هو ممتاز جدا وفوايده عاليه اوي وخلي بالك علشان ليه اكتر من دراسة جدوى ربنا يوفقك
__________________
وَلاَ تَحْسَبَنَّ اللّهَ غَافِلاً عَمَّا يَعْمَلُ الظَّالِمُونَ إِنَّمَا يُؤَخِّرُهُمْ لِيَوْمٍ تَشْخَصُ فِيهِ الأَبْصَارُ |
|
14-07-23, 05:09 PM | #22 |
صياد قديم
تاريخ التسجيل: Mar 2011
المدينه: القاهرة , شبرا مصر
المشاركات: 2,982
معدل تقييم المستوى: 235 |
رد: مشاريع قوميه
بسم الله الرحمن الرحيم
المشروع رقم 6 محل لبيع مصنوعات جلديه زي الشنط الحريمي وشنط المدارس وشنط السفر والمحافظ والاحزمه وكل المصنوعات الجلديه اماكن بيعها بالجمله بأسعار ممتازه موجوده في باب الشعريه او حارة اليهود الموسكي بس باب الشعريه افضل وبالنسبه لرأس المال على حسب المبلغ اللي معاك ممكن تبدأ بيه بس تدرس المكان الاول هل يصلح ولا لاء
__________________
وَلاَ تَحْسَبَنَّ اللّهَ غَافِلاً عَمَّا يَعْمَلُ الظَّالِمُونَ إِنَّمَا يُؤَخِّرُهُمْ لِيَوْمٍ تَشْخَصُ فِيهِ الأَبْصَارُ |
14-07-23, 05:20 PM | #23 |
صياد قديم
تاريخ التسجيل: Mar 2011
المدينه: القاهرة , شبرا مصر
المشاركات: 2,982
معدل تقييم المستوى: 235 |
رد: مشاريع قوميه
بسم الله الرحمن الرحيم مشروع رقم 7 الاكل البيتي مشروع عمل وجبات في المنزل وعمل قائمه بها وتوزيعها على المصانع والشركات القريبه ليك ولو عاوز تكلف المشروع ويكون بإحترافيه تشوف شقه ايجار وتكون صغيره وتكون دي المطبخ بتاعك وتجهزها وتعمل سجل تجاري وبطاقه ضريبيه وشهاده صحيه وتعمل القائمه بالوجبات والاسعار وتوزعها على كل كائن حي جنبك هههههههه بس اهم حاجه النظافه والامانه والمعامله الحسنه دول اساس النجاح والوجبات مثلا هتكون عباره عن رز وقطع كفته او فراخ وسلطه ومخلل وعيش او مكرونه بدل الرز او ممكن تعمل ساندوتشات ومعاها بطاطس وحاجه ساقعه ودا مجال مربح جدا وانا اشتغلت فيه قبل كده والزبون ديما عينه بتاكل الاول يعني شكل الاكل يكون نضيف والتغليف يكون ممتاز وربنا يوفق الجميع
__________________
وَلاَ تَحْسَبَنَّ اللّهَ غَافِلاً عَمَّا يَعْمَلُ الظَّالِمُونَ إِنَّمَا يُؤَخِّرُهُمْ لِيَوْمٍ تَشْخَصُ فِيهِ الأَبْصَارُ |
14-07-23, 05:32 PM | #24 |
صياد قديم
تاريخ التسجيل: Mar 2011
المدينه: القاهرة , شبرا مصر
المشاركات: 2,982
معدل تقييم المستوى: 235 |
رد: مشاريع قوميه
بسم الله الرحمن الرحيم
مشروع رقم 8 محل منظفات تصنيع جيمع انواع الصابون السائل ومعظم النظفات وتعبئتها وبيعها ويباع في المحل كل انواع المنظفات من مساحيق منظفه وصابون وادوات نظافه وكل دا من شارع الجيش في العتبه وتركيبة الصابون السائل بسيطه جدا وغير مكلفه وهنزلكم في نفس المشاركه دي طريقة تصنيع كل حاجه منهم زي الصابون والديتول والطهرات والحاجات دي وهنزلهلكم بالتفصيل وعلى فكره انا جربت فعلا الصابون السائل وكنت بصنعه للمطعم اللي كنت شغال فيه زمان
__________________
وَلاَ تَحْسَبَنَّ اللّهَ غَافِلاً عَمَّا يَعْمَلُ الظَّالِمُونَ إِنَّمَا يُؤَخِّرُهُمْ لِيَوْمٍ تَشْخَصُ فِيهِ الأَبْصَارُ |
14-07-23, 05:33 PM | #25 |
المشرف العام
تاريخ التسجيل: May 2013
المدينه: القاهره
المشاركات: 2,690
معدل تقييم المستوى: 353 |
رد: مشاريع قوميه
وعد يا مورو ان ربنا كرمني وتم تكليفي بتشكيل الحكومة الجديده اعمل حسابك في وزارة التخطيط
|
14-07-23, 05:35 PM | #26 |
صياد قديم
تاريخ التسجيل: Jun 2011
المدينه: اسكن اينما وجدت الحياه
المشاركات: 4,713
معدل تقييم المستوى: 430 |
رد: مشاريع قوميه
ابقه اعمل حسابى فى الماليه والاستثمار والصناعة والتجارة والتعاون الدولى
__________________
|
14-07-23, 05:38 PM | #27 |
صياد قديم
تاريخ التسجيل: Mar 2011
المدينه: القاهرة , شبرا مصر
المشاركات: 2,982
معدل تقييم المستوى: 235 |
رد: مشاريع قوميه
بسم الله الرحمن الرحيم
مشروع رقم 9 في مشروع جامد جدا جدا جد ومربح بطريقه رهيبه وربنا يبارك للي هيعمله هو مشروع تعبئه وتغليف لايحتاج الا لماكينة تعبئه وتغليف واكياس والمنتج بتاعك بيتم شراء كميات كبيره من الحبوب زي الرز مثلا وممكن السكر وفول تدميس ودقيق المشروع طبعا بيحتاج تراخيص ومكان واسع لتخزين النتجات قبل التعبئه وبعد التعبئه واما كن بيع الجمله منها ساحل روض الفرج وفي اماكن تانيه ولي صديق كان عامل المشروع هعرف التفاصيل منه بالظبط وانزلهلكم في المشاركه دي
__________________
وَلاَ تَحْسَبَنَّ اللّهَ غَافِلاً عَمَّا يَعْمَلُ الظَّالِمُونَ إِنَّمَا يُؤَخِّرُهُمْ لِيَوْمٍ تَشْخَصُ فِيهِ الأَبْصَارُ |
14-07-23, 05:39 PM | #28 |
صياد قديم
تاريخ التسجيل: Mar 2011
المدينه: القاهرة , شبرا مصر
المشاركات: 2,982
معدل تقييم المستوى: 235 |
رد: مشاريع قوميه
هههههههههههههه لا انا عاوز الدخليه ياعم وليد هههههههههههه ومعاها الزراعه الله يكرمك ههههههه
__________________
وَلاَ تَحْسَبَنَّ اللّهَ غَافِلاً عَمَّا يَعْمَلُ الظَّالِمُونَ إِنَّمَا يُؤَخِّرُهُمْ لِيَوْمٍ تَشْخَصُ فِيهِ الأَبْصَارُ |
14-07-23, 05:40 PM | #29 |
صياد قديم
تاريخ التسجيل: Mar 2011
المدينه: القاهرة , شبرا مصر
المشاركات: 2,982
معدل تقييم المستوى: 235 |
رد: مشاريع قوميه
كل دا امصري طب ماتمسك رئيس وزارء احسن ههههههههههههه
__________________
وَلاَ تَحْسَبَنَّ اللّهَ غَافِلاً عَمَّا يَعْمَلُ الظَّالِمُونَ إِنَّمَا يُؤَخِّرُهُمْ لِيَوْمٍ تَشْخَصُ فِيهِ الأَبْصَارُ |
14-07-23, 05:40 PM | #30 | |
المشرف العام
تاريخ التسجيل: May 2013
المدينه: القاهره
المشاركات: 2,690
معدل تقييم المستوى: 353 |
رد: مشاريع قوميه
اقتباس:
0000000000000000+++++++++++++++++++ |
|
14-07-23, 07:15 PM | #31 |
صياد قديم
تاريخ التسجيل: Mar 2011
المدينه: القاهرة , شبرا مصر
المشاركات: 2,982
معدل تقييم المستوى: 235 |
رد: مشاريع قوميه
ياعم هو انا طلبت حاجه حرام ههههههههههههه والله هظبطلك الدنيا
__________________
وَلاَ تَحْسَبَنَّ اللّهَ غَافِلاً عَمَّا يَعْمَلُ الظَّالِمُونَ إِنَّمَا يُؤَخِّرُهُمْ لِيَوْمٍ تَشْخَصُ فِيهِ الأَبْصَارُ |
14-07-23, 07:22 PM | #32 |
صياد قديم
تاريخ التسجيل: Mar 2011
المدينه: القاهرة , شبرا مصر
المشاركات: 2,982
معدل تقييم المستوى: 235 |
رد: مشاريع قوميه
بسم الله الرحمن الرحيم
مشروع رقم 10 دا مشروع الدمار الشامل بجد المشروع دا اللي يراعي ربنا فيه هيكسب دهب بإذن الله محل ملابس لو معاك رأس مال ومكان جامد هتفتح محل ملابس متكامل رجالي حريمي اطفال ولانجيري الخلاصه بقى بتطلع سيادتك على المصانع اللي في اكتوبر والعاشر والمكاتب اللي في الموسكي وتاخد منهم شغل بالجمله وكل ما تاخد شغل اكتر بينزلك في السعر وتعمل ديكور جامد للمكان وتعيش يامعلم ولو ميزانيتك محدوده ممكن تفتح حاجه واحده منهم ملابس رجالي مثلا تيشرتات وشورتات وبناطيل جينز وجبردين وكوتشيهات وكابات واحزمه وهكذا بجد مشروع محترم جدا
__________________
وَلاَ تَحْسَبَنَّ اللّهَ غَافِلاً عَمَّا يَعْمَلُ الظَّالِمُونَ إِنَّمَا يُؤَخِّرُهُمْ لِيَوْمٍ تَشْخَصُ فِيهِ الأَبْصَارُ |
14-07-23, 07:28 PM | #33 |
صياد قديم
تاريخ التسجيل: Mar 2011
المدينه: القاهرة , شبرا مصر
المشاركات: 2,982
معدل تقييم المستوى: 235 |
رد: مشاريع قوميه
بسم الله الرحمن الرحيم
مشروع رقم 11 محل ادوات رياضيه ويباع فيه كل ما يخص الرياضه من ملابس رياضيه وادوات رياضيه واجهزه رياضيه ومستلزمات صالات كمال اجسام واجهزة تخسيس المشروع دا ممكن البدايه فيه ب 30.000 الى 40.000 جنيه بضاعه
__________________
وَلاَ تَحْسَبَنَّ اللّهَ غَافِلاً عَمَّا يَعْمَلُ الظَّالِمُونَ إِنَّمَا يُؤَخِّرُهُمْ لِيَوْمٍ تَشْخَصُ فِيهِ الأَبْصَارُ |
14-07-23, 07:48 PM | #34 |
صياد قديم
تاريخ التسجيل: Mar 2011
المدينه: القاهرة , شبرا مصر
المشاركات: 2,982
معدل تقييم المستوى: 235 |
رد: مشاريع قوميه
بسم الله الرحمن الرحيم
مشروع رقم 12 محل طيور زينه واسماك زينه وحيوانات اليفه بإذن الله مكاسب رهيبه بس عاوز اللي يفهم فيه هتشتري كل حاجه من السيده عائشه سوق الجمعه بس اتعامل مع ناس تكون بتثق فيهم علشان تاخد منهم شغل نضيف اسماك زينه بكل انواعها وتفرغ عندك بعض الانواع واحواض سمك ومستلزماتها وعاصافير واقفصها ومستلزماتها حيوانات اليفه زي القطط والسلاحف والهامستر وكده وربنا يوفق الجميع
__________________
وَلاَ تَحْسَبَنَّ اللّهَ غَافِلاً عَمَّا يَعْمَلُ الظَّالِمُونَ إِنَّمَا يُؤَخِّرُهُمْ لِيَوْمٍ تَشْخَصُ فِيهِ الأَبْصَارُ |
14-07-23, 07:53 PM | #35 |
صياد قديم
تاريخ التسجيل: Jun 2011
المدينه: اسكن اينما وجدت الحياه
المشاركات: 4,713
معدل تقييم المستوى: 430 |
رد: مشاريع قوميه
المشروع الى مدش فكر فيه خالص هو مشروع محل ادوات صيد برى وبحرى ب25 ل30 الف ممكن تبقه صاحب محل وحموجود معانا كمان على المنتدى وتنافس التجار الى معانا على المنتدى وكمان تحس بالى هما حاسينه اليومين دول من وقف حال
__________________
|
14-07-23, 11:57 PM | #36 |
صياد قديم
تاريخ التسجيل: Mar 2011
المدينه: القاهرة , شبرا مصر
المشاركات: 2,982
معدل تقييم المستوى: 235 |
رد: مشاريع قوميه
فكرت فيه يامصري والله بس هيحتاج اكتر من كده بكتير علشان المسدسات الصوت والبنادق الرش
__________________
وَلاَ تَحْسَبَنَّ اللّهَ غَافِلاً عَمَّا يَعْمَلُ الظَّالِمُونَ إِنَّمَا يُؤَخِّرُهُمْ لِيَوْمٍ تَشْخَصُ فِيهِ الأَبْصَارُ |
14-07-24, 01:48 AM | #37 |
صياد قديم
تاريخ التسجيل: Feb 2013
المدينه: القاهرة
المشاركات: 1,133
معدل تقييم المستوى: 80 |
رد: مشاريع قوميه
+++++++++++++++++++++++++++++++++++++++++++++1 انا مش معاك فى المبلغ انا معاك فى كلمه تحس باحساس وقف الحال
|
14-07-24, 01:49 AM | #38 |
صياد قديم
تاريخ التسجيل: Jun 2011
المدينه: اسكن اينما وجدت الحياه
المشاركات: 4,713
معدل تقييم المستوى: 430 |
رد: مشاريع قوميه
خلينى ساكت ال25 الف دول يغرقوه دول يشغلوه فى حوالى 60 حته
__________________
|
14-07-24, 01:52 AM | #39 |
صياد قديم
تاريخ التسجيل: Feb 2013
المدينه: القاهرة
المشاركات: 1,133
معدل تقييم المستوى: 80 |
رد: مشاريع قوميه
طيب ما اسلفك 25 الف وتفتحلك محل فى ميت غمر تولع الدنيا بال 60 حته بتوعك دول
|
14-07-24, 01:55 AM | #40 | |
صياد قديم
تاريخ التسجيل: Jun 2011
المدينه: اسكن اينما وجدت الحياه
المشاركات: 4,713
معدل تقييم المستوى: 430 |
رد: مشاريع قوميه
اقتباس:
وبعدين الاهم من ده كله انتم لاقيين شغل فى القاهرة لما هنشتغل فى ميت غمر
__________________
التعديل الأخير تم بواسطة elmasrey123 ; 14-07-24 الساعة 01:58 AM |
|
14-07-24, 02:00 AM | #41 | |
صياد قديم
تاريخ التسجيل: Feb 2013
المدينه: القاهرة
المشاركات: 1,133
معدل تقييم المستوى: 80 |
رد: مشاريع قوميه
اقتباس:
|
|
14-07-24, 02:03 AM | #42 |
صياد قديم
تاريخ التسجيل: Jun 2011
المدينه: اسكن اينما وجدت الحياه
المشاركات: 4,713
معدل تقييم المستوى: 430 |
رد: مشاريع قوميه
هههههههههههههههههههههههههه والله ياصاحبى كل الى اقولهولك بعيد عن الضحك والهزار ده ربنا يفك الكرب ويوسع علينا وعليكم وعلى المسلمين اجمعين
__________________
|
14-07-24, 02:04 AM | #43 |
صياد قديم
تاريخ التسجيل: Mar 2011
المدينه: القاهرة , شبرا مصر
المشاركات: 2,982
معدل تقييم المستوى: 235 |
رد: مشاريع قوميه
+11111111111111111111
__________________
وَلاَ تَحْسَبَنَّ اللّهَ غَافِلاً عَمَّا يَعْمَلُ الظَّالِمُونَ إِنَّمَا يُؤَخِّرُهُمْ لِيَوْمٍ تَشْخَصُ فِيهِ الأَبْصَارُ |
14-07-24, 02:08 AM | #44 |
صياد قديم
تاريخ التسجيل: Mar 2011
المدينه: القاهرة , شبرا مصر
المشاركات: 2,982
معدل تقييم المستوى: 235 |
رد: مشاريع قوميه
في حاجات بتيجي برخص التراب فعلا يامصري وفي حاجات بتيجي غاليه ولازم البائع يزاكب السوق والله العظيم انا من فتره وقعت على مستورد من الموسكي وكان مدخل كميات رهيبه وهوا مالهوش فيها اساسا بس انا كنت غبي ساعتها
__________________
وَلاَ تَحْسَبَنَّ اللّهَ غَافِلاً عَمَّا يَعْمَلُ الظَّالِمُونَ إِنَّمَا يُؤَخِّرُهُمْ لِيَوْمٍ تَشْخَصُ فِيهِ الأَبْصَارُ |
14-07-24, 02:09 AM | #45 |
صياد قديم
تاريخ التسجيل: Mar 2011
المدينه: القاهرة , شبرا مصر
المشاركات: 2,982
معدل تقييم المستوى: 235 |
رد: مشاريع قوميه
طب ماتقولنا ياابو عمار على دراسة جدوى متوسطه كده للي عاوز يبدأ وتفيد الاعضاء بالمره
__________________
وَلاَ تَحْسَبَنَّ اللّهَ غَافِلاً عَمَّا يَعْمَلُ الظَّالِمُونَ إِنَّمَا يُؤَخِّرُهُمْ لِيَوْمٍ تَشْخَصُ فِيهِ الأَبْصَارُ |
14-07-24, 02:10 AM | #46 |
صياد قديم
تاريخ التسجيل: Jun 2011
المدينه: اسكن اينما وجدت الحياه
المشاركات: 4,713
معدل تقييم المستوى: 430 |
رد: مشاريع قوميه
ياحبيبى مشروع فاشل محدش عاد بيبيع ولا يشترى اسمع منى
__________________
|
14-07-24, 06:24 AM | #47 | |
صياد قديم
تاريخ التسجيل: Mar 2011
المدينه: القاهرة , شبرا مصر
المشاركات: 2,982
معدل تقييم المستوى: 235 |
رد: مشاريع قوميه
اقتباس:
طب ماتيجي نبتكر ونفتح مصنع ههههههههههههههههه
__________________
وَلاَ تَحْسَبَنَّ اللّهَ غَافِلاً عَمَّا يَعْمَلُ الظَّالِمُونَ إِنَّمَا يُؤَخِّرُهُمْ لِيَوْمٍ تَشْخَصُ فِيهِ الأَبْصَارُ |
|
14-07-24, 09:29 AM | #48 |
صياد قديم
تاريخ التسجيل: Feb 2013
المدينه: القاهرة
المشاركات: 1,133
معدل تقييم المستوى: 80 |
رد: مشاريع قوميه
هههههههههههههههههههههههههههههه مصنع . المشكله في المصانع ان صوت المكن بيتعب وداني
|
14-07-24, 04:00 PM | #49 |
مشرف الاقسام العامه&القسم الاسلامى
|
رد: مشاريع قوميه
احلي رجاله ردت علي الموضوع
وان شاء الله برضه في مشروع ال recycle واعاده تدوير البلاستيك ده مشروع مربح جدا بس عاوز رأس مال عالي شويه |
14-07-24, 04:51 PM | #50 |
صياد قديم
تاريخ التسجيل: Mar 2011
المدينه: القاهرة , شبرا مصر
المشاركات: 2,982
معدل تقييم المستوى: 235 |
رد: مشاريع قوميه
المشكله يا ابو عمار اني بصدع بسرعه ولو مش بصدع بسرعه كنت عملت المصنع ههههههههههههههههههههههه
__________________
وَلاَ تَحْسَبَنَّ اللّهَ غَافِلاً عَمَّا يَعْمَلُ الظَّالِمُونَ إِنَّمَا يُؤَخِّرُهُمْ لِيَوْمٍ تَشْخَصُ فِيهِ الأَبْصَارُ |
14-07-30, 01:43 AM | #51 |
صياد قديم
تاريخ التسجيل: Mar 2011
المدينه: القاهرة , شبرا مصر
المشاركات: 2,982
معدل تقييم المستوى: 235 |
رد: مشاريع قوميه
امصري ابقى حط دراسة الجدوى بتاعة المشروع الطباعه
__________________
وَلاَ تَحْسَبَنَّ اللّهَ غَافِلاً عَمَّا يَعْمَلُ الظَّالِمُونَ إِنَّمَا يُؤَخِّرُهُمْ لِيَوْمٍ تَشْخَصُ فِيهِ الأَبْصَارُ |
14-07-30, 03:26 AM | #52 |
صياد قديم
تاريخ التسجيل: Mar 2011
المدينه: القاهرة , شبرا مصر
المشاركات: 2,982
معدل تقييم المستوى: 235 |
رد: مشاريع قوميه
مشروع الطباعه بدور ع النت لاقيت الاعلان دا دلوقتى ممكن تعمل مشروع كبير بمبلغ بسيطنوفر لك ماكينة طباعة على الزجاج,السيراميك,الرخام,المج العادى,المج السحرى,الميدلية,الذهب الصينى,الكرستال,الخشب,التيشرتات القطن,التيشرتات البوليستر,الطرح,الملابس الحريمى,الشنط,الجلد,اليفط النحاس,اللوحات الارشادية وغيرها من المنتجات المجموعة عبارة عن 1 مكبس مج بوحدة كنترول منفصل 2 مكبس مسطح لطباعة كافة شئ كنترول منفصل 3 ماكينة طباعة مساحة 30*20سم 3 احبار اوريجنال تكفى طباعة 1000 تيشرت تقريبا 4 كورس تدريبى على الطباعة 5 ضمان شامل لمدة 12 شهر 5 اعلان على الصفحة لمدة شهر 6 دعم فنى دائم ( دعوة لحضور الندوات والمعارض الخاصة بالطباعة) 7 هدايا مجانية (مجات,تيشرتات,ورق طباعة) فقط 5,450 جنية للاستفسار يرجى الاتصال 01000043368 10 شارع ماهر بجوار مسجد العزيز بالله محطة مترو حدائق الزيتون من 5 مساء الى 10 مساء يوميا ماعدا الجمعة برنتا اكاديمى
__________________
وَلاَ تَحْسَبَنَّ اللّهَ غَافِلاً عَمَّا يَعْمَلُ الظَّالِمُونَ إِنَّمَا يُؤَخِّرُهُمْ لِيَوْمٍ تَشْخَصُ فِيهِ الأَبْصَارُ |
14-07-30, 04:53 AM | #53 | |
مشرف الاقسام العامه&القسم الاسلامى
|
رد: مشاريع قوميه
اقتباس:
في انتظار تفاعل الناس شكرا يا مورو |
|
14-07-30, 06:37 PM | #54 |
صياد قديم
تاريخ التسجيل: Mar 2011
المدينه: القاهرة , شبرا مصر
المشاركات: 2,982
معدل تقييم المستوى: 235 |
رد: مشاريع قوميه
ولا منطقه ولا حاجه انت بس تعمل ديزاين كويس وتسوق برا المكان
__________________
وَلاَ تَحْسَبَنَّ اللّهَ غَافِلاً عَمَّا يَعْمَلُ الظَّالِمُونَ إِنَّمَا يُؤَخِّرُهُمْ لِيَوْمٍ تَشْخَصُ فِيهِ الأَبْصَارُ |
14-07-30, 06:47 PM | #55 |
صياد قديم
تاريخ التسجيل: Jun 2011
المدينه: اسكن اينما وجدت الحياه
المشاركات: 4,713
معدل تقييم المستوى: 430 |
رد: مشاريع قوميه
لالالالالالالالالالالالالالالالا انسى شغل من على النت وعيش وجارى دراسة المشروع فى وتنفيذه فى اقرب فرصه
__________________
|
14-07-31, 01:41 AM | #56 |
صياد قديم
تاريخ التسجيل: Mar 2011
المدينه: القاهرة , شبرا مصر
المشاركات: 2,982
معدل تقييم المستوى: 235 |
رد: مشاريع قوميه
وانا كمان والله بفكر فيه من زمان وممكن اللي يعمل المشروع يعمل تي شرتات عليها رسومات وصور فرعونيه وتتباع في القاهره والغردقه وشرم
__________________
وَلاَ تَحْسَبَنَّ اللّهَ غَافِلاً عَمَّا يَعْمَلُ الظَّالِمُونَ إِنَّمَا يُؤَخِّرُهُمْ لِيَوْمٍ تَشْخَصُ فِيهِ الأَبْصَارُ |
14-07-31, 01:15 PM | #57 |
قنـــاص من الدرجه الاولى
|
رد: مشاريع قوميه
تقيم ثلاثى يا مورو
|
14-07-31, 04:02 PM | #58 |
صياد قديم
تاريخ التسجيل: Mar 2011
المدينه: القاهرة , شبرا مصر
المشاركات: 2,982
معدل تقييم المستوى: 235 |
رد: مشاريع قوميه
الله يكرمك يا اتش ان شاء الله الاعضاء تستفيد
__________________
وَلاَ تَحْسَبَنَّ اللّهَ غَافِلاً عَمَّا يَعْمَلُ الظَّالِمُونَ إِنَّمَا يُؤَخِّرُهُمْ لِيَوْمٍ تَشْخَصُ فِيهِ الأَبْصَارُ |
14-07-31, 08:38 PM | #59 |
مشرف الاقسام العامه&القسم الاسلامى
|
رد: مشاريع قوميه
بعد اذن الاداره طبعا
لو الموضوع جاب 500 مشاهده هيتم تثبيته لانه هيبقي موضوع مهم ان شاء الله وربنا يكرم الجميع |
14-08-01, 06:12 PM | #60 |
صياد قديم
تاريخ التسجيل: Mar 2011
المدينه: القاهرة , شبرا مصر
المشاركات: 2,982
معدل تقييم المستوى: 235 |
رد: مشاريع قوميه
مش مهم عدد المشاهدات المهم انه موضوع مفيد جدا للجميع وان شاء الله الاداره تثبته
__________________
وَلاَ تَحْسَبَنَّ اللّهَ غَافِلاً عَمَّا يَعْمَلُ الظَّالِمُونَ إِنَّمَا يُؤَخِّرُهُمْ لِيَوْمٍ تَشْخَصُ فِيهِ الأَبْصَارُ |
14-08-10, 02:39 PM | #61 |
مشرف الاقسام العامه&القسم الاسلامى
|
رد: مشاريع قوميه
يا جماعه فيه مشروع جه في دماغي كده
وقولت اعمله هو مشروع مزرعه وتربيه ديدان الارض انا المشروع مجهز كل حاجه فيه الا حاجه واحده بس اسمها البيتموس الي هيا التربه الي بتحط علي الديدان ياريت الي يعرف بيتباع فين يقولي انا محتاج بتاع 3 كيلو |
14-08-10, 04:42 PM | #62 | |
المشرف العام
تاريخ التسجيل: May 2013
المدينه: القاهره
المشاركات: 2,690
معدل تقييم المستوى: 353 |
رد: مشاريع قوميه
اقتباس:
وكل ما بنطلع طلعه مع بعض بنرجع بالباقي من الطعم ونحطه في الحوض بتاعه تاني وبعد فتره قصيره بنلاقي الكمية زادت |
|
14-08-10, 05:01 PM | #63 | |
مشرف الاقسام العامه&القسم الاسلامى
|
رد: مشاريع قوميه
اقتباس:
طب فيه نظرك انت يا استاذ وليد هو مشروع مربح ولا ايه وكمان اقدر احصد كل اد ايه وابيع اد ايه ؟؟ |
|
14-08-11, 01:33 AM | #64 | |
صياد قديم
تاريخ التسجيل: Mar 2011
المدينه: القاهرة , شبرا مصر
المشاركات: 2,982
معدل تقييم المستوى: 235 |
رد: مشاريع قوميه
اقتباس:
بالنسبه للبيتموس في اي مشتل زراعه الكيس في القاهره هنا تقريبا ب 5 جنيه مش فاكر تقريبا الكيس كيلو انا بجيب منه للزرع عندي بس هيحتاج ميه كتير ويكون المكان اللي هتزرع فيه الددود فيه اخرام من تحت علشان الميه الزياده علشان التربه ما تعفنش والدود يموت وعلى فكره مشروع مربح جدا وانا مجهزله مكان عندي في البيت وهبدأ فيه قريب ان شاء الله لأن الدود سعره غلي اوي عندنا في القاهره بقى اغلى من الجمبري ههههههههههه وربنا يوفقك
__________________
وَلاَ تَحْسَبَنَّ اللّهَ غَافِلاً عَمَّا يَعْمَلُ الظَّالِمُونَ إِنَّمَا يُؤَخِّرُهُمْ لِيَوْمٍ تَشْخَصُ فِيهِ الأَبْصَارُ |
|
14-08-11, 01:34 AM | #65 | |
صياد قديم
تاريخ التسجيل: Mar 2011
المدينه: القاهرة , شبرا مصر
المشاركات: 2,982
معدل تقييم المستوى: 235 |
رد: مشاريع قوميه
اقتباس:
__________________
وَلاَ تَحْسَبَنَّ اللّهَ غَافِلاً عَمَّا يَعْمَلُ الظَّالِمُونَ إِنَّمَا يُؤَخِّرُهُمْ لِيَوْمٍ تَشْخَصُ فِيهِ الأَبْصَارُ |
|
14-08-11, 11:58 AM | #66 | |
مشرف الاقسام العامه&القسم الاسلامى
|
رد: مشاريع قوميه
اقتباس:
ابدأ المشروع ده عن قريب |
|
14-08-11, 06:15 PM | #67 |
صياد قديم
تاريخ التسجيل: Mar 2011
المدينه: القاهرة , شبرا مصر
المشاركات: 2,982
معدل تقييم المستوى: 235 |
رد: مشاريع قوميه
ربنا يوفقك ان شاء الله
__________________
وَلاَ تَحْسَبَنَّ اللّهَ غَافِلاً عَمَّا يَعْمَلُ الظَّالِمُونَ إِنَّمَا يُؤَخِّرُهُمْ لِيَوْمٍ تَشْخَصُ فِيهِ الأَبْصَارُ |
14-08-21, 06:37 PM | #68 |
صياد قديم
تاريخ التسجيل: Mar 2011
المدينه: القاهرة , شبرا مصر
المشاركات: 2,982
معدل تقييم المستوى: 235 |
رد: مشاريع قوميه
في ياجماعه مشروع جامد جدا بس هو مكلف اوي مشروع رقم 13 جيم بس لازم يكون عندك مدرب كويس او انك تاخد كورسات في التدريب في الاتحاد المصري لكمال الاجسام والاجهزه شركات كتير بتبيعها مع ديكور محترم ومكان مستوى عالي مع بيع اجهزة تخسيس ومكملات غذائيه مع ملابس رياضيه وتبقى فل اوي
__________________
وَلاَ تَحْسَبَنَّ اللّهَ غَافِلاً عَمَّا يَعْمَلُ الظَّالِمُونَ إِنَّمَا يُؤَخِّرُهُمْ لِيَوْمٍ تَشْخَصُ فِيهِ الأَبْصَارُ |
14-09-07, 01:44 AM | #69 |
صياد قديم
تاريخ التسجيل: Mar 2011
المدينه: القاهرة , شبرا مصر
المشاركات: 2,982
معدل تقييم المستوى: 235 |
رد: مشاريع قوميه
انتوا فييييييييييييييييين مافيش حد عنده حاجه جديده ولا ايه
__________________
وَلاَ تَحْسَبَنَّ اللّهَ غَافِلاً عَمَّا يَعْمَلُ الظَّالِمُونَ إِنَّمَا يُؤَخِّرُهُمْ لِيَوْمٍ تَشْخَصُ فِيهِ الأَبْصَارُ |
14-09-07, 11:16 AM | #70 | |
مشرف الاقسام العامه&القسم الاسلامى
|
رد: مشاريع قوميه
اقتباس:
لانه اولا عاوز مكان حي في الناس كمان امكانيات المكن والالات كتير والاهم من دول عشان تجيب ناس يكون كابتن او اتنين بيدربوا صح وان شاء الله انا بفكر في مشروع واحاول اكتبه هنا |
|
sponsor links |
|
|